Institucionet e përkohshme të vetëqeverisjes në Kosovë u krijuan në vitin 2001. Prej atëherë, në krye të Kuvendit kanë qenë tetë figura politike, të shpërndara në 10 legjislatura.

Mandati i parë i drejtimit të legjislativit i takoi Nexhat Dacit. Ai u zgjodh kryetar si deputet i LDK-së pas zgjedhjeve të para parlamentare dhe qëndroi në këtë detyrë nga viti 2001 deri më 2006. Megjithatë, mandatin e dytë nuk e përmbylli, pasi në këtë post u zëvendësua nga bashkëpartiaku i tij, Kolë Berisha.

Berisha e udhëhoqi Kuvendin deri në përfundimin e legjislaturës së dytë, në nëntor të vitit 2007.

Pas tij, drejtimin e Kuvendit e mori Jakup Krasniqi i PDK-së. Ai shërbeu në këtë funksion për dy mandate, deri në fund të vitit 2014. Në kohën kur Krasniqi ishte kryetar, më 17 shkurt 2008, Kuvendi miratoi Deklaratën e Pavarësisë së Republikës së Kosovës.

Pas zgjedhjeve të vitit 2014, kriza politike u zgjidh me zgjedhjen e Kadri Veselit, po nga PDK-ja, në postin e kryetarit të Kuvendit. Veseli e ushtroi detyrën në dy mandate, të dyja të ndërprera në mes, deri në mbylljen e legjislaturës së 6, në vitin 2019.

Në dhjetor të po atij viti, Kuvendi zgjodhi në krye Glauk Konjufcën e Vetëvendosjes. Ai qëndroi vetëm disa javë në këtë pozitë dhe në shkurt 2020 dha dorëheqje, pasi u emërua zëvendëskryeministër në Qeverinë Kurti 1. Ky zhvillim erdhi si pjesë e marrëveshjes për ndarjen e pushtetit ndërmjet VV-së dhe LDK-së.

Pas largimit të Konjufcës, kryetare e Kuvendit u bë Vjosa Osmani. Ajo e mbajti këtë post deri në mars të vitit 2021, kur u zgjodh presidente e Republikës së Kosovës si kandidate e nominuar nga partia e Albin Kurtit.

Legjislatura përkatëse u ndërpre para përfundimit, pasi Kuvendi u shpërbë pas “shkarkimit” kushtetues të Avdullah Hotit nga detyra e kryeministrit.

Me formimin e Legjislaturës së 8-të, deputetët e shumicës ia dhanë edhe një herë drejtimin e Kuvendit Glauk Konjufcës. Ai e mbajti detyrën deri në përfundim të kësaj legjislature.

Në Legjislaturën e 9-të, posti i kryetarit kaloi te Dimal Basha. Zgjedhja e tij erdhi pas një ngërçi të gjatë, gjatë të cilit kandidatja e parë e Vetëvendosjes, Albulena Haxhiu, nuk arriti të siguronte votat e nevojshme, pavarësisht më shumë se 50 tentimeve.

Haxhiu u zgjodh përfundimisht kryetare në legjislaturën e re, të 10-tën. Kjo legjislaturë zgjati vetëm disa muaj, pasi Kosova shkoi në zgjedhje të jashtëzakonshme, për shkak të pamundësisë për zgjedhjen e presidentit të shtetit.

Emri i kryetarit ose kryetares së re të Kuvendit pritej të përcaktohej këtë të enjte, gjatë seancës konstituive. Por Albin Kurti, kryetari i partisë fituese, Vetëvendosjes, kërkoi pezullimin e procedurës deri në arritjen e një marrëveshjeje për zgjedhjen e presidentit.

Nëse drejtimi i Kuvendit i besohet sërish një përfaqësuesi të VV-së, kjo parti do të ketë numrin më të madh të kryeparlamentarëve: tre ose katër, në varësi të faktit nëse Albulena Haxhiu do të vazhdojë apo jo në këtë funksion. Dy emrat e tjerë të VV-së janë Glauk Konjufca dhe Dimal Basha.

Në këtë numërim nuk përfshihet Avni Dehari, i cili si deputeti më i vjetër ka drejtuar për disa muaj punimet e Kuvendit gjatë Legjislaturës së 9-të, në cilësinë e “kryesuesit”.

LDK renditet e dyta për nga numri i kryetarëve të Kuvendit, me Nexhat Dacin, Kolë Berishën dhe Vjosa Osmanin.

PDK-ja ka pasur dy kryetarë të Kuvendit dhe gjithsej katër mandate në këtë post: dy mandate për Jakup Krasniqin dhe dy për Kadri Veselin.

The post Nga Nexhat Daci te Albulena Haxhiu: kush e ka udhëhequr Kuvendin e Kosovës që nga viti 2001? appeared first on Albeu.com.

Elbert Krasniqi nuk mban më postin e kryetarit të IRDK-së.

Drejtimin e partisë e ka marrë Fridon Lala, i cili u zgjodh kryetar i ri gjatë Kuvendit të organizuar nga IRDK-ja.

Krasniqi ia ka kaluar detyrën Lalës, pas shërbimit të tij si ministër në tri qeveritë e fundit të udhëhequra nga Albin Kurti.

The post Fridon Lala merr drejtimin e IRDK-së, pason Elbert Krasniqin appeared first on Albeu.com.

Fati i lidershipit në Lidhjen Demokratike të Kosovës pritet të vendoset në një Kuvend të jashtëzakonshëm, por ende nuk është komunikuar se kur do të mblidhet ky takim me peshë për partinë dhe spektrin politik. Pas lëvizjes së delegatëve që mblodhën firmat e duhura për të thirrur Kuvendin, debatet mbi orientimin e ardhshëm janë ndezur brenda radhëve të LDK-së.

KosovaPress ka kërkuar sqarime nga hierarkia e LDK-së mbi kohën e thirrjes së Kuvendit dhe veprimet në vijim, por të paktën 5 zyrtarë të lartë nuk kanë pranuar të përgjigjen.

Megjithatë, zërat që kërkojnë rikonceptim të drejtimit pas rezultatit zgjedhor të 7 qershorit nuk po i ndalin jehonat e tyre.

Shqipe Pantina, delegate në Kuvendin e LDK-së, shprehet për KosovaPress se subjekti ka nevojë për një udhëheqje të re dhe një linjë tjetër politike, në mënyrë që të rikthehet si forcë e parë në vend.

Sipas saj, nevoja për këtë Kuvend ka lindur pikërisht nga dështimi i kryetarit aktual, Lumir Abdixhiku, për të reflektuar dhe marrë përsipër pasojat e votimeve të fundit.

Pantina: Partisë i duhet ndërrim i kreut

“Çfarëdo vendimi që do të merret, jam e bindur se duhet respektuar nga të gjitha hallkat e LDK-së. Mendoj se Lidhjes i nevojitet një tjetër lidership dhe strategji për t’u bërë sërish parti qeverisëse… Nëse ky nuk është çasti, atëherë kur do të ishte? Ky moment buron nga zgjedhjet e fundit, njëlloj si në dhjetor kur patëm një situatë të ngjashme dhe z. Abdixhiku dha dorëheqjen. Por tani, ajo që i shtyu delegatët të firmosnin ishte fakti që z. Abdixhiku nuk tregoi gatishmëri për reflektim dhe nuk mbajti përgjegjësi për rezultatin e dobët,” u shpreh ajo.

Ndërkohë, Niq Krasniqi, ish-kandidat për deputet nga radhët e diasporës, thekson se dorëzimi i nënshkrimeve e detyron statutarisht mbajtjen e Kuvendit.

Ai ka bërë thirrje që procesi të udhëhiqet nga fryma e bashkëpunimit, duke theksuar se mbledhja duhet të prodhojë domosdoshmërisht një zgjidhje për lidershipin, ose duke i dhënë mbështetje sërish Abdixhikut ose duke sjellë një emër të ri në krye.

Krasniqi: Kuvendi të mblidhet pa vonesë, dialogu të dominojë

“Vetë akti i nënshkrimeve dhe depozitimi i tyre sipas rregullave të LDK-së e bën të pashmangshëm Kuvendin. Kjo është vullnet i anëtarëve dhe votuesve që ata përfaqësojnë. Tani duhet një epilog dhe Kuvendi duhet të realizohet… Kultura e dialogut duhet të jetë shtylla e këtij Kuvendi. Sa i përket zgjidhjes finale, ky kuvend s’duhet të mbyllet pa emëruar një kryetar, qoftë ky rithirrje besimi për Abdixhikun ose zgjedhje e një drejtuesi të ri,” theksoi Krasniqi.

Ata që kundërshtojnë qëndrimin e Abdixhikut në post po sugjerojnë alternativa të tjera. Shqipe Pantina veçoi nënkryetarin Lutfi Haziri, të cilin e konsideron figurën e duhur për të drejtuar LDK-në në këtë etapë dhe për të bashkuar strukturat e copëtuara të partisë.

Pantina: Haziri mund ta udhëheqë LDK-në në këtë fazë

“Në LDK ka personalitete që mund ta marrin drejtimin dhe të unifikojnë grupet e fragmentizuara, duke punuar si ekip… Në kushtet tona aktuale, Lutfi Haziri do të ishte zgjedhja e përshtatshme për të udhëhequr deri në zgjedhjet e ardhshme, e më pas gara të jetë e lirë,” theksoi ajo.

Kërkesa për rivlerësim të besimit ndaj kryetarit të LDK-së, Lumir Abdixhiku, erdhi si pasojë e pakënaqësisë brenda partisë për rezultatin e dobët në zgjedhjet e 7 qershorit.

Para këtij hapi procedural, disa zëra brenda Lidhjes patën kërkuar largimin vullnetar të Abdixhikut, por ai e refuzoi këtë opsion, duke e quajtur të palejueshme dhe duke i ftuar dy iniciatorët e kësaj lëvizjeje, Gazmend Muhaxheri dhe Imri Ahmeti, të largohen nga LDK.

Në votimet e fundit, Lidhja Demokratike mori 16.69 për qind të votave, duke u përkthyer në 18 mandate në Kuvend.

Sipas rregullores së brendshme të partisë, firmat e një të tretës së delegatëve nuk shkaktojnë shkarkimin e menjëhershëm të kryetarit, por detyrojnë fillimin e procedurës për shqyrtimin e besimit ndaj tij.

Kuvendi i LDK-së përbëhet nga gjithsej 355 delegatë, të dalë nga votimet në degët lokale, duke përfshirë edhe vetë kryetarin aktual, Lumir Abdixhiku.

Kujtojmë se në janar të këtij viti, ai ia doli t’i mbijetonte një procesi të ngjashëm votëbesimi, i cili ishte thirrur pas rezultatit zhgënjyes në zgjedhjet e 28 dhjetorit, kur LDK-ja ra në rreth 13.5 për qind të mbështetjes kombëtare.

The post Pa afat për Kuvendin “kundër Abdixhikut”, Haziri shihet si zgjidhje për kreun e LDK-së appeared first on Albeu.com.

Në Kongresin e nëntë zgjedhor të Bashkimit të Sindikatave të Pavarura të Kosovës, i organizuar me theks te forcimi i dialogut social dhe mbrojtja e të drejtave të punëtorëve, Atdhe Hykolli u rizgjodh kryetar i BSPK-së edhe për një mandat tjetër.

Në këtë kongres morën pjesë përfaqësues të institucioneve vendore, si edhe përfaqësues të sindikatave nga rajoni dhe Evropa, të cilët vunë në pah peshën që ka dialogu social, respektimi i të drejtave të punëtorëve dhe roli i sindikatave në zhvillimin ekonomik dhe demokratik të vendit.

Atdhe Hykolli do të vazhdojë ta udhëheqë edhe për një mandat Bashkimin e Sindikatave të Pavarura të Kosovës.

“Na pret marrëveshja e përgjithshme kolektive që është shumë e rëndësishme, na presin edhe shumë punë të tjera që i kemi në arenën ndërkombëtare sepse na tash jemi pjesë e Këshillit ekonomiko-social evropian i cili është shumë i rëndësishëm sepse Kosova mund ta fitoj statusin edhe me përkrahjen e BSPK-së. Ne këtë vend e dojmë e duhet të punojmë po fillimisht duhet të bëjmë një dialog social shumë të sinqertë në Kosovë e pastaj të vazhdojmë me rrugët tjera që i kemi”, tha ai.

Në punimet e kongresit të nëntë zgjedhor ishin të pranishëm edhe përfaqësues të sindikatave të tjera nga vendi dhe rajoni.

“Dialogu që na forcon ka rëndësi thelbësore. Dialogu ndërmjet sindikatave dhe punëdhënësve është me rëndësi themelore, sepse mundëson arritjen e kompromiseve që përfitojnë e gjithë ekonomia dhe shoqëria. Për këtë, shtetet e BE-së e kanë përfshirë dialogun social në Traktatin e BE-së 30 vjet më parë“, theksoi Peter Scherrer, përfaqësues i Konfederatës Evropiane të Sindikatave-Bruksel.

“Forca e një kombi nuk matet vetëm me ushtrinë e tij as me ekonominë, forca e një kombi matet me mënyrën se si i trajtojmë punëtorët dhe qytetarët e vet, kur respektohet puna, kur mbrohet punëtori, forcohet shteti, kur dëgjohet zëri i sindikatave forcohet demokracia dhe kur shqiptarët bashkohen për drejtësi sociale nuk ka sfidë që nuk kapërcehet”, pohoi Kolë Nikollaj, president i Konfederatës së Sindikatave të Shqipërisë.

Kryeministri në detyrë Albin Kurti, ndërkaq, premtoi politika qeveritare të orientuara drejt krijimit të një tregu pune më dinjitoz për të gjithë.

“Shteti ynë po kalon një fazë të rëndësishme të konsolidimit ekonomik dhe institucional dhe në këtë proces punëtorët mbeten shtylla kryesore e zhvillimit të vendit, prandaj politikat tona janë të orientuara drejt ndërtimit të një tregu pune më të drejt dhe më dinjitoz për të gjithë”, tha ai.

Gjatë zhvillimit të kongresit, delegatët trajtuan raportin financiar, zhvillimet në fushën e dialogut social, si dhe çështjen e mbrojtjes së të drejtave të punëtorëve.

The post Atdhe Hykolli merr sërish drejtimin e BSPK-së appeared first on Albeu.com.

Ai bëri të ditur se viktimat janë Xhemajl Mustafaj dhe i biri, Hasani, nga fshati Maznik.

“Me pikëllim të thellë mora lajmin për ndarjen tragjike nga jeta të Xhemajl Mustafajt dhe birit të tij, Hasanit, nga fshati Maznik.

Në emrin tim dhe të Komunës së Deçanit, i shpreh ngushëllimet më të sinqerta familjes Mustafaj, të afërmve dhe gjithë banorëve të Maznikut”.

“Në këto çaste të rënda, ndajmë dhimbjen me ju dhe lutemi që të gjeni forcë për ta përballuar këtë humbje të madhe. I përjetshëm qoftë kujtimi për Xhemajl dhe Hasan Mustafaj”, shkroi Ramosaj.

The post Kryetari i Deçanit zbulon identitetin e babë e bir që vdiqën tragjikisht në Maznik appeared first on Albeu.com.

“Më vjen keq ku është katandisur PD. Nuk e di pse Berisha thotë bëj zgjedhje, është farsë e turpshme. Përgëzoj zonjën që ka marrë kurajën dhe nxjerr fytyrën aty. Në një vend ku janë kapur molotovë, dyer të blinduara, janë përleshur për vulën, çfarë kuptimi ka të bëhet kjo komplet qesharake? Nëse do të ishte në garë Salianji, do ti jepte një lloj serioziteti edhe pse jemi të bindur se nuk e fitonte. Mendoj se brenda PD ka plot asete që mund të bëhen bashkë dhe ta hapin atë parti. Në të kundërt është parti e vdekur. Nëse ka një fajtor për gjendjen e PD, quhet Sali Berisha. Një parti nuk mbahet për interesa personale.

Për sa kohë Berisha e ka kthyer partinë në vegël për interesat e veta personale, është e kot të diskutosh për garë.

Nuk e paragjykoj Meremen, por nuk besoj se do të shkojë një anëtar i PD dhe do të votojë zonjën. Kjo është e gjitha e turpshme. Duhet të ketë kritikë të fortë ndaj Berishës. Të marrë fund njëherë e përgjithmonë, nëse nuk hapet është e destinuar të vdesë.

The post Doktor Berisha përballë doktoreshë Meremes, Klodiana Lala: Më vjen keq ku është katandisur PD! appeared first on Albeu.com.

Ndërkohë po nga Gjykata e Lartë, anëtar zëvendësues u zgjodh Valbona Çekrezi.

Nga Gjykata Kushtetuese anëtarë të përhershëm të KED u zgjodhën, Fjona Papajorgji dhe Marjana Semini, ndërsa Genti Ibrahimi anëtar zëvendësues.

Nga Prokuroria e Përgjithshme u zgjodh anëtar i KED, Alfred Progonati, ndërsa anëtar zëvendësues Anila Leka.

Kandidatët nga Gjykata Kushtetuese:

1. Marsida Xhaferllari

2. Fjona Papajorgji

3. Sonila Bejtja

4. Sander Beci

5. Ilir Toska

6. Gent Ibrahimi

7. Marjana Semini

8. Asim Vokshi

Kandidatët nga Gjykata e Lartë:

1-Sokol Sadushi

2-Ilir Panda

3-Ervin Pupe

4-Sander Simoni

5-Sokol Binaj

6-Albana Boksi

7-Medi Bici

8-Artur Kalaja

9-Arbena Ahmeti

10-Gentian Media

11-Valbon Çekrezi

12-Sokol Ngresi

13-Margarita Buhali

14-Enton Dhimitri

15-Enkelejda Metalia

16-Vojsava Kola

Nga Prokuroria e Përgjithshme:

1-Alfred Progonati

2-Alma Muça

3-Anila Leka

4-Arqilea Koça

5-Bujar Sheshi

6-Hysen Keta

7-Isa Jata

8-Kostaq Beluri

9-Olsian Çela

Anëtarët e zgjedhur të Këshillit të Emërimeve në Drejtësi e ushtrojnë detyrën më kohë të pjesshme, pa u shkëputur nga funksionet e tyre të zakonshme, për një mandat njëvjeçar, që fillon në datën një janar të çdo viti kalendarik.

Këshilli i Emërimeve në Drejtësi është organ i ri kushtetues, kolegjial, i cili është krijuar me hyrjen në fuqi të ndryshimeve në Kushtetutën e Republikës së Shqipërisë, të ndodhura me miratimin në vitin 2016 të paketës legjislative të reformës në drejtësi.

The post Këshilli i Emërimeve në Drejtësi/ Hidhet shorti në Presidencë, zgjidhen anëtarët e përhershëm dhe zëvendësues (EMRAT) appeared first on Albeu.com.

Pëllumbi është gjyqtari që la në masa arrest në burg Erion Veliaj në apelin e GJKKO.

NJOFTIM PËR MEDIAT

Shoqata Kombëtare e Gjyqtarëve të Republikës së Shqipërisë, e mbledhur ditën e premte, më datë 31.10.2025, mori disa vendime të rëndësishme ne vijim të funksionimit të saj.

Asambleja e Përgjithshme e Anëtarëve të Shoqatës, pas konsultimeve, me votë unanime mori vendimet e mëposhtme:

1. Z. Engert Pëllumbi u zgjodh Kryetar i Shoqatës;

2. Z. Ardit Kuka u zgjodh Nënkryetar i Shoqatës;

3. Znj. Valjona Haxhiraj u zgjodh Sekretare e Shoqatës;

4. Anëtarë të Këshillit Drejtues të Shoqatës (duke përfshirë Kryetarin dhe Nënkryetarin e saj) u zgjodhën gjyqtarët Engert Pëllumbi, Ardit Kuka, Ina Hoxhaj, Manjola Xhaxho, Ervin Sulaj, Fatri Islamaj, Erjon Bani, Elsa Ulliri dhe Albert Keraj;

5. U vendos pranimi i 14 (katërmbëdhjetë) anëtarëve të rinj në Shoqatë si dhe u bënë disa ndryshime në Statutin e saj.

The post Engert Pëllumbi zgjidhet kryetar i Shoqatës Kombëtare të Gjyqtarëve appeared first on Albeu.com.

Peleshi ishte sugjerimi i kryesocialistit Edi Rama për të marrë këtë detyrë. Propozimi u hodh në votim të fshehtë në seancën e sotme plenare, ku ia doli të grumbulloi 84 vota pro. 87 deputetë morën pjesë në votim.
Opozita, që ishte kundër emrit të Peleshit për drejtimin e Kuvendit, bojkotoi votimin dhe në vend të fletës së votës, hodhi në kuti pankarta kundër qeverisë ‘Rama 4’.

The post Niko Peleshi, kreu i ri i Kuvendit të Shqipërisë, merr 84 vota pro! Mazhoranca duartroket, opozita proteston appeared first on Albeu.com.

Propozimin e Bashës e bëri deputetja dhe ministrja në detyrë e Arsimit, Arbërie Nagavci.

Pas propozimit, kryesuesi i seancës e hodhi në votim këtë propozim.

Basha mori 73 vota për, kundër ishin 30 dhe 3 kanë abstenuar.

Avni Dehari konstatoi se Kuvendi zgjodhi për kryetar të këtij institucuoni, deputetin Dimal Basha.

Ishte hera e dytë që emri i Bashës u propozua për kryeparlamentar. Në përgjithësi ishte emri i pestë i propozuar nga Lëvizja Vetëvendosje

The post Dimal Basha zgjedhet kryetar i Kuvendit, mori vota edhe nga PDK appeared first on Albeu.com.