Gjithçka që kishte ndodhur në shtëpi që prej moshës 9-vjeçare, u denoncua në policinë e Volosit nga vajza ditën e sotme.

Vajza, tashmë 18-vjeç, ka treguar në polici se si filloi abuzimi dhe se si së fundmi ai i dërgonte video në cellular, duke i kërkuar paratë.

Në fakt ajo i ka paraqitur policisë mesazhet e viktimës dhe i ka dorëzuar celularin, në të cilën viktima i dërgonte videot për t’i bërë presion psikologjik.

Në të njëjtën kohë, babai 50-vjeçar përshkroi në polici se si mësoi nga vajza e tij makthin që ajo jetonte dhe si mori vendimin për të vrarë vëllain e gruas së tij.

Siç tha ai, madje e kuptoi se diçka nuk shkonte kur vajza e tij, e cila studionte, filloi të mos paguante qiranë e banesës dhe t’i kërkonte dhe më shumë para.

“Herën e fundit që vajza ime studionte vazhdimisht më kërkonte t’i dërgoja para. E dija se diçka nuk shkonte kur pronari i banesës ku jeton më telefonoi duke i thënë se i kishte borxh qiranë ndërsa unë dhe nëna e saj po i dërgonim para rregullisht. Kur fola me fëmijën për të parë çfarë po ndodhte ajo filloi të qante dhe më tregoi gjithcka jetonte prej kaq vitesh me 33-vjecarin që e përdhunonte dhe videot që kishte duke e shantazhuar dhe duke i marrë paratë, ai më helmoi fëmijën, bëra atë që duhej të bëja, jam baba…”, ka thënë ai.

50-vjeçari ka marrë armën, ka njoftuar bashkëshorten dhe i ka thënë se i është dëmtuar makina duke i kërkuar të thërrasë vëllanë dhe të shkojë ta gjejë për ta ndihmuar.

Autori i ka zënë pritë viktimës së tij, duke e qëlluar në gjoks dhe fytyrë dhe është dorëzuar menjëherë në polici.

The post Rrëfimi tronditës i babai të vajzës që u abuzua nga vëllai i gruas së tij: E vrava se ai më “helmoi” fëmijën appeared first on Albeu.com.

Krimi ndodhi pas dëshmisë së vajzës nga martesa e parë e 50-vjeçarit Fatmir Tarellari, i cili mësohet se e bija ishte përdhunuar prej vitesh nga vëllai i gruas.

Në një prononcim për Protothema.gr, gruaja e autorit dhe motra e viktimës, tregon se rasti doli në dritë tre ditë më parë, pasi deri atëherë 18-vjeçarja nuk kishte përmendur asgjë për përdhunimet.

Në të njëjtën kohë, ajo dha se nuk kishte kuptuar asgjë, pasi vëllai i saj nuk e kishte lënë kurrë që të dyshonte për aktet e rënda.

“Këtë ngjarje e kam mësuar 3-4 ditë më parë. Nuk dija gjë, ai po e mbulonte. As vajza nuk më tha gjë. Burri e mori vesh dhe pasi kreu krimin më mori në telefon dhe më tha; ‘Të vrava vëllanë’”, thotë ajo e tronditur.

The post Krimi në Greqi/ Ta vrava vëllanë, dëshmia tronditëse e motrës së viktimës: Nuk dija asgjë appeared first on Albeu.com.

Sot, partnerja e tikj ka folur për herë të parë pas ngjarjes tragjike.

Ajo shprehur se Jani kishte planifikuar që të largohej nga ishulli dhe të zhvendosej në Selanik, por planet iu ndërprenë në mes.

“Ai kishte zemër si një fëmijë, ishte ‘fëmija im’, kështu e quaja. Reagonte si fëmijë, ishte kokëfortë, por ishte i mrekullueshëm… Folëm për herë të fundit të premten, më tha të dua dhe nuk folëm më, sepse ishte mërzitur për diçka.

Natën e ngjarjes më thanë se ishte zënë me një vajzë, nuk e di pse, thjeshtë nuk donte që të më bezdiste njeri. E njihja atë vajzën. Me autorin kanë qenë miq, e dija që njiheshin dhe nuk kishte konflikte mes tyre.

Atë natë Jani kishte shkuar vetëm në klub. Kishte shkuar për të pirë një gotë. Më thanë që ka pasur një sherr mes tyre, për arsye banale.

Më morën në telefon, isha duke fjetur, dhe më thanë zgjohu se kanë vrarë Janin… mendova se ishte shaka, se Jani po më bënte shaka”, ka rrëfyer ajo.

The post Flet e dashura e shqiptarit të vrarë në Mykonos, zbulon fjalët e fundit që i kishte thënë: Ishte i mërzitur appeared first on Albeu.com.

Referuar të dhënave që kanë dalë nga grupi hetimor, mësohet se vrasësi ka thënë në seancën paraprake në Gjykatë se nuk e kishte planifikuar vrasjen, duke dashur të heq akuzën e vrasjes me paramendim. Prokurori e ka kundërshtuar këtë fakt, pasi sipas tij, ai ka pasur të planifikuar jo vetëm vrasjen, por edhe fshehjen e kufomave.

Gjithashtu, vrasësi i ka thënë gjykatësit se s’do ta kujtojë vrasjen e fëmijëve, duke iu shmangur mënyrës se si ua ka marrë jetën. Ai ka thënë se do të fliste njëherë tjetër në lidhje me këtë fakt, ndërsa për çiftin ka thënë se i vrava se nuk më kishin paguar qiranë.

Edhe këtë fakt prokurori e ka hedhur poshtë, pasi familja shqiptare ka pasur kontratë deri në fund të muajit, ndërkohë që vrasësi duke menduar se do i merrnin shtëpinë iu kishte prerë fillimisht ujin dhe më pas edhe energjinë elektrike. Mediat greke kanë fajësuar më në fund shtetin e tyre që e kanë lënë për gjithë këto vite pa e ndëshkuar autorin, që e kanë quajtur edhe kasap.

Rindërtimi i skenës horror

Duke u bazuar në dëshminë e tij, ndonëse ende jo bindëse, grupi hetimor ka rindërtuar skenën e vrasjeve të tmerrshme të katër pjesëtarëve të familjes shqiptare. Sipas të dhënave që vijnë nga mediat e vendit fqinjë, mësohet se greku ka hyrë në shtëpinë e familjes shqiptare nga dera e magazinës.

Aty ka lënë një tip karroce që më pas do të futej në makinën e tij. Ka hyrë nga pas në shtëpi dhe ka parë që çifti ishte në gjumë. Për fatin e keq të tyre, djali i madh i Maries kishte dalë me shokët e tij dhe nuk gjendej në shtëpi në atë orë. Ka shtyrë derën e dhomës së gjumit me kujdes, ka qëlluar nga afër me plumb në kokë Armandon, të parin.

Më pas, ka marrë një jastëk dhe ka qëlluar edhe Marinë, duke mos i lënë asnjë mundësi lëvizjeje. Në dalje, për t’u siguruar i ka dhënë edhe një plumb tjetër Armandos. Më pas, ka dalë në pjesën tjetër të shtëpisë, ku kanë qenë dy vogëlushët. Se çfarë ka ndodhur me ta, ai ka refuzuar t’ia thotë Policisë, Prokurorisë dhe gjyqtarit.

Mbase do të rrëfehet në daljen tjetër që do ta ketë sot pasdreke në Gjykatë, ku pritet të rrëfehet për gjithçka ka ndodhur. Në fakt, as shefja e Mjekësisë Ligjore nuk ka mundur ta përcaktojë mënyrën se si monstra ka arritur t’ua marrë jetën fëmijëve, por është faktuar që vdekja iu ka ardhur nga bllokimi i frymëmarrjes, shkruan panorama.

Tentativa për fshehjen e trupave

Pronari grek i shtëpisë bëhet me dije se i ka tërhequr trupat e Armandos dhe të Marias zvarrë nga dhoma e gjumit deri në magazinë. Aty i ka ngarkuar në karrocerinë e makinës. Është kthyer në shtëpi, nga e njëjta derë e pasme e banesës dhe ka marrë djalin e madh të pajetë, Arlindin dhe e ka ngarkuar në të njëjtin vend.

Në atë moment, ka mbërritur në shtëpi djali i madh bashkë me dy shokët e tij, i ka ra derës së jashtme, që është në anën ballore të rrugës, por nuk iu ka hapur. Më pas, i ka thërritur së ëmës: Mami, ma hap derën, në gjuhën greke! Në atë moment vrasësi ka dëgjuar se djali iu ka thënë shokëve se ka ndodhur diçka se nuk ka mundësi që mami ta ketë mbyllur derën. Dhe djali ka hyrë nga dritarja në banesë.

Aty është përballur në krevat me vëllanë e vogël, Elisin. Ka parë gjak nëpër shtëpi dhe ka marrë trupin e djalit 1 vjeç e gjysmë, ka dalë në rrugë dhe është nisur në drejtim të kishës, duke ulëritur dhe kërkuar ndihmë. Vrasësi i ka braktisur kufomat në karroceri dhe është larguar nga pas shtëpisë, një rrugë që e lidhte me banesën e tij, një vilë prej rreth 500 m2 .

Ai ka dëgjuar zhurmën e disa personash dhe ndaj e ka pasur të pamundur të kthehet, pasi e ka ditur se fëmijët ishin të mëdhenj dhe se nuk do të mund ta çonte më tej masakrën e tij. Prokurori e ka pyetur se ku kishte në mend t’i çonte kufomat, por ai nuk ka treguar.

Ekspertët kanë dhënë dy versione në lidhje me çmendurinë e tij, ose hedhjen në ujë ose groposjen diku në ndonjë pyll ku mos të gjendeshin më. Dhe kjo ka qenë pika në të cilën hetuesit kanë krijuar dyshime të arsyeshme se greku e ka pasur të planifikuar jo vetëm vrasjen, por edhe zhdukjen e kufomave./Syri.net/

The post Masakrimi i familjes shqiptare, mediat greke: Si planifikoi zhdukjen e trupave ‘kasapi’ i Andravidës appeared first on Albeu.com.

Bëhet fjalë për një ngjarje të ndodhur në ishullin e Rodosit, ku çifti ishin në një lidhje dashurie me njëri-tjetrin.

Gruaja fatkeqe nuk e kishte menduar se lidhja e saj e shkurtër me 40-vjeçarin do të kishte këtë fund tragjik. Vrasja ndodhi në Rodini të mërkurën pasdite.

40-vjeçari grek vrau të dashurën e tij 32-vjeçare me profesion mësuese me armë gjahu dhe më pas me të njëjtën armë kreu vetëvrasje.

Ai la një shënim ku shkruhej. “Pa të mirën time nuk ka kuptim jeta”, thuhet në shënim.

Banorët e zonës thanë se vajza fatkeqe jetonte pranë vendit ku ndodhi ngjarja dhe sot ajo kishte parkuar makinën në Rrugën e Moskës.

Dyshohet se vrasësi e priste atë disa metra më tutje me një makinë të cilën e kishte marrë me qira. Kur vajza u përpoq të hipte në makinë, ai tërhoqi këmbëzën dy herë, duke e lënë të vdekur në vend./albeu.com

The post “Pa të mirën time nuk ka kuptim jeta”, burri vret të dashurën në ishullin grek dhe më pas vetëvritet appeared first on Albeu.com.