Ozer dhe avokati i tij nuk ishin të pranishëm. Gjykata e Elbasanit rrëzoi kërkesën për ndryshimin e gjyqtarit Elis Dine. Vendimi është i apelueshëm.

Faruk Fatih Ozer është konsideruar si një prej mashtruesve më të mëdhenj të historisë, që zhvati rreth 350 mijë investitorë, pjesa më e madhe të të cilëve ishin nga Turqia me kriptovaluta dhe platformën “Thodex”.

Ozer ishte themeluesi i kriptovalutës “Thodex”, e cila shpalli falimentin një vit me parë, duke shkaktuar një dëm prej rreth 2 miliardë dollarë.

Faruk Fatih Ozer është vënë nën hetim në prill të vitit 2021, pasi Kryeprokurori Publik i Anadollit njoftoi se përdoruesit nuk mund të hynin në llogaritë e tyre në platformën të quajtur “Thodex”.

Ai u shpall në kërkim ndërkombëtar nga autoritetet policore turke.

Ozer dyshohet se lëvizte gjithmonë me një hard disk me vlerën e 108 milion dollarëve.

Në vitin 2017, Faruk Fatih Ozer themeloi kompaninë “Thodex” nëpërmje të të cilës investitorë të ndryshëm virtual kishin llogaritë e tyre dhe me të cilat, blenin dhe shesin kriptovaluta. Në THODEX ishin gjithsej 400 mijë llogari dhe 391 mijë investitorë aktivë, duke pasur një vëllim mujor transaksioni prej 100 miliardë lira, afërsisht 12 miliardë dollarë.

Mediat turke e kanë cilësuar si Faruk Fatih Ozer si personin që ka kryer mashtrimin më të madhe në historinë e Turqisë me vlerë 2 miliardë dollarë.

Në prill të vitit 2021, Faruk Fatih Ozer është raportuar se është filmuar në Shqipëri.

Njoftimi

Gjykata e Elbasanit vendos lejimin e ekstradimit të biznesmenit turk të akuzuar për mashtrim me kriptomonedhat Fatih Ozer.

Ozer dhe avokati i tij nuk ishin të pranishëm në seancën e shpalljes së vendimit.

Ndërkohë vendimi u mor nga gjykatësi Elis Dine për të cilin më herët mbrojtja kushte kërkuar përjashtimin nga gjykimi./albeu.com

The post I akuzuar për mashtrimin me kriptomonedhat, gjykata vendos ekstradimin e biznesmenit turk appeared first on Albeu.com.

Në njoftimin e bërë nga ministria turke, thuhet se ministri i Brendshëm i Shqipërisë, Bledar Çuçi, në orët e mëngjesit e ka njoftuar homologun e tij turk, Süleyman Soylu, se Özer është kapur në qytetin e Vlorës dhe se identiteti i tij është konfirmuar nga rezultatet biometrike.

“Kanë nisur procedurat e ekstradimit të Faruk Fatih Özer në Türkiye nga Departamenti i Interpolit pranë Drejtorisë së Përgjithshme të Policisë”, thuhet në njoftim.

Prokuroria e vendit më 22 prill 2021 filloi zyrtarisht hetimin pas denoncimeve të përdoruesve për mos qasje në llogaritë e bursës së kriptovalutave Thodex dhe se pronari i kompanisë ishte larguar jashtë vendit.

Në këtë kuadër u konfirmua se pronari i kompanisë i dyshuari Faruk Fatih Özer ishte larguar jashtë vendit më 20 prill 2021.

Më pas u lëshua një urdhër ndalimi për shumë persona të dyshuar përfshirë edhe Özer ndaj të cilit më parë ishte nxjerrë një urdhër arresti.

Gjithashtu ndaj Özer më 23 prill 2021 ishte lëshuar një buletin i kuq nga Interpoli./albeu.com

The post U arrestua në Himarë, ministri Çuçi njoftoi homologun turk, mediat turke zbulojnë detaje për “bosin” e kriptomonedhave appeared first on Albeu.com.

Faruk Fatih Özer fshihej në lagjen “5 Maji” në qytetin e Elbasanit. Ai është mbajtur nën përgjim për të paktën 2 javë.

Policia ka zbuluar të gjitha lëvizjet e tij bashkë me një grup prej 6 personash.

Përgjimet kanë nisur me kërkesë të Prokurorisë së Elbasanit dhe me vendin të Gjykatës së këtij qarku, gjë e cila ka sjellë edhe zbulimin e vendndodhjes së saktë të Faruk Fatih Özer.

Özer është vënë në pranga në një plazh të Himarës nën shoqërinë e disa personave. Ndërkohë në pranga ka rënë edhe një person tjetër me iniciale E.H, i cili dyshohet se ka ndihmuar Faruk Fatih Özer që të fshihej.

Faruk Fatih Özer, u arratis nga Turqia në 20 prill 2021 dhe u strehua në Shqipëri. Asokohe dolën dhe pamje filmike nga momenti kur ai është akomoduar në një prej hoteleve të Tiranës në shoqërinë e një shqiptari i cili ka deklaruar se nuk e dinte se ai ishte në arrati./albeu.com

The post Si u bë plani për kapjen e “Boss-it” turk teksa shijonte plazhin në jug, çfarë zbuluan përgjimet appeared first on Albeu.com.

Eshtë shpallur në në kërkim poseduesi i pajisjeve ndërkohë është vënë në pranga bashkëpunëtori i tij.

Finalizohet operacioni policor i koduar “Avalon”, për goditjen e veprimtarisë kriminale në fushën e mashtrimit kompjuterik.

Shkodër

Operacioni u zhvillua nga Seksioni për Hetimin e Krimit Ekonomik dhe Financiar në DVP Shkodër, në bashkëpunim me Njësinë “C” në Drejtorinë Hetimore në Departamentin e Policisë Kriminale, në Drejtorinë e Përgjithshme të Policisë së Shtetit.

Gjenden dhe sekuestrohen në një magazinë, 16 pajisje elektronike që shërbenin për gjenerimin e kriptomonedhave virtuale, me lidhje të paligjshme të energjisë elektrike.

Shpallet në kërkim poseduesi i pajisjeve. Vihet në pranga bashkëpunëtori i tij.

Procedohet në gjendje të lirë punonjësi i OSHEE-së, për shpërdorim detyre.

Në vijim të punës për parandalimin, dokumentimin dhe goditjen e aktivitetit kriminal në fushën e mashtrimit kompjuterik, strukturat e Seksionit për Hetimin e Krimit Ekonomik dhe Financiar në DVP Shkodër, në bashkëpunim me Njësinë “C” në Drejtorinë Hetimore në Departamentin e Policisë Kriminale, në Drejtorinë e Përgjithshme të Policisë së Shtetit dhe OSHEE Shkodër, bazuar në informacionet e marra në rrugë operative se në një magazinë, në lagjen “Salo Halili”, po ushtrohej veprimtaria e kundërligjshme e prodhimit të kriptomonedhave virtuale, kanë organizuar dhe finalizuar operacionin policor të koduar “Avalon”, në kuadër të të cilit është ushtruar kontroll në këtë magazinë dhe është shpallur në kërkim shtetasi:

-J. M., 21 vjeç, banues në Shkodër, për veprat penale “Mashtrimi kompjuterik”; “Vjedhja e energjisë elektrike ose e impulseve telefonike”, kryer në bashkëpunim; “Fshehja e të ardhurave”; “Ushtrimi pa licencë i aktivitetit tregtar” dhe “Pastrimi i produkteve të veprës penale”.

Gjatë kontrollit në magazinë janë gjetur dhe sekuestruar në cilësinë e provës materiale, 16 pajisje elektronike, të cilat shërbenin për gjenerimin në mënyrë të jashtëligjshme të kriptomonedhave dhe dyshohet se përdoreshin nga 21-vjeçari.

Gjithashtu, si rezultat i këtij operacioni u arrestua në flagrancë shtetasi:

-E. M., 43 vjeç, banues në Shkodër, për veprat penale “Prodhimi dhe shitja e narkotikëve” dhe “Vjedhja e energjisë elektrike ose impulseve telefonike”, e kryer në bashkëpunim, pasi dyshohet se në bashkëpunim me shtetasin J. M., kryenin veprimtarinë e kundërligjshme të prodhimit të kriptomonedhave virtuale.

Gjithashtu, gjatë kontrollit të ushtruar në banesën e shtetasit E. M., shërbimet e Policisë gjetën dhe sekuestruan një sasi lënde të dyshuar narkotike cannabis sativa.

Në vijim të këtij operacioni u procedua në gjendje të lirë shtetasi:

-F. B., 33 vjeç, banues në Shkodër, me detyrë lexues i aparatit matës, në OSHEE Shkodër, për veprën penale “Shperdorimi i detyrës”, pasi dyshohet se ky shtetas ka mundësuar furnizimin e pajisjeve që gjenerojnë kriptomonedha virtuale, me lidhje të paligjshme të energjisë elektrike.

Materialet iu referuan Prokurorisë së Rrethit Gjyqësor Shkodër, për veprime të mëtejshme./albeu.com

The post E FUNDIT/ Sekuestrohen 16 pajisje për krijimin e kriptomonedhave në Shkodër appeared first on Albeu.com.

Bitcoin humbet 6.6% dhe bie nën 34,000 dollarë, duke vazhduar trendin në rënie të gjashtë ditëve të fundit, ndërsa Ethereum bie 7.6% në 2201 dollarë, më e ulëta që nga korriku.

Shitja që goditi kriptovalutat është e lidhur me largimin nga aksionet dhe FED që përgatitet për një rritje të normës së interesit.

Dy platforma të sigurta ku ju mund të bëni investimet tuaja në kriptomonedha janë Binance dhe cex.io. Këto dy platforma pranojnë pagesa edhe nga Shqipëria dhe Kosova.

The post Bitcoin, tregu i kriptomonedhave djeg 130 miliardë dollarë në një ditë appeared first on Albeu.com.

Analiza e porositur nga BBC News vlerëson se më shumë se 262 milion £ (350 milion dollarë) janë shpenzuar në monedhat virtuale.

Disa nga token tregtohen duke ofruar përfitime të botës reale për blerësin.

Por kritikët thonë se këto përfitime janë të parëndësishme, njëri ofroi mundësinë për të votuar për këngët që do të luheshin në stadiume dhe klubet nuk kanë mbrojtje të mjaftueshme për tifozët.

Kriptomonedhë specifike për klubin

Deri më tani, në pesë ligat kryesore evropiane, 24 klube të ndryshme kanë lançuar ose po shqyrtojnë tokenat e tifozëve, duke përfshirë tetë skuadra të Premier League.

Shumica e tokens ofrojnë të ngjashme me një kriptomonedhë specifike për klubin – monedhat virtuale mund të blihen dhe shiten dhe vlera e tyre rritet dhe bie në varësi të ofertës dhe kërkesës.

Disa klube, si Manchester City, shesin gjithashtu koleksione dixhitale të njohura si NFT (tokena jo të këmbyeshëm).

Shumica e klubeve që ofrojnë token për tifozët janë regjistruar në një kompani të quajtur Socios që organizon shitjen fillestare dhe tregtimin e mëpasshëm të monedhave virtuale, por platformat e tjera, duke përfshirë Binance dhe Bitci, po rriten gjithashtu.

Socios i tha BBC News se kishte shitur monedha me vlerë 270-300 milion dollarë përmes aplikacionit të saj./h.ll/albeu.com

The post Fansat e futbollit shpenzojnë miliona tek kriptomonedhat e klubeve appeared first on Albeu.com.

Më 11 mars 2021, artisti Beeple u mblodh me familjen në dhomën e ndenjes për të parë momentet e fundit të një ankandi dixhital.

Mike Winkelmann është Beeple, artist dixhital amerikan, i cili bëri bujë në mars kur shiti një NFT të një vepre të tij për 69.3 milionë dollarë në një ankand dixhital.

NFT është shkurtimi i termit “Kod i papërsëritshëm”.

NFT-të janë në fakt fragmente unike të një programi kompiuterik që nuk mund të kopjohen, apo përsëriten, sikur të ishte një version dixhital i pikturës së Mona Lisës, që nuk mund të riprodhohet. Këto janë format më të reja të artit dixhital.

Ndryshe nga kripto-monedhat, ato nuk mund të tregtohen apo të shkëmbehen. NFT-të krijohen me teknologjinë blockchain, që ka ofruar mundësinë për investime pa frikën se hakerët mund të ndërhyjnë në transaksionet financiare në hapësirën dixhitale.

Kjo teknologji u jep NFT-ve karakterin unik dhe vlerën për koleksionistët.

“Një pikturë apo skulpturë është vepër unike. Por veprat dixhitale mund të riprodhohen miliona herë. Tani teknologjia blockchain e ndryshoi këtë mundisë. Falë saj, një realizim dixhital është unik dhe i papërsëritshëm,” thotë artistja Carla Gannis.

Suksesi i artistit Beeple u përcoll me habi dhe entuziazëm në qarqet artistike dixhitale dhe tradicionale.

Pas këtij ankandi, kompania “Injective Protocol” bleu veprën e Banskit me titull “Morons (White)” për 95,000 dollarë. Për të mundësuar blerjen u krijua një kopje dixhitale e veprës, më pas një kod elektronik NFT që përfaqëson veprën dixhitale, ndërsa vepra fizike u dogj.

Kohët e fundit në Nju Jork u hap e para galeri fizike me vepra NFT.

Mbi 300 artistë nga mbarë bota u përfaqësuan në këtë ekspozitë me një larmi stilesh. Vepra “Kamion Tesla” e artistit Aleksei Mashkov ishte ndër të parat që u shit.

“Kjo vepër është ndërthurje kontradiktash dhe stereotipesh. Në të shihet një amerikan tipik i periferive, bashkë me stereotipet që shoqërojnë këtë kategori. Në kontrast me të shihet një kamion Tesla që nuk dëmton mjedisin,” thotë artisti.

Piktura me bojëra vaji në telajo u transformua në një grafikë dixhitale tre-dimensionale dhe më pas në versionin e saj NFT.

Por nuk është kaq e thjeshtë: ngaanjëherë thjesht fakti që dikush blen versionin NFT të një vepre nuk do të thotë që ai ka blerë edhe origjinalin fizik. Zakonisht pronari i ri ka blerë të drejtën për ta ekspozuar veprën, por nuk është zotërues i saj.

Vignesh Sundaresan bleu punimin “E përditshmja” të artistit Beeple.

“Kryesorja që ka blerë është një marrëdhënie me mua, që t’i lejoj ta reklamojë blerjen. Por unë vazhdoj të kem të drejtën e autorit dhe të drejtën për të riprodhuar imazhe shtesë të kësaj vepre,” thotë Beeple.

Që nga fillimi i këtij viti, tregu për vepra NFT është ritur shumë dhe ekspertët besojnë se kjo formë arti do të bëhet edhe më e kërkuar nga koleksionistët dhe investitorët.

The post Pse vlejnë me miliona dollarë arti dixhital dhe kriptomonedhat? appeared first on Albeu.com.

Deri më tani, dyshohet se Faruk Fatih Ozner fshihet në vendin tonë i fshehur në Tiranë ndqëkohë që në Turqi janë duke u kërkuar bashkëpunëtorët e tij.

Mësohet se policia turke po kërkon që të arrestojë, zhvilluesin e softuerit Oral Çinar, Rana Azap që punon në departamentin e financave dhe Zuhal Özer, gruaja e vëllait Güven Özer, i cili është ndër të dyshuarit e arrestuar.

Dyshohet se Özeri fshihet në shtëpi të fshehta të përdorura nga organizata të paligjshme dhe mafia shqiptare, ku si shpërbllim u jep pjesë nga shuma e parave që ka sjellë me vetë nga Turqia.

Ka dyshime se Ozer ka lidhje me mafien dhe plani i arratisjes është i mirëmenduar dhe i kryer në bashkëpunim me mafien shqiptare. Këto dyshime vijnë pas Ozer u prit në Tiranë nga një çift që në fillim e sistemuan në hotel të arratisurin e më pas në shtëpi private.

The post Pas bosit turk që fshihet në Shqipëri, shpallen në kërkim dhe tre të besuarit e tij appeared first on Albeu.com.

Media e njohur turke paralajmëronte arrestimin e bosit turk dhe se brenda 48 orësh ai mund të dërgohej nga Shqipëria drejt Turqisë.

Por, TRT Newse fshiu lajmin në lidhje me përpjekjet për të kapur themeluesin e Thodex Faruk Fatih Özer, i cili u raportua të ketë mashtruar qindra mijëra njerëz me përfitimin e shkëmbimit të parave të kriptomonedhës.

Në lajmet përkatëse të TRT Haber, thuhej se policia turke që shkoi në Shqipëri për të mbështetur operacionin kundër Ozer, për të cilin thuhej se ishte arratisur në Shqipëri, po kthehej dhe u shpreh se operacioni i nisur për kapjen e Ozer vazhdonte në 4 vende me qendër në kryeqytetin Tiranë.

Në lajme, u vu re se burime të nivelit të lartë të sigurisë informuan se operacioni ishte planifikuar të përfundonte brenda disa ditësh.

Në lajme theksohej “Faruk Fatih Özer do të sillet para autoriteteve gjyqësore të Shqipërisë kur të kapet. Sidoqoftë, ai nuk do të gjykohet në këtë vend sepse nuk ka kryer një krim brenda kufijve të Shqipërisë. Që nga pasaporta e Özer, i cili kontrollohet me një njoftim të kuq, është i kufizuar, atij do t’i lëshohet një pasaportë e re. Pastaj ai do të dorëzohet në Interpol”.

Por media e njohur turke e ka hequr këtë lajm, duke shtuar më tepër misteret mbi fatin e Ozer. Që nga shpallja në kërkim, shumë lajme kanë qarkulluar mbi Ozer, madje aludohet se po mbahet peng në Shqipërisë, ndërsa mendohet se një biznesmen i fuqishëm në vendin tonë e po e ndihmon për ta shpëtuar atë nga kapja. Ndërsa po theksohet se edhe pala turke është tërhequr nga kërkimi, duke ia lënë këtë autoriteteve shqiptare.

The post Mashtruesi më i madh i Turqisë drejt kapjes, media turke fshin lajmin dhe shton misteret appeared first on Albeu.com.

Përmes kompanisë Thodex, Faruk Fatih Özer, i mashtroi rreth ata,  të cilët investuan paratë e tyre në kompaninë Thodex të monedhës virtuale turke të cilën më pas turku nëpërmjet motrës së tij bëri procedurat e nevojshme dhe e deklaroi të mbyllur.

Sipas mediave turke, kjo është konfirmuar edhe nga burimet në policinë e Turqisë, të cilët prej disa ditësh kanë dërguar agjentë në Shqipëri që po punojnë së bashku me palën shqiptare për të bërë të mundur gjetjen dhe kapjen e të riut që u arratis me 2 miliard dollarë virtuale.

Ndërsa lajmi më i fundit është se bosi turk mbahet peng në Shqipëri, dhe se policia shqiptare ka afruar 50 mijë euro shpërblim kush jep informacion për Faruk Fatih Ozer Ai dyshohet se mbahet peng nga njerëz të botës së krimit në Shqipëri. Mediat turke shkruajnë se pasi është larguar në drejtim të vendit tonë, ai është ndihmuar nga persona të mafies të cilët mund ta kenë rrëmbyer dhe fshehur 27-vjeçarin.

Policia shqiptare e cila po e kërkon Ozerin bashkë me 4 grupe të efektivëve që kanë mbërritur në vendin tonë nga Turqia nuk ka lokalizuar ende vendndodhjen e të riut ndërsa edhe të arrestuarit për këtë rast, Altjon Canaj dhe çifti që e ka strehuar më herët në Tiranë nuk kanë ndihmuar hetuesit për gjetjen e 27-vjeçarit.

Mediat turke bëjnë të ditur se Policia e Shtetit në Shqipëri ka vënë në dispozicion një dëmshpërblim prej 50 mijë eurosh për çdo person që do të ndihmojë me informacion të vlefshëm për arrestimin e mashtruesit turk në bursën e kriptovalutës.

Uniformat blu po punojnë edhe për kapjen e Edivaldo Haxhiut, i cili është shpallur në kërkim si një nga personat që e ka pritur Faruk Fatih Ozerin në Rinas dhe e ka ndihmuar për t’u srehuar në një hotel te zona e 21 Dhjetorit dhe më pas për tu larguar në zona të ndryshme të kryeqytetit për t’i shpëtuar arrestimit.

The post Po mbahet peng në Shqipëri? 50 mijë euro shpërblim për informatorin e “kokës” së mashtrimit appeared first on Albeu.com.