Avni Dehari, kryesues i seancës konstituive të Kuvendit të Kosovës, ka dhënë sqarime lidhur me mos thirrjen e saj.

Duke folur para mediave, ai deklaroi se seanca do të caktohet pasi partitë të arrijnë marrëveshje.

“Seanca do të mbahet kur të ketë marrëveshje”, u shpreh Dehari.

Sipas tij, afatet përcaktohen me rregullore, por për to nuk parashihen sanksione. Dehari vlerësoi se zgjidhja më e mirë është arritja e një marrëveshjeje që i jep fund problemit, duke kujtuar se më 28 dhjetor u zhvilluan 57 seanca, pa sjellë asgjë të re.

Ai ngriti pyetjen se çfarë kuptimi do të kishte vazhdimi i seancave nëse ato nuk prodhojnë rezultate.

The post Dehari për mos thirrjen e seancës: Afatet nuk parashohin sanksione appeared first on Albeu.com.