Pas mbledhjes së mbajtur sot, Lidhja Demokratike e Kosovës ka bërë të ditur se i jep mbështetje të plotë kryetarit të saj, Lumir Abdixhiku.

Në një reagim të publikuar në Facebook, Kryesia Qendrore e LDK-së njoftoi se e përkrah Abdixhikun në zbatimin e mandatit të tij për drejtimin e proceseve politike dhe organizative brenda partisë, si edhe në procesin për formimin e institucioneve të Kosovës përmes bisedimeve me partitë e tjera parlamentare.

Në postim thuhet: “Kryesia Qendrore vlerëson se rezultati zgjedhor, ndonëse shënon rritje të LDK-së, nuk përmbush synimet dhe pritjet tona politike. Prandaj, përgjegjësia për të vazhduar punën, për të adresuar mangësitë dhe për ta shndërruar këtë rritje në besim edhe më të gjerë qytetar, është përgjegjësi e përbashkët e të gjitha niveleve drejtuese dhe organizative të partisë. Kryesia Qendrore shpreh mbështetjen e plotë për Kryetarin e LDK-së, z. Lumir Abdixhiku, në ushtrimin e mandatit për udhëheqjen e proceseve politike e organizative të partisë; si dhe procesin e formimit të institucioneve të Republikës nëpërmjet diskutimeve me partitë e tjera parlamentare”.

Po ashtu, LDK vlerësoi se rezultati i fundit i zgjedhjeve solli rritje për subjektin, megjithatë nuk arriti objektivat dhe pritjet politike të saj.

Postimi i plotë:

1. Kryesia Qendrore vlerëson angazhimin e strukturave, kandidatëve, aktivistëve dhe të gjithë anëtarësisë së LDK-së gjatë procesit zgjedhor. Rritja e shënuar në një periudhë relativisht të shkurtër vlerësohet nga Kryesia e LDK-së. Njëkohësisht, Kryesia kërkon zhvillimin e analizave të thella në të gjitha nivelet, me qëllim të evidentimit të hapësirave për përmirësim dhe forcimit të mëtejmë të organizimit dhe veprimit politik.

2. Kryesia Qendrore vlerëson se rezultati zgjedhor, ndonëse shënon rritje të LDK-së, nuk përmbush synimet dhe pritjet tona politike. Prandaj, përgjegjësia për të vazhduar punën, për të adresuar mangësitë dhe për ta shndërruar këtë rritje në besim edhe më të gjerë qytetar, është përgjegjësi e përbashkët e të gjitha niveleve drejtuese dhe organizative të partisë.

3. Kryesia Qendrore shpreh mbështetjen e plotë për Kryetarin e LDK-së, z. Lumir Abdixhiku, në ushtrimin e mandatit për udhëheqjen e proceseve politike e organizative të partisë; si dhe procesin e formimit të institucioneve të Republikës nëpërmjet diskutimeve me partitë e tjera parlamentare.

4. LDK i ka institucionet, Statutin dhe mekanizmat e saj demokratikë. Kryesia mbështetë opinionin e Kolegjiumit të Degëve. Zgjedhjet e brendshme të LDK-së mbahen në afat të rregullt. Çdo çështje duhet të trajtohet në respekt të plotë të institucioneve partiake dhe të vullnetit të lirë të anëtarësisë. Kryesia Qendrore riafirmon se vendimmarrja demokratike dhe respektimi i shumicës mbeten parime të panegociueshme të organizimit tonë politik.

5. Kryesia Qendrore fton të gjithë anëtarët, veprimtarët dhe strukturat e LDK-së që energjinë dhe angazhimin e tyre ta drejtojnë drejt forcimit të partisë, rritjes së besimit qytetar dhe përmbushjes së përgjegjësive që vendi pret nga ne. Kosova ka nevojë për një LDK të bashkuar, të qëndrueshme dhe të përqendruar në ofrimin e alternativës së saj politike.

LDK është më e madhe se secili prej nesh. Përgjegjësia jonë e përbashkët është ta ruajmë të bashkuar, ta forcojmë dhe ta çojmë përpara, me besim në anëtarësinë tonë, me respekt për demokracinë dhe me përkushtim ndaj Republikës së Kosovës.

The post Kryesia Qendrore e LDK-së i del në krah Abdixhikut me mbështetje të plotë appeared first on Albeu.com.

Sipas njoftimit të partisë, gjatë takimit u theksua se PDK-ja ndodhet përpara një etape të rëndësishme të konsolidimit organizativ përmes zgjedhjeve të brendshme, të cilat do të mbahen në përputhje me Statutin e partisë dhe mbi bazën e demokracisë së brendshme, transparencës dhe garës së ndershme.

Në këtë mbledhje, Kryesia vlerësoi se ky proces paraqet një mundësi të rëndësishme për forcimin e strukturave partiake, përfshirjen e energjive të reja dhe ndërtimin e një partie më të fortë e më të bashkuar, të gatshme për sfidat politike që e presin vendin.

Po ashtu, pjesë e diskutimeve ishin edhe zhvillimet që ndërlidhen me procesin gjyqësor në Dhomat e Specializuara në Hagë, me ç’rast u shpreh pritja që vendimi të jetë lirues për ish-krerët e UÇK-së.

Njoftimi bën të ditur gjithashtu se Kryesia ritheksoi se PDK-ja, pavarësisht sfidave politike, e ka ruajtur unitetin dhe organizimin e saj, duke mbetur forca kryesore opozitare me numrin më të madh të deputetëve në Kuvend.

Partia Demokratike e Kosovës thekson se vazhdon të mbetet e përkushtuar ndaj forcimit të demokracisë së brendshme dhe angazhimit për një Kosovë më të zhvilluar, më të sigurt dhe të integruar në institucionet euroatlantike.

The post PDK shqyrton procesin e zgjedhjeve të brendshme dhe situatën aktuale politike appeared first on Albeu.com.

Tre propozimet kanë qenë: zhvillim i primareve në nivel dege të PD, në nivel qarku, dhe kombëtare. Ajo që është zgjedhur është në nivel qarku.

Në mbledhjen e djeshme është diskutuar edhe rregullorja e primareve.

Sipas burimeve të gazetarit Stafa, këto do të jenë primare kualifikuese.

Pra, secili qark, do të ketë specifikat apo rregulloren e vet, në bazë të numrit të popullsisë, anëtarëve të

PD-së, dhe numrit të kandidatëve.

Ata të cilët kalojnë pragun(secili qark do të ketë një prag), kualifikohen dhe emrat e tyre do të vijnë në Kryesinë e PD-së.

Më pas do të jetë Kryesia e PD që do të vendosë, se cili kandidat do të jetë në listat e mbyllura dhe të hapura.

Ky vendim më pas do duhet të kalojë edhe në Keshillin Kombëtar.

The post Kryesia e PD merr vendimin, zbardhet data kur do të mbahen Primaret appeared first on Albeu.com.

Ajo që vihet re është se anëtari i Kryesisë që ka marrë më shumë vota ëhstë Fitim Zekthi.

Votimi për Kryesinë e PD, ja kush ishin 5 më të votuarit

Fitim Zekthi 175

Agron Kapllanaj 171

Andia Ulliri 168

Anton Koka 155

The post Kryesia e PD, kush mori më shumë vota appeared first on Albeu.com.

Mediat kanë siguruar emrat e anëtarëve të pranishëm në mbledhje,atyre që munguan dhe atyre që kanë dhënë dorëheqjen si anëtarë të Kryesisë.

Kujtojmë se Kryesia e “Grupit Basha” do të shqyrtojë statutin e ri të kësaj force politike dhe rendin e ditës për mbledhjen e Kuvendit Kombëtar në 2 shtator.

Lista e pjesëmarrësve:

Lulzim Basha

Enkelejd Alibeaj (online)

Flutura Açka

Jemin Gjana

Mirela Karabina

Taulant Zeneli

Endri Hasa

Indrit Sefa

Kreshnik Collaku

Roland Bejko

Gentian Gaba

Agron Kapllanaj (online)

Fitim Zekthi

Gazmend Koduzi (online)

Merita Bakiu

Xhemal Gjunkshi (online)

Taulanda Jupi

Orjola Pampuri

Arbi Agalliu (online)

Nuk ishin në mbledhje:

1-Gazment Bardhi

2-Helidon Bushati

3-Lefter Geshtenja

4-Saimir Korreshi

5-Bledjon Nallbati

6-Dhurata Cupi

7-Dashnor Sula

8-Juela Hamati

9-Jonila Godole

Kanë dhënë dorëheqje:

1-Jorida Tabaku

2-Flamur Hoxha

3-Oriela Nebiaj

The post Basha mbledh Kryesinë e PD, zbulohen emrat që morën pjesë dhe ata që janë larguar appeared first on Albeu.com.

Kryesia e PD ka bërë publike dhe listën për ndarjen e anëtarëve të saj në degë.

Në listën e bërë publike nga PD zyrtare shihet se deputetë që votuan kundër zgjedhjeve të 29 korrikut janë deleguar nëpër degë.

Gjithashtu në çdo degë është vendosur edhe një deputet ose anëtar Kryesie që votoi pro mbajtjes së këtyre zgjedhjeve.

Në Elbasan bëhet fjalë për deputetin Gazment Bardhi, Dashnor Sula dhe Lefter Gështenja. Kujtojmë se këta të fundit votuan kundër mbajtjes së zgjedhjeve më 29 korrik.

Por gjithashtu emri që spikat është edhe i Flutura Açkës, kjo e fundit ishte pro mbajtjes së zgjedhjeve për kryetar përpara atyre nëpër degë.

The post Zgjedhjet për kreun e PD, Kryesia ndan anëtarë në degë, në lista edhe “kundërshtarët” appeared first on Albeu.com.

Bardhi është shprehur në mbështetje të vendimit dhe shtoi se pa një vendim të Këshillit Kombëtar, nuk mund të ketë proces zgjedhor.

Ndër të tjera, ai tha për News 24 se shumë shpejt do të nisë njoftimin përkatës për vendin dhe datën e mbledhjes, si dhe organizimin e saj.

“Mbështes plotësisht vendimin e Kryesisë së Partisë për thirrjen e mbledhjes së Këshillit Kombëtar të Partisë Demokratike, duke ju rikthyer rrugës statutore për hapjen e zgjedhjeve për Kryetar. Pa vendim të Këshillit Kombëtar nuk mund të ketë proces zgjedhor.

Rikthimi në procesin statutor është një lajm i mirë. Menjëherë do të nis njoftimin përkatës për vendin dhe datën e mbledhjes, si dhe organizimin mbledhjes, sapo të depozitohen vendimet përkatëse mbi rendin e ditës, sipas Rregullores së brendshme “Për organizimin dhe funksionimin e Këshillit Kombëtar të PD”, tha Bardhi.

The post Kryesia e PD vendosi mbledhjen e Këshillit Kombëtar, Bardhi: Do njoftoj datën dhe vendin appeared first on Albeu.com.

Procesi zgjedhor drejtohet nga Komisioni Zgjedhor i Partisë. Ndërkohë pranë Komisionit Zgjedhor, secili kandidat paraqet kërkesën për kandidim brenda datës 20 Qershor 2023.

Nga data 24 qershor deri në datën 27 korrik do të mbahet fushata zgjedhore e kandidatëve, teksa zgjedhjet janë më 29 korrik.

Ndërkohë, Kuvendi i jashtëzakonshëm statutory pritet të mbahet Brenda muajit shtator.

Mbledhja e kryesisësë PD u mbajt me kërkesë të 1/5 së anëtarëve të saj.

The post Kryesia e PD-së zyrtare merr vendimin, më 20 qershor mbahet Këshilli Kombëtar, kandidatët një muaj kohë për fushatë appeared first on Albeu.com.

Kujtojmë që nga mbledhja e djeshme e grupit parlamentar u mbajt qëndrimi për të mos shkuar në zgjedhje të nxituara për kryetar të PD.

Fillimisht deputetët kanë kërkuar zgjedhje fillimisht në seksione, grup-seksione, degë dhe më pas për kryetar, ndërsa Kolegji i Kryetarëve dje njoftoi se kërkon zgjedhje të menjëhershme për lider.

Në mbledhjen e sotme pritet të votohet se cila do të jetë ideja që do të ndjekin.

Anëtarët e Kryesisë së PD-së të cilët do votojnë sot janë: Jorida Tabaku, Enkelejd Alibeaj, Gazment Bardhi, Jemin Gjana, Flamur Hoxha, Jonila Godole, Taulant Zeneli, Orjela Nebija, Endri Hasa, Indrit Sefa, Kreshnik Çollaku, Roland Bejko, Gentjan Gaba, Agron Kapllanaj, Dhurata Çupi, Fitim Zekthi, Gazmend Koduzi, Helidon Bushati, Juela Hamati, Orjola Pampuri, Taulanta Jupi, Xhemal Gjunkshi, Lefter Gështenja, Dashnor Sula, Bledion Nallbati, Saimir Korreshi, Arbi Agalliu, Merita Bakiu.

The post PD zyrtare mbledh sot Kryesinë, anëtarët votojnë si do të veprohet për zgjedhjen e kryetarit appeared first on Albeu.com.

Burime për AlbEu.com bëjnë me dije se disa nga deputetët një ditë më parë kanë kërkaur që në zgjedhje të dalin vetëm me kandidatë për Këshillat bashkiakë, e jo për kryetarë partie.

Më konkretisht Jorida Tabaku, Dhurata Çupit dhe Oriola Nebiajt kërkojnë që të dalin në zgjedhjet e 14 majit vetëm me kandidatë për Këshillat Bashkiakë.

Grupi tjetër i Gazment Bardhit dhe Indrit Sefës, kërkojnë të dilet me kandidatë në pak zona, të cilat vlerësohet se mund të fitohen dhe grupi tjetër që përbën shumicën e Kryesisë dhe që drejtohet nga Alibeaj kërkojnë që të dalin patjetër në Tiranë me kandidat për kryetar bashkie dhe në 20-30 bashki, mes të cilave Fieri, Korça, Dibra, Kuçova dhe Kurbini dhe të mos ketë kandidatë në zonat ku vlerësohet se fitojnë kandidatët e Primareve. Për Tiranën siç është mësuar janë Jonila Godole dhe Roland Bejko.

The post Si do të dalë PD në zgjedhjet e 14 majit? Alibeaj mbledh Kryesinë appeared first on Albeu.com.