Këtë e ka konfirmuar ministri i Sigurisë, Anibal Fernandez. Disa kanale televizive kanë transmetuar një imazh të një personi që synon kokën e Kirchner-it ndërsa ajo zbret nga makina që e çoi në shtëpi në lagjen Recoleta të Buenos Aires. Burri, i cili nuk qëlloi, i ishte afruar Kirchner në turmën e pritjes për ta përshëndetur dhe për t’i kërkuar një autograf.

Reuters shkruan se Kirchner nuk u dëmtua.

“Një burrë i drejtoi një armë zjarri në kokë dhe e tërhoqi këmbëzën. Cristina është ende gjallë sepse, për disa arsye që ende nuk janë konfirmuar, arma … nuk shkrepi,” tha Presidenti Alberto Fernandez në një fjalim televiziv.

Presidenti tha se arma ishte e mbushur me pesë plumba.

“Kjo është ngjarja më e rëndë që kemi kaluar që kur Argjentina u kthye në demokraci,” tha ai.

Fernandez de Kirchner është në gjyq me akuza për korrupsion dhe qindra mbështetës ishin mbledhur jashtë shtëpisë së saj në Buenos Aires kur ndodhi sulmi

The post Autori i drejtoi armën dhe qëlloi 5 herë, zëvendëspresidentja e Argjentinës i shpëton atentatit appeared first on Albeu.com.