Në fakt, sfida me Finlandën më 3 tetor në transfertë është edhe më e rëndësishmja. Asllani, Ramadani dhe Pilo mund të luajnë të qetë, pasi takimi tjetër është ndaj San Marinos.

Madje mund të shikohet edhe si mënyra e duhur për të mos u kursyer me kartonat, duke qenë se edhe nëse mungojnë ndaj San Marinos, nuk është aspak një sfidë e vështirë. Kështu do të ishin të gatshëm në sfidat e nëntorit.

Shqipëria kryeson Grupin 1 në Ligën C. Pas dy raundesh në Ligën e Kombeve janë 6 pikë të grumbulluara.

The post SKENARI/ Kristjan Asllani u bashkohet dy lojtarëve te Kombëtarja, arsyeja e rëndësishme për të mos u kursyer appeared first on Albeu.com.

Shqipëria ka zhbllokuar sfidën ndaj Bjellorusisë dhe po udhëheq në këtë përballje.

Avantazhi i kuqezinjve erdhi pas 32 minutash lojë, në një ndeshje të luftuar dhe të ekuilibruar mes dy skuadrave.

Kristjan Asllani u tregua i saktë nga pika e bardhë në minutën e 32-të, pasi një ndërhyrje e panevojshme e një futbollisti bjellorus solli 11-metërshin për Shqipërinë.

Goli mund të shihet më poshtë:

Me këtë epërsi, kuqezinjtë synojnë të marrin pikët e plota për ta nisur në mënyrën më të mirë këtë cikël të Ligës së Kombeve.//

The post Asllani shënon nga pika e bardhë, Shqipëria kalon në avantazh ndaj Bjellorusisë appeared first on Albeu.com.

Kombëtarja shqiptare do të luajë nesër ndeshjen e parë në UEFA Nations League, ku përballë do të ketë Bjellorusinë.

Kuqezinjtë zhvilluan pasditen e sotme seancën e fundit zyrtare stërvitore përpara takimit. Puna e skuadrës së drejtuar nga Rolando Maran u përqendrua te aspekti fizik dhe zbatimi i skemave taktike.

Sipas Departamentit të Komunikimit në FSHF, ekipi u stërvit i plotë, pasi Kristjan Asllani iu bashkua grupit. Ndërkohë, Klisman Cake vazhdon rikuperimin dhe nuk do të jetë në dispozicion për sfidën kundër Bjellorusisë.

Ndeshja Shqipëri-Bjellorusi do të zhvillohet nesër në orën 20:45, në stadiumin “Air Albania”. Tifozët mund të sigurojnë biletat online përmes ebileta.al ose në pikën fizike pranë stadiumit “Air Albania”.

The post Shqipëria konfirmon mungesën e Klisman Cakes në sfidën debutuese ndaj Bjellorusisë appeared first on Albeu.com.

Al Jazira siguroi fitoren 1-3 në transfertë ndaj Shabab Al-Ahli Dubai, në takimin e vlefshëm për javën e 4-t të kampionatit në Emiratet e Bashkuara Arabe.

Protagonisti kryesor i sfidës ishte Kristjan Asllani, i cili realizoi një gol spektakolar në minutën e 91-të. Mesfushori 24-vjeçar e nisi kështu në mënyrën më të mirë të mundshme eksperiencën me skuadrën e re.

Një ditë pas debutimit, futbollisti nga Elbasani reagoi përmes rrjeteve sociale. Asllani publikoi në “Instagram” disa foto nga ndeshja dhe shoqëroi postimin me mesazhin: “Ndeshja e parë dhe goli i parë me këtë fanellë, +3”.

The post Kristjan Asllani nis aventurën te Al Jazira me gol dhe mesazh pas debutimit appeared first on Albeu.com.

Vera e vitit 2026 u shoqërua me një numër të madh transferimesh për futbollistët shqiptarë dhe kosovarë. Nga rikthimi i Vedat Muriqit te Fenerbahçe dhe kalimi i Mirlind Dakut te Spartak Moska, deri te destinacionet e reja të Berat Gjimshitit, Kristjan Asllanit, Mario Mitajt e shumë të tjerëve, lojtarët shqiptarë nisën aventura të reja në kampionate të ndryshme të Evropës dhe Azisë.

Afati kalimtar veror rezultoi mjaft i ngarkuar për përfaqësuesit shqiptarë, një pjesë e të cilëve ndryshuan skuadër për të vijuar karrierën në nivele dhe ambiente të reja.

Disa prej tyre u transferuan për shuma të konsiderueshme te klube të njohura, ndërsa të tjerë zgjodhën liga të reja dhe sfida të ndryshme. Këto lëvizje konfirmojnë rritjen e pranisë së futbollistëve shqiptarë në tregun ndërkombëtar.

Një nga transferimet më të rëndësishme të kësaj vere ishte ai i Vedat Muriqit. Sulmuesi i Kosovës u largua nga Mallorca dhe u kthye te Fenerbahçe, klubit turk iu bashkua për rreth 15.5 milionë euro, duke rikthyer veten në skuadrën ku kishte spikatur edhe më parë.

Edhe Mërgim Vojvoda ndryshoi ekip në Itali. Mbrojtësi kosovar u transferua përfundimisht nga Como te Udinese, ku firmosi kontratë deri në vitin 2028, me mundësi zgjatjeje edhe për një sezon. Vlera e raportuar e marrëveshjes është rreth 1.5 milion euro.

Një tjetër mbrojtës kosovar, Lumbardh Dellova, u largua nga CSKA Sofia. Kalimi i tij u realizua për afërsisht 1 milion euro, duke shënuar një tjetër hap përpara në rritjen e vlerës së tij në futbollin evropian.

Albion Rrahmani do ta vazhdojë karrierën në Itali. Sulmuesi u transferua nga Sparta Praga te Venezia, e cila pagoi rreth 8 milionë euro për kartonin e tij.

Elvis Rexhbeçaj u transferua brenda futbollit gjerman, nga Augsburgu te Wolfsburgu. Lëvizja e mesfushorit kosovar tërhoqi vëmendje, pasi skuadra e re do të luajë këtë sezon në Bundesliga 2.

Valmir Matoshi la Thunin për t’iu bashkuar Sturm Grazit. Mesfushori kosovar kaloi te klubi austriak për rreth 1 milionë euro, duke fituar mundësinë për të konkurruar në një nivel më të lartë.

Sparta Praga nuk do të jetë më skuadra e Ermal Krasniqit, i cili u transferua te Amedspor në Turqi. Sulmuesi anësor kosovar ndryshoi ambient për rreth 1 milion euro, me synimin për të pasur më shumë minuta dhe një rol më të rëndësishëm.

Pas një dekade të kaluar te Atalanta, kapiteni i Shqipërisë, Berat Gjimshiti, i dha fund qëndrimit te klubi italian. Ai do ta vijojë karrierën në Arabinë Saudite me Al Diriyah, ndërsa transferimi i tij i kushtoi klubit saudit 3 milionë euro.

Në Superligën arabe do të luajë edhe Nedim Bajrami. Mesfushori me tipare sulmuese u largua nga Rangers dhe kaloi te Al Taawoun në formën e huazimit për një vit.

Kristjan Asllani mbylli aventurën me Interin për t’iu bashkuar Al Jaziras në Emiratet e Bashkuara Arabe. Mesfushori i Shqipërisë u huazua kundrejt 2 milionë eurove, ndërsa marrëveshja përfshin edhe mundësinë e blerjes për 7 milionë euro tjera.

Mario Mitaj do të luajë këtë sezon me Genoan në Serie A. Në të kundërt, Ylber Ramadani u largua nga kampionati italian dhe Lecce për të kaluar në Superligën turke, ku do të përfaqësojë Corum FK.

Mirlind Daku realizoi gjithashtu një transferim të rëndësishëm. Sulmuesi kaloi nga Rubin Kazani te Spartak Moska, për një shumë të deklaruar mbi 10 milionë euro.

Bujar Pllana është bërë pjesë e Grasshopperit në kampionatin zviceran. Ndërkohë, portieri Simon Simoni u largua nga Eintracht Frankfurti dhe do ta vazhdojë karrierën te Luzerni.

Tashmë që afati kalimtar është mbyllur, futbollistët shqiptarë përballen me një sezon të ri, të mbushur me sfida dhe pritshmëri. Performancat e tyre në klubet e reja mund të ndikojnë jo vetëm në zhvillimin e karrierave personale, por edhe në të ardhmen e përfaqësueseve të Kosovës dhe Shqipërisë, që mbështeten te cilësia dhe përvoja e lojtarëve të tyre në arenën ndërkombëtare.

The post Muriqi rikthehet te Fenerbahçe, Daku shkon te Spartak Moska – lëvizjet e Gjimshitit, Asllanit, Vojvodës dhe yjeve të tjerë shqiptarë appeared first on Albeu.com.

Al Jazira shpenzoi 1,5 milionë për huazimin. Sa i përket blerjes së kartonit do të duhen edhe 5 milionë euro të tjera.

Klubi i Abu Dhabit luan në kampionatin e Emirateve të Bashkuara Arabe. Sezoni sapo ka filluar dhe Al Jazira regjistron fitore në dy ndeshjet e para.

Asllani u bashkohet disa lojtarëve të Kombëtares në Lindjen e Mesme. Kujtojmë se aty luajnë edhe Berat Gjimshiti, Nedim Bajrami dhe Jasir Asani.

The post Kristjan Asllani prezantohet te sheikët, ndryshim i madh pas largimit nga Interi appeared first on Albeu.com.

Kristjan Asllani do ta vijojë karrierën në Emiratet e Bashkuara Arabe, pasi Interi dhe Al Jazira kanë gjetur gjuhën e përbashkët për transferimin e mesfushorit shqiptar.

Gazetari italian Gianluca Di Marzio raporton se klubi nga Abu Dhabi do ta marrë 24-vjeçarin në huazim për 2 milionë euro. Marrëveshja përfshin edhe detyrimin për blerjen e tij në fund të sezonit, kundrejt 4.5 milionë eurove.

Nga ky operacion, Interi mund të përfitojë në total 6.5 milionë euro.

Asllani ishte transferuar nga Empoli tek Interi në vitin 2022, por nuk mundi të fitonte vazhdimësi në formacionin zikaltër. Pas katër sezonesh në Milano, mesfushori është gati të nisë një etapë të re në futbollin e Emirateve.

Shqiptari vjen nga një periudhë huazimi te Besiktas. Gjatë sezonit të fundit në Superligën turke, ai shënoi 2 gola dhe dha 2 asistime në 14 paraqitje, ndërsa luajti edhe tri ndeshje në Kupën e Turqisë.

Vendimin për t’u larguar nga Italia, 24-vjeçari e kishte marrë pas eksperiencës me Torinon. Ai kaloi te skuadra torineze në verën e vitit 2024, por nuk siguroi një vend të përhershëm në ekip dhe u kthye para kohe tek Interi. Nga gushti deri në janar të vitit 2025, Asllani regjistroi 15 ndeshje me Torinon.

Projekti i paraqitur nga Al Jazira e ka bindur mesfushorin shqiptar. Të gjitha palët kanë arritur tashmë marrëveshjen dhe mbetet vetëm përfundimi i procedurave.

The post Asllani drejt Al Jazira, arrihet akordi i plotë me Interin appeared first on Albeu.com.

E ardhmja e Kristjan Asllanit duket gjithnjë e më larg Interit, ndërsa ende nuk është përcaktuar skuadra ku do të vijojë karrierën. Pas zërave për një kalim te Monza, eksperti italian i merkatos, Gianluca Di Marzio, ka raportuar për një alternativë tjetër.

Sipas gazetarit, Al-Jazira FC nga Emiratet e Bashkuara Arabe ka kërkuar të dhëna të mëtejshme për mundësinë e transferimit të mesfushorit 24-vjeçar. Klubi arab raportohet se ka nisur bisedimet me Interin dhe një marrëveshje mund të arrihet.

Tashmë mbetet për t’u marrë edhe miratimi i vetë Asllanit, i cili së fundmi ka lënë pas disa oferta. Në sezonin e kaluar, elbasanasi u aktivizua në formë huazimi te Torino dhe Besiktas.

The post Gianluca Di Marzio zbulon destinacionin e mundshëm të Kristjan Asllanit, interesohet klubi nga Emiratet appeared first on Albeu.com.

E ardhmja e Luis Henrique duket se do të jetë ende tek Interi. Braziliani luajti vetëm në minutat përmbyllëse të sfidës kundër Monzës, ndërsa mundësia e transferimit të tij te Roma nuk konsiderohet më konkrete. Klubi kryeqytetas ka siguruar ndërkohë marrëveshjen me Fenerbahçen për Oosterwolde, përmes një huazimi që përfshin detyrim blerjeje të kushtëzuar.

Në mungesë të zhvillimeve të papritura gjatë ditëve të ardhshme, Henrique do të qëndrojë në skuadrën zikaltër dhe do të përpiqet të shfrytëzojë mundësitë që do t’i japë Cristian Chivu.

Tekniku rumun e ka pranuar se braziliani nuk është ndër lojtarët më të spikatur, por çmon te ai parametrat fizikë, korrektësinë në zbatimin e detyrave taktike dhe gatishmërinë për të ndihmuar ekipin përgjatë gjithë ndeshjes.

Për këto arsye, Interi nuk dëshiron të heqë dorë nga një futbollist krahu që, pasi ka kaluar një vit me ekipin, vazhdon të ketë mundësi të mëdha për t’u zhvilluar. Largimi i tij do të merrej në konsideratë vetëm nëse klubi do ta zëvendësonte me një lojtar të nivelit shumë të lartë.

Perspektiva është tjetër për Kristjan Asllanin dhe Massolin. Mesfushori i Kombëtares shqiptare nuk rezulton pjesë e projektit të Chivut dhe drejtuesve zikaltër, ndaj gjatë kësaj jave pritet të kërkojë një skuadër të re.

Monza është një prej alternativave që qarkullojnë aktualisht për Asllanin, megjithëse klubi lombard po përqendrohet fillimisht te objektiva të tjerë në afatin kalimtar.

Për Massolin, Interi synon ta transferojë përkohësisht. Përmes huazimit, mesfushori do të mund të aktivizohet rregullisht dhe të grumbullojë më shumë minuta, ndërsa klubi zikaltër do të ketë mundësi të krijojë një vlerësim më të plotë mbi potencialin e tij. Monza mbetet një destinacion i mundshëm edhe për të.

I njëjti orientim parashikohet edhe për Idrissou, duke ndjekur modelin e përdorur më herët me Pio Espositon. Sulmuesi pritet të huazohet në Serie B, ku mund të sigurojë vazhdimësi dhe të fitojë më tepër përvojë, ndërsa Modena përmendet si destinacioni i mundshëm.

The post Interi priret të mbajë Henrique, Asllani drejt largimit; huazim për Massolin dhe Idrissou appeared first on Albeu.com.

Kristjan Asllani mund t’i japë fund shumë shpejt aventurës së tij tek Interi. Disa javë më parë u bë e ditur se trajneri Chivu nuk e ka përfshirë mesfushorin në planet për sezonin e ardhshëm 2026/27.

Një mundësi e re për 24-vjeçarin nga Elbasani është transferimi te Monza, ish-skuadra e Berlusconit. “Transferfeed” raporton se klubi lombard synon të rikthehet në merkato për shkak të dëmtimit të kapitenit Matteo Pessina, ndërsa Asllani konsiderohet një alternativë për zëvendësimin e tij.

Interi e çmon kartonin e futbollistit shqiptar në rreth 12-15 milionë euro, ndaj mbetet ende e paqartë nëse ky operacion do të realizohet me sukses.

Më herët, për Asllanin ishte raportuar interesim edhe nga Liga saudite. Në atë rast u diskutua mundësia e një shkëmbimi me sulmuesin e Al Ittihad, Diaby, por bisedimet nuk avancuan pasi klubi arab e refuzoi marrëveshjen.

The post Monza shfaqet si destinacion i mundshëm për Kristjan Asllanin pas dëmtimit të kapitenit Matteo Pessina appeared first on Albeu.com.