Policia tha se i dyshuari, T.P., i nacionalitetit serb, u arrestua në bazë të një autorizimi të lëshuar nga Prokuroria Speciale e Kosovës.

Ai dyshohet se ka kryer veprën penale “krimi i luftës kundër popullsisë civile”.

“I dyshuari gjatë kohës së luftës në Kosovë, rreth muajit mars të vitit 1999, në komunën e Istogu, ka kryer vepra të ndryshme penale duke përfshirë, plaçkitjen dhe shkatërrim të pasurisë së popullsisë civile”, u tha në njoftim.

Autoritetet bënë të ditur se i dyshuari tashmë gjendet në ndalim policor, teksa Policia nuk dha detaje se ku u krye arrestimi i tij.

Që nga përfundimi i luftës së fundit në Kosovë, afër 70 persona janë dënuar për krime lufte para institucioneve vendore dhe ndërkombëtare.

Nga viti 2000 deri në vitin 2008, krimet e luftës në Kosovë janë hetuar nga Misioni i Kombeve të Bashkuara në Kosovë (UNMIK), ndërsa nga viti 2008, nga Misioni i Bashkimit Evropian për Sundim të Ligjit (EULEX).

Në vitin 2018, ky mision i ka dorëzuar lëndët në Prokurorinë e Kosovës dhe në gjykatat vendore.

Gjatë luftës së fundit në Kosovë më 1998-’99 janë vrarë mbi 13.000 civilë dhe mijëra të tjerë janë zhdukur.

Mbi 1.600 persona vazhdojnë të jenë ende të pagjetur – pjesa më e madhe e tyre shqiptarë./rel

The post Arrestohet një i dyshuar për krime lufte në Kosovë appeared first on Albeu.com.

Kështu ka thënë i pari i qeverisë përmes një postimi në Facebook, ku ka njoftuar edhe se, në 25 vjetorin e masakrës së dytë në Abri të Epërme të Drenicës, ka përkujtuar të vrarët e familjes Muliqi.

Postimi i plotë:

Në 25 vjetorin e masakrës së dytë në Abri të Epërme të Drenicës, përkujtuam të vrarët e familjes Muliqi.

Pas masakrës së 26 shtatorit, ku u vranë 23 anëtarë të familjes Deliu, forcat e armatosura serbe më 30 mars 1999, vranë tetë djem e burra të familjes Muliqi. Katër nga ta ishin nxënës të moshave nga 13 deri 17 vjeҫ.

Sejfulla Muliqi është dëshmor i kësaj familje, i cili pa i mbushur 17 vjet, kishte shitur lopën në Qirez për të blerë armën e për t’iu bashkëngjitur UÇK-së, për të luftuar forcat okupatore serbe. Ai ka rënë në betejë më 19 gusht 1998.

Me Bacën Asllan Muliqi, Ministrin Ejup Maqedonci, zëvendësministrin Blerim Gashani dhe deputetët Enver Dugolli e Gani Krasniqi, sot vendosëm lule të bardha në vendin e prehjes së dëshmorëve e martirëve të Abrisë së Epërme.

Për këto dy masakra nuk ka asnjë të akuzuar e as të dënuar deri më sot. Kodi i Procedurës Penale, me ndryshimet në 2019 dhe 2022, u jep mundësinë prokurorëve tanë për gjykim në mungesë të kriminelëve serbë të luftës. Që të gjithë ata që kanë kryer krime gjatë luftës në Kosovë të ballafaqohen me drejtësinë dhe ta marrin dënimin e merituar.

Andaj sërish i bëjmë thirrje Prokurorisë së Shtetit t’i trajtojnë me seriozitetin maksimal rastet e krimeve të kryera gjatë luftës në Kosovë.

Për drejtësi, që shëron e mbyll plagët e hapura e të njoma të familjeve të cilat i dhanë kaq shumë Kosovës për çlirim.

The post Kurti i bën thirrje Prokurorisë së Shtetit: Trajtoni me seriozitet rastet e krimeve të kryera gjatë luftës në Kosovë appeared first on Albeu.com.

I dyshuari, i nacionalitetit serb me inicialet Z.N, u arrestua të hënën pasdite në Mitrovicën e Veriut gjatë një aksioni të përbashkët mes Policisë dhe Prokurorisë Speciale të Kosovës, tha Policia në një komunikatë.

Ai dyshohet se krimet i kishte kryer gjatë vitit 1999 në qytetin e Vushtrrisë dhe akuzohet për veprën penale ‘’krime lufte kundër popullatës civile – dhunë seksuale”, thuhet në komunikatë.

Prokurori ka marrë vendim që 70-vjeçari të mbahet në paraburgim për 48 orë, pasi u mor në pyetje në prani të avokatit mbrojtës.

Dhjetorin e kaluar, Prokuroria Speciale e Kosovës kishte thënë se ka ngritur gjithsej 33 akuza, që përfshijnë 89 persona, për krime lufte në Kosovë.

Prej përfundimit të luftës së fundit në Kosovë, rreth 70 persona janë dënuar për krime lufte para institucioneve vendore dhe ndërkombëtare.

Nga viti 2000 deri në vitin 2008, krimet e luftës në Kosovë janë hetuar nga Misioni i Kombeve të Bashkuara në Kosovë (UNMIK), ndërsa nga viti 2008, prej Misionit të Bashkimit Evropian për Sundimin e Ligjit (EULEX).

Në vitin 2018, ky mision i ka dorëzuar lëndët në Prokurorinë e Kosovës dhe në gjykatat vendore.

Gjatë luftës së fundit në Kosovë më 1998-99 janë vrarë mbi 13.000 civilë dhe mijëra të tjerë janë zhdukur.

Mbi 1.600 persona vazhdojnë të jenë ende të pagjetur – pjesa më e madhe e tyre shqiptarë.

The post Arrestohet një i dyshuar për krime lufte në Kosovë appeared first on Albeu.com.

“Fatkeqësitë që synojnë krijimin e një “zone neutrale” për arsye sigurie nuk plotësojnë kriteret e ligjit ndërkombëtar humanitar,” tha Volker Turk në një deklaratë për shtyp.

“Unë insistoj tek autoritetet izraelite për faktin se neni 53 i Konventës së Katërt të Gjenevës ndalon shkatërrimin e pronave që u përkasin individëve privatë, përveç nëse një shkatërrim i tillë është bërë absolutisht i nevojshëm për operacione ushtarake,” vuri në dukje ai.

“Shkatërrimi masiv i ndërtesave, i pajustifikuar me urdhër ushtarak dhe i kryer në mënyrë arbitrare përbën një krim lufte”, nënvizoi Komisioneri i Lartë i Kombeve të Bashkuara për të Drejtat e Njeriut.

Komisioneri i Lartë i OKB-së për të Drejtat e Njeriut tha gjithashtu se që nga tetori, agjencitë e tij kanë regjistruar “shkatërrim dhe prishje të gjerë të infrastrukturës civile nga ushtria izraelite”.

Bëhet fjalë kryesisht për “ndërtesa banimi dhe universitete në zona ku luftimet nuk janë zhvilluar ose nuk po zhvillohen më”.

Një shkatërrim i tillë është parë javët e fundit në Beit Hanoun dhe në qytetin e Gazës në veri të enklavës palestineze të rrethuar, si dhe në kampin Nuseirat dhe Khan Younis në jug.

“Izraeli nuk ka dhënë arsye bindëse për të justifikuar këtë shkatërrim masiv të infrastrukturës civile,” theksoi Turk.
Këto shkatërrime duket se “kanë qëllim ose efekt për ta bërë të pamundur kthimin e civilëve në këto zona”.

“I kujtoj autoriteteve se zhvendosja me forcë e civilëve mund të përbëjë krim lufte”, nënvizoi ai./albeu.com

The post OKB: Shkatërrimi i Gazës nga Izraeli duke synuar “zonën neutrale” është një krim lufte appeared first on Albeu.com.

“Fatkeqësitë që synojnë krijimin e një ‘zone neutrale’ për arsye sigurie nuk plotësojnë kriteret (…) të ligjit ndërkombëtar humanitar,” tha Volker Turk në një deklaratë për shtyp.

“Unë insistoj tek autoritetet izraelite për faktin se neni 53 i Konventës së Katërt të Gjenevës ndalon shkatërrimin e pronave që u përkasin individëve privatë, përveç nëse një shkatërrim i tillë është bërë absolutisht i nevojshëm për operacione ushtarake,” vuri në dukje ai.

“Shkatërrimi masiv i ndërtesave, i pajustifikuar me urdhër ushtarak dhe i kryer në mënyrë arbitrare (…) përbën një krim lufte”, nënvizoi Komisioneri i Lartë i Kombeve të Bashkuara për të Drejtat e Njeriut.

Komisioneri i Lartë i OKB-së për të Drejtat e Njeriut tha gjithashtu se që nga tetori, agjencitë e tij kanë regjistruar “shkatërrim të gjerë të infrastrukturës civile nga ushtria (izraelite)”.

Bëhet fjalë kryesisht për “ndërtesa banimi dhe universitete në zona ku luftimet nuk janë zhvilluar ose nuk po zhvillohen më”. Një shkatërrim i tillë është parë javët e fundit në Beit Hanoun dhe në qytetin e Gazës në veri të enklavës palestineze të rrethuar, si dhe në kampin Nuseirat dhe Khan Younis në jug.

“Izraeli nuk ka dhënë arsye bindëse për të justifikuar këtë shkatërrim masiv të infrastrukturës civile,” theksoi Turk. “I kujtoj autoriteteve se zhvendosja me forcë e civilëve mund të përbëjë krim lufte”, nënvizoi ai.

The post OKB: Shkatërrimi i Gazës nga Izraeli duke synuar ‘zonën neutrale’ është një krim lufte appeared first on Albeu.com.

Arsiç akuzohej se bashkë me pjesëtarë të policisë serbe dhe të grupeve paramilitare kanë marrë pjesë në dëbimin dhe shpërnguljen me dhunë të banorëve të Kamenicës, me rrethinë. Ai akuzohej edhe për dëmtim me qëllim të pronave të shqiptarëve. Sipas aktakuzës, ai kishte ndaluar, me veturë të policisë serbe, personin me iniciale B.M dhe familjarët e tij dhe më pas i kishte keqtrajtuar.

Në aktakuzën e Prokurorisë Speciale të Kosovës thuhet se kjo kishte ndodhur në mars të vitit 1999, pas bombardimeve të NATO-s.

“Ku po i dërgon këto cigare, UÇK-së po ia dërgon”, citohet t’i ketë thënë Arsiq në stacionin policor në Kamenicë, personit B.M, sipas aktakuzës. Personi B.M ishte rrahur nga Arsiç, në bashkëkryerje me persona të tjerë, thuhet në aktakuzë. Gjithashtu, në aktakuzë thuhet se pas kësaj, B.M ishte kthyer në shtëpinë e djegur, nga ku ishte dëbuar. “Në oborr i akuzuari e kishte goditur kërcënuar me vrasje e më pas policia serbe e kishte liruar atë dhe familjen e tij”, thuhet në aktakuzë.

The post Serbi që ka dëbuar me dhunë shqiptarët e Kamenicës, lirohet nga akuza për krime lufte në Kosovë appeared first on Albeu.com.

Gjykata Themelore në Prishtinë ka shpallur fajtor, Dushko Arsiqin, nën akuza për krime lufte ndaj popullatës civile, konfirmoi avokati i tij mbrojtës, Nebojsha Vllaiq.

Arsiç ishte arrestuar më 8 dhjetor 2023 nën dyshime për krime të kryera në periudhën janar-qershor 1999 në rajonin e Prishtinës.

Në aktakuzë thuhet kishte marrë pjesë në vrasjen e B.Sh, më 20 prill të vitit 1999 në Butovc të Prishtinës dhe kishte keqtrajtuar fizikisht dhe psikologjikisht shtetasin me iniciale A.K.

Arsiq, së bashku me pjesëtarë të tjerë të policisë serbe dhe grupeve paramilitare, në periudhën janar-qershor të vitit 1999, kishte marrë pjesë në dëbimin dhe shpërnguljen e qytetarëve nga Prishtina dhe rrethina, u tha në aktakuzë, raporton Betimi për Drejtësi. Aty po ashtu u tha se Arsiç së bashku me një grup tjetër kishin plaçkitur dhe më pas dëmtuar pronat e shqiptarëve, duke ua vënë zjarri.

Arsiç është akuzuar për keqtrajtim të civilëve shqiptarë, plagosje dhe vrasje.

Avokati i tij, Nebojsha Vllaiq, pas shqiptimit të dënimit nga gjykata e shkallës së parë, tha se klienti i tij është akuzuar dhe dënuar për krime lufte vetëm se u përpoq të rimarrë pasurinë që i ishte uzurpuar dhe të kthehej në Prishtinë.

Vllaiq tha se do të apelojë këtë vendim.

Arsiq është me origjinë nga Matiqani, që gjendet në periferi të Prishtinës, dhe pas përfundimit të luftës në Kosovë, kishte jetuar në Kralevë të Serbisë, ka thënë më herët për Radion Evropa e Lirë ekipi i tij mbrojtës. Gjatë seancave gjyqësore, ai është deklaruar i pafajshëm.

Dhjetorin e kaluar, Prokuroria Speciale e Kosovës kishte thënë se ka ngritur gjithsej 33 akuza, që përfshijnë 89 persona, për krime lufte në Kosovë.

Gjatë luftës së fundit në Kosovë më 1998-99 janë vrarë mbi 13.000 civilë dhe mijëra të tjerë janë zhdukur.
Mbi 1.600 persona vazhdojnë të jenë ende të pagjetur – pjesa më e madhe e tyre shqiptarë.

The post Dushko Arsiq shpallet fajtor për krime lufte, dënohet me 13 vjet burgim appeared first on Albeu.com.

Të dyshuarit u arrestuan nga Agjencia shtetërore për Hetime dhe Mbrojtje (SIPA) në afërsi të Zvornikut, tha kjo agjenci pa treguar datën e kapjes së tyre.

SIPA theksoi se të arrestuarit do t’i dorëzohen Zyrës së Prokurorit të Bosnjë e Hercegovinës, pas hetimeve shtesë.

Zyra e Prokurorit konfirmoi për Radion Evropa e Lirë se në mesin e të dyshuarve ka komandantë të ish-brigadës së Zvornikut.

Trupat serbe të Bosnjës i vranë më shumë se 8.300 kryesisht burra dhe djem boshnjakë brenda dhe përreth Srebrenicës në korrik të vitit 1995, pasi paqeruajtësit holandezë të OKB-së dështuan ta mbronin një “zonë të sigurt” të OKB-së.

Autoritetet thanë se shtatë personat e arrestuar dyshohen për vrasjen e rreth 800 boshnjakëve afër Orahovacit, pasi kjo zonë ishte kapur nga ushtria e Republikës Sërpska.

Ish-Gjykata Penale Ndërkombëtar për ish-Jugosllavinë dhe Gjykata Ndërkombëtare e Drejtësisë e kanë shpallur gjenocid këtë tragjedi.

Më shumë se 50 njerëz janë ndëshkuar me dënime me burgim për gjenocid dhe krime të tjera në Srebrenicë.

Trupat e viktimave janë nxjerrë nga më shumë se 80 varre masive në Srebrenicë dhe në zonat e afërta Zvornik dhe Bratunac

Radovan Karaxhiq, presidenti i parë i Republikës Sërpska, entitetit kryesisht serb i cili bashkë me federatën boshnjake dhe atë kroate e përbëjnë Bosnjën, u dënua me burgim të përjetshëm për gjenocid dhe krime të tjera, përfshirë në Srebrenicë.

Ai po e vuan dënimin në një burg britanik.

Komandanti i ish-ushtrisë së Republikës Sërpska në atë kohë, Ratlko Mlladiq, po e vuan një dënim me burgim të përjetshëm për gjenocid, po ashtu. /REL

The post Bosnjë: Arrestohen 7 të dyshuar për krime lufte në Srebrenicë appeared first on Albeu.com.

Organizata i kërkoi Komisionit të Pavarur Ndërkombëtar të Hetimit mbi Territorin e Pushtuar Palestinez dhe Gjykatës Ndërkombëtare Penale të hetojnë.

“Pavarësisht pretendimeve të ushtrisë izraelite më 5 nëntor 2023, për ‘përdorimin cinik të spitaleve nga Hamasi’, asnjë provë e paraqitur nuk do të justifikonte privimin e spitaleve dhe ambulancave nga statusi i tyre i mbrojtur sipas ligjit ndërkombëtar humanitar,” tha ai.

Human Rights Watch hetoi sulmet në ose pranë Spitalit Indonezian, Spitalit al-Ahli, Qendrës Ndërkombëtare të Kujdesit të Syve, Spitalit të Miqësisë Turko-Palestineze dhe Spitalit al-Quds midis 7 tetorit dhe 7 nëntorit./Albeu.com 

The post Human Rights Watch: Sulmet në spitalet e Gazës duhet të hetohen si krime lufte appeared first on Albeu.com.

Ministri i Drejtësisë së Malit të Zi Marko Kovaç tha se kërkesa e Kosovës për të ekstraduar shtetasin serb Momçillo Vukotiq është refuzuar për shkak se autoritetet kosovare nuk kanë përfshirë në kërkesën e tyre veprat me të cilat ngarkohet i dyshuari.

“Në vendimin e Prokurorisë së Posaçme të Kosovës për fillimin e hetimeve, nuk thuhet se cilat veprime dyshohet se i ka kryer Vukotiq, të cilat janë pjesë e veprave penale, por vetëm thuhet se pas 24 vitesh është paraqitur një dëshmitar, i cili e ka njohur foton e tij në një album”, thuhet në njoftimin e Ministrisë.

Sipas Ministrit Kovaç, ministër i qeverisë në largim i kryeministrit të Malit të Zi Dritan Abazoviq, Kosova nuk ka përfillur nenin e tretë të Konventës Europiane për të Drejtat e Njeriut dhe Liritë Themelore me kërkesën e saj.

Policia malazeze arrestuan të dyshuarin Vukotiq, të akuzuar nga autoritetet në Kosovë për krime të luftës kundër popullatës civile në vitin 1999 në komunën e Pejës, gjatë një bastisje në Plavë dhe Beranë. Në një bastisje tjetër në Herceg Novi, organet e rendit në shtator kanë ndaluar edhe një të dyshuar tjetër për krime lufte kundër popullsisë civile në Kosovë.

Dy të dyshuarit po mbahen në paraburgim me vendimin e Gjykatës së Lartë të Podgoricës./ VOA

The post I akuzuar për krime lufte në Kosovë, Mali i Zi refuzon të ekstradojë serbin appeared first on Albeu.com.