Basha u shpreh se selia blu është ushtuar në mënyrë të paligjshme dhe ekranet e TV janë të pushtuara nga tre figura të tranzicionit (Berisha, Meta, Rama) të cilët nuk flasin për problemet e shqiptarëve, por për një krizë artificiale.

“Unë vij nga takimet me demokratët në terren, të cilët nuk e ndjejnë frymën e bashkimit, ka një grup njerëzish që kanë vënë interesin e tyre personal dhe të Sali Berishës, përpara interesit të demokratëve.

Ecin me parimin se kush nuk është me mua, shpallet kulak, e keni parë sulmin që i është bërë kryetarit në detyrë Enkelejd Alibeaj. Raporti i DASH konfirmon kauzat tona, përdorimi i shtetit për të tjetërsuar vullnetin e zgjedhësve, përdorimi i burimeve njerëzore për shantazhimin e votuesve.

Në këtë moment PD dhe demokratët, duhet të mbrojnë interesat më të mira të shqiptarëve, duke insistuar që përgjegjësi kryesor Edi Rama të mbahet përgjegjës, edhe në kuptimin politik të fjalës, jo vetëm ligjor. PD e nisi këtë sezon parlamentar me disa nisma shumë të mira, ne duhet të jemi në ballë të aksionit për vetingun e politikanëve, është pushtuar në mënyrë të paligjshme selia e PD-së, hapësira mediatike është e mbushur me 3 figurat e tranzicionit, askush nuk flet për rritjen e çmimeve”, tha Basha./albeu.com

The post Basha: Në PD vazhdon përçarja, selia blu është pushtuar në mënyrë të paligjshme appeared first on Albeu.com.

I ftuar në emisionin “Të Paekspozuarit” në MCN TV, Çani deklaroi se në parapaskenë ka shumë lëvizje nga faktorë të ndryshëm për të ndikuar në PD.

Ai tha se Rama po bën përpjekjet e tij për të ndikuar dhe ndaluar ikjen e deputetëve te Berisha, po kështu edhe ambasada amerikane.

“Kriza nuk është konsumuar, sapo ka filluar. Ambiciet nuk janë shprehur. Nuk e dimë kush do të jetë në garë përveç Berishës.

E treta, të mos harrojmë, që ndërkohë që po flasim, po luhet shumë underground dhe faktorë të tjerë po hyjnë. Gaz Bardhi ka qenë sulm i paparë, ka sulmuar gjykatësin.

Unë nuk besoj te bashkimi. Di që kur gota thyhet, nuk ngjitet më. Mund të ketë lëvizje fluide brenda grupeve, por ndarja ka ndodhur, divorci ka ndodhur.

Nuk besoj te bashkimi fare. Nëse gjykata e njeh, çfarë ndodh? Do të thotë që Berisha duhet të kthehet në seli? Gaz Bardhi ka thënë gjykatësi do të ketë problemin me drejtësinë. Ende nuk është konsumuar kriza e vulës dhe selisë.

Është proces interesant, nuk duhet parë si dramë, por si serial interesant. Në vend të merremi me një kryeministër, që nuk po josh dhe shumë, ka dy mandate të tjera deri në 2029, kjo në këtë moment nuk është keq. Përveç gjykatësit që hyn nesër, ka faktorë të tjerë, që janë të lidhur me Ramën. Rama ka futur njerëz te grupi i Bashës, që të ndikojë ti frenojë që të kalojnë me Berishën.

Janë futur edhe amerikanët në lojë, me mesazhe me gjëra…

Në këtë krizë një element mbetet i pandryshueshëm, që quhet Berisha. 9 shtatori riktheu Berishën. Ai nuk ikën nga kjo jetë pa nder dhe dinjitet. Ai do ti thotë amerikanëve, ju nuk më doni, por unë jam kryetar i opozitës!”, tha Çani.

The post “Rama ka futur njerëz te grupi i Bashës”, Arjan Çani: Kriza në PD sapo ka filluar, nuk besoj fare te bashkimi appeared first on Albeu.com.

Pasi doli nga selia blu, Basha u pyet nga gazetarët në lidhje me ultimatumin e vendosur nga disa prej demokratëve për të dhënë dorëheqjen për të sjellë bashkimin me pjesën tjetër.

“Unë mbetem në dispozicion për të bërë gjithçka, për hir të demokratëve dhe për të bashkuar Partinë Demokratike”, është shprehur Basha. /albeu.com

The post Situata në PD, Basha: Jam në dispozicion për gjithçka për hir të demokratëve appeared first on Albeu.com.

Ish-Eurodeputeti i CDU, mësohet se do zhvillojë takime me përfaqësues të PD dhe anëtarë të Komisionit te Rithemelimit.

Deputetët e PD-së kanë kërkuar dorëheqjen e kreut aktual të PD-së Lulzim Basha, por bashkë me të kërkojnë edhe largimin e Sali Berishës nga ideja e tij për të marrë kryesimin e partisë.

The post Kiza PD – Komision Rithemelimi, ish-eurodeputeti vjen në Tiranë për të ndërmjetësuar zgjidhjen appeared first on Albeu.com.

“Bashkimi i demokratëve, më 6 mars kuptuam që kishim jo vetëm një pjesë të votuesve të PD por edhe demokratë që votuan për ne, këtu fillon analiza, si ti bëjmë bashkë këto votime përtej grupimeve, ja çfarë duhet të synojmë, duhet të bëjmë të gjithë një hap pas, që demokratët të ecin para.

Që do të thotë çdo zgjidhje e heq problemin. Të hiqet dorë nga fryma përçarëse. Ju e kuptoni fare mirë këtë gjë se ajo që besoj unë është se demokratët të heqin dorë nga përçarja”, tha Alibeaj./albeu.com

The post Kriza në PD, Alibeaj: Të gjithë një hap pas që demokratët të bëjnë para appeared first on Albeu.com.

Hajdari, përmes një statusi në Facebook ka nxjerrë 6 pika dhe shkruan se është e gatshme të japë kontributin e saj pa pretenduar asnjë përfitim.

Statusi i plotë i Hajdarit:

Për një Parti realisht Demokratike!

Situata në Partinë Demokratike, edhe pse sot mund të ngjajë e dëshpëruar, sjell me vete një mundësi të shkëlqyer jo vetëm për atë parti por për gjithë shoqërinë.
Nëse pjesa e shëndetshme e figurave të saj, e drejtuesve në Tiranë dhe rrethe dhe e anëtarëve do të dinë ta përdorin krizën në funksion të një reformimi modern, atëherë PD jo vetëm do shpëtojë veten por edhe gjithë shoqërinë.
Si arrihet kjo?
Më poshtë po mundohem të shpalos një platformë e cila në gjykimin tim dhe të shumë njerëzve të cilëve u dhemb PD dhe Shqipëria e me të cilët jam konsultuar këto ditë.
1. Krijimi sa më parë i një komisioni statutor, të përbërë nga deputetë apo ish deputetë e funksionarë të PD, kryetarë të degëve, personazhe publikë të spikatur nga media, shoqëria civile dhe bota akademike.
***Komisioni duhet të reflektojë në përbërje grupimet e ndryshme që janë sot në PD, të cilët duhet të zgjedhin përfaqësuesit e tyre në këtë strukturë, për të sjellë si pasojë edhe bashkimin e tyre brenda Partisë.
2. Krijimi i një ose disa draft statuteve, ku në themel duhet të jetë ç’rrënjosja e kryetarokracisë dhe instalimi i demokracisë pjesmarrëse apo direkte si mekanizmi kryesor i funksionimit të PD duke dobësuar deri në rol menaxherial rolin e kryetarit dhe duke i dhënë fuqi e peshë anëtarësisë për vendimet politike, përzgjedhjen e kandidatëve dhe drejtuesve të tjerë të PD.
3. Konfirmimi real i gjithë anëtarësisë së PD si edhe ftuarja e gjithë shoqërisë për tu bërë pjesë e proçesit të vendimarrjes duke u anëtarësuar në PD.
4. Diskutim i hapur i modeleve te propozuara me anëtarësinë në të gjithë vendin, duke reflektuar edhe propozimet e ndryshme që mund të vijnë.
5. Hedhja në votë e draft statuteve.
6. Organizimi i zgjedhjeve për ekipin e ri drejtues të PD sipas statutit të miratuar.
Në gjykimim tim, PD ka mundësinë sot të krijojë një model të ri drejtimi i cili ti apelojë qartë gjithë shoqërisë, duke bërë kontrast të fortë me modelin autokratik të ndjekur nga PS dhe Rama.
Personalisht jam e gatshme të jap çdo lloj kontributi për këtë pa pretenduar asnjë përfitim.
Uroj që të gjithë anëtarët e PD të ngrihen në lartësinë e duhur dhe ta përdorin këtë situatë për mirë!/albeu.com

The post Rudina Hajdari “nxjerr” PD-në nga kriza, shpalos planin e saj 6 pikësh appeared first on Albeu.com.

Në një intervistë për ABC Neës, Alizoti tha se kriza në PD është reale dhe se duhet ta zgjidhin dy përgjegjësit, Berisha dhe Basha, që sipas tij janë shkaktarët e gjendjes në selinë blu.

“Kjo është gjëja më jo korrekte që ndodh në mbledhje. Duhet të ketë një lloj intimiteti, më vjen keq që bisedat tona dalin në publik. Mediat do e përdorin sipas këndvështrimit të tyre. Prandaj po bëj intervistën për ta sqaruar.

Partia jonë është zhytur në një krizë, që është reale. Diskutova me kryetarin që nuk e anashkalojmë dot këtë krizë. Pra jemi në një anije që ka marrë flakë dhe kapiteni duhet ta diskutojë. Të diskutojmë problemin që ka sepse kria është reale.

Dy persona janë përgjegjës, Berisha dhe Basha, duhet ta zgjidhin krizën. Këto lloj krizash kanë vetëm zgjidhe institucionale,” u shpreh ai./albeu.com/

The post Përplasja në mbledhje, reagon Alizoti: Krizën në PD duhet ta zgjidhin Basha dhe Berisha appeared first on Albeu.com.