Vrasja e dy nxënësve dhe shoferit të autobusit, që po transportonte nxënës nga Gjakova për në Deçan, vazhdon të mbetet mister.

Janë disa pista që po hetohen, por edhe pas 12 ditësh nga tragjedia që troniditi gjithë vendin, s’ka të dyshuar.

Natën e vrasjes, Policia dhe Prokuroria deklaruan se janë dy-tre pista që po hetohen, por pa treguar se cilat janë.

Por, mbrëmë një prej tyre, e ka zbuluar avokati Besnik Berisha.

Sipas Berishës, pretendohet se ka pasur një vetëvrasje të një të reje, për të cilën dikush e fajësonte shoferin e autobusit.

Ai ka thënë se kjo është një prej pistave që po hetohet, pra “hakmarrje si rezultat i humbjes së jetës së një të reje.”

Por, Berisha ka shtuar se në këtë pistë s’ka diçka konkrete ende dhe se paralelisht me të po hetohet edhe një pistë tjetër.

“Pretendohet se ka pas një vetëvrasje të një të reje që fajësohej shoferi, dmth nga dikush është fajësuar…pastaj pse ia ka nxanë rrugën ky. Unë nuk po them që organet e kanë fajësu, por nga dikush fajësohej, tash edhe emnin s’muj me ia ngjit këtu. Fajësohej për atë akt, për atë humbje jete dhe thuhet se, së paku pista që hetohet, se dyshohet se ka pas një periudhe “grace period”, që pas një viti e tutje nga momenti tragjik t’i mbushë një vjet, unë do të merrem vesh me atë person ndryshe. Dhe kjo është një nga pistat e cila po hetohet, pra hakmarrje si rezultat i humbjes së një jete të një të reje. Por, që ta analizoj këtu, edhe në këtë pistë që po punohet paralelisht me një version tjetër, nuk ka diçka konkrete, ka akoma thashetheme”, ka thënë Berisha në Klan Kosova.

Deklaratat e para të institucioneve pas tragjedisë

Për krimin makabër që tronditi gjithë vendin ishte deklaruar atë natë për media Drejtori i Përgjithshëm i Policisë, Samedin Mehmetaj.

Ai kishte thënë se aktualisht janë dy ose tri pista në të cilat po punohet për zbardhjen e autorit të krimit.

“Të gjitha njësitet relevante janë këtu. Aktualisht i kemi dy ose tri pista në të cilat jemi duke punuar. Fatkeqësisht nuk mund të japim detaje sepse në pistat në të cilat po punojmë janë në fazë fillestare”, ishte shprehur Mehmeti.

Mehmeti kishte thënë se janë duke u zhvilluar aksione në kërkim të të dyshuarit dhe se po intervistohen persona që mund të kenë lidhje me rastin.

“Jemi duke punuar në dy ose tri drejtime, ku i kemi dyshimet me bazë të caktuar por është herët të themi se kemi person/a të dyshimtë”, ka thënë ai.

Sa i përket asaj se Gllogjani duhet të hyjë në ‘shtet-rrethim’, Mehmeti kishte thënë se aktualisht në vendin e ngjarjes e kanë edhe njësinë e qenëve, por që sipas tij, në mot me shi ata nuk mund të nuhasin ose të çojnë drejt ndonjë piste.

“Akutalisht kemi njësi të mjaftueshme, por në situata të tilla si kjo me shi, qentë nuk arrijnë ta nuhasin erën e armës apo diçka tjetër”, ka thënë ai.

Zëvendëskomandanti i Policisë së Kosovës në rajonin e Pejës, Veton Elshani, kishte thënë se policia, s’kishte arsye për të besuar se ngjarja në Deçan ishte akt terrorist.

Sipas tij, policia ka arsye për të besuar se “sulmin e ka kryer një person i vetëm”.

Në vend të ngjarjes, përveç policisë, kishte dalë edhe Prokuroria Speciale e Kosovës.

Kryeprokurori Blerim Isufaj kishte deklaruar para mediave se hetimet janë duke u zhvilluar në disa pista, porse ende nuk ka ndonjë të dyshuar.

Zyra e Kryeprokurorit të Shtetit ka bërë thirrje që kushdo që ka informata për ngjarjen, të bashkëpunojë me autoritetet, në mënyrë që kryesi i veprës të dalë sa më shpejt para drejtësisë.

Presidentja e Kosovës, Vjosa Osmani, dhe kryeministri Albin Kurti e kanë cilësuar ngjarjen si “tronditëse” dhe i kanë ftuar organet e rendit që t’i zbulojnë autorët e krimit dhe t’i sjellin para drejtësisë.

Ministri i Punëve të Brendshme i Kosovës, Xhelal Sveçla, kishte kërkuar nga Policia e Kosovës “angazhim dhe mobilizim maksimal”, në mënyrë që autori i këtij “akti makabër” të arrestohet sa më parë.

Kryetari i Deçanit, Bashkim Ramosaj kishte thënë se shpreson që ky sulm të mos jetë terrorist.

“Një autobus që transporton nxënës me u gjuajt në një vend ku dy fëmijë të fshatit Gllogjan kanë gjetur vdekjen…Uroj që të mos jetë ndonjë sulm terrorist mirëpo uroj që këto raste të mos përsëriten kurrë në vendin tonë’, kishte deklaruar ai.

Raporti i Policisë për tragjedinë: Sulmi dyshohet se u krye me kallash

Një ditë pas vrasjes, Policia e Kosovës kishte dal me raport. Policia kishte bërë me dije se shoferi kishte vdekur në vendin e ngjarjes, derisa dy nxënësit kishin vdekur në spital.

Sipas Policisë, autobusi dyshohet se është sulmuar me kallash.

“Fsh. Gllogjan, Deçan 26.11.2021-18:58. Është raportuar se një autobus derisa ishte duke bartur udhëtarë (nxënës) është sulmuar me armë zjarri (dyshohet të jetë AK-47) nga një i dyshuar i panjohur. Në këtë rast lëndime vdekje-prurës ka pësuar drejtuesi i autobusit, viktima mashkull kosovar, vdekjen e të cilit e ka konstatuar ekipi mjekësor në vendin e ngjarjes. Ndërsa tri viktima, dy meshkuj dhe një femër (nxënës) janë dërguar në Spitalin Rajonal Pejë, dy prej tyre kanë ndërruar jetë (një mashkull dhe një femër ) ndërsa viktima tjetër është duke u trajtuar në spital. Njësitet relevante kanë dalë në vendin e ngjarjes. I dyshuari gjendet në arrati, rasti në procedurë hetimore”, thuhej në raport./Gazeta Express

The post Përmendet vetëvrasja e një vajze si pistë hetimi, gjithçka tjetër enigmë për tragjedinë në Deçan appeared first on Albeu.com.

Por, Berisha ka shtuar se në këtë pistë s’ka diçka konkrete ende dhe se paralelisht me të po hetohet edhe një pistë tjetër.

“Pretendohet se ka pas një vetëvrasje të një të reje që fajësohej shoferi, dmth nga dikush është fajësuar…pastaj pse ia ka nxanë rrugën ky. Unë nuk po them që organet e kanë fajësu, por nga dikush fajësohej, tash edhe emnin s’muj me ia ngjit këtu. Fajësohej për atë akt, për atë humbje jete dhe thuhet se, së paku pista që hetohet, se dyshohet se ka pas një periudhe “grace period”, që pas një viti e tutje nga momenti tragjik t’i mbushë një vjet, unë do të merrem vesh me atë person ndryshe. Dhe kjo është një nga pistat e cila po hetohet, pra hakmarrje si rezultat i humbjes së një jete të një të reje. Por, që ta analizoj këtu, edhe në këtë pistë që po punohet paralelisht me një version tjetër, nuk ka diçka konkrete, ka akoma thashetheme”, ka thënë Berisha në Klan./Express

The post Misteri i tragjedisë në Deçan, avokati zbulon detaje të një prej pistave të hetimit appeared first on Albeu.com.

Për organet e rendit dorasi edhe pas dhjetë ditësh është ende i panjohur. Ministri i Punëve të Brendshme, Xhelal Sveçla i dha ultimatum atij që të dorëzohet, të shtunën e kaluar. Ministri tha se të gjitha kapacitetet shtetërore janë vënë në dispozicion të zbulimit të rastit.

“Unë i bëj ultimatum vrasësit që të dorëzohet sepse për çdo ditë ai i rëndon të tjerët, ai që i ndihmon vrasësit implikohet në vepër penale. Sa më parë që dorëzohet aq më mirë për rrethin e tij dhe për qytetarët e Kosovës. Unë mund të garantoj se jemi të vendosur që të gjitha kapacitetet tona shtetërore janë në dispozicion të zbulimit të këtij rasti”, tha ai më 27 nëntor.

E drejtori i Policisë, Samedin Mehmeti lidhur me këtë rast deklaroi se nuk është i dyshuar vetëm një person. Sipas tij, nga informacionet që kanë marrë në terren, potencialisht janë të përfshirë më shumë se dy persona. Mehmeti tha se janë duke hetuar në tri pista se si mund të ketë ndodhur rasti. Ai ka përjashtuar mundësinë që ky rast ka qenë akt terrorist.

“Aktualisht jemi duke u përballur me një numër të konsiderueshëm të informacioneve rreth rastit dhe kemi sjell njësi shtesë dhe ekspertë të ndryshëm të niveleve hetimore dhe operative. “Mund të flasim për një sistem të diku 2 ose tri pistave të mundshme të hetimit. Të gjitha informacionet që jemi duke i marrë edhe nga provat materiale qojnë në këtë drejtim. Aktualisht po bisedojmë për një person me mundësi të ndërlidhjes edhe me persona të tjerë që nënkupton që mund të ketë më shumë se një të dyshuar. Deri në këtë moment nuk e kemi asnjë të dhënë asnjë provë asnjë informacion që shkon kah akti terrorist ose nga akti  që lidhet me çështje religjioz”, ka thënë ai.

Për këtë ngjarje kanë folur edhe dëshmitarët. Një prej dëshmitarëve që ka qenë në autobus në momentin kur ka ndodhur sulmi, ka thënë se sulmi është bërë nga një person i maskuar me kallash në dorë.

“Jemi kon tu ec me autobus. Edhe na ka dal një person i maskuar me kallash në dorë edhe ka filluar me gjuajt drejtë neve. Gjithçka ka ndodh shumë shpejt”, ka thënë ai i cili ka qenë i ulur ne ulëset e para të autobusit.

Autobusi ka qenë duke qarkulluar në relacionin Gjakovë – Deçan, në kohën kur kanë ndodhur të shtënat.

Nuk është ende e qartë nëse autobusi ka qenë cak i të shtënave.

Presidentja e Kosovës, Vjosa Osmani, dhe kryeministri Albin Kurti e patën cilësuar ngjarjen si “tronditëse” dhe i kanë ftuar organet e rendit që t’i zbulojnë autorët e krimit dhe t’i sjellin para drejtësisë.

Megjithë këto ende nuk dihet ende autori e as motivet e sulmit që tronditi Deçanin mbrëmjen e së premtes.

Ngjarjen e kanë dënuar edhe përfaqësues të tjerë të institucioneve dhe partive politike në Kosovë.

Ndërkohë, Qeveria e Kosovës ka premtuar 20 mijë euro për çdo qytetarë që jep informacione për të dyshuarit që janë të përfshirë në këtë vrasje./GazetaExpress

The post Vrau 2 nxënës dhe shoferin e autobusit, autori i krimit në Deçan ende në arrati appeared first on Albeu.com.

Veshjet e tyre kanë një simbolikë.

Ngjyra e bardhë në rrobat e tyre shfaq shpirtin e miqve të tyre, Gentës e Ledionit, kurse ajo e zeza, ngjarjen e trishtë që atyre iu ndodhi.

Para se të nisin mësimin, qindra nxënës të shkollës “Hysni Zajmi” në Gjakovë, po ndezin qirinj në nder të shoqes e shokut të tyre, që u vranë në rrethana ende të paraqarta të premten që shkoi.

Shoqja e Gentianës, që qëndroi me të deri pak momente para ngjarjes tragjike, thotë se më të kishin plane miqësie të gjata.

Lidhje të fortë me gjimnazisten kishin edhe shoqet tjera të klasës.

Pjesa më e vështirë për secilin, ishte hyrja në klasë ku mungonte Genta.

Banka e dytë nga ana e majtë kishte mbetur zbrazur e aty u vendosën lule e një qiri dhe fotografia e vajzës, që të gjithë do të donin që të ishte prezente fizikisht aty.

Këtu edhe drejtori i shkollës Gjokë Tahiri, pati disa fjalë për dorasin dhe për nxënësen e shkollës që drejton.

Emocionet kapluan të gjithë klasën përsëri.

Për shkak të kësaj gjendje të rënduar emocionale, nxënësit u liruan më herët nga mësimi.

Humbja e dy të rinjve ka bërë që mësimdhënësit të kujdesen edhe për shëndetin e nxënësve të tjerë.

Ndërkohë në Gllogjan të Deçanit dy familjet po mbanin ditën e fundit të të pames.

Pavarësisht se kanë kaluar katër ditë, numri i dashamirëve e miqve që vinin për kryeshëndosh, ishte i madh.

Kalimin e kësaj situate, më të vështirë e kanë familjarët, që para shumë vitesh kanë pasur edhe humbje tjera në luftë.

Mehmeti thotë se zbardhjen e rastit ja kanë lënë insutucioneve.

E institucionet nuk kanë konfirmuar ndonjë zhvillim në lidhje me hetimet për këtë rast.

T7 gjatë ditës ka kërkuar informacione nga Prokuroria për rastin, por që ata nuk kanë pranuar të flasin./Express

The post Nxënësit shpërthejnë në lot kur kthehen në klasë pa shoqen e shokun që u vranë në Deçan (VIDEO) appeared first on Albeu.com.

Njësite të shumta të Policisë së Kosovës po vazhdojnë kontrollet në Deçan.

Ky vend, por edhe vende të tjera po kontrollohen nga pjesëtarët e Policisë së Kosoës për të kapur sa më parë autorët apo autorin e vrasjes së trefishtë në Gllogjan.

Madje siç mëson televizioni, mobilizimi në Policinë Rajonale në Pejë është jashtëzakonisht i madh sa i përket këtij rasti.

Edhe bashkëpunimi me qytetarët e këtij rajoni, është po i njëjtë në mënyrë që të zbardhet ky rast, dhe autorët apo autori të del para drejtësisë.

Ani pse ka një mobilizim të lartë, megjithatë hetimet nuk janë të lehta.

Kështu është shprehur prokurorja e rastit, Sahide Gashi e cila ka treguar se tani më janë duke punuar në disa pista.

Ndërkaq, edhe autobusi në të cilën udhëtonin pasagjerët, ku tre prej tyre mbetën të vdekur u largua në ditën e katërt të hetimeve.

Në mënyrë që të ndihmohen hetimet, Qeveria e Kosovës ka ofruar 20 mijë, si shpërblim për këdo që dhuron informacione që dërgojnë në arrestimin e autorëve apo autorit të vrasjeve në Deçan.

Të gjithë qytetarët që posedojnë informacione lidhur me këtë rast, mund t’i adresojnë ato në numrat e telefonit që janë vënë në dispozicion apo ne email adresë.

T7 ka provuar të hënën gjatë ditës të kontaktoj numrin e lënë nga Policia e Kosovës, por kjo linjë nuk ka qenë në funksion./Express

The post Krimi në Deçan! Shpërblim për kë jep informacion për vrasësin, por numri ku duhet të lajmëroheni nuk funksionon appeared first on Albeu.com.

Borell ka shkruar në Twitter se ndihet i trishtuar nga sulmi dhe ka bërë thirrje që përgjegjësit të sillen para drejtësisë.

“I tmerruar nga sulmi i tmerrshëm në Gjakovë. Zemra ime është me viktimat dhe familjet e tyre. Ata që janë përgjegjës duhet të gjenden dhe të sillen para drejtësisë për këtë krim të neveritshëm. Qëndroj me të gjithë kosovarët në këto momente pikëlluese. Ne do të vazhdojmë të punojmë për pajtim në Ballkanin Perëndimor”, ka shkruar Borell./albeu.com

Horrified by the terrible attack in Gjakovë. My heart goes to the victims & their families. Those responsible must be found and brought to justice for this heinous crime.

I stand with all Kosovars in these painful moments. We will continue working for reconciliation in the WBs.

— Josep Borrell Fontelles (@JosepBorrellF) November 27, 2021

The post Borrell reagon për krimin në Deçan: Përgjegjësit të gjenden e të vihen para drejtësisë appeared first on Albeu.com.