Noka ka udhëzuar nisjen e procesit të përditësimit të listave të anëtarësisë së Partisë Demokratike, si një kusht thelbësor për përgatitjen e Partisë Demokratike për proceset e saj organizative dhe elektorale.

Sipas tij qëllimi i këtij Udhëzimi është përshkrimi i rregullave dhe afateve të procesit të rëndësishëm të përditësimit të listës së anëtarësisë së Partisë Demokratike.

“Degët e Partisë Demokratike janë përgjegjëse për mbarëvatjen e këtij procesi, lista përfundimtare e anëtarësisë së çdo dege, miratohet me vendim të Kryesisë së Degës, në përfundim të këtij procesi, lista e anëtarësisë konsiderohet konfidenciale e cila ruhet dhe përditësohet si e tillë pranë çdo dege, kryetari dhe Sekretari i Degës kanë akses të përditshëm në këtë listë. Kryetari/Sekretari i grupseksionit dhe Kryetari/Sekretari i seksionit do të kenë akses përkatësisht në nivel grupseksioni dhe seksioni. Kryesia e Degës vendos rast pas rasti aksesin e anëtarëve të tjerë, sipas detyrave që Kryesia e Degës përcakton. Në përfundim të procesit, një kopje e kësaj liste dorëzohet pranë Sekretariati Organizativ të PDSH, në formë shkresore dhe elektronike”, thuhet në shkresë.

Pjesë nga shkresa udhëzuese:

Procedurat dhe përgjegjësitë:

Për të plotësuar detyrat e këtij Udhëzimi, ngrihet Grupi i Punës në çdo degë të Partisë Demokratike. Grupet e Punës monitorohen nga Drejtuesi Politik i Qarkut ku bën pjesë Dega;

Grupi i punës ka në përbërje të tij:
a. Anëtarët e Kryesisë së Degës si dhe drejtuesit e Grupseksioneve kur ata nuk janë pjesë e Kryesisë së Degës;
b. Deputetët e Qarkut;
c. Koordinatori i Posaçëm i Kryetarit të Partisë Demokratike;
d. Të tjerë, sipas përcaktimeve të pikës 4 më poshtë.

3. Pjesë e këtij procesi janë gjithashtu LDG dhe FRPD, nëpërmjet strukturave të tyre në nivel grupseksioni të degës. Angazhimi i tyre monitorohet edhe nga drejtuesit qendrorë të LDG dhe FRPD;

4. Me vendimin e Kryesisë së Degës, në grupin e punës mund të bëjnë pjesë edhe anëtarë të tjerë të strukturës së degës, të rëndësishëm për këtë proces;

5. Drejtuesi Politik është përgjegjës për ndjekjen e procesit dhe plotësimin e kërkesave të këtij Udhëzimi.

C. Afatet:
1. Brenda 5 (pesë) ditësh nga dalja e këtij Udhëzimi, Drejtuesi Politik zhvillon mbledhjen e Kryesisë së Degës, ku bëhen prezent procedura dhe afatet e vendosura në këtë Udhëzim, si dhe miratohet kalendari i punës;
2. Procesi saktësimit të anëtarësisë së degës përfundon brenda datës 20 shkurt 2026;
3. Drejtuesit Politikë raportojnë periodikisht pranë Sekretaritt ë Përgjithshëm të PDSH për ecurinë e procesit.

D. Metodologjia e punës:

Çdo Degë do të ketë në dispozicion, nga Sekretariati Organizativ Qendror, bazën e të dhënave të cilat do të dërgohen pranë degës, në korrespondencë elektronike, së bashku me sqarimet përkatëse, në fillim të këtij procesi;

Baza e të dhënave mbi të cilat do të punojë grupi i punës janë të dhënat e anëtarësisë të pasuruar me pjesëmarjen e anëtarësisë në proceset zgjedhore nga viti 2021 dhe përfshin gjithë proceset zgjedhore nga referendumi i 18 dhjetor 2021 deri më sot duke përjashtuar primaret simpatizantët;

Të gjithë emrat në bazën e të dhënave do të identifikohen, verifikohen dhe kontaktohen një për një nga Grupi i Punës. Procesi i kontaktimit do të ndihmojë në rifreskimin e të dhënave të anëtarit. Më pas anëtarët do të pajisen me kartën e anëtarësisë;

Në mbledhjen e Kryesisë do të bëhet ndarja e listave në nivel grupseksioni dhe seksioni duke shpërndarë listat sipas strukturës së degës;

Në çdo seksion do të bëhet analiza e listave dhe verifikimi i tyre për të konfirmuar anëtarësinë. Në përfundim të procesit, lista e seksionit firmoset në çdo faqe nga Kryetari/sekretari seksionit dhe i grupseksionit. Ky proces do të kryhet brenda një periudhe 10 ditore nga marrja e listave. Në se gjatë këtij procesi verifikohen anëtarësime të reja, këto anëtarësime kryhen normalisht. Emrat e anëtarëve të rinj evidentohen në të njëjtën kohë në një regjistër të veçantë, sepse ata janë subjekt i parashikimeve statutore neni 19/2(a), për arsye se nuk mund të ushtrojnë të drejtën e votës në procesin zgjedhor të radhës;

Gjatë këtij procesi grupi i punës do të japë informacion, atje ku është e mundur, për ata të cilët gjatë procesit të identifikimit dhe kontaktimit rezultojnë se:

a. Nuk banojnë më në territorin e degës, por janë zhvendosur në një territor tjetër brenda
Shqipërisë;
b. Janë larguar në emigracion jashtë Shqipërisë;
c. Nuk duan të angazhohen;
d. Nuk ka informacion për vendndodhjen e tyre;

Këto emra do t’i përcillen Sekretariatit Organizativ në një format tabelor, i vecantë nga regjistri i anëtarësisë së degës. Përbri çdo emri, sipas kategorisë së mësipërme, do të shënohet:

a. L” për ata që janë larguar në një territor tjeter, por brenda territorit shqiptar. Përbri shënohet edhe numri i telefonit nëse dega e disponon;

b. “LE” për ata individë që janë larguar në emigracion. Përbri shënohet edhe numri i telefonit nëse dega e disponon;

c. “NA” për ata individë që nuk duan të angazhohen. Përbri shënohet edhe numri i telefonit nëse dega e disponon;

d. “NI” për ata individë për të cilët nuk ka asnjë informacion;

9. Nëse në të dhënat historike të Degës, ka anëtarë emrat e të cilëve nuk figurojnë në bazën e të dhënave, ata konsiderohen momentalisht joaktivë/të fjetur. Këta individë kontaktohen dhe ftohen të plotësojnë formularin e anëtarësisë. Më pas ata fitojnë anëtarësinë sipas të PDSH.

10. Në përfundim të verifikimit në nivel seksioni dhe grupseseksioni përgatitet lista përfundimtare e cila miratohet me vendim nga Kryesia e degës. Vendimi me firmë dhe vulë nga Kryetari dhe Sekretari i degës do të përcillet pranë Sekretariatit Organizativ në qendër bashkë me listën e irmosur dhe vulosur në çdo faqe nga Kryetari dhe Sekretari i degës. Kopja elektronike do të dërgohet me email ne adresën: antaresia@pd.al

11. Për detyrat dhe përgjegjësitë e parashikuara në Kreun D (pikat 5, 6 dhe7) dhe Kreun E (të gjitha pikat) të këtij Udhëzimi, Grupi i Punës së Degës harton një relacion të veçantë, i cili miratohet me vendim të Kryesisë së Degës. Në çdo rast dhe vecanërisht për rastet që ky Udhëzim nuk mund t’i trajtojë në mënyrë shteruese, është përgjegjësia e Drejtuesit politik zgjidhja dhe trajtimi përfundimtar i tyre.

E. Trajtimi i rasteve specifike
1. Anëtarë të Partisë Demokratike janë të gjitha ata që plotësojnë detyrimet statutore sipas 19 dhe 22 të Statutit të Partisë Demokratike;

2.Do të konsiderohen anëtarë të degës të gjithë ata të cilët rezultojnë me banim ligjor dhe faktik në territorin e degës. Një individ nuk mund të jetë anëtar në më shumë se 1(një) degë. Në rastet kur anëtari është transferuar në territorin e një dege tjetër dhe është banor faktik i degës do të konsiderohet anëtar aty pasi të largohet nga dega ku ka regjistrin e gjendjes civile;

3.Do të konsiderohen anëtarë te degës të gjithë ata të cilët rezultojnë në emigracion sezonal. Kryesia e degës merr masa për rifreskimin e të dhënave të anëtarit menjëherë pas mbarimit të sezonit;

Sipas parashikimeve të nenit 23 të Statutit të PDSH, Rregullores së Brendshme të saj dhe Kodit të Etikës së Anëtarësisë neni X nuk do të konsiderohen anëtarë të Partisë Demokratike, ata të cilët:

a. Kanë punuar kundër interesave të Partisë Demokratike në fushatat zgjedhore, duke u angazhuar në forma të ndryshme pro kundërshtarëve tanë politikë;

b.Me qëndrimet e tyre publike dhe politike sipas nenit 24 të Statutit dhe nenit I, III, IV, V dhe X të Kodit të Etikës kanë vepruar kundër vijës politike të Partisë Demokratike, kanë bashkuar votat/qëndrimet me kundërshtarët tanë politikë për çështje shumë të rëndësishme në nivelin vendor apo qendror;

c.Janë pjesë e administratës së lartë të organeve ekzekutive dhe në këto pozicione janë shfaqur në fushtata zgjedhore krah drejtuesve politikë dhe ekzekutivë të kundërshtarëve tanë ose kanë mbështetur në rrjetet tyre sociale fushatat politike të subjekteve kundërshtare;

d.Me qëndrimet e tyre publike, kanë thyer rëndë disiplinën e partisë, Rregulloren Brendshme dhe Kodin e Sjelles së anëtarit të PDSH.

The post Zgjedhjet për kreun e partisë në prill, PD nxjerr udhëzimin për listën e anëtarësisë, ja detyrat e drejtuesve politikë në qarqe appeared first on Albeu.com.

Salianji është shprehur se “nuk ka asgjë të keqe që dikush të ketë ambicie për të kandiduar, pasi kjo e çon partinë përpara”, por theksoi se takimet e tij me demokratët nuk kanë këtë qëllim.

“Unë jam duke dëgjuar demokratët. Ku është këtu përçarja? Vijmë te elementi tjetër, nëse dikush do kishte ambicie për të kandiduar, ambicia çon përpara, ça problemi ka? Vetëm e shëndosh një parti, sepse e fut në konkurrencë”, tha ai i ftuar në Euronews Albania.

Ai shtoi se synimi i tij është që PD të jetë parti fituese dhe se nuk ka shpallur asnjë platformë për të qenë në krye të partisë.

“Kjo nuk duhet të quhet përçarje. Unë po kërkoj që PD të jetë parti fituese, duke vendosur disa parime. Ku po kërkoj unë ndonjë gjë? Kam shpallur unë ndonjë gjë? Kam shpallur ndonjë platformë se si do të jetë apo si e bëj unë? Unë jam duke dëgjuar demokratët. Ku është këtu përçarja?

Vijmë te elementi tjetër, nëse dikush do kishte ambicie për të kandiduar, ambicia çon përpara, ça problemi ka? Vetëm e shëndosh një parti, sepse e fut në konkurrencë. Parimi është ky, lista e PD-së ishte përfaqësuese apo jo?

U zbatua normat statutore që më të votuarit të jenë në listat e deputetëve? Marrëdhënien e kam me demokratët dhe mendimet e mia do të vazhdoj ti them, ato që janë bindjet e mia,” tha Salianji.

The post “A aspironi të jeni kryetar i PD-së?” – Salianji: Nëse dikush do kishte ambicie, ça problemi ka? appeared first on Albeu.com.

Berisha e ka shpallur vitin 2025 si vitin e Diasporës, për shkak se për herë të parë shqiptarët që jetojnë e punojnë jashtë vendit, do të vendosin për të ardhmen e Shqipërisë, duke votuar nga vendet ku janë.

Takimi do të zhvillohet në kuadër të turit të kryedemokratit Sali Berisha me emigrantët shqiptarë që jetojnë e punojnë në vende të ndryshme të Europës.

Takimi në Napoli vjen pas atyre të zhvilluara në Romë, Milano dhe Parma. Takimet me shqiptarët që jetojnë në Itali kanë pasur një pjesëmarrje shumë të madhe.

The post Kryetari i PD-së, Sali Berisha takohet sot me diasporën shqiptare në Napoli appeared first on Albeu.com.

Lajmin e ka bërë të ditur, anëtari i këshillit kombëtar të PD-së, Lisandër Hoxha.

“Sot përfunduam procesin e zgjedhjeve për Kryetar të PD, Dega 4. Pas një gare dinjitoze mes tre kandidatëve, kryetar u zgjodh Endrison Breçani.

Endrisoni, një i ri me energji dhe vizion, ka marrë mbështetjen e rreth 70% të votave të strukturës, duke dhënë një mesazh të qartë politik: të rinjtë motivojnë dhe frymëzojnë për të ndërtuar një të ardhme më të mirë!

Partia Demokratike, Dega 4, pas një procesi shembullor, del më e bashkuar, më e fortë dhe më e motivuar se kurrë më parë! Një falënderim i veçantë për garën pozitive që zhvilluan z. Valter Lilo dhe z. Ndue Marashi !

Të gjithë demokratët, së bashku me Sali Berishën, jemi të vendosur të rrëzojmë këtë narkoshtet që ka marrë peng vendin tonë! Është radha jonë për të bërë ndryshimin!”

The post Zgjidhet kryetari i ri i degës numër 4 të PD-së në Tiranë appeared first on Albeu.com.

Qyteti është shtëpia e komunitetit më të madh të sportistëve në Evropë.

Por tani, qyteti francez është “rrëmbyer” nga një skandal krejtësisht i ri, shkruan BBC. 

Bëhet fjalë për një fallxhore lokale dhe kryetarin e bashkisë së qytetit, Gilles d’Ettore, një ish-oficer i shërbimit sekret dhe oficer policie.

Të dy tani janë në burg ndërsa janë nën hetim gjyqësor. Fallxhorja, Sophia Martinez, akuzohet se ka përvetësuar para nga kryebashkiaku, ndërsa ai vetë akuzohet për korrupsion dhe shpenzimin e shumave të bollshme të parave të taksapaguesve për veten.

Zonja Martinez pretendonte se ishte në gjendje të fliste me të vdekurit.

Kur kryebashkiaku i kërkoi asaj që ta vinte në kontakt me babain e tij të ndjerë, ajo ia doli. Gjatë kryerjes së seancave, zëri i saj ndryshonte papritur dhe merrte tonin e babait të kryebashkiakut.

Gjatë katër viteve të fundit pretendohet se ajo ka manipuluar personalisht dhe me telefon kryetarin e bashkisë.

Ai mori mijëra thirrje misterioze nga “zërat” e të vdekurve, duke përfshirë engjëjt, disa prej tyre duke i kërkuar kryetarit të bashkisë që të ndihmonte fallxhoren.

Kryetari i bashkisë supozohet se ka paguar për pushime luksoze për zonjën Martinez dhe familjen e saj, duke përfshirë Polinezinë dhe Tajlandën, të gjitha duke përdorur fondet publike.

Thuhet se “zërat” e bindën atë të punësonte disa anëtarë të familjes së saj për të punuar për këshillin e qytetit dhe gjithashtu për të rinovuar shtëpinë e saj.

Bizneset vendase me lidhje me kryetarin e bashkisë e bënin punën falas nga frika se mos humbnin kontratat e ardhshme me të.

The post SKANDAL/ Pushime luksoze dhe paga të larta për fallxhoren, “të vdekurit” bindin kryetarin e bashkisë që t’ia financojë appeared first on Albeu.com.

Për këtë post kishtin hedhur kandidaturen edhe 2 te tjerë, Eduard Shefki, Administrator i myftinisë së Durrësit si dhe Emirjon Vathaj, Myfti i Beratit.

Bujar Spahiu mori 82 vota, Eduard Shefki 4 vota dhe Emirjon Vathaj po ashtu 4 vota. Kishte dhe 4 absenim.

Zoti Spahiu e ka mbajtur denjësisht këtë pozicion që prej vitin 2019 dhe fale zgjedhjeve të sotme , ai do vazhdoje të mbaj postin e kryetarit të një prej komuniteteve më të rëndesishme në vendin tonë edhe per 5 vite të tjera.

The post Nuk ka surpriza, Bujar Spahiu rizgjidhet në krye të KMSH appeared first on Albeu.com.

Në një njoftim për media të premten vonë, ZPS-ja tha se ai u arrestua sipas një urdhërarresti të lëshuar nga Prokurorja e Specializuar.

“Kilaj u arrestua për vepra penale kundër administrimit të drejtësisë, përfshirë pengimin e personave zyrtarë në kryerjen e detyrave zyrtare brenda kuptimit të nenit 401 të Kodit Penal të Kosovës… dhe shkeljen e sekretit të procedurave”, thuhet në njoftim.

ZPS-ja shtoi se ai është transferuar në objektin e paraburgimit të Dhomave të Specializuara të Kosovës në Hagë të Holandës dhe se do të dalë para gjykatësit të procedurës paraprake të Dhomave të Specializuara të Kosovës “pa vonesa të panevojshme”.

Arrestimi i tij vjen një ditë pasi ZPS-ja njoftoi të enjten se po kryente operacione në vazhdimësi në Kosovë në një proces hetimor që përqendrohet në vepra penale kundër pengimit të drejtësisë.

Kilaj e udhëhoqi Malishevën në dy mandate, nga 2007 deri më 2009 dhe nga 2009 deri më 2013.

Më 2015, Kuvendi i Kosovës ka miratuar Ligjin për Gjykatën Speciale, e cila funksionon me ligje të Kosovës, por në territorin e Holandës. Në këtë institucion punojnë prokurorë dhe gjykatës të huaj.

Dhomat e Specializuara dhe Zyra e Prokurorit të Specializuar hetojnë krimet e pretenduara të pjesëtarëve të Ushtrisë Çlirimtare të Kosovës, të kryera kundër pakicave etnike dhe rivalëve politikë që nga janari i vitit 1998 deri në dhjetor të vitit 2000.

Aktualisht, pranë Dhomave të Specializuara janë duke u zhvilluar disa raste gjyqësore, përfshirë edhe rasti ndaj ish-krerëve të UÇK-së – Hashim Thaçi, Kadri Veseli, Jakup Krasniqi dhe Rexhep Selimi – që akuzohen për krime lufte dhe krime kundër njerëzimit./REL

The post Akuzohet për pengim të drejtësisë, Specialja e Kosovës arreston ish-kryetarin e Komunës shqiptare (Emri) appeared first on Albeu.com.

Kryetari i Komisionit Shtetëror të Zgjedhjeve, Nikola Mugosha paraqiti në parlament raportin e rezultateve të zgjedhjeve të jashtëzakonshme parlamentare dhe lexoi emrat e deputetëve të përbërjes së re të parlamentit të Malit të Zi.

Megjithatë, zgjedhja e kryetarit u shty për një seancë të re të parlamentit pasi në shërbimin e parlamentit nuk u dorëzua asnjë propozim për kandidatin e mundshëm për kryetar. Kjo është pasojë e shpalljes me vonesë të rezultateve përfundimtare të zgjedhjeve për çka Lëvizja “Evropa Tani” dhe kandidati i mundshëm për kryeministër i Malit të Zi, Milojko Spajiç, nisi zyrtarisht të enjten më 20 korrik bisedimet për qeverinë e re, të cilat do vazhdojnë edhe ditëve në vijim.

Kryesia e Lëvizjes Europa Tani ka miratuar 10 parime për formimin e Qeverisë së 44-të të Malit të Zi, të cilat u janë dërguar partnerëve të mundshëm në qeverinë e ardhshme, përveç Partisë Demokratike Socialiste të ish presidentit Milo Gjukanoviq dhe Lëvizjes URA të kryeministrit në largim Dritan Abazoviq, të cilët Lëvizja Europa Tani nuk dëshiron që të jenë pjesë e qeverisë së re. Presidenti Jakov Milatoviç, ka thënë se të hënën në Cetinë do të fillojë konsultimet me përfaqësuesit e partive politike për kandidatin për kryeministër të ri të Malit të Zi.

“Kam 30 ditë për konsultim. Mendoj se do ta përfundoj zyrtarisht për rreth pesëmbëdhjetë ditë. Ka kohë të mjaftueshme për të arritur një marrëveshje”, u tha Milatoviç gazetarëve pas mbledhjes së parlamentit të Malit të Zi. Bashkimi Europian u ka bërë thirrje aktorëve politikë në Mal të Zi që të formojnë sa më shpejt parlamentin dhe qeverinë e re, ku siç thanë ata, “do të jenë në gjendje të nxisin reformat në lidhje me anëtarësimin në BE, sa më shpejt të jetë e mundur”.

Më 11 qershor në Mal të Zi u mbajtën zgjedhjet parlamentare, të cilat u vlerësuan si të lira dhe pa ndonjë parregullsi të theksuar nga vëzhguesit vendorë dhe ndërkombëtarë.

Lëvizja Europa Tani, e formuar vitin e kaluar, fitoi numrin më të madh të votave, 24 vende në parlament e ndjekur nga koalicioni i udhëhequr nga Partia Demokratike e Socialistëve, të ish-presidentit malazez Milo Gjukanoviç, partia e të cilit mbajti pushtetin mbi 30 vjet në Malin e Zi.

Mali i Zi konsiderohej si lider i rajonit në procesin e anëtarësimit në Bashkimin Europian dhe ka hapur të gjithë kapitujt në negociatat për anëtarësim. Megjithatë si pasojë e krizës politike dhe institucionale, nuk ka pasur asnjë konferencë ndërqeveritare që nga dhjetori 2021 për shkak të progresit të pamjaftueshëm në reformat e nevojshme për procesin e anëtarësimit. Sipas parashikimeve të Lëvizjes Europa Tani, qeveria e re duhet të ketë 22 ministri dhe departamente dhe katër nënkryetarë./VOA/

The post Konstituohet parlamenti i Malit të Zi, zgjedhja e kryetarit shtyhet për seancën e ardhshme appeared first on Albeu.com.

Sipas Gazment Bardhit, ngërçi i parë qëndron në faktin se anëtarësinë me të drejtë vote për kryetarin e partisë e cakton një grup pune i ngritur një ngritur nga kreu i degës. Ai argumenton në A2 se aktualisht në 71 degë që ka PD në mbarë vendin, vetëm 29 prej tyre kanë kryetar të zgjedhur, teksa të tjerat vetëm pika kontakti.

Pika e dytë në shkelje të statutit për Bardhin është edhe Komisioni Zgjedhor që do të organizojë procesin, pasi pjesa më e madhe e tij përmban emra që kanë kaluar në anën e Berishës. Për të ndryshuar komisionin, sipas sekretarit të përgjithshëm, duhet të mblidhet Këshilli Kombëtar, të cilin në fakt e thërret kryetari i partisë.

“Organizimi i një procesi zgjedhor për kryetarin e partisë, në procedurën që është miratuar nga Kryesia e Partisë, bie ndesh me statutin e Partisë Demokratike. Nëse do të ishte e mundur nga pikëpamja statutore nuk kam asnjë kundërshtim. Por që unë të organizoj një proces jo transparent dhe që çon në ndarje tjetër të partisë, nuk ka për të qenë qëndrimi i sekretarit të përgjithshëm të PD.

Së pari certifikimi i anëtarësisë sipas vendimit që ka marrë kryesia duhet të bëhet nga kryetari i degës dhe grupi i punës që ngre ai. Pra kryetari i një dege cakton dy ose 3 bashkëpunëtorë të cilët përcaktojnë nëse një anëtar e gëzon të drejtën e votës apo jo.

Së pari është një proces antistatutor sepse kush e gëzon të drejtën e votës e përcakton statuti i partisë dhe nëse një anëtar ka ndryshuar parti, pra që është dhe pretendimi që në këto momente ka lëvizje anëtarësie brenda PD, janë kryesitë e degëve ato që mblidhen për të marrë masa disiplinore. Ky nuk mund të jetë vullnet subjekti i një individi.

Në 71 degë të PD vetëm 29 prej tyre kanë kryetar të zgjedhur, 5 kanë kryetar të komanduar dhe pjesa tjetër ka pika kontakti të organizimit të partisë për fushatën dhe nuk mund të ushtrojnë detyrën e kryetarit të degës.

Arsyeja e dytë ka të bëjë me komisionin zgjedhor. Nëse ne ecim me komisionin që është në fuqi mund të shohim që pjesa më e madhe e tyre janë larguar nga Partia Demokratike zyrtare dhe janë rreshtuar krah Berishës. Nëse zbatohet sot statuti zgjedhjet do t’i menaxhojë një komision që kontrollohet nga Berisha. Përpara këtyre rrethanave procesi do të binde ndesh me statutin”, tha Gazment Bardhi.

The post Bardhi: Vendimi për të zgjedhur kryetarin në 29 korrik është antistatutor appeared first on Albeu.com.