“Panorama Sport” ka mësuar lëvizjet e fundit në klubin e kuq në lidhje me 24-vjeçarin. Para pak javësh gazeta mësoi interesin nga Sllovenia për nigerianin, teksa tashmë zbulohen detaje dhe shifra mjaft domethënëse për futbollin tonë. Klubi slloven i NK Celje ka bërë një ofertë të majmë për shërbimet e Mba. Ata kanë ofruar 350 mijë euro në formë direkte, teksa bashkë me bonuset në varësi të arritjeve të lojtarit dhe ekipit, operacioni do të shkonte 650 mijë euro në total. Burime pranë klubit bëjnë me dije se Partizani ka vendosur ta refuzojë këtë ofertë, duke i dërguar si përgjigje pretendimin 650 mijë eurosh në formë direkte.

Kjo përgjigje e drejtuesve të kuq i ka stepur sllovenët, që gjithsesi nuk e kanë thënë fjalën e fundit. Për shkak të marrëdhënieve me të dyja klubet, në këtë operacion ka pasur rol ndërmjetësues edhe ishsulmuesi i Dinamos, Agim Ibrahimi. Te Partizani, të gjendur mes faktit që kanë një skuadër plot me sulmues, tashmë do të ishin të gatshëm të negocionin për një shifër më të ulët.

Prej thuajse gjashtë muajsh Mba po vuan problemet fizike dhe nuk ka arritur të gjejë vazhdimësinë. Në këtë edicion ai numëron 753 minuta në total, të shpërndara në 14 ndeshje, ku ka shënuar 2 gola dhe ka dhuruar 1 asist. Sa i përket Celjes, është një klub i afirmuar tashmë në elitën e futbollit slloven, ku militon prej 10 vitesh dhe numëron 1 Kupë dhe 1 titull kampion. Në këtë edicion ndodhet në vendin e parë pas 19 javësh. /panoramasport/

The post Klubi slloven hap thesin për sulmuesin nigerian, Partizani bën rezistencë dhe refuzon ofertën e majme appeared first on Albeu.com.

Aktualisht 24-vjeçari po rikuperohet nga një tërheqje muskulore në Tiranë dhe nuk ka udhëtuar në Turqi për fazën përgatitore. Burime për “Panorama Sport” bëjnë me dije se lojtari i ka shprehur klubit dëshirën për të bërë një hap më të madh në karrierë dhe drejtuesit janë shprehur të hapur për oferta. Për sulmuesin ka pasur një propozim nga Sllovenia me vlerën 150 mijë euro.

Gazeta mëson se presidenti Demi e ka konsideruar të ulët këtë shifër për shkak se vetëm në janarin e vitit të shkuar shpenzuan plot 180 mijë euro për ta blerë, teksa nigeriani është edhe një nga sulmuesit më të paguar në skuadër. Demi pretendon të rikthejë nga Mba të gjitha paratë e shpenzuara për të dhe do të ishte i kënaqur me një shifër prej afro 250 mijë eurosh.

STRATEGJIA – Te Partizani i kanë të qarta idetë. Presidenti Demi nuk kërkon të bëjë shitje nën kosto dhe këtë e ka konfirmuar edhe në këtë rast me Kristian Mba. Klubi e ka bërë të qartë se kërkon të funksionojë si një biznes dhe të ardhurat të vijnë gjithnjë e në rritje. Sakaq, merkatoja vijon dhe nuk përjashtohet që në tavolinën e presidentit Demi të mbërrijë një tjetër ofertë, këtë herë më bindëse. Në merkato vijon të jetë edhe Rrapaj, i cili e ka deklaruar hapur se pret nga dita në ditë të bëjë hapin e madh.

SHIFRAT – Kristian Mba, i kushtëzuar nga dëmtimi në muskujt e barkut e më pas nga një tërheqje, ka zbritur vetëm 14 herë në fushë këtë sezon. Ai ka shënuar 2 gola dhe ka dhuruar 1 asist. Vjet sulmuesi realizoi 5 gola dhe dhuroi 4 asiste në 21 ndeshje. /panoramasport/

The post Partizani refuzon 150 mijë euro për sulmuesin nigerian, zbardhen prapaskenat appeared first on Albeu.com.