Kryetari i GUXO-s, Faton Peci, u ka bërë apel partive politike që të arrijnë një marrëveshje për zgjedhjen e presidentit. Ai deklaroi se vendi ndodhet në orët e fundit, ndaj të gjithë duhet të angazhohen, të reflektojnë dhe t’i japin përparësi arsyes, në vend të rivaliteteve dhe inateve të panevojshme.

Peci tha se partitë duhet ta kenë të qartë se një proces i ri zgjedhor nuk do ta ndryshonte raportin politik mes tyre.

“Duhet ta dimë të gjithë se, nëse shkojmë në zgjedhje, konstanta është Albini, ndërsa ju, LDK, PDK e AAK, jeni variablat.

Po ashtu, të gjithë e dimë se edhe nëse shkojmë në zgjedhje, pas tyre duhet përsëri të ulemi dhe të bisedojmë.

Por duhet ta dini se edhe në tryezat pas zgjedhjeve, sërish konstanta është Albini, ndërsa ju, LDK, PDK e AAK, jeni variablat”, ka thënë Peci.

The post Peci u bën thirrje partive për marrëveshje: Në zgjedhje, Albini është konstanta, ndërsa ju jeni variablat appeared first on Albeu.com.