Sipas të dhënave të publikuara ditën e sotme nga Shërbimi Federal i Punësimit, 3,021 persona ishin të papunë vetëm për muajin mars.

“Zakonisht rimëkëmbja e pranverës fillon në mars, por këtë vit nuk ka shumë vrull. Ne jemi ende në një fund, i cili tani po bëhet pak më i madh”, tha kreu i agjencisë dhe ish-ministri federal i punës Andrea Nales.

Mediat shkruajnë se sipas të dhënave zyrtare 1.1 milionë njerëz morën ndihmë ekonomike për shkak të papunësisë këtë muaj.

Shumë përfitues punojnë, por të ardhurat e tyre duhet të plotësohen me një kompensim për të mbuluar kostot e jetesës.

The post A po shkon Gjermania drej një krize ekonomike? Mbi 2 milionë persona rezultuan të papunë bazuar në të dhënat zyrtare appeared first on Albeu.com.

7 parashikimet e Baba Vangës:

Vrasja e presidentit rus Vladimir Putin

Presidenti rus Vladimir Putin do të vritet nga një nga bashkëkombësit e tij në vitin 2024, sipas Baba Vangës.
Rastësisht, muajin e kaluar, dikush në një kanal telegram rus të quajtur “General SVR” pretendoi në mënyrë të rreme se Putini kishte vdekur. Megjithatë, Kremlini e mohoi këtë, duke e quajtur ide absurde.
Andrii Yusov, një zëdhënës i Inteligjencës së Mbrojtjes së Ukrainës, akuzoi më vonë Rusinë për përhapjen e një thashethemi për vdekjen e Putinit për të testuar popullaritetin e tij.

Terrori evropian

Ajo ka hamendësuar se Evropa do të shihte një rritje të terrorizmit dhe se një “vend i madh” ose do të kryente teste të armëve biologjike ose sulme në vitin që vjen.

 Katastrofat klimatike

Ajo parashikoi se katastrofat natyrore do të jenë të shumta vitin e ardhshëm.
Vanga tha se përveç ngjarjeve të motit, mund të ketë edhe një rritje të nivelit të rrezatimit.

Kriza ekonomike

Vanga parashikoi se rritja e borxhit, tensionet globale dhe zhvendosja e pushtetit nga Perëndimi në Lindje do të nxisin një krizë ekonomike. 

Sulmet kibernetike

Ajo tha se hakerat do të fillojnë të synojnë infrastrukturën si rrjetet elektrike dhe impiantet e trajtimit të ujit, të cilat do të amplifikojnë kërcënimet ndaj sigurisë kombëtare.

Revolucioni teknologjik

Vanga  ka thënë se informatika kuantike do të shohë një përparim të madh, pasi kompjuterët kuantikë përpunojnë informacionin më shpejt se kompjuterët standardë.
Ajo gjithashtu parashikon një rritje të përdorimit të inteligjencës artificiale (AI).

Zbulime mjekësore

Vanga ka një lajm të mirë, së shpejti do të kemi kurën si për kancerin, ashtu edhe për sëmundjen e Alzheimerit.

Ajo parashikoi gjithashtu se komunizmi do të kthehej në vitin 2076.
Parashikimet e saj ndalen në vitin 5079, vit kur ajo parashikon se bota do të marrë fund!

The post Terror në Europë, katastrofa dhe krizë ekonomike, parashikimet e Baba Vanga për vitin 2024 appeared first on Albeu.com.

Raporti vjetor i rreziqeve globale të WEF zbuloi se kriza ndërkombëtare e kostos së jetesës e shkaktuar nga pandemia e Covid dhe lufta e Rusisë në Ukrainë kryesuan listën e shqetësimeve në një sondazh me më shumë se 1200 ekspertë globalë, politikëbërës dhe udhëheqës biznesi.

Duke dhënë alarmin në prag të mbledhjes vjetore të liderëve botërorë në vendpushimin malor zviceran, ajo tha se kriza e furnizimit me energji dhe ushqim ka të ngjarë të vazhdojë për dy vitet e ardhshme si rreziku më i madh për ekonominë botërore. /albeu.com

The post Bota në krizë edhe për dy vjet? Çmimet e ushqimeve dhe energjisë mund të vazhdojnë të rriten appeared first on Albeu.com.

Ndërsa ndërprerjet në gazin rus, energjinë bërthamore franceze dhe hidrocentralin norvegjez po shkaktojnë kërdi në tregjet e energjisë në Europë, çmimet po shkojnë drejt surrealitetit.

Çmimet standarde të gazit natyror u rritën me 30% javën e kaluar. Kontratat franceze dhe gjermane verën e kaluar për energjinë elektrike ishin rreth 100 euro  për megavat orë.

Por kohët e fundit, ato u rritën mbi 1000 euro. Çmimet kanë shënuar rënie që atëherë por gazi ende tregtohet me rreth 400 dollarë për një fuçi naftë. Shefi i Shell ka paralajmëruar se kriza do të zgjasë më shumë se vetëm një dimër.

Dhimbja do të jetë e madhe dhe do të përhapet edhe më tej pasi kontratat ekzistuese të energjisë të familjeve dhe firmave të skadojnë. Kjo do të intensifikojë ashpërsimin e ekonomisë teksa Banka Qendrore Europiane rrit  normat e interesit për të luftuar inflacionin, raporton abcnews.al.

Muajt e ardhshëm, shumë ekonomistë parashikojnë një recesion ndërsa monedha e përbashkët ka shënuar rënien në nivelin më të ulët kundrejt dollarit në dy dekada.

Deri më tani, përgjigja e Komisionit Europian nuk ka qenë mjaft ambicioze.

Ideja e fundit e Komisionit Europian ishte vendosja e një kufiri mbi çmimin e gazit të përdorur për të prodhuar energji elektrike, i cili do të diskutohet në një samit të ministrave në 9 shtator. Komisioni mund të kërkojë gjithashtu të përmirësojë tregun e energjisë elektrike, në mënyrë që çmimet të mos përcaktohet më nga kostot e prodhuesit margjinal.

Kufizimi i çmimeve tingëllon si diçka pozitive por mund të jetë kundërproduktiv. Kjo për shkak se vendosja e një tavani në çmimin e naftës apo gazit nuk do të frenojë kërkesën për energji.

Sipas një studimi, një kufi i zbatuar në Spanjë ka çuar në një rritje prej 42% të prodhimit me karburant që nga qershori. Një politikë në mbarë BE-në vetëm sa do të rriste më tej kërkesën për gaz, duke rritur shanset e racionimit në dimër, raporton abcnews.al.

Është e vërtetë që struktura aktuale lejon disa firma të energjisë së rinovueshme, të cilat prodhojnë me kosto marxhinale afër zero, të korrin fitime. Nëse çmimet e gazit do të qëndronin të larta për vite të tëra, të ardhura të tilla të papritura mund të përshkruheshin si qira të pajustifikuara.

Në vend që të ndërhyjnë, qeveritë duhet të fokusohen në dy detyra më të mëdha.

E para është të lejojë mekanizmin e tregut të frenojë kërkesën, duke mbështetur njerëzit që janë më të rrezikuar.

Do të nevojiten ndihma të mëdha, por ndihma e synuar mund të kufizojë faturën: sipas FMN-së, politikat që ofrojnë zbritje dhe transferta parash për 40% për personat me ekonomi të dobët do të ishin më të lira se sa politika sot, e cila përfshin kryesisht uljen e taksave për karburantin, ose vendosjen e një kufiri për produktet me pakicë.

E dyta  është rritja e ofertës, diçka që nuk është e përfshirë në “dhuratën” e Vladimir Putinit. Ose mund të gjenden burime të tjera alternative të gazit natyror,  kjo është një arsye pse presidenti i Francës, Emmanuel Macron, sapo ka vizituar Algjerinë.

Brenda Europës, vendet mund të ndihmojnë në lehtësimin e pengesave, të tilla si investimet ndërkufitare të gazit. Por sot investimet e pamjaftueshme dhe ndryshimet në standarde pengojnë fluksin nga Spanja dhe Franca në Gjermani dhe Europën Lindore.

BE-ja duhet të sigurojë që në rast racionimi, të sigurojë një marrëveshje në mbarë kontinentin: pa këtë rreziku është që vendet të grumbullojnë furnizime. E gjithë kjo do të kushtojë shumë para. Deri më tani, Greqia, Italia dhe Spanja, ndër anëtarët më me shumë borxhe të eurozonës, kanë shpenzuar 2-4% të PBB-së së tyre në fondet fiskale për të zbutur krizën energjetike.

Për fat të mirë, BE ka të gjitha mjetet e nevojshme për të ndihmuar. Fondi i rimëkëmbjes së pandëmisë prej 807 miliardë eurosh po jepet në formën e kredive dhe granteve, raporton abcnews.al.

Megjithatë deri më tani më pak se 15% e saj është disbursuar. Pagesat për projektet e energjisë mund të përshpejtohen dhe komisioni mund të ofrojë kredi të lira për të ndihmuar financimin e mbështetjes fiskale të synuar.

BE-ja u bashkua për të trajtuar pasojat ekonomike për shkak të bllokimit gjatë pandemisë. Por mos krijoni iluzione, pasi kriza energjitike kërkon një përgjigje po aq të guximshme.

The post Si të parandalojmë që kriza energjetike e Europës të mos shndërrohet në ekonomike appeared first on Albeu.com.

Një krizë të cilën ai e quan boterore për shkak se ka prekur jo vetem Shqipërinë por edhe shtetet e tjera të cilat importonin mallra, energji dhe burime të tjera si nafta dhe gazi natyror.

Ahmetaj shprehet se qeveria ka vendosur mbrojtje ndaj qytetarëve dhe biznesit të vogël dhe se gjysmë milionë qytetarë  do t’ju jepet një shumë prej me 30 mijë lekë të vjetra.

Për sa i përket fermereve ai tha se janë gjithnjë në mbështetje të tyre duke i subvencionuar.

Në mbyllje të fjalës së tij ai shpreh mundësinë për të mbështetur shoqërinë duke i ofruar siguri në kohë të vështira.

“Emergjencën e qytetarëve ne e kemi trajtuar dhe po e trajtojmë në vazhdimësi. Si e kemi trajtuar? Para se invazioni rus të shkaktonte lëkundje ekonomike në të gjithë Europën, ne si qeveri vendosëm përballë valës së parë të çmimeve të energjisë, vendosëm mbrojtje totale ndaj qytetarëve dhe biznesit të vogël. Është shumë e rëndësishme jo vetëm për paratë, por ka të bëjë me një qasje të një qeverie ndaj halleve të qytetarëve dhe biznesit të vogël, por dhe ndaj atyre bizneseve të lidhura me tensionin e mesëm. Pra këta qytetarë nuk janë të vetëm përballë goditjes ekonomike. Me lëvizjet e çmimeve qoftë ato të naftës, qoftë ato të disa produkteve ushqimore, u gjykua që për 3 muajt e parë të ndihmohen mbi gjysmilionë qytetarë me 30 mijë lekë të vjetra në muaj, nuk janë shumë, por edhe kjo është qasje ndaj qytetarëve. Me fermerët është e njëjta gjë, qasja dhe modeli jonë është në mbështetje të fermerit, u dyfishua shumë për subvencionin e fermerëve. Në vazhdimësi qeveria është e gatshme të bëjë për të përballuar krizën që nuk e dimë se sa do të vazhdojë. Çfarë vendos të bëjë kjo qeveri? Është një stil tjetër qeverisjeje. Kur sollëm këtu ligjin për bashkëbisedim me qytetarët ju e morët me shaka, sot që të dhënat dhe pjesëmarrja është rekord mbi 500 mijë qytetarë që kanë thënë qëndrimet e tyre për çështje të ndryshme për të gjitha fushat e jetës, një shumicë qytetarësh kanë mbështetur jo vetëm qasjen e re, por edhe disa pyetje që do formatojnë politikat tona në vazhdim, që nga Ballkani i Hapur, që ka të bëjë një qasje të hapur që ta bëjë ekonominë dhe zonën tonë më atraktive. Kur flasim për hallet e qytetarëve, këto janë hallet e qytetarëve, tek mundësia për ti mbështetur në krizën e paprecedentë apo për ti ofruar siguri në kohë të vështira”, u shpreh Ahmetaj./albeu.com

The post Ahmetaj: Po flasim për hallet e qytetarëve, nuk do t’i lemë vetëm në këto ditë të vështira appeared first on Albeu.com.

Barcelona e gjen veten në një situatë të rrezikshme teksa përballet me Bayern Munich në Allianz Arena të mërkurën. Aktualisht Blaugrana ndodhet në vendin e dytë në Grupin B, pas gjermanëve, por vetëm dy pikë më shumë se Benfica që përballet me Dynamo Kiev.

Në buxhetin e tyre para-sezonal, Los Cules kishte buxhetuar për të arritur të paktën në fazën çerekfinale të turneut, dhe dështimi për të përparuar edhe përtej fazës së grupeve do të nënkuptonte humbjen e 20.2 milionë eurove.

Kjo do të ishte një goditje e rëndë ekonomike për presidencën e Joan Laporta-s dhe dështimi për të siguruar paratë e fituara nga raundi i 16-të dhe paraqitja në çerekfinale do të dëmtonte gjithashtu shanset e klubit për të lëvizur për lojtarë në tregun e transferimeve në janar.

Për momentin klubi është në kërkim të vetëm lojtarëve që mund t’i sjellë në huazim.

Humbja prej 20.2 milionë euro do të zvogëlohej disi nëse Blaugranët bien në Ligën e Evropës, e cila, nëse do të mund ta fitonte disi turneun, do t’i siguronte një total prej 14.9 milionë eurosh.

Një arritje e tillë do ta kufizonte klubin në një humbje prej 5.3 milionë euro sipas buxhetit të përgatitur fillimisht. Edhe pse duhet thënë gjithashtu se sa më shumë para që klubi mund të gjenerojë përmes sponsorizimit ose suksesit në fushë, do të thotë një buxhet më i madh në të ardhmen për pagat./h.ll/albeu.com

The post Barca do të pësojë humbje të mëdha financiare nëse nuk kualifikohet në Champions appeared first on Albeu.com.