kryeministri kanadez Archives - Albeu.com

Kryeministri i ri kanadez Mark Carney kërkon shumicën në Parlament, shpall zgjedhjet e parashkohshme

M C — Thu, 20 Mar 2025 16:34:20 +0000

Kryeministri i ri i Kanadasë, Mark Carney, ka vendosur të shpall ditën e dielë zhvillimin e zgjedhjeve parlamentare të parashkohshme.

Sipas mediave të huaja, mësohet se zgjedhjet do të mbahen më 28 prill, duke kërkuar fitimin e shumicës në parlament me partinë e tij Liberale, pasi deri tani është duke udhëhequr një qeveri të pakicës.

Mark Carney ka fituar drejtimin e Partisë Liberale të Kanadasë në një periudhë të pasigurtë për vendin, duke marrë 86% të votave të anëtarëve të partisë, kundër ish-ministres së financave Chrystia Freeland në një garë ku morën pjesë rreth 152,000 anëtarë të partisë.

Carney, 59 vjeç, merr udhëheqjen në një moment të vështirë shtetin kanadez, e cila është përfshirë në një luftë tregtare me Shtetet e Bashkuara.

The post Kryeministri i ri kanadez Mark Carney kërkon shumicën në Parlament, shpall zgjedhjet e parashkohshme appeared first on Albeu.com.

Trudeau viziton Kievin në shenjë mbështetjeje

Xh — Sat, 10 Jun 2023 11:09:10 +0000

Kryeministri kanadez, Justin Trudeau, vizitoi Kievin të shtunën në një akt mbështetjeje teksa Ukraina po përgatitet për një kundërsulm të madh kundër forcave ruse dhe derisa po përballet me sulme të rregullta ajrore.

Trudeau bëri nderime në një vend përkujtimor në qendër të Kievit për ushtarët ukrainas që u vranë duke luftuar forcat proruse që nga viti 2014.

Kanadaja, anëtare e NATO-s, e cila ka një nga diasporat më të mëdha ukrainase në botë, ka ofruar ndihmë ushtarake dhe financiare për Ukrainën gjatë pushtimit në shkallë të plotë të nisur nga Rusia në shkurt të vitit 2022.

Udhëtimi i Trudeau në Kiev pasoi një natë sulmesh me raketa dhe dronë rusë në objektiva jashtë kryeqytetit, duke përfshirë Odesën, rajonin e Poltava dhe Harkiv.

Në një sulm në Odesa u vranë tre civilë dhe u plagon dhjetëra të tjerë./rel

The post Trudeau viziton Kievin në shenjë mbështetjeje appeared first on Albeu.com.

Protestuesit i hedhin zhavorr kryeministrit të Kanadasë gjatë fushatës elektorale (VIDEO)

E B — Tue, 07 Sep 2021 15:21:59 +0000

Kryeministri kanadez Justin Trudeau është goditur me zhavorr nga protestuesit kundër masave anti-Covid, gjatë një ndalese për fushatë elektorale.

Atij iu hodh zhavorr ndërsa po kthehej me autobusin e tij pas një vizite në një fabrikë birre, raporton albeu.com.

Kujtojmë se, Trudeau thirri zgjedhje të parakohshme në mes të gushtit, me shpresën për të fituar një qeveri shumicë për partinë e tij Liberale të qendrës së majtë.

Por fushata e tij nuk ka shkuar edhe aq mirë për shkak të demonstratave kundër masave anti-Covid që kanë shkaktuar shumë zemërim.

Pak më shumë se një javë më parë, kryeministri u detyrua të anulonte një tubim elektoral pasi një turmë protestuesish të zemëruar i zunë pritë eventit./albeu.com

The post Protestuesit i hedhin zhavorr kryeministrit të Kanadasë gjatë fushatës elektorale (VIDEO) appeared first on Albeu.com.