kryeministre Archives - Albeu.com

Vajza e ish-kryeministrit zgjidhet liderja më e re e Tajlandës

D Marku — Fri, 16 Aug 2024 07:49:01 +0000

Parlamenti i Tajlandës ka zgjedhur Paetongtarn Shinawatra, vajzën e manjatit miliarder dhe ish-liderit Thaksin, si kryeministre.

Në moshën 37-vjeçare, ajo do të jetë kryeministrja më e re e vendit dhe gruaja e dytë në këtë post, pas tezes së saj Yingluck, shkruan BBC.

Zgjedhja e saj vjen vetëm dy ditë pasi ish-kryeministri Srettha Thavisin u shkarkua nga një gjykatë kushtetuese. Të dy janë nga Partia Pheu Thai, e cila doli e dyta në zgjedhjet e 2023, por formoi një koalicion qeverisës.

Paetongtarn përballet me detyrën e vështirë për të ringjallur ekonominë e bllokuar të Tajlandës dhe për të shmangur grushtet e shtetit ushtarak dhe ndërhyrjet gjyqësore që kanë rrëzuar katër administrata të mëparshme të udhëhequra nga familja e saj.

Ajo mori 319 miratim dhe 145 kundër, teksa është anëtarja e katërt e klanit Shinawatra që bëhet kryeministre në dy dekadat e fundit.

Tre të tjerët, duke përfshirë babain e saj Thaksin dhe hallën Yingluck, u rrëzuan nga grushtet e shtetit ose vendimet e gjykatës kushtetuese.

BBC shkruan se e njëjta gjykatë shkarkoi Thavisin të mërkurën për emërimin në kabinetin e tij një ish-avokat, i cili dikur ishte burgosur.

The post Vajza e ish-kryeministrit zgjidhet liderja më e re e Tajlandës appeared first on Albeu.com.

Kandidate për kryeministre, ja cilat janë premtimet e Liz Truss

E S — Sun, 31 Jul 2022 13:55:14 +0000

Liz Truss duket se është një nga kandidatet favorite për të marrë drejtimin e Anglisë pas dorëheqjes së kryeministrit Boris Johnson. Në një intervistë dhënë për të përditshmen ‘The Sun’, Truss zotohet se do të ulë taksat e larta dhe do të bëjë një revolucion aftësish për të rinjtë nëse merr çelësat e numrit 10.

“Familjet punëtore shohin rritjen e kostos së gjërave thelbësore të përditshme, rritjen e çmimeve të benzinës dhe faturat e energjisë, ndërsa taksat janë në nivelin më të lartë në 70 vjet”, tha Truss.

“Gjërat duhet të ndryshojnë dhe ato do të ndryshojnë. Nën udhëheqjen time, nuk do të kemi më ‘biznes si zakonisht. Do të dal me një plan të ri të guximshëm për të kthyer paratë në xhepat e njerëzve dhe për të çuar ekonominë tonë përpara”, tha ajo.

Sekretarja e Jashtme thotë gjithashtu se ka parë fëmijë të lënë pas dore dhe do që të jetë kryeministre për të siguruar “se gjithkush në vendin tonë të madh ka të njëjtën mundësi për të patur sukses”.

The post Kandidate për kryeministre, ja cilat janë premtimet e Liz Truss appeared first on Albeu.com.

Rivali nuk lejon kryeministren e re të Samoas të betohet, i mbyll parlamentin

E B — Mon, 24 May 2021 14:13:48 +0000

Kryeministrja e parë femër e Samoas është betuar në zyrë të improvizuar në një tendë, pasi kundërshtari i saj politik nuk e lejoi të hynte në parlament, duke I mbyllur derën. Tuilaepa Sailele Malielegaoi, i cili ka qenë kryeministër për 22 vjet, ka injoruar një urdhër të gjykatës për të dhënë dorëheqjen. Zonja Mata’afa, 64 [...]