Kreu i Partisë Demokratike, Sali Berisha, reagoi sot ndaj deklaratave të presidentit ukrainas Volodymyr Zelensky, i cili nga Beogradi tha se Ukraina nuk e njeh pavarësinë e Kosovës sepse ajo u shpall në mënyrë të njëanshme. Berisha e cilësoi këtë qëndrim si të papranueshëm dhe shprehu keqardhje të thellë.

Në një deklaratë për mediat, ish-kryeministri theksoi se fjalët e Zelenskit bien ndesh haptazi me qëndrimet e Aleancës së Atlantikut të Veriut si dhe me planin e Ahtisarit, të cilin e ka miratuar Organizata e Kombeve të Bashkuara. Sipas tij, ato përplasen edhe me vendimet e vendeve kyçe anëtare të NATO-s.

Berisha vuri në dukje gjithashtu se deklarata shkel të drejtën dhe ligjin ndërkombëtar, interpretime këto të kërkuara nga vetë Beogradi pranë Gjykatës Ndërkombëtare të OKB-së, e cila tashmë ka konfirmuar legjitimitetin e pavarësisë së Kosovës. Ai shtoi se ky qëndrim është edhe historikisht i paqëndrueshëm.

Duke kujtuar lidhjet miqësore midis popujve, lideri demokrat theksoi se shqiptarët si në Shqipëri ashtu edhe në Kosovë kanë treguar solidaritet të plotë me luftën heroike të Ukrainës kundër agresionit brutal rus. Ndërsa, siç vërejti ai, Serbia ka shërbyer tradicionalisht si “Kali i Trojës” i Kremlinit në rajon, një “Rusi e vogël” që në mënyrë të pamohueshme funksionon si një prapavijë e fuqishme për Moskën në Ballkan.

Në këtë kontekst, Berisha gjykoi se qëndrimi i Zelenskit është tërësisht jashtë çdo logjike dhe jo në interes të vendit të tij. Si përfundim, Partia Demokratike e etiketoi deklaratën si krejtësisht të pavend, fatkeqe dhe të papranueshme, duke shtuar se ajo nuk duhej bërë kurrë në një vend si Beogradi dhe për një çështje si pavarësia e Kosovës.

The post Zelensky në Beograd, Berisha kritikon ashpër: Qëndrim i papranueshëm për Kosovën; i shërben Vuçiqit appeared first on Albeu.com.

Berisha po merr pjesë në Forumin Global te IX ne Baku.

Berisha shprehet se ky forum është një mundësi e veçantë për të shprehur qëndrimet e Partisë Demokratike për zhvillimet në vend, rajon dhe Europë!

“Pjesëmarrje ne Forumin Global te IX ne Baku, Azerbajxhan

Te dashur miq,

Ju pershendes nga Baku ku kam ardhur i ftuar nga bordi drejtues i Forumit Global te IX per te marre pjese ne punimet e ketij Forumi i cili kete vit ka si axhende: ‘Sfidat e rendit boteror’

Forumi organizohet nga Qendra Nderkombetare “Nizami Ganjavi”. Ne punimet e Forumit marrin pjese dhjetëra Presidente, kryeministra, ministra te jashtem dhe qindra personalitete politike nga Europa dhe te gjithe kontinentet e tjere.

Punimet e forumit i çeli Presidenti i Azerbajxhanit Ilham Alyiev.

Ky forum eshte nje mundesi e veçante per tu paraqitur miqve te mij, personaliteteve te pranishem, publikut, dhe mediave qendrimet e Partise Demokratike per zhvillimet ne vend, ne rajon dhe ne Europe”, shkruan Berisha./albeu.com/

The post I shpallur “non grata” nga SHBA, Berisha bën vizitën e parë jashtë vendit pasi u zgjodh në krye të PD-së (VIDEO) appeared first on Albeu.com.