Në Kongresin e 9-të Zgjedhor të Bashkimit të Sindikatave të Pavarura të Kosovës (BSPK), kryeministri në detyrë Albin Kurti deklaroi se punëtorët janë shtylla themelore e zhvillimit të vendit, ndërsa theksoi se politikat e Qeverisë janë të përqendruara në krijimin e një tregu pune më të drejtë.

Gjatë fjalës së tij para të pranishmëve, ai u ndal te çështja e pagës minimale, duke kujtuar se ajo kishte mbetur pa ndryshim për më shumë se një dekadë.

“Që nga viti 2011, paga minimale ka qëndruar në nivelet 130 euro dhe 170 euro, varësisht nga mosha e punëtorit, përkatësisht a je më shumë apo më pak sesa 35 vjeç. Kjo periudhë e gjatë stagnimi ka krijuar vështirësi të rënda për punëtorët e sektorit privat”, tha Kurti.

Sipas tij, gjatë qeverisjes që ai drejton, paga minimale është rritur në disa etapa.

“Ndërkaq, tash paga minimale është ngritur, sepse ajo është rritur gradualisht dhe vazhdimisht: nga 130 euro dhe 170 euro, fillimisht gjatë qeverisjes tonë 250 euro, më pas në 350 euro, pastaj në 425 euro, e nga 1 korriku sivjet, paga minimale është 500 euro bruto. Nga kjo rritje përfitojnë rreth 150 mijë punëtorë të sektorit privat”, u shpreh ai.

Kurti vlerësoi se ky zhvillim tregon qartë se, pas një periudhe dhjetëvjeçare ngecjeje, paga minimale është trefishuar brenda një kohe dukshëm më të shkurtër.

“Kjo tregon qartë se, pas një dekade stagnimi, brenda një periudhe shumë më të shkurtër është bërë trefishimi i pagës minimale. Është një dëshmi e qartë se rritja ekonomike duhet të shoqërohet gjithmonë me rritje të mirëqenies së qytetarëve dhe me ngritje të gjendjes së punëtorëve”, deklaroi ai.

Një tjetër prioritet i Qeverisë, sipas Kurtit, mbetet forcimi i mekanizmave institucionalë që sigurojnë zbatimin e ligjit të punës, teksa përmendi se Inspektorati Qendror i Punës po fuqizohet.

“Në këtë drejtim, Inspektorati Qendror i Punës është duke u fuqizuar. Vetëm pak javë më parë, në qershor 2026, është hapur konkursi për 39 inspektorë të rinj, prej të cilëve 24 për siguri dhe shëndet në punë dhe 15 për marrëdhënie pune”, tha ai.

Ai bëri të ditur gjithashtu se po ecet paralelisht edhe me ndryshime në aspektin ligjor në fushën e punës.

“Jemi duke punuar në përmirësimin e kornizës ligjore në fushën e punës, me synimin që ajo të garantojë përfaqësim më të drejtë të punëtorëve, zgjerim të dialogut social dhe një balancë më të qëndrueshme midis punëmarrësve dhe punëdhënësve”, deklaroi Kurti.

Në adresimin e tij, kryeministri në detyrë tha po ashtu se përmes Agjencisë së Punësimit të Republikës së Kosovës janë ngritur skema aktive të punësimit, duke përfshirë programin “Superpuna” dhe forma të tjera mbështetjeje për bizneset, me qëllim hapjen e vendeve të reja të punës dhe nxitjen e punësimit për të rinjtë, gratë dhe kategoritë e tjera që hasin vështirësi në tregun e punës.

The post Kurti: Nga 1 korriku paga minimale është 500 euro bruto, përfitojnë rreth 150 mijë punëtorë appeared first on Albeu.com.

Gjatë prezantimit të raportit vjetor për inspektimet për vitin 2025, ai bëri të ditur se modeli i ri do të mbështetet në nivelin e rrezikut të bizneseve, ndërsa subjektet që përsërisin shkeljet e ligjit do të përballen me masa më të rrepta, përfshirë gjoba dhe kallëzime penale.

“Ndryshimet që i kemi nisur në sistemin e inspektimit synojnë modernizimin e plotë dhe rritjen e kapacitetit të inspektoratit të Kosovës si në nivelin qendror ashtu edhe në atë lokal. Qëllimi kryesor është i përcaktuar me ligj: Mbrojtja e interesit publik, duke përfshirë shëndetin publik, sigurinë publike dhe mjedisin. Një nga pjesët e rëndësishme të reformës është një qasje e re e bazuar në nivele të ndryshme të rrezikut të krijuara nga subjektet e ndryshme të inspektimit. P.sh, një biznes që merret me aktivitete të rrezikshme ose që ka një ndikim te një numër më i madh të konsumatorëve, parimisht duhet të inspektohet më shpesh sesa bizneset e tjera… Reforma kërkon një qasje bashkëpunuese e cila synon të ulë sa më shumë barrën administrative mbi sektorin privat. P.sh., përmes listës së kontrollit të publikuar nga secili inspektorat, bizneset do t’i kenë mundësitë t’i dinë saktësisht kriteret ligjore në bazë të cilave do të inspektohen ato”, tha ai.

Inspektorja e Përgjithshme e Kosovës, Lyra Osmani, nënvizoi se një tjetër prioritet mbetet digjitalizimi i proceseve të inspektimit në vend.

Ajo vlerësoi se gjatë vitit 2025 është shënuar përparim në zbatimin e reformës së sistemit inspektues.

“Zyra e Inspektorit të Përgjithshëm ka marrë përgjegjësinë dhe ka udhëhequr procesin e reformës së inspektimeve në nivel vendi, duke avancuar koordinimin ndërinstitucional dhe forcuar bashkëpunimin e të gjitha organeve inspektuese në Kosovë. Misioni ynë është i qartë: të ndërtojmë një sistem inspektimesh proporcional, të koordinuar dhe të bazuar në vlerësimin e rrezikut, i cili mbron interesin publik dhe garanton sigurinë, shëndetin dhe mjedisin. Njëkohësisht, redukton barrën administrative për qytetarët dhe bizneset”, theksoi Osmani.

Nga ana tjetër, menaxherja e Bankës Botërore për Kosovën dhe Maqedoninë e Veriut, Carole Megevand, tha se inspektimet, kur zbatohen si duhet, krijojnë kushte të favorshme që bizneset të zhvillohen, të rriten dhe të investojnë.

“Është shumë e rëndësishme, sepse kur bëhen si duhet, inspektimet krijojnë kushte që bizneset të zhvillohen, të rriten dhe të investojnë. Ato ndihmojnë në mbrojtjen e qytetarëve, komuniteteve, sigurisë, si dhe të mjedisit. Por, kur nuk zbatohen siç duhet, ato mund të krijojnë burokraci të panevojshme dhe një perceptim të mungesës së parashikueshmërisë, gjë që dekurajon investimet dhe ndikon negativisht në rritjen ekonomike. Prandaj, është shumë e rëndësishme që ato të realizohen në mënyrën e duhur. Çështja nuk është nëse inspektimet janë të rëndësishme, por si të sigurohet që ato të krijojnë mjedisin më të favorshëm për zhvillimin e sektorit privat, pa e ngarkuar atë me masa administrative të panevojshme. Mendoj se kjo është pikërisht rruga që kemi parë deri më tani në Kosovë – mënyra se si vendi po ecën drejt thjeshtimit të procedurave administrative, ndërsa njëkohësisht inspektimet mund të japin një kontribut kyç në krijimin e një mjedisi transparent, të drejtë, të barabartë dhe të parashikueshëm për sektorin privat”, përfundoi ajo.

Sipas disa organizatave joqeveritare monitoruese, gjatë vitit 2025 është rritur numri i inspektimeve, por kjo nuk është shoqëruar domosdoshmërisht me përmirësim të zbatimit të ligjit.

Sipas tyre, në shumë raste sanksionet nuk kanë qenë mjaftueshëm parandaluese, ndërsa ka pasur edhe raste kur vendimet e inspektorëve nuk janë zbatuar nga subjektet e inspektuara.

The post Kurti paralajmëron reformë të thellë për modernizimin e sistemit të inspektimit në Kosovë appeared first on Albeu.com.

Ai theksoi se arrestimet erdhën pas një hetimi gjashtëmujor, ndërsa njëherësh kritikoi mungesën e veprimeve për këtë rast deri në vitin 2020, kur ai mori detyrën.

“Derisa në njërën anë përgëzojmë institucionet për arrestimin e të dyshuarve, pas siç u tha, një hetimi prej gjashtë muajsh, nuk mund të mos e vëmë në spikamë faktin që deri në vitin 2020 askush nuk është marrë me këtë rast. Rrjedhimisht nga mijëra lëndë të shkruara nga EULEX asnjëra s’ishte për Masakrën e Reçakut. Në njërën anë kemi arrestim pas gjashtë muajsh hetim dhe në anën tjetër kemi më shumë se dy dekada dështim apo kurrfarë përpjekjesh për ndjekje të përgjegjësve dhe zero angazhim për drejtësi lidhur me këtë masakër”.

Kurti shtoi se po afrohen tri dekada nga lufta, ndërsa dëshmitarët po plaken dhe po vdesin, ndaj sipas tij duhet të ketë më shumë angazhim për të vendosur drejtësi për masakrat.

The post Kurti: Pesë ish-zyrtarë të policisë serbe u ndaluan për Masakrën e Reçakut pas gjashtë muajsh hetime appeared first on Albeu.com.