Kryetari i LDK-së, Lumir Abdixhiku, ka reaguar pas vendimit të Bekim Sejdiut për të hequr dorë nga kandidatura për president të Kosovës.

Abdixhiku e ka çmuar qëndrimin e Sejdiut gjatë këtij procesi, duke thënë se tërheqja e tij përballë asaj që e cilësoi si “histeri politike” tregon se ai do të ishte një kandidat i përshtatshëm për postin e presidentit.

“Bekim Sejdiu tregoi dinjitet. Tërheqja e tij, përballë histerisë politike, dëshmon pikërisht pse një njeri me karakterin e tillë, do të ishte zgjedhja e duhur për President”, ka shkruar Abdixhiku.

Kreu i LDK-së ka shprehur keqardhje për faktin që Kosova vazhdon të jetë pa president. Sipas tij, mungesa e një marrëveshjeje politike e ka lënë vendin në kaos, bllokadë institucionale dhe drejt zgjedhjeve të reja.

“Keqardhje që sot nuk kemi President. Që në vend të një zgjidhjeje kemi kaosin politik, bllokadën si mjet dhe zgjedhjet e reja, edhe një herë, si qëllim”, ka deklaruar ai.

Abdixhiku ka kritikuar edhe sulmet e drejtuara ndaj Sejdiut, duke vlerësuar se ai u vu në shënjestër në mënyrë të padrejtë dhe se përpjekjet për ta dëmtuar figurën e tij nuk kishin të bënin realisht me të.

“Keqardhje edhe për Bekimin, që padrejtësisht u bë shënjestër e sulmeve të paprecedenta për mbytjen e karakterit të tij. Përbaltja e tij kishte të bënte më së paku me të”, ka shkruar lideri i LDK-së.

Sipas tij, urrejtja dhe inati personal janë shndërruar në mjete më të fuqishme se përgjegjësia ndaj vendit. Abdixhiku ka theksuar se në politikën e sotme duket më e rëndësishme t’i shkaktohet dëm kundërshtarit sesa të mbrohet interesi institucional.

“Urrejtja si mjet dhe inati personal si karakteristikë e pashpjegueshme e politikanëve të sotëm, janë bërë më të forta se përgjegjësia ndaj vendit. E rëndësishme t’i bëjmë dëm tjetrit”, ka deklaruar ai.

Ai ka shprehur gjithashtu shqetësimin se Kosova po i largon njerëzit e mirë, duke nënvizuar se vendi ka nevojë për ta, por shpesh i refuzon lehtësisht.

Situatën aktuale politike në Kosovë, Abdixhiku e ka cilësuar si “PISA politike”, duke kritikuar bllokimet, ngecjen, sulmet personale dhe mundësinë që vendi të përfundojë sërish në zgjedhje, edhe pas proceseve të ardhshme zgjedhore.

“Kjo është PISA politike e Kosovës. Me rëndësi t’i rrënojmë çdo përpjekje normale sot! Bllokohemi, ngecim, urrejmë, mbysim karaktere dhe përfundojmë sërish në zgjedhje. Edhe pas tyre, në të tjerat”, ka shkruar Abdixhiku.

Në përmbyllje të reagimit, kryetari i LDK-së e ka falënderuar Sejdiun për gatishmërinë dhe dinjitetin e treguar vazhdimisht, duke i cilësuar këto virtyte si vlerë në klimën e sotme politike.

“Të faleminderit Bekim për gadishmërinë dhe dinjitetin e treguar në vazhdimësi. Në kohë të politikës së sotme, këto virtyte janë vlerë”, përfundon reagimi i Abdixhikut.

The post Abdixhiku vlerëson tërheqjen e Sejdiut: Dëshmoi dinjitet përballë histerisë politike appeared first on Albeu.com.

Lumir Abdixhiku, lideri i Lidhjes Demokratike të Kosovës, u bëri thirrje deputetëve dhe zyrtarëve që kundërshtojnë marrëveshjen për postin e presidentit, duke theksuar se qëndrimi i tyre rrezikon të dëmtojë rëndë partinë dhe të forcojë ndjeshëm pozitat politike të Albin Kurtit.

Abdixhiku kërkoi që pakënaqësitë personale ndaj tij të mos kthehen në vendime që, sipas tij, do ta dëmtonin rëndë LDK-në dhe do ta çonin vendin në një proces të ri zgjedhor pa një strategji të qartë për formimin e institucioneve.

Sipas kryetarit të LDK-së, nëse kundërshtohet kandidatura e Bekim Sejdiut dhe procesi dështon, kjo do t’i hapte rrugë Lëvizjes Vetëvendosje të zgjerojë mbështetjen, ndërsa LDK-ja do të pësonte një dobësim të theksuar.

Ai u bëri thirrje kundërshtarëve të tij brenda partisë që të mos ndikohen nga Baton Haxhiu dhe Berat Buzhala, për të cilët pretendoi se kanë dhënë më parë këshilla të dëmshme për subjekte dhe politikanë të ndryshëm.

Abdixhiku theksoi se LDK-ja nuk duhet të hyjë në një tjetër cikël zgjedhor pa një zgjidhje konkrete për krizën institucionale, pasi edhe pas zgjedhjeve, partitë do të detyroheshin të negociojnë me subjektin që siguron numrin më të madh të votave.

Ai përsëriti se nuk synon ndonjë pozitë personale dhe se qëllimi i tij ka qenë arritja e një zgjidhjeje për presidentin, ndërsa LDK-ja të mbetet në opozitë dhe të punojë për konsolidimin e saj.

The post Abdixhiku paralajmëron kundërshtarët brenda LDK-së: Veprimet tuaja po dëmtojnë partinë dhe po forcojnë Kurtin appeared first on Albeu.com.

Kryetari i LDK-së, Lumir Abdixhiku, deklaroi se brenda grupit parlamentar nuk është arritur konsensus për kandidaturën e Bekim Sejdiut për President. Sipas tij, gjashtë deputetë kanë bërë të ditur se nuk do ta mbështesin atë në votim.

Abdixhiku i përmendi me emër Avdullah Hoti, Hykmete Bajrami, Armend Zemaj, Kujtim Shala, Arben Gashi dhe Janina Ymeri si deputetët që, sipas tij, kanë vendosur të mos e respektojnë vendimin e kryesisë së LDK-së.

Pas takimit me grupin parlamentar, ai paralajmëroi se ndaj deputetëve do të ketë masa disiplinore, ndërsa theksoi se në këtë fazë shqetësimi i tij kryesor lidhet me pasojat që kjo situatë mund të ketë për Kosovën. “Nuk duhet të brengosem tani për natyrën disiplinore brenda LDK-së, sepse ajo do të vijë. Më shumë jam i brengosur për pasojat për Kosovën”, tha Abdixhiku.

Kreu i LDK-së kërkoi falje nga qytetarët e Kosovës dhe tha se nuk kishte mundur të bënte më shumë për shkak të ndarjeve brenda grupit parlamentar. “Kërkoj falje për popullin e Kosovës, kaq munda, nuk munda më tepër, jo me këtë grup parlamentar, me këtë ndarje, me këtë përçarje. U mundova të jap një njeri të dinjitetshëm, kundrejt një partie që kishte synime absolute”, u shpreh ai.

Abdixhiku shtoi se ditën kur do të votohet Presidenti do të jetë në sallë bashkë me 12 deputetë.

The post Abdixhiku zbulon gjashtë deputetët që nuk do ta votojnë Sejdiun dhe paralajmëron masa appeared first on Albeu.com.

Kreu i Lidhjes Demokratike të Kosovës, Lumir Abdixhiku, deklaroi më 01.09.2026, në orën 18:35, se gjashtë deputetë të partisë së tij nuk do ta mbështesin me votë Bekim Sejdiun për president.

Ai tha me keqardhje se Avdullah Hoti, Hykmete Bajrami, Armend Zemaj, Kujtim Shala, Arben Gashi dhe Janina Ymeri kanë vendosur të mos e zbatojnë vendimin e kryesisë së LDK-së.

Pas takimit me grupin parlamentar, Abdixhiku bëri të ditur më 01.09.2026, në orën 18:34, se ndaj gjashtë deputetëve që u pozicionuan kundër kandidaturës së Sejdiut do të ketë pasoja.

Kur u pyet se çfarë masash do të ndërmerren, ai u përgjigj se çështja disiplinore brenda LDK-së do të trajtohet më vonë, ndërsa në këtë fazë shqetësimi i tij më i madh lidhet me pasojat për Kosovën.

Abdixhiku foli gjithashtu për ndarjen dhe përçarjen në grupin parlamentar, duke thënë se kishte bërë gjithçka që mundej dhe duke i kërkuar falje popullit të Kosovës. Sipas tij, me këtë grup parlamentar nuk kishte mundur të bënte më shumë, ndonëse ishte përpjekur të propozonte një njeri të dinjitetshëm përballë një partie me synime absolute.

Kryetari i LDK-së konfirmoi se, së bashku me 12 deputetë, do të jetë i pranishëm në sallën e Kuvendit ditën kur të zhvillohet votimi për presidentin.

The post Abdixhiku: Gjashtë deputetë të LDK-së kundërshtojnë Bekim Sejdiun për president appeared first on Albeu.com.

Deputeti Zemaj ka zbuluar detaje nga planifikimi i atentatit ndaj kryetarit të kësaj partie dhe tre deputetëve

“Është ngritur shqetësim i madh për të gjithë. Kemi marrë mijëra mesazhe. Ne duhet te besojmë në organet tona pavarësisht të kaluarës së hidhur. Nuk është mirë që dëgjojmë këso lajmesh, por shpresojmë qe organet do ti trajtonë këto informacione me kujdes te vecantë. Na është konfirmu për tentim atentat. Deri më tani këto janë që i dimë edhe ne. Më shumë është Policia por edhe partnerët tjerë nderkombëtare që kanë marrë këtë informacion dhe janë në kontakt me kryetarin Abdixhiku e koleget tjerë, shpresojmë ti identifikojnë.. në momentin kur është njoftu Policia e Kosovës gjithçka është në duart e tyre. Ne jemi zyrtarë e përfaqësues të qytetarëve. Duhet të presim ata se çka na ofrojnë e çka do të hetojnë të kësaj mendësie të ulët para këtij planifikimi që të eliminojnë. Gjithcka ka qenë në koordinim me Policinë. Brenda 24 orëve ka dalë si informacion dhe u bë publike në këtë fazë të hershme. Motivet janë politike nga ajo që është thënë..”, tha ai në Kanal 10.

Përmes burimeve, Gazeta Express ka raportuar për planifikimin e një atentati ndaj kryetarit të LDK-së Lumir Abdixhiku dhe disa deputetëve të partisë. Këto informacione, gjatë ditës së sotshme, kanë shkuar sot në adresë të partisë nga shërbimet partnere.

Policia e Kosovës tashmë ka konfirmuar se është duke e trajtuar rastin.

Zyra për Informim e Policisë së Kosovës ka njoftuar se drejtoria kompetente ka ndërmarrë të gjitha veprimet e nevojshme.

“Policia e Kosovës, në këtë rast drejtoria kompetente e PK-së, ka ndërmarr të gjitha veprimet e nevojshme policore lidhur me rastin/kanosjen në fjalë”, thuhet në këtë njoftim.

“Të gjitha veprimet e mëtejme policore do të ndërmerren në bashkëpunim dhe koordinim me organet e drejtësisë”, thuhet tutje.

Shërbimet partnere të Kosovës kanë arritur deri të një informacion se një grup tashmë i identifikuar po planifikon atentat ndaj Kryetarit të Lidhjes Demokratike të Kosovës, Lumir Abdixhikut dhe disa deputetëve të partisë më të vjetër në vend.

Burime të Gazetës Express, kanë treguar se këto informacione janë konsideruar jashtëzakonisht të besueshme dhe krerët e LDK’së kanë vendosur t’i njoftojnë organet e rendit.

Shërbimet partnere të Kosovës kanë arritur deri të një informacion se një grup tashmë i identifikuar po planifikon atentat ndaj Kryetarit të Lidhjes Demokratike të Kosovës, Lumir Abdixhikut dhe disa deputetëve të partisë më të vjetër në vend.

Burime të Gazetës Express, kanë treguar se këto informacione janë konsideruar jashtëzakonisht të besueshme dhe krerët e LDK’së kanë vendosur t’i njoftojnë organet e rendit.

Një prej deputetëve, emri i të cilit përmendet si cak i atentatit të mundshëm, para 30 minutave ka deponuar informacionet në një stacion të policisë në Prishtinë.

“Njëri nga deputetet, i cili është cak i atentatit të mundshëm, e ku bën pjesë edhe Kryetari Abdixhiku, kanë deponuar krejt informatat që disponojmë në Policinë e Kosovës”, tha burimi i Gazetës Express.

“Dëshmia është dhënë para 30 minutave”, shtoi ai.

“Ne besojmë se Policia duhet ta trajtojë me serioizitet këtë rast, meqë informatat dhe shërbimet partnere të Kosovës që kanë arritur deri tek informacionet për atentat ndaj krerëve të LDK’së, janë jashtëzakonisht serioze”, shtoi zyrtari i LDK’së, që foli në kushte anonimiteti për Gazetën Express të mërkurën mbrëma.

Gazeta Express nuk ka arritur ta konformojë ende nga organet zyrtare këtë informacion, por ajo që është konfirmuar edhe nga burime tjerë është se informatat për planifikimin e vrasjes së Kryetarit të LDK’së dhe disa deputetëve të partisë së tij, kanë ardhur të mërkurën pasdite, ndërkohë që tashmë është identifikuar grupi. Megjithatë, mbeten mister qëllimet e tyre. /GazetaExpress

The post Plani për atentat ndaj kryetarit dhe deputetëve të LDK-së, çfarë ndodhi dje në Kosovë? appeared first on Albeu.com.