Sipas lajmeve të fundit në Itali, Lacio e ka rikthyer seriozisht interesimin për sulmuesin shqiptar të lindur në vitin 2003, një emër që ishte në radarët e klubit edhe gjatë vitit 2024.

Forma e tij e mirë dhe vazhdimësia në paraqitje kanë bërë që drejtuesit e klubit të shohin te ai një investim për të ardhmen.

Në sezonin aktual, Shpendi ka arritur të shënojë rreth 10 gola dhe 4 asistime në 33 ndeshje në të gjitha kompeticionet, duke u shndërruar në një nga lojtarët më të rëndësishëm të Çezenës.

Këto shifra kanë rritur ndjeshëm vlerën e tij në treg dhe interesimin nga klube të ndryshme europiane. Në këtë moment, Lacio duket se është një nga klubet më serioze në garë.

Klubi bardhekaltër e sheh Shpendin si një profil të ri, me potencial rritjeje dhe mundësi për t’u zhvilluar në një sulmues të rëndësishëm në Serie A në vitet e ardhshme.

Interesime për Shpendin ka edhe nga klube të tjera si në Itali, ashtu edhe jashtë saj dhe bëhet fjalë për Katarin apo edhe Premier Ligën Angleze, teksa pritet një verë e nxehtë për sulmuesin.

The post Lacio e ka seriozisht për sulmuesin e Kombëtares, vera mund të sjellë lëvizje appeared first on Albeu.com.

Një nga protagonistët e javës ishte Taulant Seferi, i cili vazhdon të jetë vendimtar për Bodrumspor. Sulmuesi shqiptar gjeti rrugën e rrjetës në ndeshjen ndaj Igdir FK, duke realizuar nga pika e bardhë e penalltisë.

Lajme të mira vijnë edhe nga Italia, ku Stiven Shpendi shënoi për Empolin, duke arritur shifrën e 11 golave këtë sezon dhe duke konfirmuar formën e tij të mirë para grumbullimit me Kombëtaren.

Një tjetër zhvillim pozitiv është rikthimi në fushë i Armando Brojës me Burnley. Sulmuesi kuqezi u aktivizua pas një dëmtimi që e kishte mbajtur jashtë për pesë ndeshje radhazi, duke shtuar opsionet në repartin ofensiv të Kombëtares.

Gjatë kësaj jave, minuta si titullarë me skuadrat e tyre morën edhe Thomas Strakosha, Berat Gjimshiti, Arlind Ajeti, Ardian Ismajli, Mario Mitaj, Kristjan Asllani, Ylber Ramadani, Ernest Muçi, Juljan Shehu, Rey Manaj, Nazmi Gripshi, Myrto Uzuni, Cristian Shpendi dhe Klisman Cake.

Ndërkohë, nga stoli u aktivizuan Arbër Hoxha, Armando Broja dhe Indrit Tuci.

Performancat pozitive të futbollistëve shqiptarë vijnë në një moment kyç, vetëm pak ditë përpara publikimit të listës së trajnerit dhe përballjes së rëndësishme ndaj Polonisë në fazën play-off.

The post Legjionarët/ Seferi shënon me Bodrumspor, Stiven Shpendi realizon për Empolin appeared first on Albeu.com.

“Sky Sport” në Itali, bën të ditur se për sulmuesin shqiptar ka një interesim shumë konkret nga klubi i Al Sad në Katar, ku trajner është Roberto Mançini.

Ai të cilin trajneri i Kombëtares, Silvinjo, e ka cilësuar shpesh si “mësuesin” e tij, pasi i ka dhënë mundësinë e parë që të punonte në një staf teknik në radhët e Interit, ka shfaqur një interes konkret për Shpendin.

Në Itali raportojnë se Mançini e sheh sulmuesin kuqezi si një pasardhës të denjë për Roberto Firminon, i cili është pjesë e këtij ekipi dhe është dëmtuar kohët e fundit në një ndeshje të Ligës së Kampioneve të Azisë.

Mbetet të mësohet nëse edhe sulmuesi shqiptar është i interesuar për këtë kalim në futbollin e Katarit për shkak të ofertës ekonomike, apo nëse dëshiron të vazhdojë të mbetet pjesë e futbollit italian.

Për të kanë shfaqur vazhdimisht interes klubet e Serisë A, por deri tani nuk kanë bërë asnjë lëvizje konkrete për të siguruar firmën e tij.

Duhet kujtuar se Çezena është plotësisht e përfshirë për momentin në luftën për ngjitjen në Serinë A, ndaj vetë Shpendi mund të jetë më i interesuar që të qëndrojë të paktën deri në fund të sezonit si pjesë e bardhezinjve para se të marrë një vendim për të ardhmen.

The post “Mësuesi” i Silvinjos insiston për Kristian Shpendin, Mançini e sheh si pasardhësin ideal të Firminos appeared first on Albeu.com.

Sulmuesi kuqezi, në të kaluarën pjesë e U19 dhe U21, ia ka dalë t’i mbushë mendjen trajnerit Silvinjo, për grumbullimin e muajit shtator dhe pritet të jetë tashmë rregullisht me ekipin A.

Mediat italiane bëjnë të ditur se në zyrat e Çezenës, klub ku Shpendi është kthyer në një bomber të mirëfilltë fillimisht në Serinë C, e pastaj në Serinë B, ka mbërritur ftesa për lojtarin për dy ndeshjet e javëve të ardhshme të Shqipërisë.

E para, një miqësore kundër Gjibraltarit, ku padyshim Silvinjo mund të eksperimentojë edhe me sulmuesin në fushë. Ndërsa e dyta, më e rëndësishmja, ajo zyrtare ndaj Letonisë për kualifikueset e Botërorit.

Në fakt, ftesa për Shpendin pritej prej kohësh, por për një arsye apo tjetrën, Silvinjo e ka lënë gjithmonë sulmuesin jashtë planeve të tij në vitin e fundit, ndonëse ai ishte një nga lojtarët më në formë shqiptarë në repartin e avancuar gjatë kësaj periudhe.

The post Silvinjos më në fund i mbushet mendja, sulmuesi që po spikat në Itali ftohet për herë të parë me Kombëtaren A appeared first on Albeu.com.

Shpendi ka spikatur në këto sezone me Çezenën duke u shpallur golashënuesi më i mirë i Serisë C e duke qenë edhe aktualisht në podiumin e listës së golashënuesve edhe në Serinë B.

Çezena kërkon 15 milionë euro për të lënë të lirë lojtarin shqiptar, që synohet edhe nga klubet italiane si Juventus, Napoli, Torino dhe Fiorentina.

The post Benfica kërkon Kristian Shpendin appeared first on Albeu.com.

Cristian dhe Stiven Shpendi edhe në këtë javë të Serisë B nuk kanë mundur të vihen përballë njëri tjetrit. Ndërsa Stiven ishte i pranishëm në radhët e Carrarese, Cristian ishte i ulur në tribunë për shkak të një dëmtimi, duke i munguar skuadrës së Cesena-s.

Carrarese fitoi me rezultatin 2-0 përballë Cesena-s, ndërsa Stiven shënoi golin e dytë në minutën e 77-të. Goli i parë u shënua nga Bouah në minutën e 46-të.

Stiven nuk festoi në momentin e shënimit të golit, duke respektuar kështu ish-skuadrën e tij. Aktualisht është i huazuar nga Empoli te Carrarese.

The post Nuk ka Shpendi kundër Shpendit, Cristian në tribunë, Stiven shënon por nuk feston appeared first on Albeu.com.

Sipas shtypit italian sulmuesi shqiptar i Çezenës, Kristian Shpendi, është profili ideal për të ndihmuar kauzën bardhezi. Siç dihet sezoni që po bën 21-vjeçari në Serie B, ku ka shënuar 10 gola në 16 ndeshje, i ka tërhequr vëmendjen “Zonjës së vjetër”.

Një tjetër faktor në favor të Shpendit është edhe vlera e kartonit të tij. Sipas shtypit italian Çezena do të ishte e gatshme që të dëgjonte ofertat në drejtim të 21-vjeçarit për jo më pak se katër milionë euro.

Ndërsa drejtori sportiv i Çezenës, Fabio Artiko ka lënë të kuptohet se për shqiptarin nuk ka një çmim pasi ky i fundit do të vendosej nga tregu dhe nga vazhdimësia e lojtarit në fushë.

“Kam marrë shumë telefonata për Shpendin dhe më kanë thënë se e njohin sa i vlefshëm është dhe se çfarë është i aftë që të bëjë në fushë, por kurrë nuk më kemi biseduar për një çmim. Mendoj se është herët të flasim për shifra pasi ato i vendos merkato dhe vazhdimësia e lojtarit në fushë”, tha Fabio Artiko.

The post Juvja kërkon zëvendësues për Vlahoviç, Shpendi alternativa pa shumë shpenzime appeared first on Albeu.com.

“Kombëtare? Për momentin jam pjesë e skuadrës shqiptare, pavarësisht se e kam përfunduar karrierën me U21”.

“Të them të vërtetën, mendova se do të më thërriste kombëtarja shqiptare në dy ndeshjet e fundit, më erdhi keq që nuk ndodhi. Unë kam lindur dhe rritur në Itali dhe kam dy shtetësi, një telefonatë nga Italia nuk ka ardhur kurrë, por nëse do të më vinte, sigurisht që do e mendoj”.

Në lidhje me të ardhmen e tij, Shpendi u shpreh: “Kam lexuar lajmet që qarkullojnë për mua. Mund t’ju siguroj se nuk di asgjë, janë thjesht thashetheme që nuk më shqetësojnë”.

“Unë jam duke menduar për Cesena-n dhe e di që të vazhdoj këtu është rruga e duhur, edhe nëse nuk më takon mua të marr vendime të caktuara. Mendoj ndeshje pas ndeshja, duke e ditur se duhet të bëj më të mirën për veten time dhe mbi të gjitha për Cesena-n”.

The post Cristian Shpendi, i zhgënjyer nga Silvinjo: E prisja një ftesë. Italia? Do e mendoj appeared first on Albeu.com.

Sulmuesi shqiptar ka gjetur sërish rrugën e rrjetës në Serinë B, duke shënuar golin e avantazhit për Çezenën në sfidën ndaj Sudtirol (ndeshja po luhet dhe aktualisht rezultati është 1-0).

Ky është goli i 7-të sezonal në kampionat për Shpendin, që tashmë konsiderohet si një nga sulmuesit më të talentuar të këtij turneu.

The post Shpendi në superformë, vjen goli i 7-të sezonal në Serinë B appeared first on Albeu.com.

Te torinezët nuk përjashtohen edhe disa lëvizje në sulm, pasi me një largim në mundshëm të Sanabrias, klubi i Serisë A do të vihet pas Xhovani Simeones.

Duke konsideruar edhe një ikje të Pelegrit, emri që del në skenë është Kristian Shpendi i Çezenës.

Kështu të paktën raporton “tuttomercatoweb” në lidhje me sulmuesin e Shpresave, i cili e bëri një nisje fantastike të sezonit, duke shënuar 2 gola.

Megjithatë, ai ka rënë dakord me klubin e Çezenës për një përmirësim të kushteve të kontratës, lëvizje kjo që e komplikon një kalim në veriun e Italisë, gjithsesi nëse Torino do të ofrojë një shumë tunduese atëherë gjithçka është e mundur.

The post E ardhmja e Kristian Shpendit, klubi i Serisë A e ka në listën e merkatos appeared first on Albeu.com.