Sipas Berishës, se në shkelje të hapur të ligjit, ka nisur asfaltimin elektoral në Shënavlash të Durrësit, duke përdorur fondet publike për të blerë vota në prag të zgjedhjeve të 11 majit.

Teksa publikon videon e denoncimit të qytetarit për asfaltin elektoral në ShënVlash të Durrësit, Lideri i PD-së garanton se pas zgjedhjeve, Sako dhe bashkëpunëtorët e saj do të mbajnë përgjegjësi, njësoj si ish-zyrtarët e tjerë të denoncuar për terror elektoral.

Postimi i plotë:

Asfalt për Votë!

Kriminelja elektorale Sako (Gjushi me fustan) nuk pyet për ligjin dhe vazhdon me krimin: Asfalt për votë!

Dënoj me forcën më të madhe krimin elektoral të saj për të cilin e siguroj se pas 11 majt do trajtohet njëlloj si Gjushi, Visi i Pojës, Hajri dhe Agasi, terrorist elektoral!

Zoti Berisha partia socialiste bashkia e Durrësit, filluan asfaltin electoral në Shën Vlash Durrës per vota, po bejn çdo gjë për te fitura po këtë rradhe do humbin si kurrë më parë, rroftë partia Demokratike.

The post Berisha denoncon asfaltin elektoral në Durrës: Kriminelja elektorale Sako, “Gjushi me fustan” s’pyet për ligjin… (VIDEO) appeared first on Albeu.com.

Ministrja e Punëve të Jashtme dhe Diasporës, Donika Gërvalla në një postim në X ka kërkuar nga Serbia që të respektojë Deklaratën Universale për të Drejtat e Njeriut.

“Dita Ndërkombëtare e të Drejtave të Njeriut: Kosova garanton standardet më të larta të të drejtave të njeriut, siç konfirmohet nga Bashkimi Evropian, OSBE dhe organizata të tjera. Kërkojmë nga Serbia të respektojë Deklaratën Universale të të Drejtave të Njeriut dhe të ekstradojë kriminelët dhe të dhënat për personat e zhdukur”, ka shkruar Gërvalla.

Nga lufta në Kosovë janë më shumë se 1 mijë e 600 persona të zhdukur.

The post Kosova kërkesë Serbisë: Ekstradoni kriminelët, na jepni të dhënat për të zhdukurit appeared first on Albeu.com.

Sipas The Telegraph, Britania e Madhe ka ndihmuar në hapjen e një burgu të ri shumëmilionësh në Shqipëri, si pjesë e një marrëveshjeje transferimi të të burgosurve me vlerë 4 milionë paund në vit.

Oficerët britanikë të burgjeve kanë bashkëpunuar me homologët shqiptarë për të zhvilluar burgun e parë të hapur të Shqipërisë, në kuadër të përpjekjeve për të trajtuar krizën e mbipopullimit të burgjeve në Angli dhe Uells. Një burg i hapur nënkupton kufizime minimale në lëvizjet dhe aktivitetetet e të dënuarve.

Britania po paguan Shqipërinë për të pranuar 200 nga të burgosurit shqiptarë më të rrezikshëm që aktualisht ndodhen në burgjet britanike, ndërsa po financon edhe trajnimin e oficerëve të burgjeve, rinovimin e burgjeve, forcimin e sigurisë dhe pajisje për rehabilitim.

Sipas marrëveshjes dyvjeçare, të burgosurit shqiptarë do të transferohen për të kryer pjesën e mbetur të dënimeve të tyre në Shqipëri, duke përfshirë vrasësit, përdhunuesit dhe trafikantët e drogës.

Burgu i ri në Tiranë, i quajtur “Ali Demi”, do të përfshijë të burgosurit që ndodhen në gjashtë muajt e fundit të dënimit të tyre, duke synuar riintegrimin e tyre në shoqëri përmes një regjimi më të hapur, i cili imiton modelet e ngjashme britanike.

Aktualisht, vendi ku do të vendoset ky burg i hapur është Burgu i Grave në “Ali Dem”, por ai do të transformohet në këtë institucion të ri për të burgosurit meshkuj.

The post Britania e Madhe do të sjellë 200 të burgosur të rrezikshëm shqiptarë në Shqipëri appeared first on Albeu.com.

Sipas ligjit të ri të ndryshuar, muret rrethuese, çatitë dhe avllitë mund të riparohen nga qytetarët, pa patur nevojë për aplikim dhe pritjen e lejes deri në fillimin e punimeve, ndërsa theksohet se përpara se personat e interesuar për këto lloje punimesh të vazhdojnë me punën, ato duhet që të marrin formalisht një njoftim në njësinë administrative ku bëjnë pjesë.

Megjithatë, ndërsa ndryshimet ligjore janë marrë nga organi legjislativ dhe botuar në fletoren zyrtare, oficerët e policisë që merren me procedimin penal të personave që kryejnë shkelje sa i përket sektorit të ndërtimeve, duket se nuk janë informuar mbi të rejat e fundit.

Një rast i paprecedentë është shënuar në Divjakë, ku është arrestuar pa të drejtë një qytetar nga Sektori i Krimeve me arsyetimin se kishte ndërtuar pa leje çatinë e shtëpisë.

Lajmin e ka bërë të ditur, vetë deputeti i PS-së, Erion Braçe i cili kritikon shefin e krimeve në Divjakë, duke e cilësuar atë si të paditur për përmbajtjen dhe ndryshimet ligjore.

Braçe shkruan se kjo gjë është alarmante dhe që kërkon vëmendjen e organeve përgjegjëse, pasi shkelje të tilla janë skandaloze dhe të patolerueshme për një përfaqësues të drejtësisë.

“Edhe pse ju bëj me dije se që për ndërtim çatije nuk duhet me leje, jo vetëm e shoqëruan, e mbajtën atu, por ky oficeri i krimeve, duhet të ketë qenë shef i krimeve, i paska thënë se “Po i çoj letrat e tua në Prokurori, merr avokat e ndiqe”.   

Çfarë avokati të marrë mor i paditur, çfarë avokati? A e kupton që je në shkelje skandaloze të ligjit, privim të lirisë së qytetarit e në shpërdorim skandaloz të detyrës?  

Ka ndryshuar ligji o shefi i policisë, nuk duhet më lejë për çatitë e avllitë! Ndryshuam ligjin e VKM-në pëkatëse që ju mos të luftoni me krimin e madh të çative në fshat”,- shkruan deputeti i PS-së, Erion Braçe në rrjetin social Facebook.

Kujtojmë se një vendim i ngjashëm u mor edhe për objektet që shfrytëzohen për bujqësi, ku parashikohet të rriten sipërfaqet e shfrytëzueshme të tokës, magazinimi i prodhimeve dhe rendimenti në sera, duke lehtësuar në këtë mënyrë jetesën e banorëve të zonave rurale, të cilët prej vitesh janë përballur me pengesa, madje edhe dënime, në rastet kur kanë tentuar të bëjnë rregullime pa leje.

Vlen të theksojmë se kapja në flagrancë e qytetarëve që kanë bërë riparime pa leje, u ka kushtuar atyre gjoba dhe dënime, si dhe ka hapur një debat të fortë në shoqëri për masat e ashpra që ishin sanksionuar me ligj.

The post Policë jo vetëm kriminelë, por dhe të pa ditur. Shefi i Divjakës në paligjshmëri arreston qytetarët appeared first on Albeu.com.

Por ajo që ndodhi dje nuk është asgjë me atë që pritet të ndodhë, sipas gazetares Klodian Lala.

Përmes një postimi në Facebook, gazetarja investigative Klodiana Lala shkruan se në Kep të Rodonit kemi një përplasje të fortë mes dy grupeve kriminale, pasi mafia e ka kapur për dyti shtetin.

Sipas saj ajo që ndodhi dje ëhstë vetëm fillimi, dokumentat do të tregojnë një histori edhe më të frikshme, që askush nuk e di se sa kosto të rëndë do të ketë.

Postimi i Lalës:

Mafia e pronave e ka kapur per fyti shtetin.

Ne Kep te Rodonit po perplasen grupet me te fuqishme kriminale.

Sapo ka nisur e gjitha. Dokumentat tregojne nje histori te frikshme qe nje zot e di sa kosto te renda do te kete.

Kujtojmë që për ngjarjen e djeshme, ku u përlasën fizikisht dy grupe si dhe pati dhe të shtëna me armë, u arrestuan disa persoan, mes tyre ish-deputeti Mark Frroku, ndërsa ëhstë shpallur në kërkim shoferi i tij Besnik Toma, i cili duyshohet se ka qëlluar me armë.

The post I përfshirë Mark Frroku, gazetarja: Mafia e pronave ka kapur për fyti shtetin, në Kepin e Rodonit po përplasen bandat e fuqishme appeared first on Albeu.com.

Rreth 126,000 migrantë kanë mbërritur në Itali këtë viti, deri tani. Shifra është pothuajse sa dyfishi i një viti më parë. Lampedusa ka mbajtur barrën kryesore kohët e fundit, me mijëra prurje vetëm këtë javë, më shumë se popullsia e ishullit italian.

Presidentja e Komisionit Evropian, Ursula von der Leyen, e shoqëruar nga Kryeministrja Giorgia Meloni dhe anëtarë të tjerë të kabinetit italian, u zotuan të trajtojnë çështjen e migracionit gjatë një vizite në ishullin Lampedusa të dielën.

“Kryeministrja Meloni dhe unë jemi sot këtu për të ofruar një përgjigje të koordinuar nga autoritetet italiane dhe evropiane. Dua të jem shumë i qartë. Ne kemi një detyrim si pjesë e komunitetit ndërkombëtar. Ne e kemi përmbushur këtë detyrim në të kaluarën dhe do ta bëjmë sot dhe në të ardhmen. Por ne do të vendosim se kush do të vijë në Bashkimin Evropian dhe në çfarë rrethanash, dhe jo kontrabandistët dhe trafikantët”, tha udhëheqësja e Komisionit Evropian.

Vetëm brenda një dite këtë javë, në ishullin e vogël mbërritën 7,000 migrantë. Tensionet janë rritur në ishull, i cili është më afër Tunizisë sesa Italisë kontinentale.

Banorët kanë shprehur pakënaqësitë e tyre lidhur me numrin e madh të migrantëve në ishull. Migrantë nga Afrika e Veriut përpiqen të arrijnë Evropë duke i përdorur birgjet e ishullit Lampedusa. Banorët thonë se ka dekada që ndodh ky veprim.

Presidentja e Komisionit Evropian, Ursula von der Leyen ka premtuar ta ndihmojë Italinë për të pëballuar prurjet e migrantëve, ndonëse Italia ka kërkuar një bllokadë detare për të frenuar fluksin. /VOA/

The post Von der Leyen: E vendosim ne kush vjen në BE, jo kriminelët appeared first on Albeu.com.

Ata tashmë marrin para edhe nga kriminelë të kërkuar, përfshirë edhe vrasësit, për t’u arratisur përmes La Manshit, sipas një artikulli të Daily Mail.

Media britanike shkruan se shqiptarët po reklamojnë me paturpësi udhëtime emergjente në pjesën e pasme të kamionëve për ‘njerëzit që kanë probleme dhe duan të largohen sa më shpejt nga Anglia’.

Njëri deklaroi për një gazetar të Daily Mail se mund të arratisej nga Britania e Madhe për 3,000 paund. Një tjetër llogari kontrabandisti që funksionon në Tiktok ofron një shërbim me porosi prej 17,500 paund për t’u shpëtuar kriminelëve duke falsifikuar dokumente që ata të paraqiten si shoferi i dytë në kabinën e një kamioni. Trafikanti tha se truku përdorej në mënyrë rutinore për të nxitur emigrantët e paligjshëm në Mbretërinë e Bashkuar.

Policia britanike po ndjekin të paktën 38 kriminelë të dyshuar shqiptarë, përfshirë 9 të kërkuar për vrasje dhe dy përdhunues të dyshuar.

Dyshohet se disa prej tyre mund të jenë larguar nga Mbretëria e Bashkuar me ndihmën e kontrabandistëve.

Reklamimi në TikTok, i gjetur nga Mail thotë: “Njerëzit që duan të largohen nga Anglia sa më shpejt të jetë e mundur, për të shkuar në Francë ose Belgjikë në pjesën e pasme të kamionit. Çmimi 2500 sterlina”.

Një tjetër llogari në TikTok kishte mbi 140 video me reklama të tilla për hyrje dhe dalje me kamion. Ndërsa një faqe e tretë e drejtuar nga një bandë tjetër kërkon kontakt të drejtpërdrejtë nga kushdo që dëshiron të kthehet në BE nga Anglia me kamion.

Faqja kishte mbi 40 postime, shumë prej të cilave ofronin kalim të paligjshëm në Mbretërinë e Bashkuar ose me kamion ose me jaht.

Kur një gazetar i infiltruar i Daily Mail kontaktoi këtë faqe dhe la të dhënat e tij, ai mori një mesazh nga një kontrabandist shqiptar me një numër telefoni në Mbretërinë e Bashkuar. Në shkëmbimet e mëvonshme në WhatsApp, gazetari u justifikua se një i afërm i tij në Mbretërinë e Bashkuar duhej të arratisej sa më shpejt që të ishte e mundur, sepse ai kishte goditur me thikë një anëtar të bandës rivale që po përpiqej të grabiste shtëpinë e tij të kanabisit. Viktima kishte vdekur më vonë në spital. Historia ishte e sajuar.

Duke kërkuar vetëm 3 mijë £ për në Francë, kontrabandistit iu deshën vetëm disa minuta për të transmetuar një kod postar të një parku në periferi të Ashford, Kent, një autostradë e vogël nga tuneli i Channel dhe Dover. Takimi ishte për në orën 1 të mëngjesit.

“Njeriu juaj duhet të jetë në atë adresë sonte. Është një restorant i vogël dhe një pikë karburanti. Shoferi do të jetë aty. Dorëzoi paratë shoferit dhe pa asnjë shqetësim ai do të jetë në Francë. Thuaji njeriut tënd se nëse shoferi kërkon detaje, t’i thotë që ka një problem urgjent familjar dhe dëshiron të dalë sa më shpejt”.
Një tjetër llogari kontrabandisti e quajtur “Travel Agency London” thotë se për 17 500 £ të merrte nga një banesë në Leeds. Ai premtonte një udhëtim në kabinën e një kamioni belg për të dalë jashtë Mbretërisë së Bashkuar duke të kompletuar me dokumente të rreme udhëtimi.

Të dyshuarit shqiptarë në kërkim kanë arritur të arratisen nga Britania e Madhe në shumë raste.

TikTok ndaloi llogaritë e kontrabandistëve pasi u njoftua nga Daily Mail, por kur faqe të tilla hiqen ato zakonisht rishfaqen shpejt në një formë tjetër të ngjashme. Një zëdhënës i TikTok tha: “Ne kemi zero tolerancë për përmbajtjen që lehtëson kontrabandën dhe trafikimin e qenieve njerëzore. Videot dhe llogaritë në fjalë janë ndaluar dhe ne vazhdojmë të punojmë ngushtë me zbatuesit e ligjit në Mbretërinë e Bashkuar dhe partnerët për të gjetur dhe hequr përmbajtje të kësaj natyre.”

The post “Shqiptarët ndihmojnë kriminelët të arratisen”, tarifa e majme për t’i nxjerrë nga Mbretëria e Bashkuar”, publikohen rastet appeared first on Albeu.com.

Gjithashtu, Von der Leyn ka theksuar se institucionet duhet të bashkëpunojnë për të krijuar nisma të reja ligjore për të goditur modelin e trafikimit.

“Ne duhet të godasim trafikantët” dhe “të shkatërrojmë këtë model të rrezikshëm të të bërit biznes. Hapja e rrugëve të reja ligjore midis kontinenteve tona mund të krijojë një alternativë reale dhe të sigurt për udhëtimet e rrezikshme detare. Ne duhet të bashkojmë forcat për të çmontuar modelin mizor dhe të paligjshëm të biznesit të kriminelëve dhe për të rritur ndërgjegjësimin për gënjeshtrat që përhapin trafikantët”, ka thënë ajo.

The post Duhet të godasim trafikantët …”, Von der Leyn thirrje institucioneve për krizën e emigrantëve appeared first on Albeu.com.

Fjalimin e ka nisur me “Kosova nuk është Serbi”.

Pastaj, Kearns ka thënë se Beogradi ka orkestruar bojkot të zgjedhjeve demokratike të mbajtura në komunat veriore të Kosovës.

youtube.com/watch?v=5S9MIuJBn00

Ajo shtoi se rezultati i atyre zgjedhjeve edhe pse vetëm 3 për qind është njohur nga ndërkombëtarët.

Kearns po ashtu përmendi dhunën që përdorën huliganët serbë ndaj KFOR-it.

“Por ishte faji i ndërhyrjes nga jashtë, dhe duket se shpesh nuk përmendet kjo. Javën e kaluar, kryetarët e komunave, jo me dhunë, tentuan të futen në zyra, por dhuna u orkestrua. Po të ndaloheshin kryetarët tanë të punonin nga zyrat e të detyroheshin të punonin në shtëpi, do të thoshim është goditje e rëndë ndaj demokracisë. Pati dhunë të orkestruar në veri nga milicia e financiar nga Beogradi, dhunë kundër KFOR-it, Policisë, hodhën koktej molotovi, gjuajtën me armë, dogjën vetura”, tha Kearns.

Ajo theksoi se është e gabuar që SHBA-ja e BE-ja vendosën të kritikonin Kosovën, e nuk pati kritika ndaj grupeve të armatosura.

“Po dështohet vendosja e masave ndaj Beogradit, ndërsa ka treguar se si qytetarët në veri kërcënohen nga grupet kriminale”, tha Kearns.

The post “Kosova nuk është Serbi”, deputetja britanike: Qytetarët në veri po kërcënohen nga kriminelët serbë appeared first on Albeu.com.

Ndaj tij rëndojnë akuzat për korrupsion pasiv, tjetërsimi i provave për vrasjen e Emiljano Ramazanit i shtyrë nga Erjon Alibej dhe ndjekja penale e personave të pafajshëm të grupeve kundërshtare.

Palushi bënte “lojë të dyfishtë” duke shitur informacion te grupet kriminale si dhe duke dekonspiruar kështu aksionet e nisura nga policia dhe prokuroria.

Sipas SPAK dyshohet se Klevis Kapllanaj ka shfrytëzuar rastin se njihem me Manahasat dhe pasi u pagua nga Erjon Alibej, futi një armë pistolete TT, në servisin e familjes Manhasa që ndaj tyre të ngrihej gabimisht akuza për vrasje.

Plan i mirëmenduar por që më pas për shkak te hetimit rezultoi se kishte mungesë provash për fajësinë e Manahasave në krim, të cilët u liruan dhe morën pafajësinë nga SPAK.

Palushi ka dhënë informacionin paraprak, duke pretenduar që ka informacion (me vlerë), për një krim, por në fakt edhe pse ishte vetë në Elbasan, ai nuk shkoi për të verifikuar informacionin për gjetjen e një arme në afërsi të Peqinit.

Në dosjen e prokurorisë bëhet me dije sesi ish-shefi ka orientuar gabim hetimet për vrasjen e Emiliano Ramazanit në Elbasan në vitin 2020.

Grupi hetimor ka faktuar lidhjen e Palushit me Erjon Alibej ndër të tjera gjë të cilën ai vet e ka pranuar se kishte njohje me të dhe disa herë e ka takuar Erjonin dhe në banesë duke qenë se ky i fundit ishte me masë sigurie “arrest me burg” për një tjetër vepër penale dhe konkretisht “vrasje të mbetur në tentative”.

The post Manipuloi provat dhe informonte kriminelët, sa vite burg kërkon SPAK për ish-efektivin Leonard Palushin appeared first on Albeu.com.