Në ceremoni do të jenë të pranishëm personalitete të rëndësishme të Kishës Ortodokse, përfshirë Patriarkun e Stambollit, Bartolomeu; Patriarkun e Jerusalemit, Theofili; Patriarkun e Bullgarisë, Danil; Patriarkun e Aleksandrisë, Theodore; Kryepeshkopin e Qipros, Jorgos dhe Kryepeshkopin e Athinës, Jeronimi.

Shërbesa e varrimit do të kryhet të enjten, më 30 janar, ora 11:00, pas Liturgjisë Hyjnore.

Për shkak të pranisë së liderëve të lartë fetarë dhe politikanëve si kryeministri i Shqipërisë, Edi Rama, dhe ai i Greqisë, Kyriakos Mitsotakis, ceremonia pritet të zgjasë më shumë se shërbesa standarde prej 40-60 minutash.

Trupi i Kryepeshkopit do të prehet në kriptën brenda Katedrales Ortodokse, ndërtimi i së cilës ishte një nga projektet më të rëndësishme të tij.

Kisha Ortodokse Autoqefale e Shqipërisë ka shpallur pesë ditë zie, nga data 25 deri më 29 janar 2025.

The post Mbërrin në Tiranë trupi i Kryepeshkopit Anastas Janullatos, nisin homazhet në kryeqytet appeared first on Albeu.com.

Për shpirtin e tij, në të gjitha kishat në vendin tonë janë mbajtur shërbime episkopale. Në Katedralen “Shën Dhimitri” në Berat, është mbajtur pasditen e sotme Përshpirtja për Anastasin.

Besimtarët, me lot në sy, janë lutur për shpirtin e Kryepeshkopit të ndjerë Anastas dhe kanë ndezur qirinj.

Pas përfundimit të Përshpirtjes, At Petraq Simsia, që drejtoi edhe liturgjinë e përshpirtjes, ka folur rreth vlerave të papërsëritshme të kryepeshkopit Anastas dhe veprave humanitare që ai kreu në vendin tonë.

The post Ndarja nga jeta e Kryepeshkopit Anastas Janullatos, mbahet meshë në Katedralen e Beratit appeared first on Albeu.com.