Ai theksoi se shqipëria ka një kontribut jo të pakët në sigurinë e Evropës, made sipas tij, kontribut real dhe të matshëm edhe në sigurinë e BE-së.

Çuçi: Këtë nëpërmjet pjesëmarjes aktive në operacione të përbashkëta policorfe. Shqipëria është i pari vend që nëshkroi marrëveshjen me Agjencinë e Rojës Bregdetare. Dihet gjithashtu fakti se ne e kemi kaluar fazën kur vetëm shkëmbenim informacione me partnerët tanë. Sot jemi pojesëmarrës aktivë dhe me rol drejtues në operacione ndërkombëtare për goditjen e grupeve kriminale.

Minsitri theksoi se kjo është një dëshmi e besimit që është krijuar nga partnerët evropianë te Shqipëria.

Çuçi: Krimi i organizuar nuk njeh vend dhe pasaportë. Një fenomen i tillë mund të luftohet vetëm nëse bashkojmë forcat. Policia e Shtetit shqiptar është sot një nga institucionet më të besueshme nga pulbiku. Ne jemi të ndërgjegjshëm që rritja e bashkëpunimit krijon dhe risqe të reja që lidhen me sigurinë. Krimi kibernetik po sfidon cdo ditë agjencitë tona ligjzbatuese dhe po cenon sigurinë e shqiptarëve. As policia nuk ishte imune ndaj këtyre sulmeve. Ndaj kemi nisur një fazë të re të investimeve në fushën kibernetike.

The post “Shqipëria rol drejtues në operacione ndërkombëtare kundër krimit”, Çuçi: Policia e Shtetit, një nga institucionet më të besueshme appeared first on Albeu.com.

Sipas zyrtarëve amerikanë, aktivitetet përfshijnë operacione kibernetike kundër kompanive private që janë të detyruara të paguajnë miliona dollarë shpërblime për të rifituar qasjen tek të dhënat e tyre.

Shtetet e Bashkuara, së bashku me NATO-n, Bashkimin Evropian, Mbretërinë e Bashkuar, Japoninë, Kanadanë, Australinë dhe Zelandën e Re, fajësuan të hënën Kinën për sulmin kibernetik në mars që preku dhjetëra mijëra organizata përmes serverave të shërbimit Microsoft Exchange.

Sulmet kanë ndodhur në një periudhë kur dihet se sistemet e shërbimeve në internet kanë dobësi, por që nuk kanë mundur ta ndreqin problemin teknik.

“Qeveria amerikane ka ngritur shqetësimet e saj me zyrtarë të lartë të qeverisë kineze në lidhje me këtë incident dhe aktivitetin kibernetik të zgjeruar me qëllim keqdashës, duke e bërë të qartë se këto veprime kërcënojnë kompetencën e sigurisë dhe stabilitetin në hapësirën kibernetike”, u tha një zyrtari i lartë i administratës gazetarëve në një telefonatë të dielën në mbrëmje përpara se të dilte njoftimi.

Përdorimi i hakerave kriminalë me kontratë nga agjencia civile zbulimit kineze ishte “me të vërtetë tronditëse dhe befasuese për ne”, tha zyrtari.

Sipas zyrtarit të lartë amerikan është gjithashtu domethënëse që ministria e sigurimit të shtetit po përdor këta hakera për të “kryer operacione kibernetike të pa sanksionuara globalisht, përfshirë edhe për përfitime të tyre personale”.

Kina vazhdimisht e ka mohuar përfshirjen në aktivitete të tilla.

Lu Kang, një zëdhënës i ministrisë së jashtme, u pyet në mes të muajit mars në lidhje me akuzat e bëra nga katër firma private të sigurisë që po hetonin sulmet kibernetike. Firmat fajësuan një grup kërcënues të avancuar nga Kina për ndërhyrjet e sofistikuara të rrjetit.

Lu u përgjigj se nëse akuza të tilla bëheshin me prova të besueshme, atëherë Pekini do t’i merrte ato seriozisht, por nuk kishte kohë për t’iu përgjigjur “thashethemeve dhe spekulimeve”.

Detajet e lëshuara të hënën në mëngjes në Uashington dhe në kryeqytetet aleate shihen si një përpjekje për t’i dhënë qeverisë së Kinës provat që kërkoi.

Në mënyrë të veçantë, Agjencia e Sigurisë Kombëtare, Agjencia e Sigurisë së Infrastrukturës dhe Kibernetikës dhe Byroja Federale e Hetimit, në një paralajmërim të përbashkët të publikuar të hënën, thanë se ato “kanë vëzhguar veprimtari kibernetike gjithnjë e më të sofistikuar, të sponsorizuar nga shteti kinez që vënë në shënjestër organizata të politikës ekonomike, ushtarake, arsimore, dhe të personelit të infrastrukturës kritike”. “Është me të vërtetë një grup i madh i aleatëve dhe partnerëve që e mbajnë Kinën përgjegjëse,” tha zyrtari i lartë amerikan në thirrjen me gazetarët.

Administrata e Presidentit Joe Biden ka qenë e zëshme në lidhje me një seri sulmesh kibernetike për të cilat janë fajësuar grupe që veprojnë në Rusi, por nuk i ka lidhur ato aktivitete drejtpërdrejt me qeverinë ruse.

Në një takim me Presidentin rus Vladimir Putin në Gjenevë muajin e kaluar, Presidenti Biden kërcënoi të merrte masa kundër Moskës nëse kriminelët kibernetikë vazhdonin të vepronin brenda Rusisë pa pengesa./VOA

The post Agjencia kineze e spiunazhit fajësohet nga SHBA dhe të tjerë se përdor hakera kriminalë të paguar appeared first on Albeu.com.