Duke theksuar debatet e vazhdueshme që po mbahen në Kombet e Bashkuara lidhur me luftën në Rripin e Gazës, Sanchez tha se pret që së shpejti edhe vende të tjera brenda Bashkimit Europian të marrin të njëjtin pozicion.

Në një takim të Këshillit Evropian më 22 mars, Sanchez tha se kishte rënë dakord me liderët e Irlandës, Maltës dhe Sllovenisë për të “marrë hapat e parë” drejt njohjes së shtetësisë së shpallur nga palestinezët në Bregun Perëndimor të pushtuar nga Izraeli dhe në Rripin e Gazës të rrethuar.

The post Kryeministri spanjoll: Brenda muajit korrik do të njohim pavarësinë e shtetit palestinez appeared first on Albeu.com.

Është grupi i tretë i masave të ndihmës për Spanjën dhe sjell mbështetjen totale në 45 miliardë euro. Spanja ka arritur të ulë inflacionin në muajt e fundit në 6.8%, norma më e ulët vjetore në Bashkimin Evropian dhe shifra më e ulët që nga pushtimi rus i Ukrainës në shkurt 2022. Por inflacioni i çmimeve të ushqimeve është shumë më i lartë.

E quajtur si një paketë “anti-krizë” për të zbutur rritjen e çmimeve dhe për të nxitur rritjen në vitin e ardhshëm, planet e fundit zgjasin edhe për gjashtë muaj të tjerë shkurtime të taksave për gazin dhe energjinë elektrike të sjellë nga qeveria e majtë. Pagesa e njëhershme për familjet do të përfitojë rreth 4.2 milionë familje – më parë ishte e kufizuar për familjet me të ardhura vjetore më pak se 14,000 euro.

Transporti publik gjithashtu do të vazhdojë të subvencionohet – me një zbritje në çmimet e biletave sezonale të zgjatur deri në gjysmën e parë të 2023 – por një zbritje prej 20 cent për litër karburant për konsumatorët do të kufizohet në disa sektorë pune. Sánchez u zotua gjithashtu të heqë taksën e shitjeve për gjashtë muaj për artikujt ushqimorë thelbësorë si buka, qumështi, djathi, vezët, frutat dhe perimet – dhe të ulë taksat për makaronat dhe vajin e gatimit, nga 10% në 5%. Ndalimi i ndërprerjes së gazit dhe energjisë elektrike për familjet do të zgjasë deri në fund të vitit 2023.

The post Spanja njofton ndihmë prej 10 miliardë eurosh për të luftuar rritjen e çmimeve appeared first on Albeu.com.

“Këtë mëngjes u testova pozitiv. Unë do të vazhdoj të punoj, me masat më të madhe paraprake”, shkroi ai në Twitter.

Esta mañana he dado positivo en #COVID19. No podré estar hoy junto a @salvadorilla y todos los compañeros y compañeras de @socialistes_cat en Gavà. Feliz #FestaDeLaRosa.

Continuaré trabajando extremando las precauciones.

— Pedro Sánchez (@sanchezcastejon) September 25, 2022

Kryeministrit iu desh të anulonte axhendën e tij publike për atë ditë, e cila përfshinte angazhime në lidhje me partinë e tij (PSOE) në Barcelonë.

The post Kryeministri spanjoll infektohet me COVID-19 appeared first on Albeu.com.

https://www.facebook.com/ediramaal/videos/1065801760967006

Në orën 11:00 kryeministri Edi Rama dhe homologu i tij spanjoll do të mbajnë një konferencë e përbashkët për shtyp.

Sánchez ka theksuar rëndësinë e marrëdhënieve të Spanjës me vendet e Ballkanit Perëndimor dhe ka mbajtur takime me shumicën e liderëve të saj për të adresuar më tej pritshmëritë e tyre për anëtarësim në Bashkimin Evropian.

Krerët e shteteve dhe qeverive të BE-së dhe atyre të Ballkanit Perëndimor u takuan muajin e kaluar në Bruksel përpara samitit të fundit evropian dhe trajtuan, ndër të tjera, aspiratat e anëtarësimit në BE.

Shpejtësia me të cilën fituan statusin e vendeve kandidate Ukraina dhe Moldavia është në kontrast me bllokimin e integrimit të vendeve të Ballkanit, një situatë që ka zgjatur me vite.

Kjo bëri që disa liderë ballkanikë të shprehin zhgënjimin e tyre dhe të paralajmërojnë BE- në se kjo do të humbasë kredibilitetin në rajon. Sánchez tregoi shprehimisht mbështetjen e tij për rrugën drejt BE-së të vendeve ballkanike.

“Kur të bëhet e mundur përfundimisht, Spanja do të jetë në favor të nisjes së këtij debati ”, tha ai në një konferencë për shtyp pas samitit midis BE-së dhe Ballkanit Perëndimor.

The post Kryeministri spanjoll mbërrin në Tiranë, Rama e pret me ceremoni shtetërore (VIDEO) appeared first on Albeu.com.

Ai tha kështu pas takimit me presidentin serb, Aleksandër Vuçiç më 29 korrik. Sanchez do të vizitojë edhe katër vendet e tjera të Ballkanit Perëndimor.

Kosova është i vetmi vend në rajon që Sanchez nuk do ta vizitojë gjatë vizitës së tij në Ballkan.

Spanja është një nga pesë vendet anëtare të Bashkimit Evropian që nuk e kanë njohur pavarësinë e Kosovës.

Gjatë një konferencë të përbashkët për media me Vuçiqin, ai tha se Spanjën dhe Serbinë i lidhë nevoja për të “respektuar të drejtën ndërkombëtare dhe sovranitetin dhe integritetin territorial të dy vendeve” dhe se “Spanja do të jetë gjithmonë me Serbinë në respektimin e këtyre parimeve”.

Ai gjithashtu tha se mbështet Serbinë dhe Ballkanin Perëndimor në rrugën e integrimit evropian.

“Spanja do të jetë gjithmonë me ju dhe ju keni mbështetjen tonë për t’u bërë anëtare e Bashkimit Evropian”, tha ai.

Marrëdhëniet politike mes Serbisë dhe Spanjës, Sanchez i cilësoi si “fantastike”, duke shtuar se edhe marrëdhëniet ekonomike dhe tregtare duhet të arrijnë në të njëjtin nivel.

Ai tha shkëmbimi tregtar ka qenë në rritje në pesë vjetët e fundit, por shtoi se dëshiron që ky shkëmbim të rritet edhe më shumë, duke paralajmëruar ardhjen e kompanive të reja nga Spanja në Serbi.

Sanchez tha se me Vuçiqin ka folur edhe për luftën në Ukrainë dhe pasojat e luftës në Evropë, duke bërë thirrje për përfundimin e menjëhershëm të luftës dhe vendosjen e paqes në Ukrainë.

Vuçiç: Serbia i është mirënjohëse Spanjës për mbështetjen e saj

Serbia i është mirënjohëse Spanjës për mbështetjen e vazhdueshme dhe pa kushte në procesin e anëtarësimit në BE, tha presidenti i Serbisë, Aleksandar Vuçiq.

“Serbia e konsideron Spanjën një mik të madh”, shtoi ai.

Duke e falënderuar Spanjën për mosnjohjen e pavarësisë së Kosovës dhe “respektimin e integritetit territorial të Serbisë”, Vuçiq tha se e ka njoftuar kryeministrin Sanchez për rrjedhën e dialogut që Serbia dhe Kosova Beogradi po zhvillojnë nën lehtësimin e BE-së.

Vuçiq tha se me kryeministrin spanjoll kanë analizuar situatën në Ukrainë dhe se ia ka atij “shpjeguar qëndrimin e Serbisë”.

Beogradi zyrtar refuzon t’i bashkohet sanksioneve të Bashkimit Evropian kundër Rusisë.

Vuçiq tha se ai dhe Sanchez janë “të shqetësuar” dhe se “do të ishte mirë që lufta të përfundonte në mënyrë që ne të ktheheshim në jetën normale”.

Vuçiq tha se në vitin 2021, shkëmbimi tregtar mes Serbisë dhe Spanjës ishte 811 milionë euro dhe se pret që të dy vendet “për herë të parë në historinë e marrëdhënieve ekonomike të kalojnë një miliard euro shkëmbim [tregtar]”.

Presidenti serb deklaroi se në tetor në Beograd do të mbahet një forum i madh biznesi, i cili do të jetë vendtakim për biznesmenët nga Spanja dhe Serbia.

Vuçiq përmendi edhe bashkëpunimin mes dy vendeve në industrinë e mbrojtjes. Ai tha se Serbia ka blerë dy avionë transportues nga Spanja dhe se do të vazhdojë të blejë edhe pajisje tjera.

Presidenti i Serbisë tha se me kryeministrin spanjoll ka diskutuar edhe për pozicionin e Serbisë në Ballkan dhe për nismën rajonale Ballkani i Hapur, e cila përveç Serbisë përfshinë Maqedoninë e Veriut dhe Shqipërinë.

Vizitën e tij në Beograd, Sanchez do ta përfundojë më 30 korrik me një takim me kryetarin e Kuvendit të Serbisë, Ivica Daçiq.

Deri më një gusht, kryeministri spanjoll do të vizitojë edhe Sarajevën, Mostarin, Podgoricën, Shkupin dhe Tiranën.

Sanchez po viziton rajonin me qëllim të “ringjalljes së procesit të zgjerimit” të BE-së në Ballkanin Perëndimor./REL

The post Kryeministri spanjoll në Serbi, përsërit qëndrimin kundër Kosovës appeared first on Albeu.com.

Në Beograd, ai është pritur për një takim nga Presidenti i Serbisë, Aleksandar Vuçiq, të cilin, sipas mediave serbe, e ka siguruar se Spanja e mbështet Serbinë kur bëhet fjalë për Kosovën.

“Ne mbështesim Serbinë kur është fjala për Kosovën. Spanja ishte dhe do të jetë gjithmonë me Serbinë në mbrojtje të këtij parimi”, ka thënë Sanchez në një konferencë të përbashkët me Vuçiq, transmeton Gazeta Express.

Sipas mediave serbe, Sanchez ka thënë se marrëdhëniet mes Spanjës e Serbinë janë të shkëlqyera, me synimin që shkëmbimi tregtar të arrijë në nivele tjera.

Ai ka theksuar se në tetor në Beograd do të organizohet një forum biznesi i kompanive spanjolle dhe serbe dhe se qeveritë e të dy vendeve janë duke punuar për një marrëveshje dypalëshe ekonomike.

Presidenti Vuçiq, në anën tjetër, ka thënë se Spanja është mike e sinqertë e Serbië si dhe një nga miqtë më ë mëdhenj në botë.

Siç di Vuçiq kur i pëlqen ‘muhabeti’, edhe Sanchezit i ka bërë lajka.

”I dashur mik, të gjithë të duan në këtë vend, nuk do të gjesh një person të vetëm që nuk mendon kështu”, citohet Vuçiq nga mediat në Beograd.

Sipas Vuçiq, Spanja e ka përkrahur përpjekjen për integrim të Serbisë në BE “pa gjetur qime në vezë”.

Spanja është një prej pesë vendeve anëtare të Bashkimit Evropian që nuk e njeh pavarësinë e Kosovës. Përkundër përpjekjeve diplomatike ndër vite, Spanja nuk është luhatur nga qëndrimet e saj për çështjen e Kosovës. /GazetaExpress

The post Spanja mban anën e Serbisë për Kosovën, Vuçiç e çon në qiell kryeministrin spanjoll appeared first on Albeu.com.

Vizitat e tij pritet të nisin në fund të muajit dhe do të përfshijënë vende si Serbia, Mal të Zi, Bosnje Hercegovina, Maqedonia e Veriut dhe Shqipëria.

Turneu, i cili do të zhvillohet midis 29 korrikut dhe 1 gushtit, parashikohet të jetë aktiviteti i tij i fundit ndërkombëtar përpara pushimeve verore.

Mbështetje në rrugën drejt BE-së

Sánchez ka theksuar rëndësinë e marrëdhënieve të Spanjës me vendet e Ballkanit Perëndimor dhe ka mbajtur takime me shumicën e liderëve të saj për të adresuar më tej pritshmëritë e tyre për anëtarësim në Bashkimin Evropian.

Krerët e shteteve dhe qeverive të BE-së dhe atyre të Ballkanit Perëndimor u takuan muajin e kaluar në Bruksel përpara samitit të fundit evropian dhe trajtuan, ndër të tjera, aspiratat e anëtarësimit në BE.

Shpejtësia me të cilën fituan statusin e vendeve kandidate Ukraina dhe Moldavia është në kontrast me bllokimin e integrimit të vendeve të Ballkanit, një situatë që ka zgjatur me vite.

Kjo bëri që disa liderë ballkanikë të shprehin zhgënjimin e tyre dhe të paralajmërojnë BE- në se kjo do të humbasë kredibilitetin në rajon.

Sánchez tregoi shprehimisht mbështetjen e tij për rrugën drejt BE-së të vendeve ballkanike.

“Kur të bëhet e mundur përfundimisht, Spanja do të jetë në favor të nisjes së këtij debati ”, tha ai në një konferencë për shtyp.

The post Kryeministri spanjoll do të vizitojë Tiranën appeared first on Albeu.com.

“Spanja ka një qëndrim konstruktiv dhe ne jemi të hapur për miratimin e heqjes së vizave për Kosovën”, tha Sanchez në një konferencë për shtyp, samitit të Këshillit Evropian në Bruksel.

Megjithatë, Këshilli Evropian ende nuk i ka dhënë dritën jeshile kësaj mase, ndër të tjera për shkak se pesë shtete anëtare të tij – Spanja, Qiproja, Greqia, Rumania dhe Sllovakia – nuk e njohin Kosovën si të pavarur.

The post Nuk e njeh si shtet, por Spanja është pro liberalizimit të vizave për Kosovën appeared first on Albeu.com.