Nga hetimet e SPAK është evidentuar se Kristian Shkreli ka qenë aktiv në fushatën zgjedhore, në mbështetje të PSD-së, duke shfrytëzuar nevojat e banorëve të fshatit Stajkë për ndërtimin e infrastrukturës së rrjetit të energjisë elektrike, investim i realizuar gjatë periudhës së fushatës elektorale, dhe duke u kërkuar banorëve të kësaj zone votimin për subjektin politik të preferuar prej tij, Partinë Socialdemokrate të Shqipërisë.

Kujtojmë se një ditë pas zgjedhjeve të 11 Majit, celulari i Shkrelit u sekuestrua me urdhër të Prokurorisë së Posaçme (SPAK).

Asokohe Shkreli tha për News24 se “jam i gatshëm për bashkëpunim me të gjitha instancat shtetërore”.

“Unë jam në krye të detyrës, jam i gatshëm për bashkëpunim me të gjitha instancat shtetërore dhe ata të bëjnë punën e vetë, ne po bëjmë punën për të cilën na ka votuar populli”, deklaroi ai.

Pas mbylljes së hetimeve, Prokuroria e Posaçme kundër Korrupsionit dhe Krimit të Organizuar, ka dërguar për gjykim Kristian Shkrelin, për veprën penale të korrupsionit aktiv në zgjedhje.

Njoftimi i SPAK:

SPAK dërgon për gjykim Kryetarin e Bashkisë së Vaut të Dejës për veprën penale të korrupsionit aktiv në zgjedhje

Prokuroria e Posaçme kundër Korrupsionit dhe Krimit të Organizuar ka përfunduar hetimet dhe më datë 23.10.2025 ka dërguar për gjykim në Gjykatën e Posaçme të Shkallës së Parë procedimit penal nr. 49/1, të vitit 2025 (i ndarë nga procedimi penal nr. 49 i vitit 2025), në ngarkim të të pandehurit Kristian Shkreli, i akuzuar për kryerjen e veprës penale “Korrupsioni aktiv në zgjedhje”, parashikuar nga neni 328 i Kodit Penal.

Nga aktet e administruara gjatë hetimit proaktiv dhe ndjekjes me metoda speciale hetimore, (përgjimet e bisedave telefonike, vëzhgimet, si edhe kryerja e veprimeve të tjera hetimore), në kuadër të procedimit penal nr. 49 të vitit 2025, ka rezultuar se i pandehuri Kristian Shkreli, me detyrën e Kryetarit të Bashkisë së Vaut të Dejës, është përfshirë në veprimtari të kundërligjshme në zgjedhjet e zhvilluara më datë 11 maj 2025, për Kuvendin e Shqipërisë.

Gjatë fushatës zgjedhore, Kristian Shkreli u ka premtuar dhe ofruar të mira materiale zgjedhësve të fshatit Stajkë, në Bashkinë Vau Dejës, në këmbim të votimit në një mënyrë të caktuar, në mbështetje të subjektit politik Partia Socialdemokrate e Shqipërisë.

Gjatë hetimit është evidentuar se i pandehuri ka qenë aktiv në fushatën zgjedhore, në mbështetje të këtij subjekti politik, duke shfrytëzuar nevojat e banorëve të fshatit Stajkë për ndërtimin e infrastrukturës së rrjetit të energjisë elektrike, investim i realizuar gjatë periudhës së fushatës elektorale, dhe duke u kërkuar banorëve të kësaj zone votimin për subjektin politik të preferuar prej tij, Partinë Socialdemokrate të Shqipërisë.

The post I akuzuar për korrupsion në zgjedhjet e 11majit, paraqitet në GJKKO kryebashkiaku i Vaut të Dejës, Kristian Shkreli appeared first on Albeu.com.

Prokuroria e Posaçme Kundër Korrupsionit dhe Krimit të Organizuar (SPAK), ka kërkuar thirrjen e 27 dëshmitarëve në proces, të cilët më herët janë pyetur në cilësinë e deklaruesve gjatë fazës së hetimit.

Hetimet kanë nisur më 20 mars, më shumë se një muaj para zgjedhjeve parlamentare të 11 majit 2025, pas një materiali të referuar nga Drejtoria e Përgjithshme e Policisë së Shtetit dhe një kallëzimi të bërë nga një punonjës i bashkisë. Të dyja këto janë bashkuar në një procedim të vetëm penal.

Prokurori i SPAK, Dritan Prençi, deklaroi se gjatë hetimeve janë përdorur metoda speciale, përfshirë përgjime dhe vëzhgime.

Sipas akuzës, Shkreli u ka premtuar investime banorëve të fshatit Stajkë për rregullimin e linjës së energjisë elektrike, duke kërkuar në këmbim votën për Partinë Socialdemokrate.

Ndërkohë, mbrojtja e kryebashkiakut i ka hedhur poshtë akuzat. Avokatja Rovena Gashi deklaroi se nuk ka asnjë provë që implikon klientin e saj në një vepër penale.

Sipas saj, në dosjen hetimore prej rreth 500 faqesh, që përfshin komunikime dhe përgjime, nuk rezulton në asnjë moment që Kristian Shkreli t’u ketë kërkuar qytetarëve votën për ndonjë subjekt politik.

Ajo theksoi se kryebashkiaku është telefonuar nga vetë banorët e fshatit Stajkë, pas dëmtimeve të shkaktuara në linjën e energjisë elektrike si pasojë e reshjeve të shumta të shiut.

Sipas mbrojtjes, ankesa është depozituar nga banorët në portalin e bashkëqeverisjes dhe procedura për remontin e shtyllave është ndjekur nga Operatori i Shpërndarjes së Energjisë Elektrike (OSSH), jo nga bashkia.

Avokatja shtoi se bëhet fjalë për një ndërhyrje mirëmbajtjeje dhe jo për një investim të ri, duke theksuar se roli i kryebashkiakut ka qenë vetëm përcjellja e shqetësimit të qytetarëve pranë strukturave përkatëse.

The post Gjyqi për kryebashkiakun Kristian Shkreli, SPAK kërkon të thirren 27 dëshmitarë appeared first on Albeu.com.

Shkreli u mor zyrtarisht i pandehur nga SPAK pak ditë më parë, nën dyshimin se bleu vota për Partinë Socialdemokrate.

Atij iu komunikua akuza “ korrupsion në zgjedhje”.

Kërkesa e SPAK lidhur me kalimin apo jo të dosjes në proces gjyqësor do shqyrtohet nga gjyqtarja Flora Hajredinaj.

The post SPAK mbyll hetimet për kryebashkiakun socialist të Vaut të Dejësit, Kristian Shkreli appeared first on Albeu.com.

Kryebashkiaku i PS në Vaun e Dejës, Kristian Shkreli, është marrë i pandehur nga Prokuroria e Posaçme, pasi dyshohet se në zgjedhjet parlamentare të 11 Majit bleu vota për PSD-në e Tom Doshit.

Kujtojmë se një ditë pas zgjedhjeve të 11 Majit, celulari i Shkrelit u sekuestrua me urdhër të Prokurorisë së Posaçme (SPAK).

Asokohe Shkreli tha për News24 se “jam i gatshëm për bashkëpunim me të gjitha instancat shtetërore”.

“Unë jam në krye të detyrës, jam i gatshëm për bashkëpunim me të gjitha instancat shtetërore dhe ata të bëjnë punën e vetë, ne po bëjmë punën për të cilën na ka votuar populli”, deklaroi ai.

Gjithashtu, me urdhër të Prokurorisë së Posaçme, u sekuestruan edhe celularët e disa mbështetëse të PDS-së, pasi ka dyshime se u përfshinë në shit-blerjen e votës në Qarkun Shkodër.

The post Kryebashkiaku i Vaut të Dejës, Kristian Shkreli paraqitet në SPAK appeared first on Albeu.com.

Personat e shoqëruar janë mbështetës të Partisë Socialdemokrate, gazetarja e njohur Anila Hoxha, ka raportuar se SPAK ka sekuestruar edhe telefonin e kryebashkiakut Vau Dejësit, Kristian Shkreli.

Kristian Shkreli, kryebashkiak i Vau Dejës, i fitoi zgjedhjet 2 vite më parë si kandidat i Partisë Socialiste.

Kujtojmë se më 8 maj vetëm 3 ditë para zgjedhjeve të 11 majit, SPAK, BKH dhe Policia e Shkodrës, kryen kontrolle dhe veprime hetimore në Malësi të Madhe, Barbullush, Bushat dhe Mjedë gjithashtu në kuadër të parandalimit të krimeve zgjedhore.

BKH dhe policia kryen kontrolle në disa banesa, zyra e automjete i përkisnin anëtarë të shtabit të PSD./Noa.al

The post SPAK sekuestron celularin e kryebashkiakut socialist të Vaut të Dejës, Kristian Shkreli appeared first on Albeu.com.

Në vitin 2023 ai ka deklaruar dëbimin, por pa dhënë arsyet e dëbimit, duke fshehur faktin se ai është dëbuar për kryerjen e një vepre penale.

Nga shkresa që ka mbërritur në Kuvendin e Shqipërisë nga Prokuroria e Përgjithshme, mësohet se Drejtoria e Dekriminalizimit, ka nisur verifikimin e këtij shtetasi.

Ndërkohë për mosdeklarimin e dëbimit në vitin 2021 praktika i është përcjellë Prokurorisë së Tiranës për veprime të mëtejshme për veprën penale të falsifikimit të formularëve parashikuar nga neni 190 i Kodit Penal.

Kujtojmë se Shkreli arriti të fitonte në zgjedhjet lokale në Bashkinë e Vaut të Dejës, ku arriti të grumbullojë 55.78 % të votave, teksa garonte përballë Zef Hilës së koalicionit “Bashkë Fitojmë”./bw

The post U shpall fitues në Vaun e Dejës, Prokuroria e Përgjithshme nis verifikimin për Kristian Shkrelin appeared first on Albeu.com.