Ai u pyet nga analisti Baton Haxhiu, lidhur me kandidimit për Bashkinë e Tiranë. Shehaj e la këtë mundësi të hapur dhe shtoi se projekti politik që ka nisur ka qëllime afatgjata.

Pjesë nga biseda:

Baton Haxhiu: Përcaktimi i pavarësimit është një guxim dhe kush merr guximin për të bërë parti, e kanë një qëllim dhe realisht e kanë synimin e vet. Guximi është brenda saj, dije, infrastrukturë, lekë, gjithë ato që ke përjetuar. Tani bën një betejë me një koncept, me një parti. Përcaktimi i pavarësimit është gjëja më e rëndësishme te njeriu pastaj te koncepti.
Kur ke dalë nga PD, ke patur disa çështje rrugës, më së pari krijimin e besimit, ke dalë në një fazë kur PD ishte në shkapërdredhje… Ajo faza e krijimit të luajalitetit, ngritja e infrastrukturës, arritja deri në periferi. Beteja ka qenë në kryeqytet, ose në Durrës, Elbasan, Tiranë plus Vlora. Hyrja në Parlament është mbi këto karakteristika, tash është betejë tjetër. Kjo do një diskurs dhe betejë pa kompromis. Ku është vija e kuqe e kompromiseve për shtetin dhe ku është për Partinë Socialiste. Ku mbaron lufta kundër PS dhe kur fillon e drejta për ti shërbyer shtetit edhe me PS?

Agron Shehaj: Betejat që kam bërë në Parlament kanë patur qëllim vetëm interesin publik. Kufiri i kornizës për të cilin kam vepruar ka qenë interesi publik. Kjo mbetet vija e kuqe për mua. Edhe kur ka qenë kundër interesit tim e kam bërë betejën për interesin publik. Kam bërë beteja me ministra dhe kryeministrin. Janë interpretuar si beteja personale, por nuk kanë qenë të tilla, kanë qenë në favor dhe interes të publikut. Brenda kësaj kornize do të veproj. E kam të qartë.

Baton Haxhiu: A jeni në gjendje të konkuroni vetë në një betejë për Tiranën? Kur them këtë, ç’ka mund, meqenëse e djathta që është në opozitë nuk do të rritet por do të shkërmoqet, ju keni një hambar të votave, edhe të papërcaktuar, edhe të djathtë, cila është beteja jote e ardhme politike, duke përfshirë diskursin në Parlament dhe beteja në kryeqytet?

Agron Shehaj: Sa i përket betejës për Tiranën, ëhtë herët, nuk e kemi diskutuar ende këtë, është vendim që merret brenda strukturave. Kjo duhet diskutuar brenda strukturave, do të ishte mungesë respekti nëse unë jam një mendim që pastaj interpretohet si vendim. Por, edhe kjo, pavarësisht vendimit, është një vendim i rëndësishëm, por në i qëndrojmë vizionit tonë për një projekt politik afatgjatë. Opozita në Parlament që do të bëjmë si dy deputetë.

Baton Haxhiu: 40 e ca mijë njerëz janë shumë.

Agron Shehaj: Ata që nuk kishin besim se do ia dilnim, është e pamohueshme, që ne si forcë politike kemi patur rezultat të jashtëzakonshëm, sidomos në Tiranë, në qendër të Tiranës, degët 5, 7 dhe 10, rezultat thuajse 8%. Është inkurajues dhe na bën të mendojmë se vizioni ynë përqafohet nga një pjesë e mirë e shoqërisë, edhe nga pjesa më e zhvilluar. Duhet të vazhdojmë të punojmë në të njëjtën mënyrë, të vetëdijshëm që na pret një rrugëtim i gjatë.

Baton Haxhiu: Përparësia jote si lider i ri është në dy pika, dy liderët e partive të mëdha janë në shkuarje e sipër. Momenti i parë është përparësia juaj për një garë të ardhshme. Prandaj thashë ç’do të bësh. Pse humbe mandatin e tretë? Në të gjithë sondazhet e ke patur mandatin e tretë. Ku i keni patur defektet?

Agron Shehaj: Ku mund ta kemi humbur? Ju e dini shumë mirë, të parashikosh në sondazhe forcat e reja është gjëja më e vështirë, sepse votuesi ndikohet në momentin e fundit.

The post “PD po shkërmoqet, ç’do të bësh ti?/ Agron Shehaj nuk përjashton kandidimin për Bashkinë e Tiranës appeared first on Albeu.com.

Këlliçi: Thelbi nuk është tek Erion Veliaj si individ, është tek filozofia e Edi Ramës dhe e Rilindjes pas vitit 2013 që ka nga një Erion Veliaj në çdo zonë.

Në çdo komunë apo ish komunë apo në çdo bashki të Shqipërisë. ‘5D’ në thelb, kryevepra e Erion Veliajt në bashkinë e Tiranës, mënyra më e sofistikuar që ai kishte gjetur për të vjedhur paratë e qytetarëve të Tiranës me drejtorët e tij është një skemë që po ta shihni është e shpërndarë edhe në institucione të tjera, edhe në ministrinë e Infrastrukturës edhe nëpër ministri të tjera, por është e shpërndarë edhe nëpër ish-komuna.

Unë vij nga zona e Vaqarrit ku ka një Erion tjetër por që në atë rast quhet Gentian Myrto.

Një bandit elektoral por jo vetëm, një hajdut I tokave të qytetarëve dhe banorëve të zonës së Vaqarrit i cili ka goditur për vite me radhë të gjithë qytetarët që nuk kanë votuar PS apo që kanë qenë mbështetës të PD.

E njëjta gjë ndodh në zona të tjera të Tiranës ku kam përmendur shpesh herë Arben Malokun, një prej banditëve më të mëdhenj elektoral që ka sot ende Tirana.

Adriatik Kupi një person tjetër në zonën e Bërzhitës, Baldushkut. Administratori I Lundrës, hajdut elektoral.

Makineria e cila ka blerë dhjetëra mijëra vota në Tiranë që është bashkia e Tiranës sot nuk funksionon ashtu siç ishte më parë.

Edhe pse Rama ka dhënë garancinë e tij të plotë që është ai tashmë kryetar i bashkisë së Tiranës dhe që është ai që i del garant punonjësve të bashkisë për të vijuar për të vjedhur votat.

Në thelb po, Veliaj sot nuk është në fushatë. Veliaj nga sot de facto e de jure është banor i qarkut të Durrësit.

Është votues në qarkun e Durrësit.

Automatikisht do duhej të kishtë pasuar një dorëheqje apo një shkarkim i Veliajt nga kryeministri.

Bazuar edhe në ligjin e Republikës së Shqipërisë, një kryetar bashkie që humbet banimin e përhershëm në zonën ku ai drejton bashkinë nuk mund të jetë më kreu i asaj bashkie.

Dhe sot Veliaj është banor i Durrësit dhe voton në burgun e Durrësit.

The post Belind Këlliçi: Veliaj tani është banor i Durrësit, sipas ligjit dhe Kushtetutës s’mund të jetë më kryetar i Bashkisë Tiranë appeared first on Albeu.com.

Omar Menéndez, 41 vjeç, u qëllua për vdekje nga persona të armatosur që hynë në dhomën ku ai ishte me punonjësit e fushatës të shtunën. Në sulm u vra edhe një adoleshent. Policia po heton ende për motivin e mundshëm të kësaj ngjarjeje.

Një anëtar i partisë së Menéndez pritet të zëvendësojë politikanin e vrarë si kryetar bashkie. Zgjedhjet komunale u mbajtën gjatë një vale të përshkallëzuar krimi të lidhur me ndikimin në rritje të bandave të dhunshme të drogës në Ekuador.

Menéndez nuk ishte i vetmi politikan që u vra në prag të zgjedhjeve. Dy javë më parë, u qëllua për vdekje edhe kandidati për kryetar bashkie i qytetit bregdetar të Salinas, Julio César Farachio.

Policia ka arrestuar një të dyshuar për vrasjen e Farachios, i cili e kishte kërcënuar më parë kandidatin 45-vjeçar. I dyshuari ishte liruar së fundi nga burgu pasi kishte vuajtur dënimin për trafik droge.

Asnjë arrestim nuk është bërë deri më tani për të shtënat fatale të Omar Menéndez, sulmuesit e të cilit u larguan me një motoçikletë. Presidenti Guillermo Lasso dënoi vrasjet.

Numri i vrasjeve në Ekuador është rritur në mënyrë të dukshme me praninë e shtuar të bandave të trafikut të drogës që veprojnë në këtë shtet./Albeu.com/

The post Kryetari i bashkisë në Ekuador vritet para hapjes së kutive, fiton zgjedhjet në qytetin ku kandidoi appeared first on Albeu.com.

Në një shënim në gazetën “Koha Jonë”, thuhet se kandidatura e Metës, është e vetmja që do ta vinte Erion Veliajn në vështirës, sepse sipas Lesit, të tjerët ai, pra lali, “i ha me qofte”.

Ja shkrimi në KJ:

Dje nga burime pranë opozitës PD-LSI doli lajmi se Ilir Meta do të kandidojë në zgjedhjet e ardhshme vendore për kryebashkiak të Tiranës. Kandidimi në emër të gjithë opozitës, thanë burimet.

Pavarësisht se sot është President deri me 24 korrik të këtij viti, por Ilir Meta nuk e lë fatin e tij politik në mëshirë të fatit. Duke qenë lojtar luftëtar ai kërkon përballjen. Deri në vitin 2025 kur janë zgjedhjet parlametare, nuk i pritet. Në maj të vitit të ardhshëm janë zgjedhjet vendore dhe synimi për të marrë bashkinë e Tiranës, ku janë mbi 1 milionë banorë, do të jetë impenjimi maksimal i tij.

Por Erion Veliaj ka ngulur rrenjët shumë thellë në Tiranë. Ai e ka shpallur vetë kandidaturën. Të ndeshësh me Veliaj duhet kurajo e madhe, sepse ke përballë mur të lartë, por Meta nuk ia përton për ta shembur murin Veliaj, thanë burimet në opozitë.

Ndërkohë që lajmi doli mbrëmë, nuk kanë pushuar sms-të dhe telefonatat, nëse kjo e Ilir Metës është bllof apo ka të vertetë brenda. Nga kampi i opozitës e konfirmojnë se vetëm Ilir Meta mund ta marrë bashkinë e kryeqytetit, sepse kandidaturat e tjera i “ha me qofte lali Eri”.

Sot Veliaj ka postuar foto nga një takim me të rinjtë nga Ballkani Perëndimor që kanë ardhur për të parë Tiranën e Lali Erit, e cila ka ndryshim drastik.

Ja se çfarë shkruan Veliaj: “24 të rinj nga BALLKANI PERËNDIMOR vizituan #EuropeanYouthCapital2022.

Ata morën pjesë në edicionin e 5-të të “Youth Trail, organizuar nga OSBE, nën moton “Së bashku për Sigurinë”.Faleminderit për vizitën dhe mos harroni t’u rrëfeni edhe miqve tuaj për Tiranën e bukur!”.

“Mos harroni tju tregoni miqve tuaj për Tiranën e bukur”- nënvizon Erion Veliaj.

Nënteksti se kaq të mirë e të bukur nuk mund ta bëjë asnjë tjetër përveç Lali Erit, qoftë edhe Ilir Meta!

Por nxjerrja e emrit të Ilir Metës një vit para zgjedhjeve vendore duket si një orkestrim nga opozita për të treguar se PD-ja po riorganizohet dhe se pas largimit me 24 korrik të Ilir Metës nga presidenca, do të jetë një dyshe e fortë Berisha-Meta. Natyrisht kundër Ramës.

Synimi për të marrë bashkinë më të madhe në Shqipëri, ku ndërthuren interesa të mëdha ekonomike sikurse edhe politike, duket se do të jetë fronti kryesor nga dyshja Berisha-Meta./albeu.com

The post Bashkia Tiranë, Nikoll Lesi: Meta do të jetë kandidat për kryetar, të tjerët i “ha me qofte” lali Eri appeared first on Albeu.com.