Rama theksoi gjithashtu se, është koha për konsolidimin e këtij shërbimi në një strukturë të centralizuar, duke denoncuar abuzimet e ndodhura në nivel lokal.

“Është koha për një operator kombëtar të shpërndarjes së ujit, njësoj siç kemi për energjinë. Mund të përfytyroni një zyrë drejtori të një ujësjellësi me 30 këshilltarë staf, këshilltarë, sekretarë? Nuk ka zyra ime as çerekun, as zyrat tuaja. Ndodhte në UKT Tiranë”, u shpreh kryeministri.

Ai i cilësoi këto raste si “çudira”, duke shtuar se edhe pse situata ka ndryshuar në krahasim me të kaluarën, problematikat mbeten të shumta për një vend si Shqipëria që nuk ka luksin të vonojë reformat.

Rama theksoi se, ashtu si në sektorin e energjisë, ku ndërmarrjet dikur humbëse janë transformuar në struktura të qëndrueshme financiarisht që bashkëpunojnë me bankat, edhe sektori i ujit duhet të ndjekë të njëjtin model për t’u bërë më efikas dhe i qëndrueshëm.

Edi Rama: Te gjitha llojet e eksperiencave, kalkulimeve na nxjerrin në konkluzionin që është koha për një operator kombëtar të shpërndarjes së ujit, njëjte siç kemi për energjinë. Mund të përfytyroni një zyrë drejtori të një ujësjellësi me 30 këshilltarë staf, këshilltarë sekretarë? Nuk ka zyra ime as çerekun, as zyrat tuaja. Ndodhte në UKT Tiranë. Çudira ka pasur shumë, ka më pak në tërësi por ka tepër për një vend si Shqipëria që nuk ka luksin të presë. Duhet të konsolidojmë këtë strukturë, duhet të ndërtojmë një tjetër ndërmarrje si ajo që kemi në fushën e energjisë, që nga gropat më të mëdha thithëse të buxhetit janë kthyer në ndërmarrje që janë në gjendje të hyjnë në marrëdhënie me bankat.

Departamentet e bujqësisë

Kryeministri Edi Rama ka kritikuar ashpër bashkitë dhe kryetarët e tyre për mungesën e angazhimit konkret në zhvillimin ekonomik të zonave rurale, veçanërisht në sektorin e bujqësisë.

Gjatë një aktiviteti publik, Rama theksoi se bashkitë po mbeten pas në krijimin e ndërmarrjeve fitimprurëse dhe po trajtojnë rolin e tyre ende me logjikën komunale.

Sipas Ramës, edhe pas Reformës Territoriale, ku bashkitë përfshijnë edhe zonat që më parë ishin komuna, koncepti i punës së bashkisë mbetet i kufizuar në rrugë, ujësjellës dhe kanale vaditëse, ndërkohë që nuk përfshihen në zinxhirin bujqësor të prodhimit, grumbullimit, përpunimit dhe eksportit.

Ai përmendi linjën e kredisë prej 250 milionë eurosh nga Banka e Shqipërisë si një mundësi konkrete që bashkitë duhet ta përdorin për të ndihmuar fermerët, duke bashkëpunuar për të ngritur linja përpunimi.

Edi Rama: Dua të ngre një problem tjetër. Që është qasja dhe filozofia e të marrit lekë nga buxheti për rroga dhe investime. Ende nuk po krijohen ndërmarrje fitimprurëse të bashkive.

Ka disa tentativa të para por shumë minimale dhe të pamjaftueshme. Ndërkohë që me reformën Territoriale, nuk kemi më bashki dhe komuna por bashki që merren edhe me komunat. Ende sot mentaliteti dhe qasja është që puna e bashkisë është puna komunale në fshat.

Pra rrugë, Ujësjellësi, kanalet vaditëse, por jo toka, prodhimi, grumbullimi, përpunimi, eksporti. Këto janë në dorë të atyre që punojnë tokën dhe të Ministrisë së Bujqësisë. Ndërkohë që nëse shkoni në Greqi e Itali, apo kudo tjetër në BE dhe jo vetëm, do të shihni që bashkitë janë pjesë e jetës së fshatit si sipërmarrëse.

Janë pjesë e strukturave të grumbullimit, linjave të eksportit, përpunimit. Sot kemi një instrument shumë më domethënës se sa kishim dje që është linja e kredisë së BSH, 250 mln euro, një kredi e butë ku bashkitë duhet të jenë forcë udhëheqëse. Duhet të bëjnë bashkë fermerët e t’u thotë bëhemi bashkë për një linjë përpunimi të ullirit dhe ta bëjmë vaj, përpunimi i domates për ta bërë salcë etj.

Duke qenë bashkia pjesë është shumë më e lehtë për bankat të mbështesin fermerët. Departamentet e bujqësisë në bashki, janë komike, qesharake, të krijuara për të bërë qoka, jo njerëz që merren me tokën. Duhet rol proaktiv

The post Edi Rama: Çudira! Një drejtor UKT-je me 30 këshilltarë, ka ardhur koha për një Operator Kombëtar të Shpërndarjes së ujit, departamentet e bujqësisë qesharake dhe të krijuara për qoka appeared first on Albeu.com.

Gjithashtu, Rama u shpreh se gjatë periudhës së zgjedhjeve ka pasur boom ndërtimesh, duke u shprehur se policia bëri 40 denoncime, por theksoi se, “një prokurore ka vendosur mosfillimin e hetimeve”.

“Ka refuzuar të shohë se për çfarë bëhet fjalë, ka bërë ese filozofike mbi pafajësinë e ndërtimeve pa leje. Në Shqipëri ndërtimet pa leje janë vepër penale. Në një zonë të mbrojtur si Thethi është vepër penale edhe më e rëndë”, theksoi Kreu i qeverisë.

Edi Rama: Gjatë periudhës së zgjedhjeve, ose në muajt para dhe gjatë zgjedhjeve në Teth ka pasur bum ndërtimesh pa leje si rezultat i përgatitjes së sezonit turistik. Policia e Shtetit ka bërë 40 denoncime, policia ka funksionuar, i ka denoncuar ndërtimet pa leje në Prokurori.

Siç është bërë e ditur, në një flagrancë spektakolare ku është ndërtuar një fshat i tërë turistik në mes të Thethit, një prokurore ka vendosur mosfillimin e hetimeve.

Ka refuzuar të shohë se për çfarë bëhet fjalë, ka bërë ese filozofike mbi pafajësinë e ndërtimeve pa leje. Në Shqipëri ndërtimet pa leje janë vepër penale. Në një zonë të mbrojtur si Thethi është vepër penale edhe më e rëndë.

IKMT, ka filluar të veprojë. për të gjithë ata që u thonë pse u kujtuan tani dhe pse i lanë? Nëse nuk funksionojnë të gjitha hallkat dhe struktura e pavarur e drejtësisë nuk është në dispozicion të kësaj përpjekje, por përkundrazi është si kullose makaronash ku gjërat rrjedhin dhe pastaj faktet e kryera mbeten në territor, është një përpjekje që natyrshëm do të duhet të shfaqet në këtë formë.

Në Theth kemi bërë një plan të tërë pune në Bashkinë Shkodër, kemi legalizuar ndërtimet e vjetra, kemi vendosur financime.

The post Rama: Në Theth ka pasur bum ndërtimesh pa leje gjatë periudhës së zgjedhjeve, prokurorja refuzoi të shohë, bëri ese filozofike mbi pafajësinë appeared first on Albeu.com.

Këta të fundit, kanë përfituar nga vendimi i qeverisë dhe kanë miratuar rritjen e pagave, ku sipas raportimeve deri më sot, nëpërmjet Këshillit Bashkiak kanë votuar rritjen maksimale të pagave të tyre.

Armando Subashi i Fierit dhe Emiriana Sako e Durrësit, kanë vendosur që të marrin nga 2.9 milionë lekë të vjetra në muaj, me rritje më shumë se 50%, ndërsa punonjësit e tjerë janë mjaftuar me rritje minimale pagash.

Në Fier, edhe opozita ishte dakord me rritjen e pagës së Subashit, ndërkohë që në Durrës këshilltarët opozitarë kanë braktisur mbledhjen ku Sako miratoi 2.9 milionë lekët që do të derdhen çdo muaj në llogarinë e saj.

Por, nëse do ta krahasonim me pagën mesatare në Shqipëri, atëherë rezulton se këta kryebashkiakë marrin rreth 4 herë më shumë.

Sipas INSTAT, në tremujorin dytë të vitit 2024, paga mesatare 75.114 lekë të reja, çfarë tregon për diferencimin mes drejtuesve dhe punonjësve të thjeshtë.

Kryeministri Edi Rama, propagandon shpesh rritjen e pagës mesatare, por në të vërtetë, nga rritja e pagave kanë përfituar vetëm drejtorët dhe zyrtarët e lartë, pasi punonjësit e tjerë kanë marrë shumë më pak në krahasim me eprorët e tyre.

Për të mos folur për pensionistët, të cilëve pensionet nuk u dalin as për ilaçe, ndërkohë që qeveria nuk miraton minimumin jetik, pavarësisht se ka vite që kërkohet nga shoqëria civile./Oranews

The post Qeveria u jep kryebashkiakëve rroga 4 herë më shumë se paga mesatare në vend appeared first on Albeu.com.

Mësohet se pjesë e takimit do të jenë edhe kryebashkiakët socialistë.

Takimi do të zhvillohet në ambientet e Pallatit të Kongreseve dhe pritet të nisë prej orës 14.00.

Kjo është mbledhja e parë e drejtuesve politikë, nën drejtimin kryesocialistit që prej ndarjes së detyrave në Asamblenë Kombëtare të 8 shtatorit.

Në takimin e kësaj të marte, kryeministri Edi Rama, pritet të lërë porositë lidhur me organizimin e punëve në terren për zgjedhjet parlamentare të 2025-ës, dhe veçanërisht vota e Diasporës, e cila do të jetë edhe risia e madhe e parlamentareve të vitit të ardhshëm.

Drejtuesit politikë të PS në 12 qarqet e vendit

Qarku Tiranë
Erion Veliaj, Ogerta Manastirliu, Elisa Spiropali

Qarku Durrës
Emirjana Sako

Qarku Lezhë
Ulsi Manja

Qarku Shkodër
Benet Beci

Qarku Kukës
Pandeli Majko

Qarku Dibër
Blendi Gonxhja

Qarku Elbasan
Arbjan Mazniku

Qarku Korçë
Niko Peleshi

Qarku Fier
Belinda Balluku

Qarku Vlorë
Bledi Çuçi

Qarku Gjirokastër
Mirela Kumbaro

Qarku Berat
Ervin Demo

The post Rama mbledh sot drejtuesit e qarqeve dhe kryebashkiakët socialistë, porositë që pritet të lërë kryeministri appeared first on Albeu.com.

Mësohet se mbledhja pritet të mbahet në orën 10:00.

Në fokus të diskutimeve do të jenë çështja e pronave dhe legalizimet, për të cilën kryeministri ka kërkuar t’i jepet fund njëherë e mirë, si dhe ecuria e sezonit turistik.

Pas këtij takimi me krerët e pushtetit vendor kryeministri pritet të udhëtojë drejt Britanisë, në mbledhjen e Komunitetit Politik.

Sakaq, thuhet se në mbledhjen me kreun e Ekzekutivit do të jenë dhe kryebashkiakët e djathtë.

The post Nga sezoni turistik te legalizimet/ Rama mbledh sot kryebashkiakët në kryeministri appeared first on Albeu.com.

Sezoni turistik do të jetë në fokus të takimit, por gjithashtu do të flitet për ligjin për legalizimet, ku një pjesë e procedurave do t’ju kalojë bashkive.

Edhe vitet e shkuara gjatë muajit korrik kryeministri Edi Rama ka zhvilluar takime të ngjashme.

The post Çfarë ka ndodhur? Edi Rama mbledh të mërkurën kryebashkiakët appeared first on Albeu.com.

Mësohet se kryeministri Edi Rama i ka thirrur për të bërë një analizë më të thelluar për punën që është bërë deri më tani në terren.

Në këtë takim do të jenë edhe një pjesë e kabinetit qeveritar, ministrat dhe zv/ministrat, si dhe drejtuesit politik të qarqeve për analizën e punës në kuadër të rienergjizimit të partisë.

Ndërkohë që gazetarja e Vizion Plus Enkelejda Mema ka siguruar agjendën e punimeve, të cilat do të nisin në 09:30 minuta me pritjen e pjesëmarrësve dhe që do të zgjasë deri në orën 10:00.

Nga ora 10:00 deri në 10:30 do të jetë kryeministri Edi Rama ai që do të mbajë fjalën hapëse, për të vijuar më pas me fjalën e ministrit për Shtetin dhe Pushtetin vendor Arbjan Mazniku. Ku i fundit do të flasë për rreth një orë për analizat financiare, projektet e BE-së, burimet njerëzore dhe shërbimet që ofrohen nga pushteti vendore.

Pas fjalës së Maznikut, pjesëmarrësit do të kenë 30 minuta pushim për një kafe, nga ora 11:30-12:00.

Më pas, Arbjan Mazniku do të bëjë prezantimin për tryezën e diskutimit.

Nga ora 12:10 deri në orën 13:30 janë parashikuar në agjendë 9 tryeza të hapura bashkëbisedimi me anëtarë të qeverisë, kryetarët e bashkive drejtues të agjencive. Në fokus të diskutimeve do të jenë tema të ndryshme duke nisur që nga shëndetësia, arsimi, bujqësia, siguria, financat e deri tek infrastruktura, pronat dhe burimet njerëzore.

Nga ora 13:30-14:00 do të ketë rotacion të tryezave, ku anëtarë të qeverisë dhe kryetarët e bashkive do të japin informacione nga tryezat ku ata nuk kanë marrë pjesë.

Pas këtyre diskutimeve, nga ora 14:00-15:00 pjesëmarrësit do të kenë një orë pushim për të konsumuar drekën, për të vijuar më pas sërish punimet me fjalën e ministrit të Pushtetit Vendor, me propozime për të zgjidhur problematikat që jana hasur në disa bashki të vendit.

16:30-17:00 do të ketë një ndërprerje të shkurtër për kafe dhe për të rinisur punimet me nxjerrjen e përfundimeve të mbledhjes, detyrat e përcaktuara dhe ndjekja e tyre. Këto përfundime do të raportohen nga anëtarët e qeverisë dhe kryetarët e bashkive.

Kryeministri Edi Rama do të mbajë fjalën e tij përmbyllëse për rreth një orë, nga ora 17:30-18:30.

The post Rama mbledh sot kryebashkiakët dhe kabinetin qeveritar në Shkodër appeared first on Albeu.com.

Pas numërimit të votave në të gjitha bashkitë e vendit, tashmë janë zbardhur të gjithë emrat e atyre që do të drejtojnë 61 bashkitë e vendit për katër vitet e ardhshme.

Në këto zgjedhje pjesën dërrmuese të bashkive e ka fituar Partia Socialiste, e cila ka arritur të marrë 53, ndërsa koalicioni Bashkë Fitojmë 7, dhe një bashki ëhstë marrë nga MEGA, e cila është Bashkia e Finiqit.

Rezultatet për kryetarët e bashkive në 61 bashki janë si më poshtë:

-Tiranë, fiton Partia Socialiste, Erion Veliaj me 54.69% të votave

-Durrës, fiton Partia Socialiste, Emiriana Sako me 57 % të votave

-Elbasan, fiton Partia Socialiste, Gledian Llataj me 56.23 % të votave

-Shkodër, fiton Partia Socialiste, Benet Beci me 60.22 % të votave

-Fier, fiton Partia Socialiste, Armando Subashi me 69.33 % të votave

-Vlorë, fiton Partia Socialiste, Ermal Dredha me 70.55 % të votave

-Korçë, fiton Partia Socialiste, Sotiraq Filo me 60.64 % të votave

-Lezhë, fiton Partia Socialiste, Pjerin Nderu me 52.8 % të votave

-Berat, fiton Partia Socialiste, Ervin Demo me 46 % të votave

-Dibër, fiton Partia Socialiste, Rahim Spahiu me 69 % të votave

-Kukës, fiton Partia Socialiste, Safet Gjici me 49.70% të votave

-Gjirokastër, fiton Partia Socialiste, Flamur Golemi me 70.52% të votave

-Kamëz, fiton Partia Socialiste,Rakip Suli me 60.36 % të votave

-Lushnjë, fiton Partia Socialiste, Eriselda Sefa me 62.64 % të votave

-Pogradec, fiton Partia Socialiste,Ilir Xhakolli me 67.60 % të votave

-Kavajë, fiton koalicioni Bashkë Fitojmë, Fisnik Qosja me 51.9 % të votave

-Krujë, fiton fiton Partia Socialiste, Artur Bushi me 65.63 % të votave

-Kurbin, fiton Partia Socialiste, Majlinda Cara me 51.22 % të votave

-Maliq, fiton Partia Socialiste, Gëzim Topçiu me 66.33% të votave

-Sarandë, fiton Partia Socialiste, Oltion Çaçi me 46 % të votave

-Malësi e Madhe, fiton Partia Socialiste Tonin Marinaj me 56.93 % të votave

-Kuçovë fiton Partia Socialiste, Kreshnik Hajdari me 49.79 % të votave

-Divjakë, fiton Partia Socialiste, Josif Gorrea me 57.37 % të votave

-Vau i Dejës, fiton Partia Socialiste, Kristian Shkreli me 55.78 % të votave

-Cërrik, fiton Partia Socialsite, Andis Salla me 71.19 % të votave

-Shijak, fiton Partia Socialiste, Elton Arbana me 66.24 % të voave

-Patos, fiton Partia Socialiste, Fation Duro me 69.97 % të votave

-Devoll, fiton Partia Socialiste, Eduard Duro me 50.86 %

-Librazhd, fiton Partia Socialiste, Mariglen Disha me 74.45 % të votave

-Rrogozhinë, fiton Partia Socialiste, Edison Memolla me 11% të votave

-Dimal, fiton Partia Socialiste, Juliana Memaj me 50.85% të votave

-Mallakastër, fiton Partia Socialiste, Qerim Ismailaj me 48.23% të votave

-Finiq, fiton Minoriteti Etnik Grek për të Ardhmen, Romeo Çakuli me 38.59% të votave

-Vorë, fiton Partia Socialiste, Blerim Shera me 73.52 % të votave

-Peqin, fiton Partia Socialiste, Bukurosh Maçi me 57.78 % të votave

-Bulqizë, fiton Partia Socialsite, Festime Mjeshtri me 60.27 % të votave

-Mat, fiton Partia Socialiste, Agron Malaj me 65.91 % të votave

-Mirditë, fiton koalicioni Bashkë Fitojmë, Albert Mëlyshi me 55.19 % të votave

-Selenicë, fiton Partia Socialiste, Nertil Bellaj me 59.03% të votave

-Gramsh, fiton Partia Socialiste, Besion Ajazi me 52.67% të votave

-Belsh, fiton Partia Socialiste, Arif Tafani me 50.23% të votave

-Roskovec, fiton Partia Socialiste, Majlinda Bufi me 52.54% të votave

-Përrenjas, fiton Partia Socialiste, Nuri Belba me 62.48% të votave

-Himarë, fiton koalicioni Bashkë Fitojmë, Fredi Beleri me 50.12% të votave

-Tropojë, fiton Partia Socialiste, Rexhe Byberi me 51.25% të votave

-Dropull, fiton Partia Socialiste, Dhimitraq Toli me 81.25% të votave

-Has, fiton koalicioni Bashkë Fitojmë, Miftar Dauti me 55.98% të votave

-Përmet, fiton Partia Socialiste, Alma Hoxha me 76.78% të votave

-Menaliaj, fiton koalicioni Bashkë Fitojmë, Albert Malaj me 25.76% të votave

-Klos, fiton Partia Socialiste, Valbona Kola me 56.07% të votave

-Kolonjë, fiton Partia Socialiste, Erion Isai me 64.28% të votave

-Delvinë, fiton Partia Socialiste, Besmir Veli me 62.75% të votave

-Skrapar, fiton Partia Socialsite, Adriatik Mema me 55.84% të votave

-Poliçan, fiton Partia Socialiste, Adriatik Zotkaj me 78.87% të votave

-Tepelenë, fiton Partia Socialiste, Tërmet Peçi me 82.67% të votave

-Pukë, fiton koalicioni Bashkë Fitojmë, Rrok Dodaj me 58.13% të votave

-Konispol, fiton Partia Socialiste, Ergest Dule me 54.66% të votave

-Këlcyrë, fiton Partia Socialsite, Klement Ndoni me 49.34% të votave

-Fushë-Arrëz, fiton koalicioni Bashkë Fitojmë, Hil Curri me 58.99% të votave

-Libohovë, fiton Partia Socialiste, Leonard Hide me 52.64% të votave

-Pustec, fiton Partia Socialiste, Pali Kolefski me 64.95% të votave

The post LISTA E PLOTË/ Njihuni me 61 drejtuesit e rinj vendorë, këto janë 8 bashkitë që nuk mori PS appeared first on Albeu.com.

Nga Shkodra, Rama tha se bashkitë janë institucionet më pak aktive në këto katër vite. Ai theksoi se gjoba do të aplikohet për shkeljet e para.

Rama shkoi deri aty sa tha se në rast se kjo bëhet e përsëritur, do të ketë edhe shkarkime nga detyra.

“Për çudinë time më të madhe, bashkitë që janë institucionet që për natyrë janë shumë më afër qytetarëve janë edhe institucionet më pak aktive në këto katër vite. Në rast se me agjencitë e pushtetit ekzekutiv është më i thjeshtë ndërveprimi, me bashkitë e ka shumë të vështirë.

Me ligjin tani në fuqi, kryetarët e bashkive do sanksionoheshin financiarisht në rast se nuk japin zgjidhje për problemet e qytetarëve në rastet kur këto çështje janë të drejta.

Sanskionet do të shkojnë deri në maj. Nuk do jenë pafund. Pastaj kalohet në fazën e shkarkimit. Këto janë pjesë e zonës pa përgjigje. Qytetarët duhet ta dinë që në platformë nuk zgjidhnin çështje gjyqësore”, tha Rama./albeu.com/

The post Rama paralajmëron kryebashkiakët: Po u kapët në shkelje disa herë do të shkarkoheni appeared first on Albeu.com.