Ata janë: Klodian Braho, Doloreza Musabelliu, Elvin Gokaj dhe Adnand Xholi.

Platformat e kandidatëve dorëzohen në Këshillin e Lartë të Prokurorisë dhe më pas Komisioni për Zhvillimin e Karrierës verfikon nëse plotësohen kushtet nga kandidaturat.

Më pas, lista paraqitet në mbledhjen penare. Votimi për kreun e SPAK është i hapur.

Nëse ndodh që ka kandidatë me numër të njëjtë votash, bëhet një raund i dytë votimi, vetëm për këta kandidatë.

Mandati i kreut aktual të SPAK-ut, Altin Dumani përfundon në dhjetor të 2025.

The post Përfundon afati për kreun e SPAK/ Në garë 4 kandidatë (EMRAT) appeared first on Albeu.com.

I pari që ka dorëzuar platformën në KLP dhe tashmë është zyrtare, rezuton të jetë prokurori dhe njëherësh shefi i seksionit kundër korrupsionit dhe “Shpërdorimit të detyrës” në SPAK, Klodian Braho.

Ky i fundit ka dorëzuar dokumentat qe prej ditës së Premte. Ndërsa pritet që sot dhe në dy ditët në vijim, të dorëzojnë kandidaturat tre prokurorët e tjerë të SPAK, si Adnand Xholi, i cili aktualisht mban postin e zv/drejtuesit të prokurorisë.

Në vijim të shpalljes së kandidaturës përmes dorëzimit të platformës janë dhe dy prokurorët e tjerë, Elvin Gokaj që shërben pranë seksionit kundër korrupsionit dhe Doloreza Musabelliu që është pjesë e seksionit kundër krimit të organizuar në SPAK.

Aktualisht, këta 4 prokurorë janë kandidatët potencialë, ndërkohë nuk dihet nëse deri në datën 8 Tetor 2025, lista do pasurohet me emra të tjerë kandidatësh.

Për herë të parë në këto zgjedhje për të marrë postin e kreut të SPAK, po garon një prokurore femër, pasi në dy garat e mëparshme kanë dominuar vetëm meshkujt./Syri.net

The post Zbulohen 4 emrat zyrtarë që konkurojnë për kreun e SPAK appeared first on Albeu.com.

Por, pavarësisht kësaj, ata janë kualifikuar.

“Vetëm 2 nga 7 kandidatët për kreun e BKH e kanë kaluar testin e së vërtetës. Është mbledhur sërish komisioni i verifikimit dhe kanë vendosur që, edhe pse nuk e kanë kaluar këtë test, t’i kalojnë këta kandidatë në procedurën e mëtejshme, atë të verifikimit të pasurisë.

Burimet më thonë që edhe zoti Kërluku, edhe zoti Nano, nuk e kanë kaluar testin. Pavarësisht se nuk e kanë kaluar testin e poligrafit, komisioni nuk i ka skualifikuar”, tha Vezaj në një intervistë për A2.

Sipas tij, “testi i së vërtetës është vendosur me ligj, por pastaj anashkalohet. Model alla shqiptar…”.

Kandidatët e kualifikuar

Andi Pogaçe,

Artur Beu,

Elton Kërluku,

Gentian Ndoi,

Gentjan Shehaj,

Gledis Nano

Joni Keta

The post Denoncimi i gazetarit: Vetëm dy kandidatë për kreun e BKH-së kaluan testin e së vërtetës, por vijuan garën të gjithë appeared first on Albeu.com.

Sipas ligjit, në KLP ka votim me kandidatura alternative. Votohet pasi kandidatët paraqesin platformat e tyre dhe bëhet zgjedhja e drejtuesit të ri të SPAK-ut.

Drejtuesi i parë i këtij institucioni në themelimin e tij ka qenë Arben Kraja. Më pas, tre vite më parë, më 16 dhjetor të vitit 2022 në krye të SPAK-ut, u zgjodh zoti Altin Dumani.

Dumani në tre vite shkroi epokën e tij në krye të këtij institucioni, jo vetëm si drejtues, por edhe si prokuror. Një epokë që le një standart të lartë profesional dhe integriteti.

Me aktet e forta dhe veprimet e pandalshme duke goditur krimin, kupolën e tij, por dhe politikën e korrupsionin, Dumani tregoi se me ndershmëri dhe duke zbatuar ligjin prokuroria mund të çojë në bankën e të akuzuarve edhe ata që quheshin “të paprekshmit”.

Përtej një vlerësimi që tashmë dihet publikisht, kjo për shkak edhe të mbështetjes së gjerë publike që ka zoti Dumani, SPAK-u do të ketë nevojë për standardin e tij, integritetin dhe profesionalizmin.

CNA ka shkruar shpesh për standardin “Dumani” në hetime, të cilin nuk e shohim te prokurorët e tjerë, pra nuk janë në lartësinë e tij profesionale apo integritetin e tij, por ashtu siç e ka deklaruar dhe vetë zoti Dumani flirtojnë me politikën apo kanë qëllime të tjera.

Gjithsesi, këto tre vite të Altin Dumanit në krye të SPAK-ut janë përtej të lavdërueshmes, ashtu siç e theksuam më sipër, janë një epokë, jo vetëm për institucionin, por edhe për Shqipërinë.

Janë një rrugë e shtruar drejt për të shkuar në BE, duke luftuar krimin dhe korrupsionin dhe mjafton që me vullnet, përkushtim dhe integritet profesional gjithçka ta bësh më të thjeshtë.

Kjo nuk është e rastësishme dhe nuk është thjesht puna e një hetuesi apo prokurori që qëndron dhe udhëzon pas një tavoline. Është një betejë e fortë, e vazhdueshme deri në gjunjëzimin e krimit dhe korrupsionit.

Janë me qindra persona të arrestuar dhe të shpallur në kërkim, grupet kryesore kriminale në vend janë të shpartalluara dhe nën akuzë krerët e tyre, politikanë nga zyrtarë më të lartë të shtetit, ish-Presidentë, ish-kryeministra, ministra, kryetarë bashkish, të cilët SPAK-u i ka çuar me akuza dhe u ka provuar veprat e tyre penale.

Altin Dumani, do të largohet nga kreu i SPAK-ut dhe institucioni do të ketë një drejtues të ri, por gjithsesi ai ngelet prokuror në këtë institucion.

Sipas të dhënave që ka siguruar CNA nga burime të saj jozyrtare, deri në momentin e tanishëm janë katër emra që mund të garojnë për kreun e këtij institucioni.

Adnan Xholi, është emri më i përfolur deri tani në garën për kreun e SPAK-ut.

Adnan Xholi dhe kreu i SPAK Altin Dumani

Xholi është një nga njerëzit që qëndron dhe e kemi parë shpesh në krah të majtë të Dumanit në komisionet parlamentare apo takimet e tjera publike.

Është një prokuror me eksperiencë dhe në një tjetër shkrim CNA do të sjellë CV-në e plotë të tij profesionale dhe deklarimin e tij të pasurisë.

Emri i dytë është Vladimir Mara.

Vladimir Mara, prokuror i SPAK-ut

Një tjetër prokuror në SPAK, një emër që pretendon. Në disa dosje dhe arrestime tëbujshme qëndron firma e tij.

Emri i tretë në garë është Klodian Braho, prokurori i dosjes “5D” dhe inceneratorit të Elbasanit.

Klodian Braho

Një nga pretendentët për kreun e SPAK-ut.

Emri i katërt, jo i fundit dhe jo më i parëndësishmi, është Anita Jella.

Anita Jella

Një prokurore me integritet dhe në rast se do të zgjidhej ajo për herë të parë SPAK-u do të kishte një zonjë në krye të institucionit.

Këto janë katër emrat që CNA ka mundur të zbulojë.

Në të tjera materiale ne do të sjellim profilet e kandidatëve, si dhe pasuritë e tyre deri në momentin që kanë kaluar vetingun.

Të katërt janë emëruar në kohë të ndryshme në SPAK. Dihet që mandati i një prokurori të SPAK-ut është 9 vjet dhe ka të drejtë të garojë për kryetarë.

Në rast se zgjidhet kryetar ka një mandate trevjeçar dhe më pas vazhdon prokuror i thjeshtë në këtë institucion deri në përfundimin e mandatit për t’u emëruar më pas në një tjetër Prokurori./ Marrë nga CNA

The post FOTO+EMRAT/ Kush janë katër kandidatët që kërkojnë vendin e Altin Dumanit? appeared first on Albeu.com.

Shtatë kandidatët e kualifikuar iu nënshtruan testit të zgjeruar me shkrim (ese) dhe testit për arsyetimin logjik.

Testimi nisi në orën 11:00 dhe u zhvillua në ambientet e SPAK. Eseja zgjati 60 minuta, ndërsa testi i arsyetimit logjik 45 minuta, me një total kohor prej 1 ore e 45 minutash.

Të dyja testet vlerësohen me 60 pikë, nga 30 pikë secili, sipas rregullores së përzgjedhjes.

Procesi u monitorua nga anëtarët e Komisionit të Përzgjedhjes, vëzhgues ndërkombëtarë dhe staf teknik mbështetës.

Pas kësaj faze, kandidatët që do të renditen më të mirët nga Komisioni do të vijojnë garën në fazat pasuese: testi i poligrafit, intervista në panel, si dhe verifikimi i figurës dhe pasurisë nga Komisioni përkatës.

Njoftimi i SPAK:

Në përputhje me ligjin nr. 95/2016, sot u zhvillua faza e tretë e përzgjedhjes së Drejtorit të Byrosë Kombëtare të Hetimit (BKH), përkatësisht provimi i zgjeruar me shkrim (eseja) dhe testi për arsyetimin logjik.

Shtatë kandidatët e kualifikuar nisën testin në orën 11.00, në ambientet e Strukturës së Posaçme kundër Korrupsionit dhe Krimit të Organizuar.

Të dy testet zgjatën 1 orë e 45 minuta, përkatësisht eseja, 60 minuta dhe testi i arsyetimit logjik, 45 minuta.

Rregullorja për përcaktimin e procedurave të përzgjedhjes së kandidatit për Drejtor të BKH-së parashikon vlerësimin me 60 pikë për të dy testet, pra 30 pikë për secilin.

Procedura e testeve u zhvillua nën vëzhgimin e anëtarëve të Komisionit të Përzgjedhjes, vëzhguesve ndërkombëtarë dhe stafit teknik mbështetës.

Në përfundim të këtyre fazave të para; testit të aftësive fizike, provimit të zgjeruar me shkrim (esesë) dhe testit për arsyetimin logjik, Komisioni i Përzgjedhjes do të rendisë kandidatët e kualifikuar, të cilët do të vijojnë me fazat e tjera të konkurrimit.

Testi i ardhshëm është ai i poligrafit dhe intervistës në panel, i cili ndiqet nga faza e verifikimit të figurës dhe deklarimit të pasurisë nga Komisioni i Verifikimit të Pasurisë dhe Figurës.

The post Zhvillohet faza e tretë për përzgjedhjen e kreut të BKH-së/ SPAK: Komisioni do të rendisë kandidatët më të mirë, ja fazat e radhës appeared first on Albeu.com.

Shtatë kandidatët që kanë kaluar në raundin e mëparshëm, janë thirrur të paraqiten më 22 korrik, në ora 09:00, në zyrat qëndrore të SPAK.

Në këtë fazë, kandidatët do t’i nënshtrohen provimit me ese, i cili është pjesë e procedurës përzgjedhëse të drejtuesit të ardhshëm të këtij institucioni kyç në luftën kundër krimit të organizuar.

Komisioni i Përzgjedhjes, publikoi më 26 qershor rezultatet e fazës së parë të shqyrtimit paraprak të aplikimeve për pozicionin e Drejtorit të Byrosë Kombëtare të Hetimit (BKH).

Në total, u shqyrtuan aplikimet dhe dokumentacioni i 13 kandidatëve, ndërsa vetëm 7 prej tyre kaluan në fazën tjetër të konkurimit.

Pas verifikimit të dokumentacionit dhe përmbushjes së kritereve ligjore, kandidatët që vijonin garën janë: Andi Pogaçe, Artur Beu, Elton Kërluku, Gentian Ndoi, Gentjan Shehaj, Gledis Nano dhe Joni Keta.

Procesi i përzgjedhjes zhvillohet në bazë të nenit 148/dh të Kushtetutës dhe ligjit për organizimin e institucioneve kundër korrupsionit dhe krimit të organizuar.

Faza e ardhshme përfshin testime të mëtejshme profesionale dhe vlerësime të integritetit.

The post Gara për kreun e BKH/ SPAK njofton 7 kandidatët e mbetur për fazën e radhës së testimit appeared first on Albeu.com.

Sipas SPAK, nga 13 kandidatë gjithsej kanë kaluar: Andi Pogaçe, Artur Beu, Elton Kërluku, Gentian Ndoi, Gentjan Shehaj, Gledis Nano dhe Joni Keta, të cilët do të vazhdojnë konkurimin për fazat e tjera të procesit.

Ndërkohë, janë skualifikuar: Astrit Halilaj, Haki Çako, Maoricio Sheldija, Marinela Pilinçi, Miklovan Kanani dhe Nevrus Ndregjoni.

Njoftimi i SPAK:

Komisioni i Përzgjedhjes në mbështetje të nenit 148/dh të Kushtetutës së Republikës së Shqipërisë, të nenit 34, të ligjit nr. 95/2016 “Për Organizimin dhe Funksionimin e Institucioneve për Luftuar Korrupsionin dhe Krimin e Organizuar”, të ndryshuar, në Rregulloren datë 06.01.2020, “Për procesin e Përzgjedhjes së Drejtorit të BKH-së”, si dhe në njoftimin “Thirrje për aplikim për pozicionin “Drejtor i Byrosë Kombëtare të Hetimit”, në mbledhjen datë 25.06.2025 shqyrtoi aplikimet dhe dokumentacionin e depozituar nga 13 (trembëdhjetë) aplikues për pozicionin Drejtor të Byrosë Kombëtare të Hetimit.

Në përfundim të mbledhjes, pas përmbushjes së kritereve ligjore, Komisioni i Përzgjedhjes vendosi kualifikimin për fazën e parë të këtij procesi dhe vijimin në fazën tjetër të konkurimit për kandidatët e mëposhtëm:

Andi Pogaçe

Artur Beu

Elton Kërluku

Gentian Ndoi

Gentjan Shehaj

Gledis Nano

Joni Keta

Kandidatët e përzgjedhur do të vazhdojnë konkurimin për fazat e tjera të procesit.

The post Zgjedhja e kreut të BKH-së/ 6 kandidatë u skualifikuan, kush janë emrat që vijonë garën appeared first on Albeu.com.

Shkak për moskualifikimin e tyre në fazën e parë të garës, lidhet me mosplotësimin e kritereve formale.

Për kreun e ri të Byrosë Kombëtare të Hetimit kanë aplikuar 13 kandidatë.

Ndër emrat më të spikatur janë ish-drejtuesit e Policisë së Shtetit Haki Çako dhe Gledis Nano, zv/drejtori aktual i BKH-së Joni Keta, si dhe prokurori Andi Pogace.

The post Gara për kreun BKH-së, skualifikohen 6 kandidatë appeared first on Albeu.com.

Mësohet se Zannier ka zhvilluar një takim me ministrin e Jashrtëm, Igli Hasani, teksa në orën 14:00 pritet të zhvillojë një takim edhe me Komisionerin Shtetëror të Zgjedhjeve, Ilirjan Celibashi.

Në 12 maj në mesditë, një ditë pas zgjedhjeve, pritet raporti paraprak i misionit për zgjedhjet, që do të pasohet pak muaj më pas me raportin përfundimtar.

Zannier ka shërbyer më herë në Kosovë si shef i misionit të UNMIK nga viti 2008 deri në vitin 2011, post që e la pas emërimit si Sekretar i Përgjithshëm.

The post Zgjedhjet e 11 Majit/ Kreu i misionit vëzhgues së OSBE/ODIHR mbërrin në Tiranë appeared first on Albeu.com.

Në fjalën e tij përshëndetëse, Noka theksoi se pas fitores së konservatorëve në ShBA me president Donald Trump, i është hapur rruga dhe drita jeshili të gjitha partive të djathta në botë për të fituar zgjedhjet e ardhshme.

Sipas Nokës, pas 5 nëntorit 2024 demokratët nuk janë të njëjtë si para 5 nëntorit, pasi tani rruga e Edi Ramës për të përndjekur dhe ndëshkuar opozitën është mbyllur.

Noka u shpreh se Rama ka përçarë, dhe burgosur  opozitën me bekimin e Xhorxh Soros, por një gjë e tillë tashmë ka marrë fund dhe demokratët do ngrihen deri në fitore.

Gjithashtu kreu i PD Kamëz, Doda theksoi se e rëndësishme në këto zgjedhje janë emigrantët, të cilët Rama i ka përzënë këto 12 vite.

‘Kemi dy fusha: një që është në diasporë dhe në emigrim dhe një fushë që jemi ne vetë këtu. Mundësia më e madhe e jona është që ne të thyjmë dhe të japim një rezultat historik nëpërmjet emigrantëve, pasi votuesit tanë kanë 12 vite që janë përzënë nga Shqipëria dhe vazhdojnë të përzihen’, u shpreh Doda. 

Noka: Të nderuar zonja, zotërinj, miq! Mblidhemi pas kaq kohësh bashkë. Për mua sot është emocion i veçantë. Është emocion i veçantë sepse po mblidhemi kaq shumë pas një kohe të gjatë. Jemi sot kaq shumë pas një pauze, pas një goditje që morëm në zgjedhjet vendore të vitit 2023. Ndaj sot, jam i gëzuar kur shoh një pjesëmarrje njëlloj siç e nisëm në 2021, që i dha PD një fitore. Ky takim i sotëm që është një takim prezantues më bën optimist. Ky takim tregon se, megjithëse kaluam një kalvar të ëvshtirë, ne demokratët 3 vitesh, megjithëse mbi ne u derdh dhuna dhe mllefi i një regjimi si kurrë më parë ndaj një force politike.

Me gjithëse vuajtjet tona kaluan në një spirale të errët, në të cilat mund të fus vetem një regjim kriminal. Por sot, ne jemi mbledhur për këtë ceremoni, të zgjedhim si kryetar të degës suaj në një moment jashtëzakonisht të rëndësishëm për forcën tonë politike. Siç e thashë, ne kemi kaluar këtë kalvar dhe jemi sot më të bashkuar se kurrë, jemi sot më të fortë se kurrë. Vetë prezenca juaj, si përfaqësia, si të zgjedhurit e demokrate e Kamëz e dëshmon këtë. Kjo prezencë, ky masivitet është absolutisht një mesazh i qartë që ne sot po marrim nga demokratët e Kamzës.

Kamza po ringrihet! Kamza do të ringrihet dhe PD është duke u ngritur në rrugëtimin e fitores së saj në zgjedhjet e ardhshme të vitit 2025. Ne jemi në këtë ceremoni disa ditë pas zgjedhjeve pas përfundimit të zgjedhjeve në SHBA. Është lajm i madh jo vetëm për ne, por është lajm i madh për të gjithë të djathtët në të gjithë botën. Ai që kurdisi dhimbjen e demokratëve shqiptarë, ai që kurdisi vuajtjen 3 vjeçare të demokratëve shqiptarë, Xhorxh Soros. Sot tentakulat e tij i ka të mbledhura dhe të tkurrura, sepse iu prenë nga votuesit e SHBA më datën 5 nëntor.

Ky është lajmi më i madh që mund të përçohet te çdo i djathtë në Shqipëri dhe kudo. Ne jemi në një fazë të rëndësishme të jetës sonë politike, në fazën e mosbindjes civile, si rruga e vetme për t’u përballur me këtë regjim dhe rruga e vetme për ta detyruar këtë regjim dhe për t’i hapur rrugë asaj që është qeveria teknike. Prandaj ne, do të punojmë paralelisht në disa drejtime. Kryesia e re që do të zgjidhet nesër, së bashku me kryetarin dhe i gjithë ekipi që do të marrë votbesimin tuaj dhe të gjithë demokratëve kanë detyrë të shëndoshin dhe të vitalizojnë strukturat tona. Kamza e sotme nuk është Kamza e para 4 viteve.

Ne duhet të jemi të qartë që e vetmja rrugë është kjo, do punojmë për mosbindje civile. Do të bëjmë gati për zgjedhje edhe strukturat tona. Sigurisht që është punë e madhe dhe në 5-6 muaj, por ne kemi treguar se kur mobilizohemi ne ia dalim. 3 muaj në zgjedhjet e 2021 punuam dhe luftuam së bashku dhe për 3 muaj i dhamë një fitore PD në Kamëz si askund tjetër. Kemi 6 muaj kohë. Ne për 6 muaj kemi mundësinë që të organizohemi të ngrihemi në një nivel që fitorja kësaj radhe në Bashkinë Kamëz të jetë historike, të jetë një fitore rekord.

Po, ashtu Rilindja e meriton një ndëshkim, se kanë vjedhur, kanë mashtruar dhe kanë shkelur mbi mundin e qytetarëve të Kamzës. Unë besoj që, fillimi i mbarë është gjysma e punës dhe ky takim sot për ne është fillim i mbarë. Ndaj mbarë do t’ia bëjmë hyzmetin, mbarë do të na shkojë, deri në fitore!

The post Zgjidhet kreu i PD, Dega Kamëz/ Noka: Mosbindja civile, rruga e vetme për t’u përballur me këtë regjim! appeared first on Albeu.com.