Në një reagim të bërë në rrjetet e tij sociale, Deda shprehet se ndihet i keqardhur kur shikon që kolegu i tij “ka rënë në këtë derexhe”, duke i thënë se nuk ka nevojë të bjerë në këtë nivel të të folurit sepse ka talent dhe është i formuar, e se publikun e ka fituar me talent dhe mënyrën si ka tejçuar humorin tek ta.

Televizioni ka etikë thotë Juli, aq më tepër orari kur transmetohet.

“Kam parë shumë video virale të bëra kohët e fundit, ku në qendër të videove është kolegu im, që kam bërë humor. Me thënë të vërtetën më ka ardhur keq që e kam parë në atë derexhe fjalori, jo se unë jam ëngjëll në të folur, por ka një gjë, ekrani në përgjithësi ka një lloj etike. E kërkon një lloj etike, për të cilën unë tregoj kujdes.

Nuk jam kundër përmendjes së disa fjalëve tek tuk, aty ku shkon, rri fiks, por nëse bëhet qëllim në vetvete nuk është më art. Prandaj them që duhet të kemi shumë kujdes. Unë personin në fjalë e kam pasur koleg dhe e kam koleg, është shumë i talentuar, por kur e shikoj në këto lloj rrethanash them pse, arsyet pse është në këtë derexhe.

Ti vëlla nuk ke nevojë të shkosh në këtë lloj niveli sepse ti ke talent. E ke fituar publikun me talentin dhe humorin tënd. E kuptoj kur je nëpër lokale, ose ambiente më intime, por në televizion, ka etikë, aq më tepër orari kur transmetohet”, tha ai.

@juldeda_

Me shume dashamiresi…!

♬ original sound – Jul Deda

The post VIDEO/ Jul Deda kritikon ashpër kolegun e tij: Më ka ardhur keq që ka arritur në atë derexhe appeared first on Albeu.com.

Ajo mori një pauzë nga Hollywood-i vitet e fundit, me filmin e saj të fundit “Killers Anonymous” i vitit 2019. Filmi i saj më i ri “Trigger Warning” u shfaq në Netflix më 21 qershor, ku aktorja luan rolin e komandos së Forcave Speciale Parker. Përmbledhja e tij thotë: “Një komando e forcave speciale kthehet në qytetin e saj pas vdekjes së papritur të babait të saj, vetëm për t’u përplasur me një bandë të dhunshme”.

Komentet për filmin nuk kanë qenë edhe aq pozitive. “Trigger Warning”, një film i ri i Netflix me Jessica Alba duhet të ketë një nga shkrimet më të këqija të skenarit”-shkroi një person në X. Një tjetër tha: “Kam parë filmin “Trigger Warning” në Netflix. Është i tmerrshëm.” Më zuri gjumi duke parë këtë”-vazhdoi një tjetër.

Që nga fillimet e saj në televizion dhe në film si adoleshente e deri te suksesi i saj mahnitës si biznesmene Jessica Alba është bërë një model për sipërmarrësit aspirantë. Ajo jo vetëm që njihet për performancat e saj mahnitëse në ekran, por vlera e pasurisë së saj neto, e vlerësuar në mbi 390 milionë dollarë, e vendos atë ndër individët më të pasur.

Rrugëtimi i Jessica Marie Alba drejt suksesit filloi që në moshë të re, me paraqitjet e saj të para televizive dhe filmike vetëm në moshën 13-vjeçare. Momenti i saj i shpërthimit erdhi në moshën 19-vjeçare kur mori rolin kryesor në serialin televiziv Dark Angel (2000-2002), duke i dhënë asaj një nominim për Golden Globe.

The post I bie suksesi, filmi i ri me protagoniste Jessica Alba kritikohet ashpër nga ndjekësit appeared first on Albeu.com.

Ministria e Punëve të Jashtme dhe Diasporës e Kosovës më 13 maj arsyetoi vendimin për refuzimin e kërkesës për qëndrim në Kosovë të patriarkut serb. MPJD tha se vizita të tilla nuk do të lejohen derisa “Serbia vazhdon të shkelë marrëveshjen e Brukselit, të mos lejojë vizitat e zyrtarëve tanë shtetërorë në Serbi dhe për më tepër të mos ndalet me fushata kundër Republikës së Kosovës në arenën ndërkombëtare, si në proceset integruese ashtu edhe ato të njohjes”.

Por, zëdhënësi i BE-së, Peter Stano, deklaroi më 14 maj se është Kosova që ka shkelur Marrëveshjen për vizita zyrtare, të arritur në dialogun për normalizimin e raporteve, pasi sipas tij, vizita e Porfirijes ishte paralajmëruar te autoritetet e Kosovës, ashtu siç kërkohet me marrëveshje.

“Duke ia refuzuar hyrjen atij, Qeveria e Kosovës jo vetëm që e ka shkelur Marrëveshjen e vitit 2014 për vizita zyrtare, por në mënyrë të ashpër e ka injoruar edhe rëndësinë që ka Kisha Ortodokse Serbe për një pjesë të qytetarëve të Kosovës dhe kjo shkon kundër parimeve themelore të një shoqërie shumetnike, tolerante dhe demokratike”, tha Stano.

Ndërkaq, përmes një deklarate të përbashkët, ambasadat e shteteve të QUINT-it – Franca, Gjermania, Italia, Mbretëria e Bashkuar dhe Shteteve e Bashkuara – dhe Zyra e BE-së në Kosovë shprehën shqetësim për refuzimin e vizitës së Porfirijes.

“Vendimi i Qeverisë së Kosovës është në kundërshtim me nenet e Planit të Ahtisaarit, ku përcaktohen qartë të drejtat, privilegjet dhe imuniteti për klerin e Kishës Ortodokse Serbe dhe po ashtu nuk është në përputhje me obligimet e Kosovës që dalin nga dialogu që ndërmjetësohet nga BE-ja”, u tha në reagim.

QUINT tha se pret që Qeveria e Kosovës të përmbushë standardet më të larta të të drejtave të njeriut, si në kornizën e saj ligjore, por po ashtue dhe përmes veprimeve të saj.

“Ne vazhdojmë t’iu bëjmë thirrje palëve që të përmbahen nga çdo veprim dhe retorikë që mund të rrisë tensionet dhe mund të çojë në incidente”, tha QUINT-i .

Një ditë më herët, shefi i Zyrës për Kosovën në Qeverinë serbe, Petar Petkoviq, që njëherësh është kryenegociator i Serbisë në dialogun me Kosovën, tha se Porfirije ishte nisur të hënën drejt Kosovës për të marrë pjesë në Kuvendin e Shenjtë të Ipeshkvijve të Kishës Ortodokse Serbe në Patriarkanën e Pejës, ditën e martë.

Ai tha se Zyra Ndërlidhëse e Beogradit, në përputhje me marrëveshjet dhe procedurat valide, e ka dërguar njoftimin për planet e vizitës në Pejë.

Gjatë një konference për media në Bruksel më 14 maj, zëdhënësi i BE-së, Peter Stano, tha se në rundin e ri të dialogut, që mbahet më 15 maj, ndonëse ka një agjendë specifike, parasheh që të ngrihet edhe çështja e refuzimit të kërkesës për vizitë në Kosovë të kreut të Kishës Ortodokse serbe.

Ndryshe, në fillim të majit, Ministria e Punëve të Jashtme dhe Diasporës e Kosovës ia kishte refuzuar kërkesën për vizitë edhe Petar Petkoviqit, duke mos dhënë arsye për një vendim të tillë.

Edhe më herët, Kosova ka refuzuar kërkesat e parashtruara nga Petkoviq për të zhvilluar vizita, duke thënë se refuzimi ishte për shkak të “deklaratave provokuese”.

Ndërkaq, në janar të këtij viti, Serbia ia refuzoi kërkesën për vizitë ministrit të Punëve të Brendshme të Kosovës, Xhelal Sveçla. Ai kishte planifikuar që të vizitonte komunat Preshevë, Medvegjë dhe Bujanoc, që janë të banuara me shqiptarë.

Çështja e vizitave zyrtare mes Kosovës dhe Serbisë rregullohet përmes një marrëveshjeje të arritur në kuadër të dialogut për normalizim të raporteve, që ndërmjetësohet nga Bashkimi Evropian. Këto vizita duhet të paralajmërohen përmes zyrtarëve ndërlidhës të Kosovës dhe Serbisë. Ndërkaq, autoritetet e shteteve përkatëse duhet t’i autorizojnë ato

The post QUINT dhe BE kritikojnë Kosovën për refuzimin e vizitës të patriarkut serb appeared first on Albeu.com.

Ja 4 gabimet që bëni, që sjellin ndarje!

Jeni kritikë

Partneri që është gjithmonë i prirur t’ju sulmojë juve, të gjejë gabimet te ju, t’ju bëjë fajtore duke dalë vetë i pastër, nënkupton se ka diçka të gabuar në marrëdhënien tuaj. Kritika shpesh herë shoqërohet me fjalët “gjithmonë” dhe “kurrë”. Kritikat zakonisht çojnë në përfundimin e marrëdhënieve.

Mospërfillja

Mospërfillja është shkaku kryesor që sjell divorcit. Kur ju komunikoni me partnerin dhe ndërkohë jeni shumë mospërfillëse, kjo tregon që nuk keni interes për këtë lidhje.

Vetëmbrojtje

Gabimi i tretë është vetëmbrojtja dhe zakonisht është përgjigje ndaj kritikave. Kjo nënkupton që po justifikoheni dhe po luani me viktimën e pafajshme, ndonjëherë edhe duke e fajësuar partnerin tuaj në mënyrë që ai të tërhiqet. Por kjo në fakt nuk është e dobishme dhe as nuk funksionon sepse arsyetimet tuaja vetëm dërgojnë mesazhin dhe nuk i kushtoni rëndësi më kësaj çështje.

Kundërshtimi

Kundërshtimi ndodh atëherë kur tre gabimet e para kanë ndikuar jashtëzakonisht shumë keq, prandaj dhe partnerët shfaqen kundërshtues. Kundërshtimi është shkatërrues për një lidhje, sepse ajo lë partnerin tuaj të ndihet i braktisur. Nëse gjatë një argumenti ju tentoni të largoheni papritmas dhe përpiqeni gjithmonë të jeni të zënë, ju po shkatërroni lidhjen tuaj.

The post 4 gabime që shkatërrojnë marrëdhëniet në çift appeared first on Albeu.com.