Vdekja e Ratko Mlladiqit ka rikthyer në debat figurën e ish-komandantit të Ushtrisë së Republikës Srpska, ndërsa deklaratat e zyrtarëve serbë kanë ushqyer përpjekjet për ta paraqitur atë si hero kombëtar. Kjo ndodh pavarësisht se Mlladiqi u dënua me burgim të përjetshëm për gjenocid, krime kundër njerëzimit dhe krime lufte.

Qëndrimet e shprehura pas vdekjes së tij kanë hapur diskutime të reja për mënyrën se si Serbia po e trajton trashëgiminë e Mlladiqit dhe për përpjekjet për ta larguar atë nga përgjegjësia për krimet e kryera gjatë luftës në Bosnje e Hercegovinë.

Pyetja që ngrihet është nëse ndarja nga jeta po përdoret për të forcuar narrativat nacionaliste dhe për ta zhvendosur Mlladiqin nga pozita e një personi të dënuar penalisht drejt një miti politik e kombëtar. Ekspertët paralajmërojnë se nderimi i një figure të dënuar për gjenocid nuk lidhet vetëm me të kaluarën, por mund të ndikojë edhe në të ardhmen, veçanërisht te brezat e rinj.

Për këtë çështje, për gazetën “Bota sot” kanë dhënë vlerësimet e tyre eksperti i sigurisë Drizan Shala dhe ish-hetuesi Agim Rexhepi.

Shala: Beogradi po përpiqet ta lidhë Mlladiqin me traditën ushtarake serbe

Drizan Shala thotë se deklaratat e zyrtarëve serbë nuk duhen parë si qëndrime të izoluara personale. Sipas ekspertit të sigurisë, ato pasqyrojnë mënyrën se si Beogradi po përpiqet ta vendosë figurën e Mlladiqit në raport me shtetin serb.

Shala i referohet deklaratës së ministrit të Drejtësisë së Serbisë, Nenad Vujiç, i cili e quajti Mlladiqin “gjeneral” dhe përmendi protokollet që lidhen me këtë status. Sipas tij, një qëndrim i tillë rikthen në vëmendje lidhjet ndërmjet Mlladiqit, Ushtrisë së Republikës Srpska dhe strukturave shtetërore të Serbisë.

“Fakti që ministri i Drejtësisë së Serbisë e quan Mlladiqin gjeneral dhe flet për protokollet përkatëse nuk duhet trajtuar si çështje thjesht ceremoniale. Kjo tregon përpjekjen për ta vendosur atë sërish në origjinën ushtarake të Serbisë dhe për ta paraqitur si pjesë të historisë së saj ushtarake. Për një kohë të gjatë, sa herë që përgjegjësia për luftën në Bosnje lidhej me Beogradin, ruhej një dallim ndërmjet Ushtrisë së Republikës Srpska dhe Ushtrisë së Serbisë. Mlladiqi drejtonte të parën, ndërsa Serbia përpiqej të mos identifikohej me veprimet e saj. Por kur bëhet fjalë për nderimin dhe prestigjin e tij, ky dallim po venitet”, deklaron Shala për “Bota sot”.

Ai vlerëson se kjo situatë përbën një paradoks që duhet analizuar, pasi përgjegjësia e Mlladiqit nuk mund të ndahet nga krimet për të cilat është dënuar nga drejtësia ndërkombëtare.

“Historia e Mlladiqit është e pandashme nga gjenocidi në Srebrenicë, terrori i ushtruar ndaj civilëve në Sarajevë, përndjekjet dhe krimet e tjera për të cilat ai është dënuar. Forcat që ai komandonte kryen krime të dokumentuara dhe të konfirmuara nga gjykatat ndërkombëtare. Për këtë arsye, rikthimi i tij nga një zyrtar i lartë serb në rolin e ‘gjeneralit’, i shoqëruar me referenca ndaj protokolleve shtetërore, nuk mund të konsiderohet vetëm një akt ceremonial. Ai ngre pikëpyetje për mënyrën se si Serbia po e trajton trashëgiminë e tij”, thekson ai.

Sipas Shalës, rasti duhet parë brenda kuadrit më të gjerë të narrativave nacionaliste që vazhdojnë të ndikojnë në rajon.

“Çështja nuk lidhet vetëm me mënyrën se si po trajtohet një person pas vdekjes, por me mesazhin që i përcillet shoqërisë. Nëse një njeri i dënuar për gjenocid paraqitet si figurë që duhet nderuar, atëherë po tentohet të ndryshohet perceptimi për krimet e tij. Përgjegjësia individuale rrezikon të zëvendësohet me mitin e heroit kombëtar. Ky është një rrezik i madh në një rajon ku plagët e luftës nuk janë shëruar plotësisht dhe ku narrativat nacionaliste vazhdojnë të kenë peshë”, shprehet Shala.

Rexhepi: Nderimi i Mlladiqit legjitimon ideologjinë që çoi në gjenocid

Ish-hetuesi Agim Rexhepi nënvizon se vdekja e Ratko Mlladiqit nuk prek as përgjegjësinë e tij penale, as faktet e përcaktuara nga drejtësia ndërkombëtare. Për të, shqetësimi kryesor qëndron te përpjekja për ta shndërruar një person të dënuar për gjenocid në simbol të nacionalizmit serb.

“Vdekja e Ratko Mlladiqit nuk e ndryshon as historinë, as vendimin e gjykatës. Përkundrazi, vendosja e figurës së tij sërish në qendër të narrativave nacionaliste tregon se beteja për të vërtetën historike dhe kujtesën e viktimave vazhdon. Mlladiqi nuk ishte vetëm një komandant ushtarak i një konflikti të kaluar. Ai u dënua me burgim të përjetshëm për gjenocid në Srebrenicë, krime kundër njerëzimit dhe krime lufte. Prandaj, përpjekja për ta kthyer nga i dënuar për gjenocid në ‘hero kombëtar’ nuk është thjesht një këndvështrim alternativ, por një tentativë për ta përmbysur kuptimin e historisë”, deklaron Rexhepi për “Bota sot”.

Rexhepi thotë se një narrativë e tillë e largon vëmendjen nga krimet konkrete dhe e zhvendos atë te pretendimet për “mbrojtjen e kombit”.

“Kur një kriminel lufte paraqitet si hero, viktimat trajtohen si pengesë për rrëfimin historik. Ky është një zhvillim tejet i rrezikshëm. Glorifikimi i Ratko Mlladiqit nënkupton glorifikimin e ideologjisë që prodhoi gjenocid. Vrasjet masive, dëbimet, terrori dhe krimet synohet të relativizohen duke u paraqitur si pjesë e një lufte për mbrojtjen e kombit. Por një komb nuk mbrohet përmes vrasjes së civilëve dhe patriotizmi nuk mund të përdoret si arsyetim për krime kundër njerëzimit”, shprehet ai.

Sipas ish-hetuesit, pasojat më të mëdha mund të shfaqen te brezat e rinj, të cilët mund të ndikohen nga përsëritja e këtyre mesazheve.

“Rreziku nuk kufizohet te grupet ekstremiste që mund ta nderojnë një figurë të tillë. Shqetësimi kryesor është që propaganda, e përsëritur vazhdimisht, ta bëjë një brez të ri ta shohë Mlladiqin jo si autor të krimeve të dokumentuara, por si mbrojtës të kombit. Falsifikimi i historisë shpesh nuk ndodh përmes mohimit të menjëhershëm të gjithçkaje, por përmes relativizimit gradual. Nëse të rinjtë mësohen ta perceptojnë si hero një person të dënuar për gjenocid, atëherë çështja nuk mbetet më vetëm te e kaluara, por ndikon edhe në mënyrën se si mund të kuptohen konfliktet dhe dhuna në të ardhmen”, thotë Rexhepi.

Në përfundim, Rexhepi thekson se Serbia dhe shoqëritë e rajonit duhet ta përballojnë të kaluarën pa romantizim dhe pa përdorur standarde të dyfishta.

“Pajtimi i qëndrueshëm nuk mund të ndërtohet pa të vërtetën, ndërsa paqja e qëndrueshme kërkon drejtësi. Po ashtu, një e ardhme evropiane nuk mund të ndërtohet duke nderuar persona të dënuar për gjenocid. Mlladiqi ka vdekur, por ideologjia që e vendosi në piedestal nuk zhduket vetvetiu. Ajo mund të mposhtet vetëm përmes së vërtetës, arsimit, drejtësisë, kujtesës dhe refuzimit të çdo përpjekjeje për ta paraqitur gjenocidin si heroizëm”, përfundon Rexhepi për “Bota sot”.

The post Pas vdekjes, Mlladiqi rikthehet si simbol nacionalist serb, ekspertët: Glorifikimi i tij rrezikon të shtrembërojë historinë appeared first on Albeu.com.

Ai publikoi së fundmi një fotografi ku shfaqet një djalë misterioz, ndërsa sfondi muzikor i postimit është kënga provokuese e Britney Spears, “Criminal”.

Përzgjedhja e kësaj kënge, e cila flet për një dashuri të ndaluar dhe të rrezikshme, ka shtuar edhe më shumë intrigën.

Fansat po spekulojnë se çfarë mund të jetë apo thjesht një mënyrë e tij për të tërhequr vëmendjen.

Nuk është hera e parë që Vserlo provokon me postimet e tij enigmatike, por këtë herë duket se diçka më e thellë fshihet pas këtij postimi.

Gjatë qëndrimit në Big Brother VIP Albania 4, Vserlo u dallua për komentet e drejtpërdrejta dhe aftësinë për të qëndruar në qendër të vëmendjes pa u përfshirë në skandale të mëdha.

Ai krijoi një bazë të fortë fansash, të cilët e vlerësuan për natyrën e tij të sinqertë dhe stilin unik të të shprehurit.

The post “I dashuruar me një kriminel” – Vserlo merr vëmendje me një postim në rrjete sociale appeared first on Albeu.com.

Në “Zona Zero” Fjolla tregoi se arma që gjeti policia e Kuksit ishte e Sylën dhe e mori fajin përsipër vetëm për ta ndihmuar, por ai e la në baltë me premtime të rreme.

Pyetje-pergjigje:

Milaim Zeka: Fisnik Syla duke u paraqitur si njeri shumë i pasur, i ka dhënë premtime të rrema hetuesve, prokurorëve që do u jepte shumë lekë.

Fjolla Morina: Ai gjatë gjithë kohës më ka shkruar mesazhe që unë do ta kryej punën, nuk ke për të bërë asnjë ditë burg ose unë do dorëzohem vetë. Kam për të ta kryer punën, do jap para. Do doja që dikush të merreshe me këtë çështje dhe të përfundojë sepse ka katër vite që unë jam bllokuar dhe jashtë Kosovës nuk mund të dal.

Milaim Zeka: A është e vërtetë që ai ka përdorur dhunë fizike ndaj teje?

Fjolla Morina: Po ka përdorur dhe kjo ka qenë arsyeja pse unë jam ndarë. Ka qenë edhe arsyeja që u ndava se më mbeti barra mua dhe nuk u krye kjo puna. Ai më gënjeu tërë kohës.

Milaim Zeka: Si e ndjen veten kur televizone të ndryshme e marrin Fisnik Sylën një njeri të tillë mashtrues që ka dosje të hapura në policinë e Kosovës, që ju ka mashtuar dhe juve si ish-bashkëshorte duke ta dhënë revolen dhe del në studiot televizive e me njerëz publik paraqitet…

Fjolla Morina: Nuk e kuptoj këta gazetarët që merren me një njeri të tillë që vetëm prej meje ai u bë i njohur. Ai u lidh me mua vetëm për t’u bërë i njohur. I them gazetarëve që janë amatorë që merreni me një mashtrues dhe kriminel që ma ka shkatërruar jetën deri më edhe sot në psikiatri, jam me hapa prej atij. Në psikiatri kam përfunduar prej këtij rasti të gjykatave.

The post Fjolla Morina flet për Fisnik Sylën: Është kriminel dhe mashtrues appeared first on Albeu.com.

Shqiptari Ron Domi, është në listën e më të kërkuarve nga policia londineze, ai akuzohet për përdhunim.

Ngjarja ka ndodhur të dielën e 23 tetorit të vitit të kaluar, në zonën e Lutonit në Londër.

Oficerët e policisë besojnë se njerëzit mund ta kenë parë sulmuesin dhe viktimën e tij në zonën Bramingham Ëoods të qytetit midis orës 11:30 dhe 14:30.

Mediat britanike dyshojnë se Domi mund të jetë fshehur në   Edmonton ose në zona të Londres Veriore, por edhe në Shqipëri.

Policia londineze u bën thirrje veçanërisht komunitetit shqiptar që të japë informacion mbi vendndodhjen e Domit.

The post Publikohet lista e 12 kriminelëve më të rrezikshëm të Londrës, mes tyre një shqiptar (EMRI-FOTO) appeared first on Albeu.com.

I ftuar në “Zonë e Lirë”, Karamuço theksoi se pak ditë para ngjarjes së Mitrovicë, një rus i kërkuar nga interpoli i Moskës, ëhstë ndaluar në veri të Shqipërisë, dhe ëhstë mbajtur për disa ditë në burg atje.

Sipas Karamuços Shqipëria arriti të shmangë një përplasje me Rusinë, apsi vetëm pak ditë aps arrestimit erdhi një informacion që thoshte se krimineli rus mund të vritej në burg, dhe faji do i mbetej vendit tonë, ose eksponentë kriminalë do të përpiqeshin ta nxirrnin nga burgu.

Prandaj sipas Karamuços, për efekt sigurie rusi ëhstë tashmë në një nga burgjet në Tiranë, dhe pritet ekstradimi i tij drejt Rusisë.

Ndër të tjera, Karamuço nënvizoi se rusi është krahu i djathtë i një prej eksponenëve më të mëdhenj të mafies ruse dhe Rusia kërkon që ai të bëhet bashkëpunëtor i drejtësisë.

“Ka ndodhur një gjë që shumë pak veta e dinë. Shqipëria ka shmangur, këto ditë, një ngjarje shumë të rëndë kriminale, që mund të kishte pasoja në marrëdhëniet me Federatën Ruse. Kjo ka ndodhur në vigjilje, përpara se të ndodhte ngjarja e Mitrovicës, ka qenë një informacion që na ka ardhur dhe nga partnerët. Një rus, u ndalua nga ne, i cili ishte në kërkim nga Interpol Moska. U ndalua në kufi, është çuar në një burg në veri të Shqipërisë. Më pas ka ardhur një informacion urgjent, kishte dy mundësi, ose do ta vrisnin në burgjet tona dhe do mbante llogari shteti shqiptar, ose mund të kishte një organizim përmes organizatave të rrjetit ballkanik kriminal, një përpjekje për ta nxjerrë nga burgu, duke sulmuar. Këto ishin dy alternativat që erdhën si informacion. E kanë sjellur urgjent, brenda ditës, për 2 orë, nga burgu që është në veri të Shqipërisë, e kanë sjellë në mes të Tiranës dhe e ruajnë derisa ai të ekstradohet në drejtim të Rusisë. Është akoma këtu. Ky është një sukses shumë i madh i SHKB të burgjeve, Ministrisë së Drejtësisë, Drejtorisë së Burgjeve dhe Policisë së Shtetit.

Kanë qenë bashkë të lidhura, edhe për të marrë informacionin në kohë reale dhe për të evituar këtë lloj përplasjeje që mund të ndodhë. Ky është krahu i djathtë i një prej eksponenëve më të mëdhenj të mafies ruse dhe ata kanë pasur dy probleme, ose donin ta vrisinin  që ky të mos fliste, sepse duke ardhur në Moskë, mund të bëhej bashkëpunëtor i drejtësisë e të fliste për shumë personazhe të tjerë, ose për ta shpëtuar, për të mos e kthyer në Moskë, që të mos jepte informacion. Rrezikonte një familje mafioze. Shteti rus po kërkon për ta kthyer. Është duke u gjykuar për ta dhënë”, theksoi ai.

The post “Ose do ta vrisnin, ose …”, Karamuço: Shqipëria arriti të shmangë përplasjet me Moskën, një kriminel i rrezikshëm rus ndodhet në burgjet tona appeared first on Albeu.com.

“Franca nuk është dhe nuk do të jetë pika e kthimit e mafies shqiptare.” Është ky mesazhi që autoritetet franceze po i dërgojnë drejtuesve të organizatave kriminale në Evropën Lindore, sipas medias Europe 1, që i ka kushtuar një artikull arrestimit të Behar Bajrit.

Sipas informacioneve të medias franceze, Bajri u arrestua të hënën në Strasburg, teksa mësohet se ai kishte aplikuar për azil në vitin 2021 në Francë.

“I kërkuar nga Interpoli dhe i dyshuar si i përfshirë në atentatin ndaj njërit prej rivalëve të tij, ai do të ekstradohet dhe do t’i dorëzohet autoriteteve shqiptare. Behar B., 43 vjeç, konsiderohet kreu i një klani kriminal shqiptar. Ai dyshohet gjithashtu se është përfshirë në atentatin e një prej rivalëve të tij në Shkodër në veri të Shqipërisë në gusht 2020”, thuhet ndër të tjera në artikull.

Bajri ishte në kërkim ndërkombëtar si pjesë e dosjes Metamorfoza. Hetimet nisën në 2019-ën pasi autoritetet belge dhe holandeze siguruan komunikime në rrjetin “Enchro Chat” dhe “SKY”. Nga hetimet rezultoi se biznesmeni Pëllumb Gjoka, tashmë i arrestuar, ka kërkuar nga Behar Bajri që të kryente vrasjen e Kleanthi Musabelli një ish-punonjës i policisë së burgjeve.

Në dosje u zbulua gjithashtu se si Bajri kishte bashkëpunuar edhe me Ervis Martinajn.

The post “Nuk strehojmë kriminelë”, Franca i refuzon kërkesën për azil Behar Bajrit appeared first on Albeu.com.

Pas këtyre akuzave Alibeaj me anë të një reagimi në Facebook theksoin se këto deklarata të berishës meritojnë përçmim dhe neveri.

Sipas tij akuzat e Berishës janë një refren i njohur në politikën shqiptare dhe se akuzat ndaj familjarëve janë një rrjedhojë e shkollës politike të komunizmit që për dhjetëra vite persekutuan shqiptarët.

“Akuzat dhe shpifjet në gojën e Sali Berishës, janë refren i njohur në politikën shqiptare. Vazhdoj ti mbetem bindjes se një gjuhë e tillë meriton përçmimin dhe neverinë që tashmë shqiptarët dinë tja japin politikës së vjetëruar. Ajo që Sali Berisha e quan bashkëpunim për ligjin e dosjeve, është thëngjilli që i djeg ish-komunistëve dhe ish-bashkëpunëtorëve të sigurimit të shtetit, që për vite me rradhë përdoren PD-në dhe të djathtën si mburojë të tyren.

Akuzat ndaj familjarëve, janë pikërisht rrjedhojë e shkollës politike të komunizmit dhe biografive, që për dhjetra vite persekutuan shqiptarët.

Ligji për dosjet dhe lustracionin janë domosdoshmëri për shoqërinë shqiptare. Është mënyra për të rivleresuar të shkuarën, për të ndërtuar të ardhmen pa pengjet e një të kaluare që i ka shkaktuar dëme të mëdha shoqërisë sonë”, shkruan Alibeaj.

Kujtojmë se më herët Berisha sulmoi ashpër Alibeaj për fshehjen e dënimit të vëllait të tij në një nga vendet e Europës.

“Alibeaj ka fshehur vëllain e tij kriminel i cili është arrestuar për rrëmbim me armë në vendet e BE-së dhe sot nuk tregon se ku është. Ai ndan të fshehtat me Edi Ramën. Alibeaj mbahet peng sepse për këto rekorde kriminale ai nuk mund të ishte kurrë deputet, bashkëjetuesja e tij mund të mos zgjidhej kurrë në gjykatë. Ai ka fshehur akte të tmerrshme të vëllait të tij. Këto nuk janë shpikje, janë dokumente zyrtare që ekzistojnë në KQZ”, deklaroi Berisha.

/AlbEu.com/

The post “Fshehu vëllain kriminel”, Alibeaj i përgjigjet Berishës: Ligji i dosjeve ju djeg ish-komunistëve appeared first on Albeu.com.

Por ky nuk ishte krimi i parë që kishte bërë Dan Hutra, pasi në vitin 2003 ai rrëmbu nënën e kunatës dhe përdhunoi këtë të fundit, ndërsa në vitin 2007-të vrau gruan e tij të parë.

Ndërkohë vetëm dy javë më parë ishte liruar nga burgu, pasi ishte dënuar vitin e shkuar me 8 muaj për dhunë në familje.

Por ajo që ngre më shumë pikëpyetje është se kush e liroi nga burgu Dan Hutrën?

Pas interesimit të mediave ka reaguar Gjykata e Apelit, e cila thekson se në janar të këtij viti kishte rrëzuar kërkesën e Dan Hutrës, i cili kishte kërkuar ndryshimin e masës nga burg në detyrim paraqitjeje.

Njoftimi i Gjykatës së Apelit:

Referuar interesimit të mediave, Gjykata e Apelit të Juridiksionit të Përgjithshëm, informon sa më poshtë:

Gjykata e Rrethit Gjyqësor Tiranë, ka zhvilluar gjykimin lidhur me zëvëndësimin e e masës së sigurimit “arrest në burg” me masën e sigurimit “detyrim paraqitje në policinë gjyqësore”, ndaj personit nën hetim shtetasit me iniciale Dan Hutra,  i dyshuar për kryerjen e veprëse penale “Dhunë në familje”,  parashikuar nga neni  130/a  të Kodit Penal.

Me vendimin nr. 555/1 Akti, datë 09.01.2023 Gjykata e Rrethit Gjyqësor Tiranë, vendosi:

Rrëzimin e kërkesës me nr. 3356/1 Akti, datë 04.01.2023 me kërkues Dan Hutra.

Çështja në apel u shqyrtua mbi bazën e ankimit të bërë nga personi nën hetim me iniciale Dan Hutra, i cili kërkoi ndryshimin e vendimit, zëvëndësimin e e msës së sigurimit nga “arrest në burg” në atë “detyrim paraqitje në policinë gjyqësore”.

Në përfundim të gjykimit, me vendimin nr. 66, datë 14.02.2023, Gjykata e Apelit të Juridiksionit të Përgjithshëm, e përbërë nga trupi gjykues me Gjyqtare znj. Irida Kacerja, vendosi:

-Lënien në fuqi të vendimit nr. 3356/1 Akti, datë 09.01.2023 të Gjykatës së Rrethit Gjyqësor Tiranë.

Për vijueshmërinë e procesit të shtetasit Dan Hutra, në shkallë të tjera të gjykimit, Gjykata e Apelit të Juridiksionit të Përgjithshëm, nuk ka informacion.

Tiranë, 03.01.2023

GJYKATA E APELIT TË JURIDIKSIONIT TË PËRGJITHSHËM

The post Kush e liroi vrasësin serial Dan Hutra? Gjykata e Apelit i rrëzoi kërkesën për ndryshim mase dy javë më parë appeared first on Albeu.com.

Ndaj Flor Bressers kishte një urdhër arresti ndërkombëtar për falsifikim dokumentesh.

Patrick Céréda, shefi për mediat në Policinë Kantonale të Zyrihut, u tha gazetarëve se “sipas procedurave këtu në Zyrih, ai akuzohet për falsifikim të kartave të identitetit në një shkallë të gjerë”.

Bazuar në informacionet nga jashtë dhe përmbajtja e urdhrit ndërkombëtar, ne duhet të supozojmë se personi duhet të klasifikohet si shumë i rrezikshëm”, shtoi ai.

Megjithatë ai ishte dënuar nga gjykata e Antwerp me 4 vjet burg për veprat: rrëmbim, marrje pengje, grabitje të armatosur, trafik droge dhe vjedhje.

Në pranga mësohet se ka përfunduar edhe një vazjë e re, shoqëruesja e tij.

Nofken “gishtprerësi” ai e kishte marrë pasi akuzohej se kishte përdorur gërshërë krasitjeje për t’i prerë gishtin një trafikanti droge për ndëshkim.

Ndërkohë ai njihej edhe me nofkën “universitari” pasi mendohet se ka një diplomë në kriminologji.

The post Kapet një nga kriminelët më të rrezikshëm, njihej me nofkën “gishtprerësi” appeared first on Albeu.com.

Në “Prime” Laureta ka treguar për herë të parë versionin e saj të historisë. Me lot në sy dhe me zërin që i dridhej, konkurrentja është shprehur se gabimi më i madh për të ka qenë dashuria. Ajo ka treguar se ishte e dashuruar me njërin prej djemve, por ai e kishte mashtruar.

“Më keq e kam përjetuar tani se kur më ka ndodhur historia më parë. Është diçka që sfidat të bëjnë njeri më të fortë, më me karakter, por janë disa dhimbje që të shërojnë e të japin mësim. Këto portalet jo vetëm stresin që ma kanë krijuar, ankthin, por dhe e kam një frikë. Gjëja më e rëndë është qe ripërsëritja e historisë, e di ku kam ardhur dhe pse kam ardhur dhe e kam ndjerë ta heq këtë ankth brenda vetes se kam vite që po e përjetoj. Njerëzit gabojnë Bora. Njerëzit e gjallë gabojnë. Asokohe unë gabova, gabimi më i madh në jetën time ka qenë dashuria. Ajo është gjithçka që kam përjetuar atë kohë. I vetmi gabim te unë Bora ka qenë se unë i besova atij, i besova deri kur u arrestova, aty e kuptova çdo gjë, ai ishte personalitet tjetër, nacionalitet tjetër, jo personi që njihja unë”, ka rrëfyer Laureta, teksa ka shtuar se çështja është mbyllur.

 

View this post on Instagram

 

A post shared by Faqja e vetme zyrtare (@perputhen_tch)

The post Iu bë publike e shkuara e errët, konkurrentja e “Përputhen” shpërthen në lot dhe tregon të vërtetën e saj (VIDEO) appeared first on Albeu.com.