Pas takimit me kryeministrin në detyrë, Albin Kurti, kryetari i Lidhjes Demokratike të Kosovës, Lumir Abdixhiku, deklaroi se LDK-ja do të marrë pjesë në përfaqësimin institucional dhe do të kontribuojë në zgjidhjen e krizës kushtetuese, si dhe në formimin e institucioneve.

Sipas Abdixhikut, biseda u përqendrua te kriteret dhe karakteristikat që duhet të ketë presidenti ose presidentja e ardhshme e Republikës së Kosovës. Ai bëri të ditur se palët arritën pajtim në parim rreth profilit të kreut të ardhshëm të shtetit.

Kreu i LDK-së theksoi se synimi nuk është zgjedhja e një presidenti partiak, por e një personaliteti të respektuar, i cili mishëron unitetin politik dhe e ushtron me dinjitet detyrën më të lartë shtetërore.

Abdixhiku tha se personi që do ta marrë këtë post duhet të ketë orientim pro-perëndimor, ta dojë dhe ta mbrojë Republikën, të ushtrojë demokracinë në mënyrën e duhur dhe të përfaqësojë unitetin politik, në përputhje me kërkesat e Kushtetutës së Kosovës.

Ai u shpreh i bindur se Kosova ka figura që i përmbushin këto kritere. Megjithatë, duke e cilësuar këtë si një çështje shumë të ndjeshme, Abdixhiku tha se është kërkuar kohë për diskutime të brendshme në subjektet përkatëse dhe për konsultime me shoqërinë, secili në mënyrën e vet, përpara se në takimet e ardhshme të paraqiten emra konkretë.

Sipas tij, fokusi i Lidhjes Demokratike të Kosovës mbetet brenda këtij kuadri. Mundësia lidhur me presidentin vazhdon të jetë e hapur, ndërsa për trajtimin e saj ka ende kohë.

Abdixhiku nënvizoi se diskutimet kanë të bëjnë vetëm me çështjen e presidentit dhe se LDK-ja nuk kërkon asgjë në këmbim. Ai tha se synimi i vetëm është garantimi i stabilitetit institucional, në mënyrë që Kosova të ketë qetësinë e nevojshme dhe të mundshme.

The post Abdixhiku pas takimit me Kurtin: Parimisht dakord për profilin e presidentit të ardhshëm appeared first on Albeu.com.

Në emisionin “Rubikon”, ai u shpreh se do të flasë me kujdes maksimal për ta ruajtur LDK-në, por edhe me vetëdijen më të madhe për ta “shpëtuar partinë”.

“Do të flas me kujdesin më të madh për të ruajtur LDK-në, por me vetëdijen më të lartë për ta shpëtuar partinë. Do të përpiqem t’i flasë anëtarësisë sonë që ta kuptojnë se çka po ndodh. E para duhet të them që këto janë reagime atipike për LDK-në. E paskeni vërejtur koordinimin. Fillimisht strukturat e partisë, kryesia qendrore, më pas kërkohet analiza e degëve për të degët fillimisht. Atipike për LDK-në. Atipike që komunikimi me partinë tënde të bëhet nëpërmjet rrjeteve sociale, që mbledhjen thirren pa marifet. Me mesazhe pa qartësi se çka po bëhet, dhe është jo korrekte për dikë që bashkëpunon me ty aq gjatë që nuk të vijnë me të ballafaqu në katër sy, sidoqoftë”.

Lidhur me kërkesat e Imri Ahmetit dhe Gazmend Muhaxherit për largimin e tij nga posti, Abdixhiku tha se ai i ka mbështetur edhe në raste kur, sipas tij, ata kanë bërë gabime të mëdha.

“Kam kuptuar çka keni kuptuar edhe ju, madje nuk kam ditur as që kanë pasur mbledhje. Është më korrekte dhe më njerëzore, nuk kam fjalë të këqija për ta. I kam mbrojtur kur kanë bërë gafa më të mëdha. Është dashur me i mbulu marret e tyre, kam hy në zjarr për ta. Kam bërë marrëveshje politike për ta, marrëveshje që nuk kanë dashur as t’i bëjnë publike. Për të pasur kujdes me ruajtë partinë, por duke dashur me shpëtu, ato reagimet e para mu duken bajate”.

The post Abdixhiku komenton Ahmetin dhe Muhaxherin, tregon qëndrimin për thirrjet ndaj dorëheqjes së tij appeared first on Albeu.com.