Eteri ra deri në 9% në 4,075 dollarë, ndërsa gati gjysmë miliardi dollarë, përfshi edhe kripton e “Levës”, e dyta më e madhe, u likuiduan, sipas të dhënave nga “Coinglass” dhe raportimeve nga “Bloomberg”. Bitcoin gjithashtu ra gati 3%, në 111,998 dollarë.

Më shumë se 407,000 tregtarë u likuiduan në një periudhë 24-orëshe, tregojnë të dhënat.

Rënia e shtyu përkohësisht kapitalizimin total të tregut të aseteve dixhitale nën 4 trilionë dollarë, përpara se të vihej re një rimëkëmbje e pjesshme.

Dy platforma të sigurta ku ju mund të bëni investimet tuaja në kriptomonedha janë Binance dhe cex.io. Këto dy platforma pranojnë pagesa edhe nga Shqipëria, Kosova dhe Maqedonia e Veriut.

The post Bien fuqishëm kriptomonedhat/ Humbin 1,5 miliardë USD, Etherium dhe Bitcoin bien me 9 dhe 3% appeared first on Albeu.com.

Por pas tre dekadash “Sudja e re” tashmë gjendet online. Qindra qytetarë shqiptarë po bien pre skemave të reja piramidale, ku u propozohet të blejnë kriptomonedha që nuk ekziston ose u kërkohet që të investojnë para me pretendimin se brenda 45 ditësh ato do të marrin 2-fishin e parave të hedhura

“Kemi qytetarë që do të investojnë vjen maturimi atyre ju lejohet të tërheqin para e tyre por që u kërkon komision, ose ju kërkon që të sjellin një person të ri dhe ky do të investojë të njëjtën shumë. Duke parë që despozitat po shtohen përsëri njerëzit do të shtojnë para, dhe kjo shkon deri në pikën që anëtarët që do të duan të dalin nga sistemi dhe shpallet falimenti në këtë moment 905 e personave që ishin pjesë e kësaj skemë do të dalin pa asnjë para”, shprehet Besmir Semanaj, ekspert IT.

Klientët gjenden në rrjetet sociale dhe ofertat për të fituara ara pa derdhur djersë tashmë bëhen në TikTok.

“Ku në grupe të caktuara qofshin whatsapp, telegram”, shprehet Erion Demiri, ekspert IT.

“Tani kush e do platformën e re të më kontaktojë këtu keni dhe adresën e Telegramit, 1000 euro është depozitimi minimal.

Dhe krijon skema të tilla duke u bazuar në faqe zyrtare dhe më pas të shpërndajnë mesazhe dhe linqe ku ti ke mundësi të hedhësh para, dhe premtimi mbetën I njëjtë do të fitosh para shumë shpejt”, shprehet një Tiktok-er.

Emrat e këtyre grupeve mund të ndryshojnë në çdo moment dhe nuk është vetëm një, por janë qindra platforma që po mundohen të grabisin shqiptarët. Ndërsa mashtruesit zhduken menjëherë sapo kuptojnë që grupi tyre po gjurmohet nga uniformat blu./TCh

The post Rikthehen skemat piramidale online, qindra shqiptarë mashtrohen me kriptomonedha appeared first on Albeu.com.

Gjatë intervistës në studion e Abc News, ajo theksoi se ka pasur një interes të lartë për blerjen e Bitcoin, duke shtuar se në ditët në vijim pritet që të ketë një rritje të vlerave.

“Ka një interes për blerjen e Bitcoin. Mendohet që vlerat e Bitcoin do të rriten dhe pritet në 15 ditëshin e parë të janarit të kemi një rritje dhe pjesa e dytë e vitit mund të bëjë që Bitcoin të ketë vlerë të caktuar. Pak a shumë Bitcoin nuk preket nga inflacioni.

Nga ana e tij eksperti për kriptomonedhat Kadri Manaj shtoi se pritet që Bitcoin të tejkalojë çmimin maksimal.

“Pritet që të tejkalojë çmimin maksimal që Bitcoin ka arritur në fillime”, tha ai.

Gjithashtu ekspertja Denisa Kele theksoi se Bitcoin ‘drejton’ tregon.

“Bitcoin e ka rikuperuar të gjithë humbjen që ka pasur. Trendi i tregut shqiptar është më i fokusuar drejt portofolave që janë me shifra të vogla”, shtoi ajo, duke theksuar se ata që duan të investojnë nuk janë vonë.

Dy platforma të sigurta ku ju mund të bëni investimet tuaja në kriptomonedha janë Binance dhe cex.io. Këto dy platforma pranojnë pagesa edhe nga Shqipëria dhe Kosova.

The post “Shkëlqimi i Bitcoin”/ Ekspertja: Bitcoin po drejton tregun! Manaj: Pritet të tejkalojë çmimin maksimal appeared first on Albeu.com.

Mbetjet e trupit të 39 vjeçarit Fernando Pérez Algaba, ishin hedhur pranë ujit në qytezën e Ingeniero Budge, në Argjentinë, qe ishte vendi i lindjes.

Dy të rinj bënë zbulimin e tmerrshëm teksa luanin futboll kur dhe panë valixhen e kuqe pranë burimit.

Fernando njihej si një milioner i vetë-krijuar me tregtimin e kriptomonedhave dhe shpesh reklamonte pasurinë e tij në rrjetet sociale.

Ai ishte kthyer në Argjentinë per pushime shtatë-ditore nga Barcelona ku banonte se fundmi.

Pasi fëmijët dhanë alarmin për zbulimin pranë kryeqytetit Buenos Aires, policia zbuloi pjesët trupore të Fernando në ujin e ndotur të rrjedhës.

Trupi i copëtuar u identifikua si i Fernandos prej tatuazheve të tij dhe më pas me analizën e gjurmëve të gishtërinjve.

Autopsia zbuloi se biznesmeni argjentinas, i njohur gjithashtu si “Lechuga” (Sallata jeshile), ishte vrarë me tre të shtëna, dhe më pas ishte copëtuar.

Ende nuk ka motive zyrtare apo autorë për krimin por disa ditë para ngjarjes, influencuesi i njohur i kriptomonedhave kishte bërë disa postime të pakuptueshme në rrjetet sociale.

Ai u thoshte rreth 919,000 ndjekësve të tij se në botë kishte “njerëz të lig” dhe shtonte në mënyrë misterioze se nuk mund të shpëtonte nga “problemet” e tij.

Në një nga videot manjati i suksesshëm shfaqej në makinat e tij luksoze, duke dhënë një mesazh disi të frikshëm:

“E pabesueshme që në botë ka njerëz kaq të ligë, sa që kur di mendon t’i ndihmosh, ata mendojnë të të shkatërrojnë”.

Fernando kishte dërguar një tjetër mesazh të pakuptueshëm në dukje për nënën e tij, ku thoshte se duhet të “qartësonte kokën e tij.”

Në të thuhej: “Nga këtu, po nis të kuptoj dy gjëra: se nuk mund të shpëtojmë nga problemet dhe se ato na ndjekin kudo”.

Zakonisht ai postonte foto të makinave të tij sportive, ose duke shijuar pushime luksi me veshje dhe aksesorë të shtrenjtë.

Por Fernando gjatë rrugëtimit të tij drejt parasë e kishte përfshirë veten në probleme me ligjin.

Ai ishte regjistruar disa herë në kompani te ndryshme notarie gjatë viteve dhe ishte denoncuar për mashtrim, shkelje fiskale apo borxhe të papaguara.

Disa padi ishin ngritur kundër tij dhe kreditorët e ndiqnin prej vitesh para shuma të papaguara.

Sipërmarrësi kishte një histori impresionuese suksesi nga varfëria drejt pasurimit, me se fundmi në tregun e kriptomonedhave.

Fernando kishte nisur të punonte prej moshës 14 vjeçare duke shitur sanduiçë e duke shpërndarë pica në qytetin e tij ne Argjentine.

Më pas ai nisi të blinte e shiste automjete të përdorura dhe kur ishte 24 vjeç, ishte një “influencues” i njohur në rrjet dhe kishte një garazh të madh me automjete të shtrenjta, motoçikleta dhe motobarka.

Ai kishte hapur një kompani motorësh uji ‘jetski’ me qera në Miami, para se të vendosej në Barcelonë në fillim të këtij viti.

Më pas Fernando kishte investuar në kriptomonedhat dhe raportohet se kishte ngritur një zyrë me rreth 25 punonjës, me shumë gjasa ‘call-center’ në Puerto Madero, Argjentinë.

Nuk është e qartë nëse janë bërë arrestime në lidhje me vdekjen e tij por hetimet vijojnë.

The post Gjendet i coptuar trupi i bosit të kriptomonedhave appeared first on Albeu.com.

Zyra e Prokurorit të SHBA për Distriktin Jugor të Nju Jorkut po shqyrton nëse FTX ka keqpërdorur fondet e klientëve duke i dhënë miliarda dollarë hua një firme të veçantë tregtare të themeluar nga Bankman-Fried.

Bitcoin dhe kriptovalutat e tjera sakaq, mbetën nën presion të hënën, duke nxitur kompanitë rivale të qetësojnë investitorët e shqetësuar tejmase mbi kapitalet e tyre.

Sipas një analize, kompanitë më prestigjioze në botë po përjetojnë flukse dalëse prej 6.2 miliardë dollarësh të Bitcoin dhe Ethereum në nga data 6 nëntor deri më 13 nëntor.

CryptoQuant zbuloi se 3.7 miliardë dollarë Bitcoin dhe 2.5 miliardë dollarë Ether u zhvendosën nga shkëmbimet mes frikës që ka pushtuar investitorët në mbarë botën.

The post Kriptomonedhat “prekin” fundin, investitorët tërheqin paratë e tyre pas skandalit të FTX appeared first on Albeu.com.

Ozer akuzohet për mashtrim me kriptomonedhat. Autoritetet turke të drejtësisë kanë transmetuar përmes Ministrisë së Drejtësisë materialet e plota që kanë të bëjnë me kërkesën për ekstradim në Turqi të shtetasi Faruk Fatih Ozer, në kërkim ndërkombëtar pasi Gjykata e Paqit e Shkallës së Parë Nr.7 në Stambollin Anadollian me vendimin datë 07.05.2021 ka caktuar ndaj këtij personi masën e sigurisë “Arrest në burg” për disa vepra penale të kryera në Turqi.

I riu u arrestua më 30 gusht të këtij viti teksa ishte duke pushuar në plazhin e Himarës. Shtetasi turk, themelues i një platforme online për këmbimin e kriptovalutave, Thodex, mbylli papritur aktivitetin, në prill të vitit të kaluar, pasi kishte grumbulluar një shumë prej 2 miliardë dollarësh nga 391 mijë investitorë.

Ozer ishte shpallur në kërkim ndërkombëtar nga Interpol Ankara, ndërsa Gjykata e Lartë e Stambollit kishte lëshuar ndaj tij urdhër arresti në vitin 2021, për veprat penale “Krijimi i organizatës kriminale” dhe “Mashtrimi me pasoja të rënda”.

I riu turk, kishte mbërritur në Shqipëri më 20 prill 2021, përpara se autoritetet e vendit të tij të viheshin në lëvizje. Një ditë më pas, në platformën Thodex, investitorët lexuan një njoftim të pazakontë për pezullimin e përkohshëm të aktivitetit “për shkak të një investimi të rëndësishëm”. Ky njoftim, i vuri ata në alarm, pasi nuk u mundësohej më qasja në portofolet e tyre. Më 23 prill 2021, autoritetet turke arrestuan 62 persona të lidhur me Thodex, dhe disa të tjerë u shpallën në kërkim.

The post Dyshohet se fitoi 2 miliard $ me mashtrim, Prokuroria e Elbasanit kërkon ekstradimin e të riut turk appeared first on Albeu.com.

Exchange ByBit, i cili javën e kaluar njoftoi se do të zhvendoste selinë e tij globale nga Singapori në Dubai, bashkohet me lojtarët kryesorë të industrisë Crypto.com, FTX dhe Binance në krijimin e një terreni në qytet.

Entuziazmi për Dubain midis kompanive të kriptove vjen pasi shpresat e tyre për Singaporin si një qendër aktivitetesh digjitale janë zbehur. Ndërsa Singapori ka miratuar vetëm një pjesë të vogël të grupeve të kriptove që aplikuan për licenca, Dubai ka tërhequr disa industri të rënda në pak javë që nga fillimi i skemës së tij të licencimit.

Singapori ishte parë si një qendër e lulëzuar e kriptove në Azi, pasi Kina goditi asetet digjitale vitin e kaluar. Tani, karvani i monedhave digjitale ka ecur përpara pasi disa kompani po i kthejnë sytë drejt një regjimi rregullator më të hapur në Gji.

Changpeng Zhao, shefi ekzekutiv i Binance, i cili është zhvendosur nga Singapori në Dubai, tha se qeveria e shtetit të Gjirit ka tërhequr kompanitë e kriptove me “mendësinë e saj të hapur dhe një qëndrim miqësor ndaj biznesit”.

Binance, shkëmbimi më i madh i monedhave digjitale në botë për nga vëllimi i tregtimit, u konsultua për rregullat sipas të cilave do të rregullohet tani në Dubai. Në dhjetor, Binance nënshkroi një marrëveshje me Dubai World Trade Centre, një park biznesi pa taksa, për të këshilluar mbi peizazhin rregullator të kriptomonedhave në Emirate.

Autoriteti Rregullator i Aseteve Virtuale, i cili u lançua në fillim të këtij muaji, i ka lëshuar një licencë kompanisë Binance.

Zhao tha se Binance kishte lobuar për formimin e një rregullatori të porositur, duke e përshkruar vendimin si “shumë të shkëlqyer” dhe duke vlerësuar autoritetet e Dubait si “rregullatorët dhe zyrtarët qeveritarë më të zgjuar se në çdo vend tjetër të botës”.

Megjithatë, miratimi entuziast i Dubait ndaj aseteve virtuale ka ngritur alarmin në disa qarqe financiare, duke pasur parasysh vendimin e fundit të Task Forcës së Veprimit Financiar, një mbikëqyrës global i pastrimit të parave, për të vendosur Emiratet e Bashkuara Arabe në të ashtuquajturën “lista gri” e tyre për monitorimin e procedurave për parandalimin e fluksit të parave të pista.

Juristët dhe ish-rregullatorët në Mbretërinë e Bashkuar dhe SHBA thanë se një licencë nga Emiratet nuk do të mjaftojnë për të bindur rregullatorët perëndimorë se shkëmbimet e kriptove janë nën mbikëqyrjen e duhur.

Mbretëria e Bashkuar ka bërë gjithashtu një shtysë për t’u bërë një “qendër globale” për kripto-mat, pasi Sekretari i Thesarit, John Glen deklaroi në një fjalim të hënën se vendi dëshiron të jetë tërheqës për “firmat që nuk kanë ende një bazë të vendosur”.

Sidoqoftë, avokatët vërejnë se qeveria do të duhet të nxisë rregullatorët britanikë, përfshirë FCA-në, që të jenë më të hapur ndaj operatorëve të kriptove.

Ofensiva e “kriptosharmit” të Dubait ka tërhequr në mënyrë të shpejtë disa kompani.

FTX Europe, krahu i bursës me bazë në Zvicër, në mars njoftoi se do të krijonte selinë qendrore rajonale në Dubai, pasi t’i jepej një licencë atje. Crypto.com me seli në Singapor shtoi një zyrë në Lindjen e Mesme, javën e kaluar.  BitOasis, një shkëmbim kriptosh me bazë në Dubai gjithashtu mori një licencë të përkohshme javën e kaluar.

Njësia e Binance në Singapor në dhjetor hoqi dorë nga aplikimi i saj për një licencë për të drejtuar një biznes kripto në vend pasi rregullatorët urdhëruan Binance Singapore të ndalonte të gjitha transferimet e kriptove me shkëmbimin global binance.com, të cilën rregullatori e vendosi në një listë alarmi investitori dhe tha se “mund të jetë në shkelje” të ligjit vendor.

Në përgjithësi, Autoriteti Monetar i Singaporit (MAS), ka dhënë vetëm katër licenca kripto, pasi ka marrë 176 aplikime për mbikëqyrje. Më shumë se 100 kompani janë larguar, ndërsa rreth dhjetëra ende shpresojnë për dritën jeshile.

MAS gjithashtu, në fillim të këtij viti, ndaloi reklamat për kriptovalutat. Lëvizja është interpretuar si një “dekurajim i fortë për ofrimin e kriptove ndaj konsumatorëve”, sipas Nizam Ismail, shefit ekzekutiv të konsulencës së kriptove Ethikom.

Xue Kai Pang, shefi ekzekutiv i Tokocrypto, një shkëmbim kriptosh në Indonezi, tha se “Singapori definitivisht po humbet një pjesë të shkëlqimit dhe atraktivitetit të tij. . . Ka vende më të hapura si Dubai”.

The post Dubai, destinacioni i ri i firmave të mëdha të kriptovalutave appeared first on Albeu.com.