Sipas burimeve konfidenciale, varrimi i dy viktimave do të bëhet i ndarë.

Dashuri Rrapaj, do te përcillet për në banesën e fundit në Allambreas të Beratit, ku është bijë, në orën 13:00, ndërkohë që Shefit Rrapaj ndodhet ende në morgun e Fierit dhe trupi i tij ende nuk po tërhiqet nga familjarët.

Motivet e krimit dyshohet se janë konfliktet e vazhdueshme të çiftit të moshuar, i cili edhe pak ditë më parë ka debatuar ashpër, aq sa është dashur ndërhyrja e Policisë.

Por edhe përpjekjet e uniformave blu dështuan, pasi nuk e shmangën dot tragjedinë e dyfishtë vrasje-vetëvrasje në familjen Rrapaj.

The post Krimi i dyfishtë në Fier/ Familja Rrapaj hap dyert e mortit, ceremonitë mortore të dy bashkëshortëve do bëhen të ndara (VIDEO) appeared first on Albeu.com.

Në pamje shihen efektivë të policisë dhe grupi hetimor, të cilët po punojnë në terren për dokumentimin e plotë të ngjarjes, ndërsa disa banorë janë mbledhur pranë banesës ku ndodhi ngjarja.

Sipas banorëve të zonës, çifti i bashkëshortëve kanë pasur konflikte verbale që janë dëgjuar prej tyre, ndërsa dyshohet se autori mund të ketë qenë nën efektin e alkoolit në momentin që kreu krimin.

Sipas të dhënave paraprake, rreth orës 14:30, shtetasi Shefit Rrapaj rreth 80-vjeç, dyshohet se ka qëlluar me armë zjarri (pushkë) bashkëshorten e tij, Dashuri Rrapaj rreth 75-vjeçe, brenda banesës së tyre, dhe më pas ka kryer vetëvrasje.

Sakaq, policia vijon hetimet për të zbardhur plotësisht rrethanat dhe motivet që çuan në këtë krim të dyfishtë.

The post Vrau gruan dhe më pas veten, dalin pamjet nga vendi i ngjarjes (VIDEO) appeared first on Albeu.com.

Në një prononcim për A2 CNN, një prej fqinjëve tregon se çifti njihej si njerëz punëtorë dhe të qetë.

“Ishin njerëz të mirë, në punën e tyre. Njerëz punëtorë. Jemi të habitur nga ngjarja. Na ra si bombë. Kishin biznesin e tyre, një lokal ku punonin bashkë burrë e grua. Kishin dy djem”, shprehet fqinji.

Sipas informacioneve të siguruara nga A2 CNN, çifti kishte pasur probleme të vazhdueshme në marrëdhënie dhe më herët kishte qenë drejt divorcit, ndërsa dyshohet se gruaja kishte qenë edhe më parë subjekt i dhunës në familje.

The post Krimi i rëndë në Vlorë/ Flasin fqinjët e çiftit të bashkëshortëve që u gjetën të vdekur: Na ra si bombë… appeared first on Albeu.com.

Sot rreth orë 06:30 ai është arrestuar në fshatin Plloqicë. I dyshuari është i plagosur dhe pas ndihmës së parë në QKMF Malishevë është transferuar në QKUK për trajtim të mëtejshëm.
“Prokuroria Themelore në Gjakovë, njofton opinionin publik, se lidhur me rastin e vrasjes së dyfishtë të ndodhur në fshatin Golluboc, Komuna e Malishevës, është arrestuar personi i dyshuar A.I., i cili më parë kishte qenë në arrati.

Lidhur me rastin, Policia e Kosovës, në koordinim të plotë me Prokurorin e Shtetit, është duke ndërmarrë të gjitha veprimet e nevojshme.
Brenda afatit të paraparë ligjor, ndaj të dyshuarit A.I., do të paraqitet kërkesa për caktimin e masës së paraburgimit në Gjykatën kompetent”, thuhet në njoftimin e autoriteteve.
Një ngjarje e rëndë është shënuar në Malishevë të Kosovës. Dy vëllezër, nga fshati Gollubovc-Malishevë, kanë ndërruar jetë, ndërsa nuk dihen ende shkaqet e kësaj ngjarjeje të rëndë.
Mediat e Kosovës raportojnë se i dyshuari është dhëndri i familjes. Arma me të cilën dyshohet të jetë kryer vepra u gjet në vendngjarje.

The post Krimi brenda familjes, dy vëllezërit u vranë nga kunati/ Gjendet i plagosur pas arratisë autori i dyshuar në Kosovë appeared first on Albeu.com.

Nga dosja e mbërritur në gjykatën e Shkodrës pas përfundimit të hetimeve të Prokurorisë, rezultoi se një adresë në “Instagram” me të cilën ishte kontaktuar viktima ishte e autorit të dyshuar të ngjarjes Arjon Hasaj që ka pranuar vrasjen e kryer nga ana e tij.

Arjoni pranoi autorësinë dhe rrëfeu se organizoi ai takimin me viktimën duke krijuar një profil mashtrues në Instagram dhe duke u hequr si femër.

Hasaj deklaroi se pagoi një vajzë rome për t’i nisur dy mesazhe zanore Matajt dhe për ta bindur atë se po fliste me një femër.

Sipas deklarimit të autorit, motiv për vrasjen e kryer u bënë tensionet familjare pasi viktima ishte akuzuar për marrëdhënie s*ksuale, për shpërndarje të përmbajtjeve të fotove e video intime dhe si shkaktari i dy divorceve të shtetases Armela Hasaj, për shkak të lidhjes që Mataj mbante prej vitesh me motrën e autorit.

Arjoni në deklarimin e tij thotë se 2-3 netë përpara vrasjes, ka parë në “Instagramin” e motrës me të cilën nuk kishin komunikim prej 3 vitesh një video të saj me një makinë që e dalloi se ishte e Ramazan Mataj, gjë e cila më rëndoi edhe më tepër psikologjikisht.

Pasi kishin lënë takimin në një natë me shi tha autori, sapo viktima u afrua me makinë e qëllova 18-19 herë me një pushkë 20-she dhe më pas u largova me biçikletë në shtëpi dhe fsheha armën pas shtëpisë.

Për vrasjen askush nuk ka patur dijeni dhe nuk më ka ndihmuar askush, deklaroi Hasaj ndërsa shfaq pendesë për krimin e rëndë por thotë se ka qenë i rënduar psikologjikisht.

Dy të pandehurit gjatë qëndrimit në mjediset e policisë Shkodër nga një përgjim i bërë në komisariat flasin për vrasjen, duke rënë dakord që fillimisht të mos e pranojnë nëse policia nuk ka prova por pas sekuestrimit të armës së krimit, 16 gëzhojave në vendngjarje dhe një municioni luftarak Arjon Hasaj, pranoi se e kreu ai vrasjen ndërsa u arrestua në Muriqan, duke tentuar të kalonte në Malin e Zi menjëherë pasi vrau Ramazan Mataj.

Motra e të arrestuarve, Armela Hasaj, deklaroi se që nga 2018-ta kishte një lidhje me Ramazan Mataj dhe se shpesh herë ai e ka kanosur gjë për të cilën ka bërë edhe kallëzim, por viktima nuk e ka pranuar kanosjen ndaj saj e cila ka marrë disa herë urdhër mbrojtje nga gjykata për këtë rast.

“E kisha bllokuar por më shkruante me adresa fallco dhe shpërndante foto dhe video të mia. Gjatë gjithë kohës kam qenë e përndjekur nga Ramazani”, deklaroi ajo.

Babai i viktimës, Fatmir Mataj, ka deklaruar se djali i tij i ka thënë se do takonte një vajzë nga fshati Drisht me të cilën kishte qëllime serioze por mesazhet dhe telefonatat e babait në celular gjatë gjithë natës nuk morën përgjigje derisa në mëngjes mësoi për vrasjen e të birit përmes mediave.

Ndërsa babai i dy të arrestuarve Rrustem Hasaj, u shpreh se nuk ka patur dijeni as për vrasjen, as për numrin me të cilin është hapur adresa e “Instagramit” nga djali i tij Arjon Hasaj dhe as për armët që u gjetën në oborrin e shtëpisë.

Dy kushërinj të viktimës gjatë bisedave në rrjete sociale, e kanë këshilluar që më parë të sigurohej se me kë po fliste duke ngritur dyshimet e tyre për ndonjë adresë fallco, por Ramazan Mataj është bindur se po komunikonte me një vajzë nga Drishti, duke dalë në takimin që i mori jetën.

Një banor afër vendit ku ndodhi vrasja deklaroi se ka dëgjuar krismat por nuk i ka vënë rëndësi sepse i janë dukur të leta.

Prokuroria thekson në dosje se ka prova materiale (armë, municione, gëzhoja) të cilat janë sekuestruar dhe çështja do vijojë në gjykatë.

Hetimet dhe deklarimet e familjarëve dhe dëshmitarëve të tjerë, do mbeten pjesë e procesit gjyqësor.

The post Vrasja e 33-vjeçarit Ramazan Mataj në Shkodër/ Zbardhen detaje të reja nga krimi, Arjon Hasaj: Pagova një vajzë rome për t’i nisur dy… appeared first on Albeu.com.

Sipas raportimeve në momentin e krimit kanë qenë të pranishëm autorja, nëna e saj dhe Çlirim Dogani, një shtetas me të cilin 26-vjeçarja dyshohet të ketë pasur lidhje intime.

Dyshohet se vajza fillimisht e ka goditur të atin në pjesët intime, duke e rrëzuar në tokë, ndërsa Dogani e ka neutralizuar duke e mbajtur nga duart.

Më pas, vajza ka kryer aktin e mbytjes me një tel. Dyshohet gjithashtu se janë përdorur edhe mjete të forta dhe mjete prerëse gjatë ngjarjes.

Pas krimit, nëna e autores dyshohet se ka ndihmuar në pastrimin e vendit të ngjarjes dhe fshehjen e gjurmëve, përfshirë edhe larjen e trupit të viktimës nga gjaku.

Ngjarja u zbardh nga përgjimet telefonike, ku 26-vjeçarja është dëgjuar duke komunikuar me Çlirim Doganin, pas kryerjes së vrasjes. Dogani, i martuar dhe baba i dy fëmijëve, është tashmë në hetim për bashkëpunim në krim.

The post Zbardhet vrasja e babait në Fier/ Vajza e sulmoi, i dashuri e mbajti appeared first on Albeu.com.

Më herët Ermanilda, ka qenë e fejuar dhe tre herë të tjera, por është ndarë pasi babai i saj nuk ka qenë dakord.

Dyshimet janë se ajo e vrau babain, pasi e shihte si pengesë për lidhjen e re që kishte me 55-vjeçarin.

Çlirim Dogani, ndërkohë mohon të gjitha akuzat dhe pretebdon se ndodhej në fshatin e tij shumë larg bendit të ngjarjes, kur ndodhi krimi.

Ermalinda Rama, mbyti të atin me një tel, duke i shkaktuar vdekjen, ndërsa e ëma e ndihmoi për të fshehur gjurmët dhe më pas ka njoftuar policinë, duke u shprehur se 56-vjeçari kishte humbur jetën në rrethana aksidentale.

The post Krimi në Fier/ Zbardhen detaje tronditëse: Çlirim Dogani lidhje intime me vajzën e Anesti Ramës, 55-vjeçari i martuar, ndërsa 26-vjeçarja e fejuar 3 herë… appeared first on Albeu.com.

Ai theksoi se për t’i shpërbërë këto struktura, duhet vepruar me vendosmëri.

“Asnjë vend i rajonit nuk mundet t’i bëjë ballë këtyre fenomeneve i vetëm. Grupet janë të lidhura, operacionet transaksionale dhe rrjetet e tyre janë të shtrirë në disa vende.

Për t’i shpërbërë këto struktura na duhet të veprojmë me vendosmëri”, tha Dumani.

Gjithashtu, ai solli në vëmendje bashkëpunimin me Eurojust.

“Për SPAK bashkëpunimi ka dhënë rezultate të prekshme”, tha Dumani.

The post Altin Dumani: Asnjë vend i rajonit nuk mund t’i bëjë ballë krimit i vetëm, duhet të veprojmë me vendosmëri appeared first on Albeu.com.

Janë zbuluar pamjet nga çifti amerikan i përfshirë në vrasjen e ndodhur sot në Shkodër.

Nderkohe policia ka reaguar për ngjarjen e rëndë në Shkodër, ku një turist amerikan i identifikuari si Brandon Saporito, masakroi bashkëjetuesen me mjet prerës dhe më pas tentoi të vetëvritej.

Ata kishin ardhur me pushime në Shqipëri para pak ditësh.

“Rreth orës 10:15, në rrugën “At Shtjefën Gjeçovi”, në një banesë të marrë me qira, dyshohet se është vrarë me mjet prerës, shtetasja amerikane, S. S.

Në banesë u gjet bashkëjetuesi i saj, shtetas amerikan, i cili dyshohet se është autori i vrasjes.

Ky shtetas u shoqërua në spital për ndihmë mjekësore, pasi dyshohet se është në gjendje të dehur dhe ka dëmtime të lehta, në duar, me mjete prerëse.

Brandon Saporito raportohet se pasi masakroi 54-vjeçaren ka prerë damarët. Ai mori dëmtime të lehta në dorë dhe u dërgua në spital ku ndodhet jashtë rrezikut për jetën.

57-vjeçari raportohet se ka qenë në gjendje të dehur dhe është i alkoolizuar.

Grupi hetimor, në drejtimin e Prokurorisë, po punon për zbardhjen e rrethanave dhe për dokumentimin ligjor të rastit”, bën me dije policia.

The post Krimi në Shkodër/ Kishin ardhur me pushime në Shqipëri, kush është turisti amerikan që vrau gruan appeared first on Albeu.com.

Dibra është gjithashtu, qarku që gjatë dy dekadave të fundit, ka njohur disa nga ndryshimet më trullosëse politike, ndryshime të cilat, larg të qenit pasojë e ndonjë temperamenti lokal për kërkim të larmishmërisë politike, janë produkt i disa prej krimeve zgjedhore më të mirëdokumentuara dhe të shëmtuara në historinë e re të Shqipërisë.

Qarku ka gjithsej rreth 130 mijë votues dhe ky numër ka qenë pothuajse konstant përgjatë tre zgjedhjeve të fundit.

Pjesëmarrja në votime ka rënë nga 60% në vitin 2013, në 53% në vitin 2021 dhe në 45% në zgjedhjet për pushtetin vendor 2023.

Rezultati i zgjedhjeve të vitit 2009 ishte solid për Partinë Demokratike, me 58% të votave të marra nga koalicioni i saj, ndërsa koalicioni i socialistëve mori 32% dhe një koalicion i drejtuar nga LSI mori 6%.

Në atë kohë në Dibër zgjidheshin 6 deputetë dhe ndarja e votave të opozitës së kohës, pra PS-së dhe LSI-së, i dha PD-së katër mandate, duke lënë PS-në me dy dhe LSI-në me vota të djegura.

Situata ndryshoi katërcipërisht në zgjedhjet e vitit 2013, kur PS dhe LSI garuan në koalicion bashkë dhe arritën të marrin 49% të votave, duke lënë PD-në dhe koalicionin e saj me 46%.

Rrjedhimisht, të gjashtë mandatet e qarkut u ndanë 3 me 3, ku në radhët e të majtës së kohës, njëri mandat u fitua nga LSI dhe 2 nga PS.

Rezultati ishte gjithsesi domethënës për shkak se ndryshimi në krahasim me vitin 2009 ishte drastik. Në zgjedhjet e vitit 2009, koalicioni i PS dhe koalicioni i LSI fituan bashkërisht 38% të votave, ndërsa katër vjet më vonë, rezultati i tyre u përmirësua në 49%, mes akuzave për përdorim masiv të blerjes së votave nga ana e LSI-së.

Koalicioni i madh PS-LSI realizoi një prej fitoreve kyçe në Dibër më 2013 dhe duket se po aty filloi të rrëzohej nga brenda.

Në maj 2016, një skandal seksual u zbulua me kryebashkiakun e kohës së Dibrës, Shukri Xhelili dhe në shtator të atij viti, socialistët hynë në aleancë me një numër të fortësh të zonës, të njohur ironikisht si “Faktori Çam” për shkak se garonin në emër të Partisë Drejtësi, Integrim dhe Unitet pa pasur ndonjë lidhje reale me çështjen çame apo me komunitetet e shqiptarëve të dëbuar nga Greqia në mbarim të Luftës së Dytë Botërore.

“Faktori Çam” dhe vetë PS realizuan një fitore spektakolare në zgjedhjet e parakohshme për kryebashkiak në shtator 2016, pa e ditur se një denoncim i Partisë Demokratike në prokurori kishte sjellë vënien në përgjim të shumë prej strukturave.

Prokuroria nuk veproi në fakt as për ta parandaluar krimin zgjedhor dhe as për ta ndëshkuar atë pasi ndodhi, por materialet hetimore, të cilat rrodhën në media vite më vonë, zbuluan episodin më domethënës të krimit zgjedhor në Shqipëri dhe vunë në pah gjithashtu mungesën e skrupujve nga socialistët për të përdorur çfarëdolloj manipulimi, nga dhuna e hapur dhe blerja e votave me para, te pushimi nga puna i mbështetësve të opozitës apo heqja e ndihmës ekonomike për familjet që refuzonin të bashkëpunonin.

Në zgjedhjet e vitit 2017, i ashtuquajturi “Faktori Çam” në Dibër fitoi gati 13 mijë vota dhe një mandat deputeti, i cili, nominalisht ishte i pavarur nga PS, por praktikisht ishte mbështetëse e Ramës.

Ky ishte një nga tre mandatet që PDIU fitoi në ato zgjedhje, me dy të tjerat në Elbasan, por në të dyja rastet, me pjesëmarrjen e dokumentuar të strukturave të krimit të organizuar.

Rezultati final i zgjedhjeve të vitit 2017 ishte që, socialistët morën 35% të votave, PD ra në 30%, LSI dhe PDIU morën secila nga 17% duke ndarë të gjashtë mandatet e qarkut 2,2,1,1.

Qarku i vogël u bë në këtë mënyrë, veçanërisht shumëngjyrësh me katër parti të prezantuara nominalisht në parlament.

Sa i përket aleancës PS-Faktori Çam, në shkurt 2018, këta të dytët duket se përdorën shkopa bejsbolli në një mosmarrëveshje mbi ndarjen e plaçkës së fitores në formën e vendeve të punës në sektorin publik të zonës.

Në zgjedhjet e vitit 2021, një angazhim i demokratëve kundër blerjes së votave siguroi një rast të dokumentuar më së miri të zyrtarëve publikë që kishin dalë të blinin votat për socialistët.

Rezultati final ishte që demokratët arritën të rekuperonin humbjet shumëvjeçare në vota dhe fituan me një shumicë të ngushtë kundrejt socialistëve.

Lëvizja Socialiste për Integrim arriti sërish të fitojë mbi 4 mijë vota në këtë qark, por ndarja e votave në këtë rast nuk pati efekt në rezultat. Demokratët morën 3 mandate deputetësh, ndërsa PS fitoi dy mandate.

Në zgjedhjet për pushtetin vendor 2023, kandidatët e PS fituan me forcë dhe me diferencë të thellë votash të katra bashkitë e qarkut, ndërsa elementët vendorë të “Faktorit Çam” kësaj here u shfaqën si kandidatë për këshilltarë të Partisë Socialdemokrate të Tom Doshit. Në të katra bashkitë, socialdemokratët arritën të marrin pothuajse 6 mijë vota për këshilltarë.

Këto vota, nëse fitohen sërish në zgjedhjet e 11 majit, nuk do të mjaftojnë dhe janë shumë larg sigurimit të një mandati, por, duke qenë se Dibra zgjedh pesë mandate, pra është nga qarqet që ka numër tek, çdo votë vlen dhe varet shumë se cilës palë i gërrhyen këto vota.

Pasi në garën mes maxhorancës dhe opozitës, mandatin e pestë e fiton ajo palë që arrin të marrë qoftë edhe një votë të vetme më shumë se sa tjetra.

Në zgjedhjet e vitit 2021, demokratët fituan 278 vota më shumë se sa socialistët dhe kjo diferencë u dha mandatin.

Nëse llogariten bashkë me LSI-në, e cila mori rreth 4500 vota, natyrisht që rezultati ishte shumë më i thellë se sa kaq, por është e paqartë nëse LSI, e cila ka qenë makineri elektorale në të shkuarën, ka ende të njëjtën forcë në qark pas tetë vitesh në opozitë.

Profili demografik e social

Qarku i Dibrës shtrihet në zonë kodrinore e malore, me popullsi në shumicë dërrmuese rurale, me aktivitet ekonomik të përzjerë, pjesërisht bujqësi e blegtori dhe pjesërisht industri minerare, me turizmin malor që po zhvillohet gjatë viteve të fundit. Qarku numëroi 107 mijë banorë rezidentë në Censin e vitit 2023, me rënie 22% në krahasim me vitin 2011 dhe 43% në krahasim me vitin 2001.

Rreth 35% e popullsisë jeton në qytetet Peshkopi, Bulqizë, Klos dhe Burrel, ndërsa 65% banon në një territor të gjerë zonash rurale.

Kandidatët

Ish-kryebashkiaku i Kamzës, Xhelal Mziu, kryeson listën e mbyllur të Partisë Demokratike në opozitë, ndërsa Blendi Klosi kryeson atë të socialistëve. Në listën e mbyllur të demokratëve gjendet edhe Denisa Vata, e diplomuar për arte kinematografike që jeton në Mat, ndërsa Alma Selami, drejtoreshë shkolle dhe funksionare e administratës socialiste është e dyta në listën e PS-së. Sipas gjasave, këta të katërt janë në listat fituese të të dyja palëve, pasi secila pritet të marrë dy mandate dhe diskutimi është vetëm se kush do të marrë mandatin e pestë dhe të fundit. Plot dhjetë kandidatë, pesë nga secila palë, po përplasen për këtë mandat të fundit, përfshirë ish-ushtarakun Xhemal Gjunkshi, deputet aktual, ish-deputetin e LSI, Përparim Spahiu, i cili ka punuar në sektorin financiar privat para se të angazhohej në politikë, apo gazetarin Basir Çollaku.

Agron Malaj, i cili ka qenë kryetar bashkie i Burrelit deri së fundi, po shpreson të marrë këtë mandat për socialistët, duke garuar si me kundërshtarët, ashtu edhe me kolegët e tij socialistë: Danjel Gjura, drejtor hipotekash dhe i shërbimeve të transportit rrugor në qark, Dritan Selishtën, drejtorin e Tatimeve, dhe Murat Danin, një i ri. Në listë gjendet edhe Valentina Haliti, drejtoreshë shkolle dhe kryetare qarku për socialistët dhe Alketa Agolli për demokratët, e cila në jetëshkrimin e saj thotë se ka punuar si juriste në spitalin rajonal Vlorë.

Besjan Kica, i cili deklaron punësimin e tij si “fermer”, i vetmi i hasur nga rishikimi i jetëshkrimeve të kandidatëve nga BIRN që ka këtë profesion, udhëheq listën e kandiatëve të Lëvizjes Bashkë, parti për të cilën garojnë dhe dy minatorë, një guidë turistike, një recepsioniste dhe një punonjëse call centre./ BIRN

The post Beteja për Dibrën, qarku i varfër nën hijen e krimeve të shkuara elektorale appeared first on Albeu.com.