Sot Partia Socialiste do të zyrtarizojë kandidatët për zgjedhjet vendore të 14 majit! Kur duhen edhe 2 ditë nga përfundimi i afatit zyrtar të depozitimit të listave të kandidatëve, për kryebashkiakë apo anëtarë këshillash, ashtu siç u paralajmërua në mbledhjen e kaluar të kryesisë, socialistët do të caktojnë sot një listë përfundimtare për kandidatët që do të garojnë në zgjedhjet lokale. Mbledhja e kryesisë do të zhvillohet në orën 17:00.

AlbEu.com mëson se disa emra kryebashkiakësh aktualë janë “djegur” prej vetë Ramës apo deputetëve të caktuar në zona për shkaqe të ndryshme, të cilat fillojnë nga ruajtja e balancave së pushtetit mes grupimeve të ndryshme nëpër qarqe deri te marrja e masave për largim para se SPAK të ndërhyjë me hetime apo arrestime për shkak të tenderëve korruptivë.

Elbasani

80-90% e kryebashkiakëve janë rikonfirmuar, ndërsa pritet që në Librazhd të jetë një emër tjetër dhe Kastriot Gurra, i cili është ekspozuar shumë për shkak të tenderëve problematikë që ka firmosur. Gurra mësohet të mos jetë edhe një emër i preferuar i Gjiknurit, krahas problemeve me dokumentet ku ka firmosur.

Mësohet se Taçi i Gramshit do të zëvendësohet me të besuarin e Taulant Ballës, kjo jo për shkak të ecurisë së punës së kryebashkiakut aktual, por si një kompensim ndaj “shkuljes” së ndikimit politik të kreut të Grupit Parlamentar të PS në qarkun e Elbasanit.

Rama ka mësuar tashmë se nuk mund të lerë “pashallëqe” për të emëruarit e tij në qarqe duke e balancuar kështu disi Gjiknurin në Elbasan me një kandidat të Ballës. Kështu balancohet edhe heqja e Gurrës nga Librazhdi, ndërkohë që në Peqin synohet një emër tjetër.

Tosku do të ndërrohet jo vetëm për të kaluar atje një të besuar Aqif Rakipit, por edhe për shkak se është përfolur për tenderët gjatë viteve të fundit.

Vlora

Qarku Vlorë është një dhimbje koke për Ramën pasi duhet të përballet me bazën e PS në bashkinë e Vlorës për të imponuar Ermal Dredhën, kurse në Sarandë Adrian Gurma është organizuar për t’ia bërë të vështirë jetën Oltion Çaçit që pritet të konfirmohet nesër nga kryesia e PS-së.

Emra të tjerë priten edhe në Selenicë, ku PD ndihet e fortë si edhe Konispol.

Berati

Juliana Memaj nuk është se ka spikatur në Bashkinë e Dimalit, madje pak javë më parë SPAK kreu një operacion në këtë bashki duke arrestuar disa zyrtarë të bashkisë bashkë me punonjësit e kompanisë Ed Konstruksion për korrupsion. Sigurisht, Rama dhe kryesia e PS nuk do të rrezikonin me një emër të përlyer në tenderë në një zonë të konsideruar hambar të votave socialiste.

Kuçova po ashtu pritet të ketë një emër tjetër që do të marrë bekimin e kryesisë së PS-së nesër.

Dibra

Rama pritet të shkojë me Agron Malajn në Mat, bashki e cila ka marrë shumë investime në infrastrukturë gjatë vitit të fundit, ndërsa Rahim Spahiu i bashkisë së Dibrës duket më shumë një zgjedhje për të kënaqur “të fortët” lokalë se sa një emër që mbart bekimin e Ramës apo të Ballukut, si e dërguar e PS në qark.

Kjo e fundit është pozicionuar fortë në këtë bashki duke ditur problematiket që ka emri i PS në këtë bashki. Spahiu po ashtu është ekspozuar në tenderë problematikë, megjithatë prania e Ballukut në qark e mbron atë, për momentin.

Në Bulqizë nuk ka histori.

Largimi i Lefter Allës ka rritur shanset për një fitore të demokratëve nisur edhe nga fakti se PS pritet të futet me një emër të pakompromentuar për të balancuar disi CV e keqe që shkaktoi arrestimi në krye të detyrës i kryebashkiakut.

Në Klos, PS pritet të rikonfirojë Ilmi Hoxhën përballë Bedri Hoxhës së PD-së. Klosi njihet si zonë e djathtë dhe do të jetë shumë interesante gara.

Durrësi

Thirrja e Bushit të Krujës në SPAK si edhe disa ndryshime në balancat e forcës në zonë bëjnë që Rama dhe kryesia e PS të shkojnë me një emër tjetër në këtë bashki.

Ndërkohë bashkinë e Durrësit Rama ia ka “besuar” sërish Vangjush Dakos, i cili ka emrin e tij aty, Emiriana Sakon. Më herët u përfol edhe emri i Ardian Çelës për këtë bashki, por vullneti i Dakos është ende vendimtar në çështjet e brendshme të PS.

Rama dhe kryesia e PS pritet të dalin me një emër tjetër edhe për Kavajën duke ditur që është një zonë shumë sfiduese për socialistët, ndryshe nga hera e fundit ku fituan pa garë. /albeu.com

The post Sot “Dita e Gjykimit”, kush digjet dhe kush kandidon për PS-në në 14 maj appeared first on Albeu.com.

Mesohet se Kryesia do të mblidhet sërish më datë 25 mars për të zyrtarizuar kandidatët për zgjedhjet lokale të “14 Majit.

Kryesia e PS-së u mblodh mëngjesin e sotëm në selinë rozë dhe temë diskutimi ishin pikërisht zgjedhjet vendore të 14 majit.

Sot Komisioni Qendror i Zgjedhjeve do të regjistrojë 7 partitë e mëdha për lokalet e 14 majit. Kjo do të thotë se sot do të caktohet se cili prej grupimeve të Partisë Demokratike do të regjistrohet në zgjedhje, kampi i Alibeajt, i cili mori vulën e PD-së të premten e kaluar, apo kampi i Berishës.

Pas këtij regjistrimi paraprak, në 15 mars aplikohet për koalicionet dhe më pas, më 27 mars depozitohet lista e kandidatëve për kryetar bashkie dhe lista shumë-emërore e kandidatëve për këshillat bashkiak sipas përkatësisë së koalicionit apo partisë. Më pas hidhet shorti për renditjen në fletët e votimit.

Në prill pritet dhe shpërndarja e fondeve vjetore, por edhe për fushatë. Më 14 prill nis zyrtarisht fushata. 13 maji është heshtje zgjedhore dhe 14 maji dita e votimit./Albeu.com.

The post Përfundon mbledhja e Kryesisë së PS-së, më 25 mars zyrtarizohen kandidatët për zgjedhjet vendore appeared first on Albeu.com.

Sipas burimeve për albeu.com, mësohet se mbledhja do të nisë në orën 18:00.

Gjithashtu bëhet me dije se fokusi i diskutimeve pritet të jetë mbi zgjedhjet lokale, të cilat do të mbahen vitin e ardhshëm, ku pritet që PS të diskutojë emrat për kandidatët e mundshëm në garën për Bashkitë.

Ajo që është lënë të nënkuptohet nga kryeministri Edi Rama është se në këtë mbledhje do të kemi një ndarje të tre kategorive, e para është ajo e kryebashkiakëve që do të rikandidohen, kjo në varësi të performancës dhe vlerësimeve që ata kanë marrë gjatë këtyre viteve.

Ndërkohë në kategorinë e dytë do të jenë emrat që do të diskutohen në Kryesi nëse do të rikandidohen ose jo.

Kurse kategoria e tretë është ajo e kryebashkiakëve që nuk kanë asnjë shans për të rikandiduar nën logon e socialistëve.

Sa i përket kategorisë së parë, atyre të kryebashkiakëve që pritet të rikandidohen i sigurtë është vetëm kryetari i Bashkisë së Cërrikut, i cili i rikonfirmua pak ditë më parë nga Sekretari i përgjithshëm i PS, Damian Gjiknuri, i cili është edhe Drejtues në Qarkun e Elbasanit.

Po në Qarkun e Elbasanit gjasat për një rikandidim të mundshëm janë edhe për kryetarët e Bashkisë së Peqinit dhe Gramshit, ndërkohë që mbeten në pikëpyetje kryebashkiakët e Elbasanit, Librazhdit, Prrenjasit dhe Belshit.

Gjithashtu favorit për të rikandiduar shihet edhe kryebashkiaku i Lezhës, Pjerin Ndreu, i cili është vlerësuar publikisht nga kryeministri Edi Rama, për qasjen ndaj turistëve që Bashkia Lezhë pati gjatë këtij sezoni turistik.

Ndërsa duhet theksuar që i vetmi që e ka “prerë” biletën dhe është i përjashtuar nga mundësitë e rikandidimit është kryebashkiaku i Vlorës, Dritan Leli, i cili u kritikua publikisht edhe gjatë ditës së sotme nga Rama, i cili e quajti një dështim spektakolar punën e tij gjatë këtyre katër viteve.

“Në drejtimin e ministres së Turizmit që ka bërë diferencën dhe falë disa bashkive, ose më saktë të një bashkie, të Lezhës përsa i përket pastërtisë dhe sot me përjashtimin spektakolar të bashkisë së Vlorës. Ne kemi pasur një sezon më të pastër se asnjëherë, që nuk është ndonjë gjë e madhe, por një sezon realisht të pastër” tha Rama.

Sa i përket kryebashkiakëve të tjerë, pritet që diskutohen emër për emër nëse do të kenë dhe një tjetër shans për të rikandiduar ose, jo, kjo do të vendoset nga Kryesia e Partisë Socialiste.

Kujtojmë se në zgjedhjet lpkale të vitit 2019 opozita e bashkuar nuk mori pjesë, pasi vendosi t’i bojkotojë ato./albeu.com/

The post PS “ndez motorët” për zgjedhjet lokale, çfarë pritet të ndodhë sot me “peshat e rënda” të bashkive appeared first on Albeu.com.

Theksi i këtij takimi ishte zgjedhja e kryetarëve të degëve si dhe zgjedhja sa më shpejt e presidentit të Shqipërisë duke mbyllur kështu një kapitull çmendurie.

“Sot diskutuam për procesin për hyrjen në zgjedhjet në parti për kryetarët e gjitha njësive dhe në Asamblenë Kombëtare do të miratojmë një sërë dokumentash që sot u miratuan në kryesi dhe që do të vijojnë nga Kongresi pas ndryshimet statusore në funksion të rregullave të funksionimit të partisë.

Patëm informacion nga grupi i posacëm dhe sot kanë filluar bisedimet zyrtare me palët e tjera në Kuvendin e Shqipërisë në përpjekje për të identifikuar një figurë që të ketë konsensus më të gjerë se shumica jonë.

Nëse ka vullnet shanset janë të mira, ne jemi të gatshëm që të jemi sa më të hapur në funksion të zgjedhjes së presidentit që të garantojë mbylljen me sukses të një kapitulli çmenudrie në krye të Presidencës”, tha Rama.

The post Përfundon mbledhja e kryesisë së PS-së, Rama: Ja vendimet që u morën appeared first on Albeu.com.

Rama ndaloi konferencën me gazetarët gjatë thirrjes së ezanit për të respektuar çeljen e iftarit.

Kujtojmë se Partia Socialiste mblodhi Kryesinë mbrëmje e së enjtes.

Pas përfundimit të mbledhjes e cila zgjati rreth 1 orë e 30 minuta, kryeministri Rama po jepte  një deklaratë për mediet./albeu.com/

The post Çfarë ndodhi? Rama ndërpret fjalën ndërsa po fliste me gazetarët appeared first on Albeu.com.

Kjo mbledhje zgjati rreth 1 orë e 30 minuta u vendos data e mbledhjes së Asamblesë në të cilat do të miratohen vendimet e marra në Kongres.

Bëhet me dije se Kryesia e Partisë Socialiste vendosi që të mbledhë Asamblenë në datën 7 maj.

Ndërkohë në mbledhje është diskutuar edhe në lidhje me zgjedhjen e Presidentit të Republikës/albeu.com

The post Përfundon mbledhja e Kryesisë së PS, vendimet që u morën appeared first on Albeu.com.

Gjatë mbledhjes pritet të merren disa vendime të rëndësishme.

Sipas burimeve, kryeministri Edi Rama, njëherësh kreu i PS-së, ka disa minuta që ka mbërritur në selinë rozë.

Disa prej vendimeve të rëndësishme që pritet të merren janë caktimi i datës se kur do të mblidhet Asambleja për të vënë në zbatim vendimet e Kongresit, si dhe do të diskutohet çështja e zgjedhjes së Presidentit të Republikës.

The post PS mbledh sot Kryesinë, vendimet që pritet të merren appeared first on Albeu.com.

Kjo mbledhje vjen menjëherë pasi Kuvendi miratoi me 118 vota pro zgjatjen e organeve të Vetingut.

Në orën 20:00, kryeministri ka mbërritur në selinë e PS-së ku do të zhvillohet një mbledhje e cila zhvillohet në kuadër të përgatitjeve për fushatën në zgjedhjet e pjesshme lokale të 6 marsit.

The post Nis mbledhja e Kryesisë së PS-së, zbulohet fokusi i bisedimeve appeared first on Albeu.com.

Mësohet se Lindita Nikolla është caktuar e deleguar në zonën e Kamzës dhe Paskuqanit, Mimi Kodheli delegohet në Njësinë Nr. 8 në Tiranë dhe Delina Ibrahimi do të jetë e deleguara e PS në Njësinë Nr. 5, po në Tiranë.

Po në Tiranë delegat i PS do të jetë edhe deputeti Paulin Stërkaj, të cilit i besohet Njësia Nr. 11, ndërsa në Njësinë Nr. 4 do të jetë Blerina Gjylameti.

E deleguar në zonën Farkë-Baldushk-Petrelë është Frida Krifca, ndërsa deputeti Orlando Rakipi caktohet delegat në Bashkinë e Vorës./albeu.com

The post Vendimet e Kryesisë së PS, kush janë delegatët e rinj në qarkun Tiranë appeared first on Albeu.com.