“Në këtë moment ajo që pamë gjatë gjithë fushatës tregon se dominanca e zgjedhësve në qarkun e Durrësit kërkon ndryshimin. Këtu janë duke u hapur aktualisht kuti që janë ndër më të prekurat në mënyrë historike nga shitblerja e votës. Ne kemi referuar në SPAK një numër të lartë personash, por në këtë qendër numërimi këto kuti që janë hapur tani, rezulton se në mënyrë sistematike PS prej shumë vitesh i ka pasur si basen votash të blera. Pak më vonë do të hyjmë në zonat e qytetit ku do të shihet ndryshimi”, u shpreh Bylykbashi.

Ai po ashtu u ndal te procesi i votimit duke konstatuar një sërë problematikash, por me theksin e vendosur tek intimidimi i votuesve nga njerëz të paautorizuar pranë QV-ve, që shoqëroheshin nga eksponentë kriminalë.

“Procesi i votimit nuk ka patur asnjë përjashtim në raport me shkeljet tradicionale absolutisht të papranueshme të procesit zgjedhor. Prezencë e lartë e personave të paautorizuar pranë qendrave të votimit, e gjitha kjo në funksion të presionit mbi zgjedhësit. Sigurisht edhe pse janë vendosur mekanizma të rinj, vullneti për ta shkelur këtë ka bërë që përsëri të mbetet problem intimidimi i zgjedhësve. Janë konstatuar sidomos në javën e fundit fenomenet e shitblerjes së votës. Kemi parë mungesë të plotë veprimi nga Task Forca që u trumbetua më të madhe. Nuk u pa asgjë ndaj organizata kriminale patën mundësi të veprojnë. Gjithsesi mbetet për tu parë cili është efekti i veprimtarisë elektorale, pasi kemi parë asfalt elektoral edhe në pasditen para zgjedhjeve”, deklaroi Bylykbashi

The post Oerd Bylykbashi: Kriminelët intimiduan votuesit, votat e PD-së janë në kutitë e qytetit të Durrësit appeared first on Albeu.com.

Gjykata dënoi me 70 vite burgim në total 4 të miturit, por për shkak të moshës ata u dënuan përfundimisht me 46 vite e 6 muaj në total.

Autori kryesor, ai që goditi me thikë, Ergi Karaj, u dënua 27 vite, por do të vuaj 18 sipas gjykimit të shkurtuar.

Ndërkohë, ditën e sotme babai i Fatjon Bicit ka deklaruar në Euronews Albania, se dy prej bashkëautorëve në vrasjen e djalit të tij janë liruar nga burgu dhe janë lënë në “arrest shtëpie”.

Sipas babait të Fatjon Bicit, kjo është vrasja e dytë që po i bëhet djalit të tij, kësaj here nga shteti. Ai tregoi edhe momentet e trishta kur mori vesh lirimin e autorëve të vrasjes së djalit të tij.

“Unë kërkoj pavarësisht se mua ma vranë kriminelët më 14 maj 2023 djalin tani po ma vret për së dyti shteti. Unë e marr vesh se pardje kriminelët janë liruar nga burgu dhe djali im tretet në dhe, ku është shteti, ku është prokuroria, ku është gjykata dhe të gjithë insitucionet që bëjnë të tilla gjeste? Çdo zyrë ose çdo derë që trokas më mbyllet, shkoj në gjyq anullohet, kudo që paraqitem vetëm gënjeshtra.
Kjo për mua është vrasja e dytë, a ka shtet këtu? Isha në punë kur e mora vesh, lashë punën e gjeta nusen te policia dhe u interesuam. Po është e vërtetë na thanë, janë liruar dy prej tyre dhe janë në arrest shtëpie dhe u detyrova të dal të ju se nuk po gjej dretësi në asnjë qoshe”, tha babai i Fatjon Bicit.

The post Vrasja e 15-vjeçarit Fatjon Bici në Gramsh/ Gjykata liroi kriminelët, Babai: Ma vranë djalin për së dyti appeared first on Albeu.com.

Me anë të një reagimi në Facebook Kurti shkruan se vetëm arrestimi i kriminelëve nuk mjafton pas “normat shtypëse patriarkale janë të shpërndara gjerë”.

Sipas tij nëse kriminelët nuk marrin dënimet që meritojnë dhe kësisoj “barra e padrejtësive të sistemit” po bie “mbi supet e grave dhe vajzave”.

“Liridona Ademaj u vra me paramendim. U vra se ishte grua. Gratë dhe vajzat po vazhdojnë të vriten, gjersa normat shtypëse patriarkale ende janë të shpërndara gjerë. Arrestimi i kriminelëve nuk po mjafton. Barra e padrejtësive të sistemit të drejtësisë vazhdon të bie mbi supet e grave dhe vajzave, përderisa kryesit e krimeve nuk marrin dënime meritore”, shkroi Kurti.

“Sot ishte seanca dëgjimore, ku tre të dyshuarve iu caktua nga një muaj paraburgim. Urdhërdhënësi, dorasi dhe bashkëpunëtori në vrasjen e Liridonës duhet të ndëshkohen dhe ta marrin dënimin maksimal. Kjo bëhet me një sistem prokurorial e gjyqësor efektiv dhe të vetëdijshëm për detyrën e lartë shoqërore që bartin. Dhimbja është e madhe. Ndërgjegja është kolektive, në secilën familje, shtëpi”, shtoi ai.

The post “Arrestimi i kriminelëve nuk mjafton”, Kurti reagon për vrasjen e Liridona Ademajt: Autorët të marrin dënimin maksimal appeared first on Albeu.com.

Duke folur për aspektin e sigurisë dhe sundimit të ligjit, Kurti përmendi edhe situatën në veri të vendit.

Ai ka thënë se bandat kriminale i janë vënë kundër veprimeve të ligjshme të institucioneve dhe Qeverisë së Kosovës.

“Sa i përket situatës në komunat në veri të Kosovës, veprimeve të ligjshme të institucioneve të Kosovës i janë kundërvënë kriminelet duke i sfiduar organet e zbatimit të ligjit dhe duke e cenuar sigurinë në vend. Këta kriminel po mbështeten nga presidenti dhe qeveria e Serbisë me qëllim të destabilizimit të rajonit dhe cenim të integriteti territorial të Kosovës”, ka thënë Kurti.

Kryeministri ka shtuar se nuk do të ketë bashkëpunim me këta kriminel dhe se të njëjtit do të arrestohen.

“Institucionet e Kosovës nuk do të bisedojnë e e bashkëpunojnë me kriminel por do ti arrestojnë ata. Vendosja e barrikadave është veprim i paligjshëm dhe i papranueshëm dhe nuk do të tolerohet”, u shpreh Kurti.

Kryeministri foli edhe për bashkëpunimin me KFOR-in sa i përket barrikadave.
“I kemi dhënë kohën dhe hapësirën e nevojshme KFOR-it për të vepruar, por kjo kohë po shteron me shpejtësi. Ne kemi bashkëpunim dhe bashkërendim me KFOR-in dhe kjo kohë dhe hapësirë e nevojshme i është dhënë KFOR-it, por një gjë duhet të kuptohet se nuk mund të qëndroj edhe parimi i lëvizjes së lirë dhe barrikadat në rrugë që e pengojnë lëvizjen e lirë”, tha Kurti.

Grupe të serbëve lokalë kanë vendosur barrikada në rrugët që çojnë drejt Jarinjës dhe Bërnjakut në shenjë pakënaqësie me arrestimin e një ish-polici serb të Kosovës.

Dejan Pantiq, sipas autoriteteve, dyshohet për organizimin e sulmit të 6 dhjetorit ndaj zyrtarëve të Komisionit Qendror të Zgjedhjeve në veri.

Që prej kur janë vendosur barrikadat 19 ditë më parë, në veriun e Kosovës të banuar me shumicë serbe, janë regjistruar disa incidente me armë zjarri, granata dore dhe shok bomba.

The post Kurti për barrikadat në Veri: Kriminelët do të arrestohen, koha që i kemi dhënë KFOR-it po shteron appeared first on Albeu.com.

Mediat britanike shkruajnë se sipas informacioneve të zbuluara nga burime pranë policisë dhe gjykatës, kriminelët shqiptarë të deportuar nga Britania e Madhe për drogë dhe dhunë po kthehen fshehurazi në Britani.

The Telegraph ka zbuluar identitetin e 5 shqiptarëve të cilët kanë mundur t’i shpëtojnë depërtimit disa herë dhe janë kthyer në Britaninë e Madhe për të vazhduar aktivitetin.

– Mauricio Myftaraj , i dënuar me 15 vite burg për armë zjarri dhe drogë, pasi policia kontrolloi shtëpinë e tij, ku i gjetën edhe 40 gëzhoja, barut dhe 20 mijë paund cash. Myftaraj u deportua dhe iu ndalua kthimi në vitin 2015, pasi u burgos për një vepër të armëve tre vjet më parë. Ai arriti të kthehej ilegalisht dhe vazhdoi përfshirjen e tij në krimin e rëndë dhe të organizuar.

-Jenson Duke, u kap me më shumë se 10,000 paund kokainë dhe një thikë pasi u kthye pasi u dëbua. Ai u burgos në Gjykatën e Maidstone Croën për tre vjet dhe që atëherë është deportuar.

-Flogert Farruku, i gjetur duke punuar si “kopshtar” në një fermë kanabisi prej 60,000 £, më parë ishte deportuar pasi ishte kapur duke bërë saktësisht të njëjtën punë. Tani ai është arrestuar sërish dhe pasi të lirohet do të përballet sërish me deportim.

-Arjan Kikija, trafikant droge, i cili tashmë ishte deportuar përpara se të kthehej në Basildon, u përpoq të mashtronte policinë me dokumente false. Ai u burgos për më shumë se dy vjet pasi u kap me dokumente të falsifikuara dhe armë dhe u deportua për herë të dytë.

-Gramoz Tota, 33 vjeç, i cili u arrestua në Britaninë e Madhe në gusht 2020 me një urdhër nga Shqipëria, besohet të jetë i lirë në Britani pasi u lirua nga magjistratët londinez. Gjyqtari vendosi se Tota e kishte vuajtur dënimin ndërsa ishte në paraburgim në procedurë ekstradimi./albeu.com

The post Ne i përzëmë e ata kthehen, mediat britanike ngrenë alarmin: Këta janë 5 shqiptarët e rrezikshëm appeared first on Albeu.com.