Kryetari i PDK-së, Bedri Hamza, dhe deputetët e kësaj partie morën pjesë në protestën gjithëpopullore të organizuar në Prishtinë nga shoqatat e luftës, në mbështetje të Ushtrisë Çlirimtare të Kosovës.

Duke folur për gazetarët, Hamza e cilësoi të papranueshëm vendimin dënues të Gjykatës Speciale, duke pretenduar se ai nuk mbështetet në fakte dhe se ka karakter politik. Sipas tij, protesta nuk ishte kundër ndonjë personi, por shprehte përkrahje të plotë për Hashim Thaçin, Kadri Veselin, Jakup Krasniqin dhe Rexhep Selimin.

Hamza deklaroi se pjesëmarrësit kërkojnë drejtësi dhe kundërshtojnë atë që e konsiderojnë padrejtësi në procesin e zhvilluar në Gjykatën e Hagës. Ai tha se do të ndërmerren të gjitha hapat e nevojshëm demokratikë, përfshirë protestat dhe veprimet ligjore, ndërsa shprehu bindjen se këto masa do të konkretizohen sot në Kuvendin e Republikës së Kosovës.

The post Hamza: Sot në Kuvend pritet të konkretizojmë veprimet ligjore ndaj Speciales appeared first on Albeu.com.

Kreu i PDK-së, Bedri Hamza, ka folur para përfaqësuesve të mediave për situatën e krijuar pas vendimit të Gjykatës në Hagë.

Hamza bëri të ditur se PDK-ja ka diskutuar sot lidhur me vendimin e marrë dje. Sipas tij, vlerësimi i përgjithshëm është se ky vendim është i padrejtë, i paqëndrueshëm dhe nuk mbështetet në fakte, ndërsa dëmton historinë, të tashmen dhe të ardhmen e Kosovës.

Ai deklaroi se Gjykata e ka ndryshuar tërësisht drejtimin e saj krahasuar me atë që ishte votuar në Kuvend.

Hamza theksoi se PDK-ja do të ndërmarrë të gjitha përpjekjet e nevojshme për të ruajtur komunikimin, duke marrë parasysh ndjeshmërinë dhe seriozitetin e situatës, si dhe gjendjen në të cilën ndodhet vendi. Ai paralajmëroi se kjo situatë mund t’i krijojë mundësi Serbisë, të cilën e cilësoi si shtetin agresor që ka qenë në Kosovë, që në të ardhmen ta përdorë vendimin për ta dëmtuar Kosovën.

Kryetari i PDK-së tha se beson se do të takohet me të gjithë liderët e subjekteve politike, pasi, sipas tij, kjo nuk është më një çështje që i përket vetëm një partie politike.

The post Hamza pas dënimit të krerëve: Do të zhvilloj takime me të gjithë liderët politikë appeared first on Albeu.com.

Kryetari i PDK-së, Bedri Hamza, deklaroi sot se nuk përjashtohet asnjë veprim demokratik dhe ligjor lidhur me nisma të mundshme për zhbërjen e Gjykatës Speciale.

Ai e bëri këtë deklaratë kur u pyet nëse partia që drejton do të ndërmarrë ndonjë iniciativë për këtë çështje.

Një ditë pas aktgjykimit dënues të Speciales ndaj ish-krerëve të UÇK-së, Hamza thirri në takim kryesinë dhe grupin parlamentar për të shqyrtuar hapat e ardhshëm të partisë.

“Të gjitha veprimet demokratike dhe ligjore janë të mundshme”, u shpreh ai.

Hamza bëri të ditur se PDK-ja do ta analizojë me hollësi situatën e krijuar pas vendimit të Dhomave të Specializuara në Hagë ndaj ish-krerëve të Ushtrisë Çlirimtare të Kosovës.

“Ne do ta diskutojmë situatën në mënyrë të detajuar. Siç kemi thënë, të gjitha format demokratike dhe ligjore mbeten opsion. Diskutimet do të vazhdojnë dhe më pas do të përcaktohen qëndrimet zyrtare të Partisë Demokratike të Kosovës”, tha Hamza.

The post Hamza për reagimin e PDK-së ndaj Speciales: Në shqyrtim janë të gjitha format demokratike dhe ligjore appeared first on Albeu.com.

Sipas Hamzës, pjesë e kësaj bisede ka qenë edhe procesi gjyqësor në Dhomat e Specializuara në Hagë, si dhe pritja për shpalljen e aktgjykimit.

“Drejtësia mund të vonohet, por nuk duhet të tjetërsohet”, ka shkruar ai, duke theksuar bindjen se më 16 shtator “drejtësia do të vihet në vend” dhe se Thaçi, së bashku me bashkëluftëtarët e tij, do të kthehen të lirë në Kosovë.

Hamza ka bërë të ditur gjithashtu se gjatë komunikimit i ka përcjellë Thaçit përshëndetjet dhe mbështetjen e qytetarëve të Kosovës. Ai shtoi se edhe ish-presidenti ka kërkuar që përshëndetjet e tij t’u dërgohen të gjithë qytetarëve.

“Me qetësinë dhe besimin që e karakterizon, bisedën e përfunduam me shpresën se shumë shpejt do të shihemi në Kosovë”, ka shkruar Hamza.

Në fund të reagimit të tij, kreu i PDK-së e ka përsëritur mesazhin: “Dielli do të lindë përsëri! Për çlirimtarët, për historinë tonë të lavdishme dhe për Kosovën!”.

The post Hamza pas telefonatës me Thaçin: Më 16 shtator pritet që drejtësia të triumfojë appeared first on Albeu.com.