Lajmin e kanë bërë të ditur pas disa studimeve, mbi 200 organizata joqeveritare të marten.

Këto organizata kanë bërë thirrje për marrje të vendimeve në gjithë botën “për t’i dhënë fund spirales së krizës globale të urisë”.

Në një letër të hapur, të adresuar për liderët botërorë që mblidhen në Nju Jork për Asamblenë e Përgjithshme të Kombeve të Bashkuara, 238 organizata nga 75 shtete, duke përfshirë, Oxfam, Save the Children dhe Plan International, kanë shprehur zemërim për nivelet e larta të urisë në botë.

Lufta në Ukrainë në krye të agjendës së Asamblesë së Përgjithshme të OKB-së:

“Rreth 345 milionë njerëz janë duke u përballur me uri të rëndë, shifrat janë rritur më shumë se dyfish prej vitit 2019”, kanë thënë organizatat përmes një deklarate. “Pavarësisht premtimeve nga liderët botërorë se nuk do të lejojnë më kurrë uri në shekullin XXI, kriza e urisë është ende prezente në Somali. Rreth botës, 50 milionë njerëz janë në prag të urisë në 45 shtete”, kanë thënë ato.

Duke përmendur se rreth 19.700 njerëz vlerësohet se vdesin çdo ditë si pasojë e urisë, organizatat joqeveritare kanë thënë se kjo shifër nënkupton se një person vdes çdo katër sekonda. “Është turp që me gjithë këtë teknologji në bujqësi, dhe teknika tjera, sot po flasim për uri në shekullin 21”, ka thënë Mohanna Ahmed Ali Eljabaly, nga njëra prej organizatave që kanë nënshkruar deklaratën.

“Nuk ka të bëjë vetëm me një shtet, apo një kontinent, dhe uria kurrë nuk ka qenë arsyeja e vetme. Kjo situatë flet për padrejtësinë e gjithë njerëzimit”, ka thënë ai.

Ndër vendet që përballen më së shumti me uri janë: Somalia, Haiti, Xhibuti, Kenia, Nigeri, Afganistani, Guatemala, Madagaskari dhe Burkina Faso.

The post Kriza globale, një person vdes nga uria çdo katër sekonda appeared first on Albeu.com.

Ndërkohë INSTAT ka publikuar treguesit e inflacionit për gushtin ku vërehet një rritje e fortë e çmimeve duke kapur nivele rekord, të cilat Shqipëria nuk i ka hasur gjatë 20 viteve të fundit.

Sipas INSTAT, çmimet gjatë gushtit në të gjithë ekonominë u rritën me 8 për qind, ndërkohë që goditjen më të madhe e patën sektorë si “transporti” me 19.3 për qind dhe ushqimet me më shumë se 14 për qind.

Brenda këtij grupi, shtrenjtimin më të madh e pësuan produktet bazike të të ushqyerit në një familje mesatare të vendit siç janë vaji, qumështi, vezët, sheqernat, mishi, etj.

Ndërkohë sfida më e madhe mbetet për t’u parë gjatë muajve të dimrit, kur pritet një krizë e përgjithshme energjitike dhe çmime në rritje./albeu.com/

The post REKORD/ Çmimet “kapin qiellin”, familjet shqiptare te “buka e gojës” appeared first on Albeu.com.

Lufta po përkeqëson një krizë tashmë të nxitur nga ndryshimet klimatike, rritja e kostove të jetesës dhe një rritje e çmimit të plehrave që po krijon krizën më akute globale të ushqimit në dekada.

Një marrëveshje e ndërmjetësuar nga OKB për të rihapur portet e Detit të Zi për anijet ushqimore mund të mos jetë e mjaftueshme për miliona njerëz në të gjithë Afrikën, Azinë dhe Lindjen e Mesme, raporton abcnews.al.

“Unë kam punuar në këtë sektor tani për më shumë se 15 vite dhe kjo për mua është kriza më e keqe që kemi parë,” tha Carin Smaller, drejtore ekzekutive e Qendrës Shamba, një institut kërkimi që punon për t’i dhënë fund urisë globale.

Agjencitë humanitare po përpiqen të përgatiten për nivele edhe më kritike të urisë, pasi ato përballen me një hendek vjetor prej 14 miliardë eurosh në shpenzimet e sigurisë ushqimore, sipas një raporti të vitit 2020 nga Ceres 2030, një institut kërkimi.

Lufta e Moskës në shportën e bukës së Europës ka tronditur rëndë tregjet globale të ushqimit, duke detyruar agjencitë humanitare të ulin racionet e ushqimit në vende si Jemeni.

36 vende mbështeten tek Ukraina dhe Rusia për më shumë se gjysmën e importeve të tyre të grurit.

Një grup i posaçëm i OKB-së për krizën po monitoron më shumë se 60 vende që po luftojnë për importet e ushqimit. Çmimet e larta të energjisë dhe paqëndrueshmëria në tregjet ushqimore kanë shtuar presionin mbi vendet në zhvillim.

Ndërsa vazhdon të rritet numri i personave për shkak të urisë, qëllimi i OKB-së për t’i dhënë fund kësaj krize deri në fund të dekadës duket më i largët se kurrë. Thatësira ka kapluar Bririn e Afrikës, duke lënë rreth 26 milionë njerëz të përballen me mungesë ushqimi në Kenia, Etiopi dhe Somali gjatë gjashtë muajve të ardhshëm.

Më shumë se 7 milionë tashmë janë zhdukur. Në të gjithë Afrikën Lindore në tërësi, rreth 50 milionë njerëz po përballen me pasiguri akute ushqimore. Në Liban, gjithashtu një importues i madh i grurit rus dhe ukrainas, inflacioni real i ushqimeve ka qenë në 122%.

Inflacioni i çmimeve të ushqimeve vendase është gjithashtu i lartë pothuajse në të gjitha vendet me të ardhura të ulëta dhe të mesme, sipas Bankës Botërore. Kjo do të thotë se është e vështirë për njerëzit të përballojnë ushqimin edhe në vende ku nuk ka mungesë.

Njerëzit po paguajnë më shumë për nevojat themelore kudo nga Peruja në Burundi.  Sipas Programit Botëror të Ushqimit, një rekord prej 49 milionë njerëz në 46 vende mund të vuajnë nga uria.

Vendet më të prekura janë Etiopia, Nigeria, Sudani i Jugut, Afganistani, Somalia dhe Jemeni, ku ka 750,000 njerëz që përballen me urinë dhe vdekjen, nga të cilët 400,000 janë vetëm në rajonin Tigray të Etiopisë, për shkak të luftrave civile të vazhdueshme, raporton abcnews.al.

Rezervat e ulëta valutore e bënë të vështirë për Sri Lankën importin e ushqimit. Qeveria u përpoq të përmirësonte krizën e bilancit të pagesave duke ndaluar importin e plehrave, të cilat – së bashku me një ndalim të plotë të përdorimit të tyre  çuan në shkatërrimin e gjysmës së orizit të prodhuar në vend.

“Prodhimi vendas i ushqimit ka rënë ndjeshëm gjatë vitit të kaluar, mungesa e karburantit e ka bërë prodhimin, përpunimin, transportin dhe shitjen me pakicë shumë të vështirë dhe importet e ushqimit dhe karburantit janë jashtëzakonisht të shtrenjta,” tha Shalmali Guttal, drejtor ekzekutiv i Focus on the Global South. think tank.

Marrëveshja midis Rusisë dhe Ukrainës

Një marrëveshje midis Rusisë, Ukrainës, Turqisë dhe OKB-së për të rifilluar eksportet e ushqimit nga portet e Detit të Zi të Ukrainës, ka ndihmuar në lehtësimin e tregjeve disi.

Çmimet e grurit ranë me 14.5 për qind midis qershorit dhe korrikut, të inkurajuar nga perspektiva e eksportimit të rreth 20 milionë tonë drithë të mbyllur në kapanonet ukrainase

Por marrëveshja është e ngadaltë që nga nënshkrimi i marrëveshjes me 22 korrik. Rusia goditi menjëherë portin e Odesës me raketa dhe Ukraina, edhe pse optimiste tha se shanci për sukses është shumë i vogël.

Edhe nëse Ukraina dhe Rusia eksportojnë me kapacitet të plotë, ekspertët janë të kujdesshëm se marrëveshja mund të anulohet lehtësisht.

“A është e mjaftueshme për të rivendosur status quo-në e paraluftës? Jo,” sipas dy ekonomistëve bujqësorë Joseph Glauber dhe David Laborde në korrik.

“Nuk është ende e qartë nëse Ukraina mund të arrijë vërtet të eksportojë gjithçka emergjente,” tha Dominik Ziller, nënkryetar i Fondit Ndërkombëtar për Zhvillimin Bujqësor (IFAD), një agjenci e OKB-së.

“Ne ende kemi frikë se këto mungesa ushqimore bazë mund të shkaktojnë trazira në tregjet e mallrave dhe të çojnë sërish në rritje të çmimeve që do të godasin sërish më të rëndë më të varfërit në zonat rurale,” tha ai.

Ndryshimet klimatike

Shumë vende të botës po përjetojnë fenomene ekstreme të motit pjesërisht për shkak të ndryshimeve klimatike. Nxehtësia ekstreme në Azinë Jugore dhe SHBA, thatësira në pjesë të mëdha të Europës dhe Afrikës Lindore dhe Kinës, dhe përmbytjet në Kore kanë shkaktërruar të korrat masive, duke e bërë ushqimin e disponueshëm më të shtrenjtë.

Prodhimi i grurit pritet të shënojë rënie në vitin 2022, për herë të parë në katër vite. Një rritje e çmimit të plehrave e ka bërë gjithashtu më të shtrenjtë rritjen e ushqimeve. Një zyrtar i OKB-së paralajmëroi se kriza është “e madhe” dhe kërcënon të zgjasë krizën e urisë nëse fermerët anembanë globit përhapin më pak kimikate që rritin rendimentin për të shpëtuar të ardhurat e tyre, raporton abcnews.al.

Çmimi i plehrave ishte tashmë i lartë përpara se Rusia të pushtonte Ukrainën, por për shkak të varësisë së industrisë nga gazi natyror – i cili gjithashtu është rritur në qiell që nga lufta është rritur edhe më shumë.

“Rritjet e çmimeve të plehrave dhe shqetësimet rreth disponueshmërisë hedhin hije mbi korrjet e ardhshme, duke rrezikuar rritjen e çmimeve të ushqimit për një përiudhë të gjatë,” sipas një instituti.

Një sërë nismash politike ndërkombëtare janë krijuar për të trajtuar krizën, përfshirë nga Franca dhe Gjermania, por ekspertët besojnë se ato nuk do të jenë efektive pa një shumë të madhe parash.

Programi Botëror i Ushqimit ka financuar 8 miliardë dollarë donacione këtë vit, por ka nevojë për një total prej 22 miliardë dollarësh./abcnews.al

The post Kriza ushqimore pritet të përkeqësohet, miliona njerëz rrezikojnë të vdesin nga uria appeared first on Albeu.com.

Nafta e papërpunuar ndërkombëtare Brent u tregtua me 105,31 dollarë për fuçi në orën 06:59 GMT për një rënie prej 0,59% pas mbylljes së seancës së mëparshme me 105,94 dollarë për fuçi.

Ekonomia e Kinës u ngadalësua papritur në korrik, ndërsa prodhimi i rafinerisë ra në 12.53 milionë fuçi në ditë, më i ulëti që nga marsi 2020, treguan të dhënat e qeverisë. Mes tensionit gjeopolitik për shkak të luftës Rusi-Ukrainë dhe masave të rrepta të vazhdueshme të Kinës për pandeminë, frika në rritje për normat e larta të interesit që pengojnë zhvillimin ekonomik po kërcënojnë gjithashtu “oreksin” e investitorëve për rrezik.

Furnizimi me naftë mund të rritet nëse Irani dhe Shtetet e Bashkuara pranojnë një ofertë nga Bashkimi Evropian për të ringjallur marrëveshjen bërthamore të vitit 2015, e cila do të hiqte sanksionet ndaj eksporteve iraniane të naftës./albeu.com

The post Kriza në Kinë, ulet çmimi i naftës në bursa appeared first on Albeu.com.

Luani i Oqeanit, i cili u nis për në Korenë e Jugut, po transporton 64,720 ton misër, ndërsa Rahmi Yagci po transporton 5,300 ton miell luledielli në Stamboll. 

Të dyja janë të fotografuara në fotot e mëposhtme…

The post Anijet ukrainase me grurë nisen nga porti i Detit të Zi (FOTO LAJM) appeared first on Albeu.com.

Duket se edhe pas arritjes së një marrëveshjeje, anijet me grurë ende nuk po dalin nga portet e Ukrainës.

Moska po vendos kushte të reja për zbatimin e marrëveshjes së grurit, sipas zëvendësministrit të jashtëm rus, i cili tha se marrëveshja do të hyjë në fuqi vetëm nëse hiqen sanksionet kundër produkteve bujqësore ruse, shkruan Reuters.

Marrëveshja e arritur në Stamboll javën e kaluar nga Rusia dhe Ukraina për heqjen e bllokadës së porteve ukrainase për të lejuar eksportin e grurit mund të dështojë, tha zëvendësministri Andriy Rudenko.

Dhe kjo do të ndodhë, shtoi ai, për sa kohë që Perëndimi nuk heq ndalimin e eksportit të produkteve bujqësore ruse. Bëhet fjalë për ndalime, shumica e të cilave datojnë nga viti 2014 që nga pushtimi i Krimesë.

“Shpresojmë të mos arrijmë në këtë pikë”, tha diplomati rus.

Ai shtoi se zbatimi i marrëveshjes së gruritsi për eksportet ruse ashtu edhe për grurin ukrainas duhet të fillojë në të njëjtën kohë.

“Këto dy dokumente u nënshkruan në të njëjtën kohë, kështu që ato duhet të zbatohen  në të njëjtën mënyrë,” u tha ai gazetarëve në Moskë.

Është fakt se, krahas marrëveshjes për eksportin e grurit ukrainas, në Stamboll, Sekretari i Përgjithshëm i OKB-së, Antonio Guterres, në një takim me ministrin rus të Mbrojtjes Sergei Shoigu, nënshkroi një Memorandum Bashkëpunimi midis Rusisë dhe OKB-së për të lehtësuar furnizimin e produkteve bujqësore dhe plehrave ruse në tregjet botërore.

Deklarata e Rudenko vjen edhe pse forcat ruse vazhdojnë të bombardojnë portet ukrainase në Detin e Zi, si Odessa dhe Mykolaiv. Nga ana e tij, ambasadori rus në Turqi, Alexei Yerhov, se ka pikëpyetje të shumta se kur do të nisen anijet e para.

“Mendoj se duhet të kemi pak më shumë durim,” tha ai.

Megjithatë, sipas Reuters, duke cituar një zyrtar turk grupi i parë i grurit ukrainas mund të eksportohet brenda disa ditësh./albeu.com/

The post Marrëveshja e grurit në rrezik? Moska “ndryshon mendje” dhe vendos kushte të reja appeared first on Albeu.com.

Një dimër makth për kontinentin europian “premtohet” nga presidenti rus, Vladimir Putin , pasi pas mbylljes së rubinetit të gazit natyror.

“Plani i urisë” i frymëzuar nga Rusia për Evropën, siç përshkruhet nga faqja e internetit Politico, synon të rrisë në qiell koston ditore të jetesës për miliona qytetarë evropianë dhe t’i varfërojë ata me shpejtësi si rezultat, në mënyrë që të ushtrojë presion të madh mbi qeveritë kombëtare të Vendet anëtare të BE-së.

Një shije paraprake e luftës hibride “totale” të promovuar nga Moska ishte ndërprerja e furnizimit me gaz natyror përmes gazsjellësit Nord Stream1, si rezultat i të cilit shumica e kryeqyteteve evropiane u gjendën papritur përballë mungesës së plotë të lëndëve djegëse fosile, por edhe me shumëzimin e kostove të tyre. Me pushtimin rus të Ukrainës duke riformuar jetën e përditshme, 60% e qytetarëve të BE-së thanë se nuk ishin gati të përballeshin me rritje të kostos së ushqimit ose energjisë në një sondazh të lidhur, pasi shumica dërrmuese e qytetarëve evropianë nuk duket se e kanë kuptuar ende të plotë pasojat e luftës, megjithëse 59% e të anketuarve ranë dakord se “vlerat evropiane si liria dhe demokracia duhet të jenë prioritet, edhe nëse kjo ndikon në çmimet dhe koston e jetesës”.

Megjithatë, nën pretekstin e punës së mirëmbajtjes, presidenti rus ka ndërprerë përkohësisht furnizimin me gaz në 12 vende të BE-së, përfshirë Gjermaninë, Francën, Italinë dhe Austrinë, duke tronditur ekonomitë më të fuqishme të Eurozonës. Edhe nëse Gazprom pretendon se mirëmbajtja e gazsjellësit Nord Stream1 do të zgjasë deri më 21 korrik, askush nuk betohet se furnizimi me gaz rus në Evropë do të vazhdojë pa ndërprerje, por e kundërta.

Në këto linja, Robert Habeck, ministri i ekonomisë gjermane, paralajmëroi këtë muaj për një “makth politik” që do të kërcënonte kohezionin social nëse furnizimet me gaz natyror janë aq të pakta sa duhet të shpërndahen nga qeveria, ndërsa homologu francez, Bruno Lemaire tha ai besonte se një “ndërprerje totale e gazit rus” ishte “opsioni më i mundshëm”.

Ndërkohë pritet që Komisioni Europian të bëjë publik të mërkurën e ardhshme, më 20 korrik, planin  i tij për të siguruar mjaftueshmëri energjetike përpara dimrit.

The post Putin përgatit terrenin për të lënë botën “pa bukë” appeared first on Albeu.com.

Një ndër çeshtjet që vazhdon të shqetësojë më shumë vendet në botë është bllokimi i grurit ukrainas. Ukraina ka akuzuar prej kohësh Rusinë se ka bllokuar eksportin e grurit duke shkaktuar uri në shumë vende të botës.

–Dërgesat e grurit përmes lumit Danub janë shtuar me rihapjen e kanalit Bystre. Numri i anijeve të huaja që arrijnë në portet e Ukrainës për të ndihmuar me eksportet e grurit është dyfishuar në 16 brenda 24 orëve të fundit, sipas zëvendësministrit të infrastrukturës së Ukrainës, Yuriy Vaskov.

Ndërkohë, delegacionet ushtarake nga Ukraina, Rusia dhe Turqia do të takohen me zyrtarë të OKB-së në Stamboll sot për të diskutuar një marrëveshje të mundshme për të rifilluar eksportet e sigurta të grurit të Ukrainës nga porti kryesor i Detit të Zi, Odesa, teksa kriza globale e ushqimit vijon të përkeqësohet.

-Numri i viktimave nga një sulm me raketa ruse në fundjavë në një bllok apartamentesh banimi në Chasiv Yar, në Ukrainën lindore, u rrit në të paktën 45 persona. Sulmi i së shtunës shkatërroi ndërtesën pesë-katëshe dhe dëmtoi disa të tjera në qytetin e rajonit Donetsk. Nëntë persona fatmirësisht janë nxjerrë të gjallë ndërsa operacioni i shpëtimit vazhdon.

-Rusia thuhet se ka bombarduar qytetin lindor të Bakhmut në rajonin e Donetsk gjatë natës në përgjigje të sulmit të Nova Kakhovka.

-Presidenti rus, Vladimir Putin, do të vizitojë Teheranin javën e ardhshme për të zhvilluar bisedime me presidentin turk, Recep Tayyip Erdogan.

-Zyra e OKB-së për të drejtat e njeriut (OHCHR) tha të martën se më shumë se 5,000 civilë janë vrarë në Ukrainë që kur Rusia pushtoi më 24 shkurt, duke shtuar se numri real ndoshta është shumë më i lartë.

-Bashkimi Europian deri më tani ka ngrirë 13.8 miliardë euro (11.7 miliardë £) asete të mbajtura nga oligarkët rusë, individë dhe subjekte të tjera të sanksionuara për luftën e Moskës kundër Ukrainës.

-Brazili po kërkon të blejë sa më shumë naftë që të mundet nga Rusia dhe marrëveshjet u mbyllën dje, sipas ministrit të jashtëm brazilian Carlos Franca, i cili nuk shtoi asnjë detaj më shumë.

Por çfarë ka ndodhur deri më tani?

Kremlini tha se kishte pritshmëri në lidhje me një marrëveshje të mundshme të BE-së për të lejuar Rusinë të tranzitonte disa mallra të sanksionuara në Kaliningrad, por se problemi nuk ishte zgjidhur.

Duke folur për gazetarët sot, zëdhënësi i Kremlinit Dmitry Peskov tha: Ende nuk ka një finalizim të kësaj situate. Ne presim një përparim, por nuk mund të themi se problemi është hequr”.

Të hënën, Lituania zgjeroi kufizimet në tregtinë përmes territorit të saj në enklavën e Kaliningradit të Rusisë, me mallra të sanksionuara duke përfshirë beton, dru, alkool dhe kimikate industriale me bazë alkooli.

Guvernatori i Kaliningradit, Anton Alikhanov, ka propozuar një ndalim total të lëvizjes së mallrave midis tre shteteve baltike dhe Rusisë, në përgjigje të asaj që autoritetet në enklavë e kanë quajtur “bllokadë”.

Zëdhënësja e Ministrisë së Jashtme të Rusisë, Maria Zakharova, ka paralajmëruar Lituaninë dhe BE-në se mund të marrin”masa të ashpra kundër tyre nëse tranziti i mallrave nga dhe në Kaliningrad nuk rifillon.

Delegacioni rus ka mbërritur në Turqi që bisedime rreth eksportit të grurit të Ukrainës. Lajmin e bën të ditur agjencia ruse e lajmeve RIA Novosti.
Agjencia citon burime diplomatike nga delegacioni.

Kujtojmë se të paktën 44 milionë njerëz që mbështeteshin tek Ukraina për t’u ushqyer po përballen tashmë me zinë e bukës dhe situata mund të ndryshojë vetëm nëse lufta merr fund. Bllokadat e porteve kryesore të Ukrainës në Detin e Zi kanë bërë që të ndalë furnizimi me drithë që më parë ushqente milionë persona. Nga uria rrezikohen tashmë vende nga Libia në Liberi dhe nga Siria në Sudanin e Jugut.

Në këtë front, të paktën, Putini duket se po fiton. Një numër në rritje liderësh, të cilëve u bashkua javët e fundit nga kreu i Bashkimit Afrikan Macky Sall, po i bëjnë presion Perëndimit për të hapur rrugën për një marrëveshje paqeje që shumica e analistëve thonë se do të favorizonte Rusinë, por që do të bënte që do të lejonte rikthimin e furnizimeve.

Rusia dhe Ukraina janë afër arritjes së një marrëveshjeje për eksportin e grurit nga territori i Ukrainës.

Lajmin e ka bërë të ditur ministri i Jashtëm ukrainas, Dmytro Kuleba, shkruan la repubblica.

Gjithashtu sot në Stamboll pritet të mbahet një takim mes delegacioneve ushtarake të Turqisë, Rusisë, Ukrainës dhe delegacionit të Kombeve të Bashkuara për të diskutuar çështjen e eksportit të grurit.

Republika e vetëshpallur Popullore e Donetskut (DPR) ka hapur të martën ambasadën e saj në Rusi. Ambasadorja Olga Makeyeva dhe ministrja e Jashtme Natalia Nikonorova u thanë gazetarëve se diplomatët që përfaqësojnë DPR-në e mbështetur nga Rusia kanë marrë tashmë “një numër të madh” peticionesh nga qytetarët, me synimin për të adresuar problemet e tyre, sipas një raporti në të përditshmen ruse Kommersant, shkruan CNN.

Donetsk shtrihet në rajonin Donbas të Ukrainës lindore, në të cilin janë zhvilluar bombardime të rënda gjatë muajve të fundit. Rusia njohu pavarësinë e DPR-së dhe Republikës Popullore të Luhanskut (LNR) – një ent tjetër separatist në Donbas më 21 shkurt, tre ditë përpara se Rusia të niste pushtimin e saj.

Hapja e ambasadës në Moskë të martën u zhvillua pa asnjë zyrtar të lartë të qeverisë ruse.“Ne nuk mund të festojmë këtu kur bashkatdhetarët tanë po vdesin,” tha Makeyeva.

Diplomatët gjithashtu planifikojnë të “sigurojnë informacion të vërtetë rreth ngjarjeve në DPR” dhe të rrisin numrin e vendeve që njohin pavarësinë e saj, raportoi Kommersant. Siria është i vetmi vend përveç Rusisë që ka njohur zyrtarisht DPR-në. Sipas Nikonorova, bisedimet për njohjen janë duke u zhvilluar gjithashtu edhe me Korenë e Veriut.

Një person është vrarë dhe të paktën pesë janë plagosur nga bombardimet ruse në rajonin e Kharkiv, sipas një deklaratë të guvernatorit rajonal Oleh Synyehubov, sipas The Guardian.

“Terrori i popullatës civile të rajonit të Kharkiv nga pushtuesit rusë vazhdon ende”, tha ai në mesazh në Telegram.

Synyehubov thekson se të plagosurit ndodhen në spital dhe po marrin të gjithë ndihmën e nevojshme, gjendja e tyre është e qëndrueshme dhe nuk ka rrezik për jetën. Ai pretendon se forcat ukrainase penguan një sulm me raketa në rajon.

Ai tha gjithashtu se “armiqësitë aktive vazhdojnë në territorin e rajonit”, dhe se një 55-vjeçar është vrarë.

Pretendimet nuk janë verifikuar në mënyrë të pavarur.

Gjermania do të ndalojë blerjen e qymyrit nga Rusia më 1 gusht dhe të naftës më 31 dhjetor, tha zëvendësministri i financave i vendit Gerg Kukis gjatë një konference për shtyp në Sidnei.

Por sfida e madhe përpara Berlinit do të jetë plotësimi i boshllëkut të madh që do të krijohet kur Bashkimi Evropian të ndalojë blerjen e gazit natyror nga Moska, sasia e të cilit arrin në 158 miliardë metra kub në vit, theksoi z. Kukis.

“Ne do të ndalojmë blerjen e qymyrit rus brenda disa javësh ,” i tha zyrtari gjerman gjatë Forumit të Energjisë në Sydney, të bashkëorganizuar nga qeveria australiane dhe Agjencia Ndërkombëtare e Energjisë (IEA).

Gjermania po ndërton terminale për të importuar gaz natyror të lëngshëm (LNG) për të filluar plotësimin e boshllëkut të madh të furnizimit me gaz, por Gerg Kukis vuri në dukje se SHBA dhe Katari mund të shesin vetëm 30 miliardë metra kub në Evropë, një sasi e cila nuk është e mjaftueshme.

“Për këdo që e njeh historinë e gazsjellësit të Druzhbës, i cili tashmë ishte një mjet i perandorisë sovjetike për dominimin në Evropën Lindore”, e kupton se “të heqësh qafe këtë varësi nuk është një gjë e parëndësishme, por është diçka që ne do ta arrijmë në disa muaj”, shtoi zëvendësministri i Jashtëm gjerman.

Zëvendësministri i financave shpjegoi se Berlini po promovon kalimin e tij në zero emetimet e gazit serrë dhe legjislacionin për të përshpejtuar projektet për të prodhuar më shumë energji nga burimet e rinovueshme, por gazi është ende absolutisht i nevojshëm në Gjermani.

Forcat ruse ka të ngjarë të përqendrohen në marrjen e disa qyteteve të vogla të Donbasit gjatë javës së ardhshme, duke përfshirë Siversk dhe Dolyna pranë Slovyansk dhe Kramatorsk, sipas Ministrisë së Mbrojtjes të Mbretërisë së Bashkuar.

Zonat urbane të Slovyansk dhe Kramatorsk ka të ngjarë të mbeten objektivat kryesore për këtë fazë të operacionit, thuhet në raportin e inteligjencës britanike.

Rusia gjithashtu vazhdon të kërkojë të minojë legjitimitetin e shtetit ukrainas dhe të konsolidojë qeverisjen dhe kontrollin e saj administrativ mbi pjesët e okupuara të Ukrainës, sipas Ministrisë së Mbrojtjes.

Së fundmi kjo ka përfshirë një iniciativë për binjakëzimin e qyteteve dhe rajoneve ruse dhe ukrainase për të zhvilluar administrata pas konfliktit dhe një dekret për ta bërë më të lehtë për ukrainasit marrjen e nënshtetësisë ruse.

Ministrat e Brendshëm të BE janë të shqetësuar, se kontrabanda e armëve në Europë do të mbetet një problem për shumë vite, sepse lufta në Ukrainë ka sjellë një fluks të madh armësh ilegale në treg.

Ishte takimi i parë i ministrave të Brendshëm të BE nën presidencën çeke (11.07) ku në qendër ishte lufta në Ukrainë. Këtë herë nuk u fol vetëm për refugjatët, por edhe për kriminalitetin ndërkufitar, siç bëri të ditur C. “Temë kryesore ishte se si të mbrohemi kundër rreziqeve që shfaqen si pasojë e luftës në Ukrainë.”

Tregtia me armë “një rrezik shumë real”

Në krye të listës së rreziqeve potenciale qëndron kontrabanda me njerëz. Por jo më pak e rrezikshme është tregtia me armë, thotë drejtoresha e përgjithshme e Agjencisë së BE për Mbrojtjen e Kufijve, Frontex, Aija Kalnaja. “Mendoj se ky është një rrezik shumë real. Prandaj jemi prezent në kufirin mes Moldavisë dhe Ukrainës. Ne besojmë se aty mbërrijnë armët e kontrabanduara. Jemi të përgatitur për ta ndalur këtë.”

Kalnaja ishte e ftuar në takimin e ministrave të Brendshëm të BE si eksperte. Frontex ka ndërmarrë madje edhe aksionet e para kundër tregtisë me armë, konfirmon zëvendësdrejtori, Lars Gerdes. Ka informacione prej kohësh, se rrjete të mëparshme kontrabandistësh tani janë përqëndruar tek armët, ku përmes luftës në Ukrainë është krijuar një qasje gati pa asnjë kufizim. “Këto armë me shumë gjasë bien në duar kriminale. Këtë e kemi parë në konfliktet në Ballkan. Ende sot aty gjenden armë, që e kanë origjinën në konfliktet e Ballkanit.”

Por në Ukrainë kemi të bëjmë me shumë më tepër armë dhe më moderne. Tregtia ilegale me to do të mbesë si problem edhe për dekadat e ardhshme, thotë Gerdes. “Këto armë të kontrabanduara do të përdoren me gjasë për kriminalitetin e organizuar apo në rastin më të keq për të furnizuar terroistët.”/abcnews.al

The post Sot pritet zgjidhja për krizën e urisë, bota me sytë nga Ukraina appeared first on Albeu.com.

Tregu i sendeve të përdorura është nga vendet më të populluara të Gjirokastrës, një tregues i varfërisë së qindra familjeve që nuk arrijnë të sigurojnë dot të ardhura për të plotësuar nevojat. Por kohët e fundit rritja e çmimeve të ushqimeve po i shtyn qindra familje në kushte mbijetese.

Në një nga lagjet e Gjirokastrës që quhet “Blloku i furrave”, Pëllumb Kuci, 55 vjeç, thotë se është i papunë dhe e shënon emrin në lista për të marrën bukën e përditshme në një njësi ushqimesh fare pranë banesës.

“Jeta është bërë e vështirë pasi çmimet janë rritur tej mase dhe është e pamundur ta përballosh. Unë aktualisht nuk kam asnjë të ardhur, figuroj i papunë”, thotë ai.

Pëllumbi po përpiqet të gjejë një punë, por është edhe në proces të kërkimit të ndihmës ekonomike në Bashki.

Ai thotë më tej se deri para pak kohësh jetonin në familje me pensionin e të atit, i cili ndërroi jetë.

“Thuaj me atë pensionin e tij rrotulloheshim, ndërsa tani po të vesh tek ai dyqani ushqimor mund të shohësh që e marrim bukën me listë. Është viti 2022 dhe e hamë bukën me listë”, thotë ai.

Majlinda, një fqinje, po kështu është në vështirësi ekonomike në familjen e saj. Ajo e humbi mbështetjen ekonomike në bashki pasi u fut përkohësisht në punë, por tani e ka të pamundur të punojë prej problemeve shëndetësore.

“Kishim atëherë ndihmë ekonomike, por ma prenë se u futa në punë. Tani është shumë e vështirë të ma rikthejnë, megjithëse i kam thënë burrit të shkojë dhe të interesohet në bashki se mos na e rikthejnë pasi unë nuk shkoj më në punë”, thotë ajo.

Majlinda thotë se kërkoi të përfshihej tek personat me invaliditet dhe udhëtoi edhe në Tiranë për të kryer aplikimin, por ende kjo nuk i është aprovuar.

Majlinda , djali dhe bashkëshorti jetojnë tani vetëm me të ardhurat që burri siguron kur punon në kohë të pjesshme ku të mundet.

Banorët e varfër të kësaj lagjeje në jo pak raste i marrin ushqimet me listë, thotë Natasha Shena që shet në një njësi të vogël ushqimore duke treguar fletoren e detyrimeve të klientëve.

“Puna është bërë shumë keq, çmimet janë ngritur, por rrogat nuk janë ngritur; ku do falen të varfërit , tek ne dyqanet e vogla se tek të mëdhenjtë i kanë me lekë, ne i kemi me lista” , thotë ajo.

Natasha thotë se çmimet e produkteve kryesore ushqimore janë rritur dhe kjo rritje vazhdon për artikujt kryesorë ushqimorë.

“Mielli, sheqeri, orizi, vaji edhe makaronat, këto janë rritur . Ka vajtur vaji 4 mijë lekë, sheqeri një mijë e treqind, kryeministri tha do ulen këto të shportës, do ngelen stabël. Por sot i morëm furnizimet e muajit ne dhe janë rritur, vaji 4 mijë, orizi një mijë e pesëqind, ky më i liri se ai tjetri është me dymijë lekë, edhe bulmeti, kosi,qumështi janë rritur me njëqind lekë sot për litër nga sa ishin muajin e kaluar”, thotë ajo.

Detyrimet në listë, për jo pak familje, Natasha i ka fshirë pasi e kanë të pamundur të paguajnë.

“Nuk kam shpresë. I paguajnë gjysmat e njerëzve, jo të gjithë. Ka të tjerë që nuk paguajnë, kanë dy vjet dhe ikën ato. Herë i fshijmë po na ndihmon Zoti se kemi dhe pak punë dhe ua falim detyrimet. I ndihmojmë edhe njerëzit, p.sh. perimet që ngelen ua japim falas se i besojmë në varfërinë e tyre se edhe ne s`kemi qenë të pasur, të varfër kemi qenë”, thotë ajo.

Në Drejtorinë e Shërbimeve Sociale Shtetërore në Gjirokastër drejtuesja Magdalena Margariti thotë se për periudhën janar-qershor 2022 është rritur masa e ndihmës ekonomike.

“Drejtoria rajonale e Shërbimit Social Shtetëror trajton rreth një mijë familje me ndihmë ekonomike, nga rreth 1100 aplikantë që janë në Qarkun e Gjirokastrës. Janë mbështetur me dyfishim të ndihmës ekonomike për periudhën janar – qershor familjet që kanë mbi tre fëmijë nën moshën 18 vjeç dhe 10 % rritje të ndihmës ekonomike kanë përfituar familjet e tjera që trajtohen. Vazhdimisht qeveria ka ndërmarrë programe mbështetëse për këto familje për të përballuar krizën dhe rritjen e çmimeve dhe për t`u ardhur në ndihmë”, thotë ajo.

Zonja Margariti thotë se nuk sheh si zgjidhje për shumë familje ndihmën ekonomike, por punësimin.

“Ajo që dua të theksoj është se ndihma ekonomike nuk është zgjidhja. Ndihma ekonomike është një mbështetje që shteti u jep këtyre familjeve të varfra për të zgjidhur disa probleme. Por nuk mund të ketë mirëqënie duke jetuar vetëm me ndihmën ekonomike. Ne u bëjmë thirrje njerëzve që janë aplikantë tek ne apo përfitues, të orientohen drejt punësimit. Ne po bashkëpunojmë intensivisht kohët e fundit me zyrat e punës për t`i orientuar aplikantët për ndihmë ekonomike, apo përfituesit, në këtë drejtim” , thotë ajo.

Zonja Margariti thotë se zonat më të prekura nga nevojat ekonomike janë ato ku nivelet e papunësisë janë tejet të larta.

“Bashkitë që kanë numrin më të madh të familjeve me ndihmë ekonomike janë Bashkia Memaliaj, Bashkia Tepelenë, Bashkia Këlcyrë ku ndihet më shumë nevoja për mbështetje apo ndihmë finaciare të këtyre familjeve”, thotë ajo.

Ndihma ekonomike në Shqipëri është rreth 80 dollarë në muaj për rreth 62 mijë familje në të gjithë vendin dhe me rritjen e çmimeve kjo shumë është tejet modeste për të pëballuar nevojat.

Sipas të dhënave zyrtare, ndihma ekonomike dhe pagesa e papunësisë shënuan rënie 6 muajt e parë të këtij viti në nivel kombëtar krahasuar me të njëjtën periudhë të vitit 2021.

Analistët e ekonomisë vlerësojnë se qeveria po dërgon fonde të pamjaftueshme për shtresat në nevojë në raport me mundësitë që janë krijuar nga rritja e të ardhurave në buxhetin e shtetit.

Rritja e ndjeshme e çmimeve, më parë nga pandemia COVID-19 dhe tani edhe nga lufta në Ukrainë, ka shtuar nevojën e familjeve të varfëra që jetojnë në kufijtë e mbijetesës./VOA

The post Rritja drastike e çmimeve të ushqimeve, vëzhgimi “VOA-s” në terren: Mijëra familje shqiptare në kushte mbijetese appeared first on Albeu.com.

Prej muajsh Kievi e ka akuzuar Rusinë se po vjedh drithërat e saj nga jugu i vendit dhe po bllokon eksportin nga portet, duke kontribuuar në krizën ushqimore globale, diçka që Moska e ka mohuar vazhdimisht.

Eksportet e grurit në Ukrainë kanë pësuar një rënie prej 43 për qind krahasuar me të njëjtën periudhë të një viti më parë, sipas Ministrisë së Bujqësisë së Ukrainës, duke nënvizuar dëmin që i është shkaktuar sektorit kyç të ekonomisë së vendit nga pushtimi rus.

Bllokimi i porteve në Detin e Zi, një rrugë kyçe për anijet që transportojnë produktet ushqimore, kanë sjellë një rritje substanciale të çmimeve të produkteve ushqimore.

Autoritetet ukrainase kanë bërë të ditur se këtë vit, vendi pritet të korrë 65 milionë tonë drithë dhe fara luledielli, krahasuar me 106 milionë në vitin 2021. Shkak për këtë rënie të prodhimit është humbja e një pjese të territorit ndaj Rusisë.

Ministria e Bujqësisë në Ukrainë bëri të ditur se fermerët në jug dhe lindje të Ukrainës kanë nisur tashmë të vjelin të korrat e 2022-it./REL

The post Rusia nis dërgesat e drithërave nga territoret e pushtuara të Ukrainës appeared first on Albeu.com.