Kristen Adams ka kërkuar përgjigje nga lidershipi i lartë i ushtrisë, duke përfshirë shefin e shtabit të mbrojtjes, gjeneralin Wayne Eyre, në lidhje me sulmin me të cilin u përball ndërsa punonte në mensën e drejtuar nga Kanadaja për trupat e saj në Letoni.

Raportet dhe dokumentet e policisë ushtarake kanadeze vunë në dukje se Adams u sulmua seksualisht kur një ushtar shqiptar ia kapi gjoksin gjatë një incidenti më 3 dhjetor 2022.

Adams, ishte punësuar nga Shërbimet e Mirëqenies së Forcave Kanadeze (CFMWS), një organizatë që punon në emër të shefit të mbrojtjes për të ofruar programe dhe shërbime për anëtarët ushtarakë.

Sulmi ndaj Adams ndodhi në kampin Adazi pranë kryeqytetit të Letonisë, Riga.

Por sipas letrës që ajo ka marrë si përgjigje, CFMWS (Institucioni për vetëmbrojtje dhe kujdes moral në Kanada) i tha Adams se ajo duhet të kishte kuptuar se mund të ishte përballur me një incident të tillë kur ajo nënshkroi për këtë punë.

“Siç u informuat gjatë trajnimit para-vendosjes, i cili ndodhi nga 6 deri më 15 shtator 2022, ka rreziqe të përfshira gjatë operacioneve ku shumë vende punojnë dhe jetojnë së bashku dhe për dallimet kulturore që ekzistojnë si rezultat, ” shkroi Ben Ouellette, nënkryetar i grupit të programeve të mbështetjes së personelit të CFMWS.

“Duke pranuar të dislokoheni, ju po merrni përsipër një rrezik të caktuar për të punuar në këtë mjedis”, ishte e shkruar në përgjigje.

Ouellette nuk pranoi të intervistohej nga kjo gazetë.

Adams tha se ishte e neveritur nga përgjigja. “Që kur është konsideruar sulmi seksual si pjesë e dallimeve kulturore apo pjesë e një përshkrimi të punës?” ajo tha.

“Ai po ma vë fajin mua duke pretenduar se duhet ta kisha ditur se mund të sulmohesha seksualisht në vendin tim të punës”.

Adams beson se ushtria kanadeze dhe CFMWS po përpiqen ta fshijnë incidentin nën qilim.

“Ata nuk duan që kjo të shkaktojë siklet për misionin e Letonisë,” tha ajo.

“E gjitha ka të bëjë me mbrojtjen e misionit.”

Kryeministri Justin Trudeau njoftoi në korrik se si pjesë e një angazhimi të madh ndaj NATO-s, Kanadaja do të shpenzonte 2.6 miliardë dollarë të tjerë për të dyfishuar numrin e trupave që ka vendosur në Letoni. Kanadaja aktualisht ka afërsisht 1000 personel ushtarak në atë vend.

Objekti kanadez ku ndodhi sulmi është i hapur për trupat e NATO-s në kampin Adazi.

Adams e raportoi incidentin në policinë ushtarake kanadeze në kamp pak pasi ndodhi. Adams i tha kësaj gazete se ishte duke punuar në mensën e njohur si Commons, kur pa një ushtar shqiptar, të cilin e njihte. Të dy janë përshëndetur, por më pas shqiptari i kapi gjoksin e saj të majtë.

Policia ushtarake kanadeze i tha Adams se, sipas rregullave të NATO-s, ata nuk kishin juridiksion për të hetuar edhe pse incidenti ndodhi në një strukturë kanadeze.

Policia ushtarake letoneze u soll për të shqyrtuar rastin, por Adams theksoi se ata nuk intervistuan asnjë dëshmitar. Intervistat e bëra ishin vetëm me të dhe me ushtarin shqiptar, shtoi ajo.

Më 14 dhjetor, policia ushtarake letoneze vendosi se nuk do të hetonte më tej.

“Nuk u dhanë detaje se pse hetimi ka përfunduar,” vunë në dukje dokumentet e policisë ushtarake kanadeze./Albeu.com.

The post Ushtari shqiptar i NATO-s ngacmon seksualisht kuzhinieren gjatë misionit në Letoni: Më kapi gjoksin e majtë appeared first on Albeu.com.