Osmani, në mbështetje të kompetencave të saj kushtetuese, ka nënshkruar sot Dekretin, me të cilin mandaton Albin Kurtin për formimin e Qeverisë së Republikës së Kosovës.

Ky vendim, është marrë pas propozimit zyrtar të partisë Lëvizja Vetëvendosje, e cila ka fituar numrin më të madh të ulëseve në Kuvend nga rezultatet e zgjedhjeve të mbajtura me 9 shkurt të këtij viti.

Sipas Kushtetutës, mandatari për formimin e Qeverisë, z. Kurti, është i obliguar që jo më vonë se pesëmbëdhjetë (15) ditë nga dita e dekretimit, t’i paraqesë Kuvendit të Republikës së Kosovës përbërjen dhe programin e Qeverisë për miratim.

“Presidentja i ka uruar suksese Kurtit, kryeministër në detyrë, me shpresën që Republika e Kosovës sa më parë të ketë Qeveri me mandat të plotë kushtetues”, shkruhet në mesazhin e presidentes Vjosa Osmani në facebook.

The post Presidentja Vjosa Osmani mandaton Albin Kurtin për formimin e Qeverisë së Kosovës appeared first on Albeu.com.

Zyrtarisht nuk dihet asnjë emër, por nga ajo është mësuar gjatë negociatave lë të kuptohet se Bekim Sali do të jetë propozimi i Gashit për ministër të Shëndetësisë, ndërsa Admirim Haliti për ministër të Shoqërisë Informatike dhe Administratës.

Në mbledhje pritet të caktohen edhe emrat e zëvendësministrave. Alsat mëson se Lulzim Aliu pritet të jetë emri i propozuar për zëvendësministër të Arsimit, zëvendësministër të Transport dhe lidhje apo Bujqësi, varësisht për cilën përcaktohet Alternativa do të emërohet Abdylshyqyr Abedini nga Gostivari, ndërsa emri i njeriut të dytë në dikasterin e Kulturës mësohet të jetë Daim Luçi.

Orhan Murtezani do të propozohet për drejtor në MEPSO, ndërsa në Fondin Pensional Invalidor jo zyrtarisht mësohet të jetë Driton Bexheti. Emri i këtij të fundit lakohet edhe si drejtor i Hekurudhave-Transporti. Në Agjencinë për Investime të huaja do të propozohet Bekim Emini, ndërsa në Drejtorinë e Librave Amë, Blerim Abazi nga Kumanova. Amir Elezi është emri i propozuar për drejtor në Spitalin e Qytetit të Tetovës.
Pozitat e drejtorëve dhe këshillave drejtues partia e Gashit pritet t’i merr nga java e ardhshme, ndërsa ministrat dhe zëvendësministrat do të zgjidhen në kuadër të riformatimit të kabinetit qeveritar pas 15 janarit të vitit të ardhshëm. /Alsat.mk

The post Këta janë emrat e Alternativës në qeverinë maqedonase appeared first on Albeu.com.