“Është fakt që, ndërsa ishim në opozitë, si Agjencia e Inteligjencës [AR] ashtu edhe Agjencia e Sigurisë Kombëtare [ANB] ishin të përfshira plotësisht me partinë më të madhe opozitare në atë kohë dhe me mua”, tha Mickoski.

Kreu i shërbimit sekret të vendit (Shërbimi i Sigurisë Kombëtare), Bojan Hristovski, deklaroi se ish-kreu i Shërbimit, Viktor Dimovski, dhe një grup bashkëpunëtorësh të tij të ngushtë kishin urdhëruar mbikëqyrjen e Hristijan Mickoskit, si dhe të një numri gazetarësh dhe biznesmenësh, të cilët i konsideronin “të rrezikshëm” për qeveritë e asaj periudhe (qeveritë socialdemokrate të Zoran Zaevit dhe Dimitar Kovačevskit).

Hristovski shtoi se Shërbimi i Sigurisë Kombëtare tashmë i ka dërguar Prokurorisë së vendit tre raporte me prova që konfirmojnë akuzat për mbikëqyrje. Prokuroria njoftoi nisjen e një hetimi paraprak për të hetuar akuzat për mbikëqyrje të Mickoskit, gazetarëve dhe biznesmenëve.

Megjithatë, si Mickoski ashtu edhe Hristovski shmangën dhënien e detajeve ose provave për të verifikuar pretendimet e tyre, duke sqaruar se dokumentet përkatëse janë të klasifikuara dhe nuk mund të bëhen publike.

Nga ana e tij, ish-kreu i Shërbimit të Sigurisë Kombëtare, Viktor Dimovski, i mohoi kategorikisht akuzat, duke deklaruar se shërbimet sekrete nuk e kishin monitoruar Hristijan Mickoskin gjatë periudhës në fjalë. Ai madje i bëri thirrje menaxhmentit aktual të Shërbimit që të vazhdojë me deklasifikimin e dokumenteve përkatëse, nëse ka prova të tilla.

Nga ana e tij, kreu i Partisë Social Demokratike (SDSM) në opozitë, Venko Filipce, shprehu shqetësim se akuzat mund të çojnë në një “gjueti shtrigash” dhe bëri thirrje për deklasifikimin e dokumenteve në mënyrë që të sqarohet situata dhe të shmanget tensioni i mëtejshëm politik.

Hristian Mickoski është kreu i partisë VMRO-DPMNE, e cila është partia kryesore konservatore në Maqedoninë e Veriut. Që nga viti 2017, ai ka udhëhequr opozitën në vend, duke kritikuar shpesh qeverinë e Zoran Zaev dhe Social Demokratëve (SDSM). Ai mori detyrën si Kryeministër i vendit në qershor 2024.

Maqedonia e Veriut ka një histori “të pasur” të mbikëqyrjes së paligjshme. Skandali më i madh i tillë u zbulua në vitin 2015 nga udhëheqësi i atëhershëm i opozitës kryesore të vendit, Zoran Zaev, i cili paraqiti publikisht prova për muaj të tërë që vërtetonin se qeveria e atëhershme e VMRO-së me kryeministrin Nikola Gruevski kishte monitoruar afërsisht 20,000 njerëz për vite me radhë, përfshirë politikanë, biznesmenë, gjyqtarë, diplomatë të huaj, etj. Zbulimet e Zaevit ishin një shkas për zhvillime dhe protesta masive antiqeveritare, të cilat, dy vjet më vonë, në vitin 2017, çuan në rënien e regjimit të Nikola Gruevskit.

The post Kryeministri i Maqedonisë së Veriut pretendon se është spiunuar ndërsa ishte në opozitë, Mickoski: Janë monitoruar edhe biznesmenë e gazetarë appeared first on Albeu.com.

Ai theksoi se pas takimeve të tij me përfaqësues ndërkombëtarë, do të bëhen analiza të hollësishme për të kuptuar se si do të funksionojë procesi i integrimit.

“Çdo gjë është në lëvizje. Po udhëtoj këtë fundjavë në Austri, do të jem pjesë e një ngjarjeje në Salzburg, më pas do të kem takime me përfaqësues të lartë të Qeverisë dhe shoqërisë austriake, presidentin, ministrin e Jashtëm. Më pas vjen presidentja e Komisionit Evropian, pastaj kemi një takim të Komunitetit Politik Evropian në Budapest më 7 nëntor, kështu që le të bëjmë një analizë për të parë se si do të funksionojë e gjithë kjo. Nëse arrijmë ta përmbushim qëllimin në këtë mënyrë, nuk do të ngutem për të marrë vendime”, deklaroi të premten Mickoski duke nënvizuar se diktatet për të nuk janë zgjidhje.

Mickoski u bëri thirrje qytetarëve për durim dhe theksoi se vendimet e nxituara në shumicën e rasteve nuk janë zgjidhja e duhur.

“Diktatet, për të qenë i qartë, nuk i pranoj. Për këtë proces është e nevojshme edhe mirëkuptimi nga BE-ja, e cila presim të tregojë të njëjtën besim në të ardhmen evropiane të rajonit tonë, siç është edhe besimi ynë”.

The post Kryeministri i Maqedonisë së Veriut: Duhet durim për procesin e integrimit në BE appeared first on Albeu.com.

Kështu tha kryeministri maqedonas, Dimitar Kovaçevski, pas takimit që zhvilloi me zyrtarin e lartë amerikan në Shkup më 11 janar.

Kovaçevski tha se në këtë takim është konstatuar se për Maqedoninë e Veriut nuk ka alternativë tjerë pos integrimit në Bashkimin Evropian.

“Integrimi evropian dhe nevoja për të vazhduar me reformat, por edhe vendimet që duhet të merren gjatë vitit 2023, sikurse ndryshimet kushtetuese, ishin në fokus të takimit tonë. Ne kemi mbështetjen nga SHBA-ja për ndryshimet kushtetuese që do të mundësojnë vazhdimin e integrimit evropian. Maqedonia e Veriut nuk ka alternativë tjetër përveç BE-së, ashtu sikur nuk kishte alternativë tjetër përveç NATO-s kur miratuan vendimet të vështira, por të domosdoshme për t’u bërë pjesë e aleancës”, tha kryeministri maqedonas.

Vitin e kaluar, Shkupi nisi bisedimet për anëtarësimin në BE, por bisedimet thelbësore për kapitujt nuk do të fillojnë pa ndryshimin e Kushtetutës maqedonase për përfshirjen e pakicës bullgare në të.

Kjo parashihet me marrëveshjen me Bullgarinë, bazuar në propozimin francez për zgjidhjen e kontesteve mes dy vendeve lidhur me çështjet historike, gjuhën dhe identitetin maqedonas.

Kovaçevski tha se me këshilltarin e lartë të DASH-it, Derek Chollet, kanë biseduar edhe për krizën energjetike dhe përballjen me të gjatë vitit 2022 dhe planet për vitin 2023, pasi në këtë fushë, sipas Kovaçevskit, Shkupi ka marrë mbështetje të fuqishme nga Uashingtoni.

Vizitat që zyrtarët amerikanë kanë zhvilluar në Maqedoninë e Veriut gjatë muajve të fundit kanë pasur në fokus luftën kundër krimit të organizuar dhe korrupsionit.
Ambasadorja amerikane në Shkup, Angela Aggeler, më 9 janar bëri të ditur se për Uashingtonin, kjo çështje do të ketë prioritet, krahas çështjeve që lidhen me energjetikën dhe ekonominë.
Në dhjetor të vitit të kaluar, në Maqedoninë e Veriut ka qëndruar një ekip për sanksione nga Uashingtoni për të hetuar funksionarët dhe ish-funksionarët e dyshuar për korrupsion.

Siç pati njoftuar Ambasada e Shteteve të Bashkuara, ky ekip ka për detyrë “të ketë një qasje më agresive për aktorët e korruptuar, si për ata në të kaluarën, ashtu dhe ata aktualë”./rel/

The post Kryeministri i Maqedonisë së Veriut: Chollet mbështet ndryshimet kushtetuese appeared first on Albeu.com.

“Më vjen mirë që u gjet një gjuhë e përbashkët sa i përket ushqimit të studentëve. Në takim u bisedua edhe për aspekte tjera të standardit të studentit e që ka të bëjë me infrastrukturën në konvikte dhe u dakorduam me ministrin e Arsimit se edhe në këtë pjesë do të bëhen përpjekje maksimale për të avancuar kushtet në konviktet e studentëve”, u shpreh Kovaçevski.

Ai po ashtu theksoi se studentët gjithmonë kanë të drejtë ta thonë fjalën e tyre, ti thonë qëndrimet.

“Neve na mbetet që ato qëndrime të studentëve dhe të gjejmë zgjidhje për të gjithë. Kaloi koha kur dikush ka mund të luaj me studentët ashtu siç don dhe studentët janë fëmijët tanë dhe e ardhmja e vendit andaj meritojnë të kenë kushte më të mira”, tha Kovaçevski./ina

The post Kovaçevski: Arritëm marrëveshje për përmirësimin e kushteve të studentëve appeared first on Albeu.com.

Kovaçevski tha se vetëm për këtë vit, pensionet janë rritur për 10 %, kështu që sipas tij, pritet të rriten edhe 6 %.

Komentet shefi i ekzekutivit i bëri në paraqitjen e tij të sotme në Kampin Universitar në Shkup, ku tha se pret që kjo të ndodhë sipas metodologjisë së re të miratuar nga qeveria.

“Shikoni, nga ky muaj ne kemi rritje të pensioneve për mbi 6 për qind, bashkë me rritjen e kaluar, kjo është 10 për qind rritje pensioneve vetëm në këtë vit kalendarik, ndërsa në nivel vjetor, me rritjen që do të vijojë në mars, rritja me siguri do të jetë në nivel të 16 për qind”, tha Kovaçevski./albeu.com/

The post RMV/ Kovaçevski: Deri në mars të vitit të ardhshëm, pensionet do të rriten edhe për 6% appeared first on Albeu.com.

Ditën e sotme në Kuvend ai theksoi se iniciativa Ballkani i Hapur krijon mundësi të reja për punëtorët dhe i bëri thirrje opozitës që të sillet me përgjegjësi, në mënyrë që ligjet në fjalë të kalojnë në Kuvend.

“Nuk e shoh këtu deputetin Milloshoski, i cili nuk dëshiron të caktojë Komisionin për Punë të Jashtme ku duhet të ratifikohen marrëveshjet që dalin nga bashkëpunimi për Ballkanin e Hapur. Këto janë kontrata ku përfitimi i vetëm janë punëtorët dhe kompanitë. Përfitimet e pastra ekonomike të bazuara në katër liritë evropiane: kapitali, mallrat, shërbimet dhe njerëzit.

Me njërën marrëveshje shfuqizohen procedurat e komplikuara fitosanitare që ekzistojnë mes tre vendeve Serbisë, Shqipërisë dhe Maqedonisë së Veriut dhe me të dytën mundësohet që punëtorët të punojnë lirisht në të tre vendet pa procedura administrative shtesë. I bëj thirrje deputetit që ta thërrasë komisionin”, kërkoi Kovaçevski.

Në seancën për çështje parlamentare në Kuvendin e Republikës së Maqedonisë së Veriut, Kovaçevski tha se “si Qeveri mbetemi të përkushtuar në përpjekjet për të vazhduar intensifikimin e politikave për rritje dhe zhvillim të përshpejtuar ekonomik të shtetit, përmes rritje së investimeve vendase dhe të huaja”.

The post Kovaçevski: Opozita të sillet me përgjegjësi ndaj iniciativës së Ballkanit të Hapur appeared first on Albeu.com.

Komentet Kovaçevski i bëri teksa u pyet nga gazetarët lidhur për këtë çështje.

“Është stabile”, u përgjigj Kovaçevski.

Gazetari: A ka rrezik për humbjen e shumicës, pasi një pjesë e deputetëve të BDI-së paralajmëruan shkëputjen e tyre nga grupi parlamentar? Ata, praktikisht janë disa nga nënshkruesit e letrës që i ishte dërguar Ahmetit.

Kovaçevski: S’ka rrezik për humbjen e shumicës në Parlament.

Jozyrtarisht, anëtarët e pakënaqur presin që së pari të takohen me Ali Ahmetin e më pas të vendosin se si do të vazhdojnë të veprojnë. Në këtë grup bëjnë pjesë edhe dy deputetë Izet Mexhiti dhe Merita Koxhaxhiku, të cilët mund ta rrezikojnë shumicën e Qeverisë aktuale.

The post A po lëkundet shumica parlamentare në Maqedoninë e Veriut? Përgjigjet Kovaçevski appeared first on Albeu.com.

Me këtë vendim ka rënë dakort edhe kreu i ekzekutivit.

Maja Moraqanin nga RDM për MIA ka deklaruar se ende nuk është saktësuar se kur propozim do të shkojë për votim në Kuvend.

Sipas saj në takim partitë kanë kërkuar që të gjithë dokumenetat të përkthehen në gjuhën maqedonase./albeu.com

The post Kovaçevski pranon propozimin francez: Të kalojë për votim në parlament appeared first on Albeu.com.

Lajmi është bërë i ditur nga burime zyrtare nga Qeveria e Maqedonisë ku u tha se Dimitar Kovaçevski nuk e ka pranuar ftesën e kryeministrit të Malit të Zi Dritan Abazoviç për vizitë të përbashkët në Kiev. Ata thonë se agjenda e kryeministrit për momentin është e ngarkuar dhe se një vizitë e tillë në Ukrainë është planifikuar për të ardhmen.

“Ftesa për një vizitë për të cilën po pyesni dhe e cila është iniciuar nga presidenti ukrainas Zelensky i referohet një periudhe jashtëzakonisht intensive në axhendën e kryeministrit dhe për shkak të pamundësisë për ta ndryshuar atë, për fat të keq nuk mundëm të përgjigjemi pozitivisht. Mbështetja jonë për Ukrainën dhe popullin trim ukrainas është e qartë dhe e pa rezervë. Ju jemi mirënjohës për ftesën për një vizitë e cila besojmë se do të realizohet së shpejti”, thonë nga Qeveria.

Kryeministri malazel Dritan Abazoviç gjatë një telefonate me presidentin ukrainas Volodymyr Zelenskyy ka marrë një ftesë për të vizituar Kievin. Abazoviç sugjeroi që bashkë me të, të udhëtojë edhe kryeministri i Shqipërisë, Edi Rama dhe ai i Maqedonisë së Veriut, Dimitar Kovaçevski./albeu.com

The post Kovaçevski nuk do të shkojë në Kiev me Ramën dhe Abazoviçin appeared first on Albeu.com.

Në Samitin Ekonomik “Maqedonia 2005” në Shkup, të mërkurën më 18 maj, kryeministrja e Serbisë, Ana Bërnabiq, tha se në kohën e krizës së madhe ekonomike, me të cilën për përballet bota, përfshirë edhe rajonin e Ballkanit Perëndimor, bashkëpunimi, paqja dhe stabiliteti janë prioritetet kryesore të Serbisë.

“Prioriteti ynë, i parë dhe kryesor, është bashkëpunimi rajonal, ruajtja e paqes dhe e sigurisë pasi në këto kohëra të vështira, përplot me sfida, ato janë mënyra e vetme dhe një ndër çështjet e rralla që ne këtu duhet t’i mbajmë. Nëse arrijmë të ruajmë paqen dhe stabilitetin, atëherë hapim mundësinë për rritje të mëtejmë të ekonomisë dhe të sigurojmë prosperitet në këto kohë të vështira. Pra, paqja, stabiliteti dhe bashkëpunimi rajonal, janë prioritetet kryesore në këto kohëra të vështira, në veçanti për kontinentin evropian”, deklaroi Bërnabiq.

Kryeministrja e Serbisë theksoi se vendet e Ballkanit duhet të thellojnë bashkëpunimin në të gjitha sferat, si në arsim, ekonomi, e sfera tjera që kërkojnë përkushtim më të madh.

“Ekonomia nuk është e tillë që të mëdhenjtë t’i hanë të vegjlit, por të shpejtit t’i hanë të ngadalshmit. Ne jemi më të vegjël, por nëse shohim nga perspektiva e biznesit, shtetet më të vogla dhe kompanitë më të vogla më shpejt po i përshtaten situatës, janë më të shpejta, janë më fleksibile, pra munden më shpejt të reagojnë ndaj krizave, sfidave e kështu me radhë. Kjo është ajo që ne duhet ta shfrytëzojmë dhe këtë mund ta bëjmë edhe më mirë nëse investojmë në ekonomi, arsim, shkencë, hulumtime, sferën e digjitalizimit pasi vetëm kështu mund ta ndrisim produktivitetin tonë”, tha Bërnabiq.

Kryeministri i Maqedonisë së Veriut, Dimitar Kovaçevski, tha se integrimi i rajonit në Bashkimin Evropian duhet të jetë prioritet kryesor, pasi, sipas tij, çdo zmbrapsje nga ky objektiv mund të rikthejë nacionalizmat e para 20 vjetëve.

Kovaçevski tha se bashkëpunimi rajonal nuk duhet të diskutohet, porse të nisë të zbatohet në praktikë.

“Bashkëpunimi rajonal duhet të zbatohet dhe jo të diskutohet. Bashkëpunimin rajonal e konsideroj si shumë të rëndësishëm së bashku me kolegët nga Serbia, Shqipëria dhe vende tjera të Ballkanit Perëndimor. Bashkëpunimi rajonal është me rëndësi të madhe… Ne duhet të vazhdojmë me orientimin strategjik drejt BE-së, pavarësisht të gjitha pengesave që i kemi. Duke marrë parasysh atë që kemi kaluar në 20 vitet e fundit, ideja e zgjerimit të BE-së është me rëndësi të madhe pasi në të kundërtën do të kemi rritje të nacionalizmave. Prandaj, të gjithë ne, në veçanti ata që drejtojnë shtetet, duhet të qëndrojnë në kursin e integrimit evropian”, deklaroi Kovaçevski./rel

The post Bërnabiç-Kovaçevski: Bashkëpunimi dhe stabiliteti, me rëndësi për të ardhmen e Ballkanit appeared first on Albeu.com.