krimi ne kruje Archives - Albeu.com

Policia sërish kontrolle në banesën e Valter Bamit, del duarbosh

E B — Thu, 13 Jul 2023 09:22:23 +0000

Policia zbarkoi sërish të mërkurën, 13 korrik, në banesën e Valter Bamit në Nikël, i arrestuar pas atentatit ndaj Gentian Bejtjas në oborrin e banesë ku u vra kunati i tij Ramazan Sino dhe u plagosën dy djemtë e tij të mitur.

Policia shkoi në banesë në kërkim të armës sportive, të cilën e ka me leje, dhe pretendon se gjurmët e barutit të gjetura te kyçin e dorës së majtë janë të saj dhe jo të plumbave të kallashnikovit që u qëlluan mesnatën e 4 korrikut 2023.

Mësohet se pas kontrollit në shtëpi arma sportive nuk është gjetur dhe policia është kthyer duarbosh. Mësohet se në vijim do të ketë një tjetër kontroll, pasi me avokatin e Bamit dhe në konsultim me këtë të fundit të mësohet vendi i fshehtë ku mbahet arma sportive. Pas gjetjes, arma në fjalë pritet të krahasohet me faktorët plotësuese të gjetur në kyçin e dorës së majtë të 37-vjeçarit./shqiptarja

The post Policia sërish kontrolle në banesën e Valter Bamit, del duarbosh appeared first on Albeu.com.

U shoqëruan pas krimit në Krujë, lihen të lirë vëllezërit Bami dhe Marklen Haka, dëshmia e tyre nuk ndihmon hetuesit

E B — Wed, 05 Jul 2023 08:29:06 +0000

Dy vëllezërit, Durim e Valter Bami dhe Marklen Haka janë lënë të lirë nga policia, pas shoqërimit ditën e djeshme në lidhje me atentatin bdaj Gentjan Bejtjas, ku mbeti i vrarë kunati i tij Ramazan Sino dhe u plagosën dy fëmijët e tij të mitur 13 dhe 10 vjeç.

Ata kanë deklaruar në policinë e Krujës, por mësohet se dëshmia e tyre nuk e ndihmuar grupin hetimor për zbardhjen e ngjarjes.

Bëhet me dije se kanë mohuar të kenë dijeni për atentatin, duke përjashtuar mundësinë se kanë konflikte me Gentian Bejtjën.

Pritet që ky i fundit të merret në pyetje nga policia, nëse dëshmia e tij do të ndihmojë në hetime.

Armët kallashnikovë bashkë me gëzhojat e gjetura në vendngjarje janë dërguar në Laboratorin e Policisë

Shkencore dhe pritet përgjigje nëse janë përdorur të treja për të qëlluar, si dhe nëse janë përdorur në ndonjë ngjarje tjetër kriminale.

The post U shoqëruan pas krimit në Krujë, lihen të lirë vëllezërit Bami dhe Marklen Haka, dëshmia e tyre nuk ndihmon hetuesit appeared first on Albeu.com.

Daja u vra, nipi u plagos! Detaje nga krimi në Krujë, në banesën Gentian Bejtjas ndodheshin dhe 3 fëmijë të tjerë

E B — Tue, 04 Jul 2023 08:07:45 +0000

Detaje të reja janë zbardhur nga ngjarja tragjike që ndodhi mbrëmë në Larushk të Krujës, ku u qëllua me armë zjarri drejt banesës së Gentjan Bejtjas. Nga të shtënat me armë mbeti i vrarë kunati i tij, Ramazan Sino si dhe u plagos djali i Bejtjas, Alvi Bejtja, 13 vjeç.

Gazetari Igli Çelmeta në një raportim live për News24 nga vendi i ngjarjes, solli detaje lidhur me atentatin mafioz, ndërsa theksoi se krimi mund të kishte marrë përmasa edhe më të rënda, pasi në shtëpinë 3-katëshe kishte dhe 3 fëmijë të tjerë. Sipas tij, autorët, 3 persona, dy ekzekutorë dhe një shofer, pasi kanë ndjekur viktimën, 29 vjeç, dhe nipin e tij, i kanë qëlluar me kallashnikov nga një distancë rreth 20 metra, ku ata ishin futur në oborrin e banesës.

Ndërkohë, i mituri ndodhet në gjendje të rëndë në spitalin e Traumës, ndërsa i është nënshtruar një ndërhyrje kirurgjikale. Po ashtu bëhet e ditur se në momentin kur policia shkoi në vendin e ngjarjes, nuk gjeti Gentjan Bejtjan në banesën e tij.

The post Daja u vra, nipi u plagos! Detaje nga krimi në Krujë, në banesën Gentian Bejtjas ndodheshin dhe 3 fëmijë të tjerë appeared first on Albeu.com.