“Krimi i organizuar ka kërcënuar familjen e një prokurori. Më shqetëson kërcënimi nga krimi i organizuar , jo kërcënimi nga politika. Ne kemi bërë llogari edhe që mos kthehemi, sepse kjo është detyra jonë të hetojmë. Prokurorët janë imunë, janë të gjithë të përgatitur që t’i përballojnë këto situata, por në fund të fundit e kemi zgjedhur vetë këtë detyre”, tha Dumani.

Gjatë fjalës së tij, Dumani theksoi se vetëm gjatë vitit 2023 janë regjistruar kallëzime sa për tre vite së bashku, ndërsa theksoi se është detyra e çdo institucioni të luftojë korrupsionin.

The post Kreu i SPAK: Krimi i organizuar ka kërcënuar familjen e një prokurori appeared first on Albeu.com.

Ai ka deklaruar se në zgjedhjen e kreut të SPAK ka ndërhyrë guvernatorja Kim dhe Edi Rama.

Berisha është shprehur gjithashtu se votat duhet të ishin të fshehta dhe jo të hapura pasi sipas tij në qoftë se do të zbatohej ajo e para nuk i dihej se si do të shkonte puna.

Sali Berisha: Në radhë të parë beteja ishte mes Kim dhe Edi Ramës. Kjo është një nga betejat më të turpshme, një proces që duhet të kalonte mes ligjit dhe kushtetutës dhe mos kishte ndërhyrje nga guvernatorja dhe kryeministri. Kim fitoi betejën, në fakt nuk është se nuk u përzje guvernatorja, por beteja ishte mes socialisteve. Ato vota kishin mes tyre ndërhyrjen e Rames, Veliajt, ndërsa Belinda dhe Ogerta shohin çdo ditë ëndërr që të jenë kandidate. Ajo ishte vetëm perdja që patë ju, kurse mbrapa perdes ishin klanet mafioze të pushtetit. Procesi i skapit ishte një proces vote anëtare të cilët duhet të votonin me votë të fshehtë ata nuk i lanë sepse nuk dihet se si do të shkonte puna./albeu.com

The post Zgjedhja e kreut të SPAK, Berisha ngre akuza: Kishte ndërhyrje të Kim dhe Edi Ramës appeared first on Albeu.com.

Gjithashtu u ndal dhe të përplasja mes Yuri Kim dhe Edi Ramës nuk është shenjë se drejtësia është e pavarur, por se ajo është kapur.

DEKLARATË E PARTISË DEMOKRATIKE

Procesi i zgjedhjes së drejtuesit të ri të SPAK u njollos që në nisje të saj dhe si i tillë është i pabesueshëm.

Përplasja për drejtuesin e SPAK mes Yuri Kim dhe Edi Ramës nuk është shenjë se drejtësia është e pavarur, por se ajo është kapur.

SPAK ka patur mjaftueshëm kohë për t’i dhënë prova publikut të kundërtën duke konsumuar mandatin e një drejtuesi.

Prej krijimit të saj SPAK ka patur në dorë dhjetëra skandale, të cilat ose janë hetuar nga bishti ose nuk janë prekur fare.

Një ‘pallat drejtësie’ në korridoret e të cilit shkon për të bërë ekskursione dhe për të dhënë direktiva kryeministri dhe një ambasadore që bën rolin e guvernatores, nuk është as i pavarur, as i lirë dhe as i ndarë nga pushteti ekzekutiv, siç e kërkon një demokraci normale dhe funksionale.

Me këto fakte të pakundërshtueshme, SPAK është thjeshtë një seksion i Partisë Socialiste.

Kujtojmë se SPAK nisi punën para 2 vitesh duke shpallur moskompetencën për dosjet famkeqe të blerjes së votave nga qeveritarët e lidhur me krimin ato 184 dhe 339 të cilat më pas ia përcolli Prokurorisë së Dibrës.

SPAK nuk hetoi krimin zgjedhor, i cili ne 9 vitet e fundit ka përcaktuar strukturën e shtetit.

Me këtë akt SPAK dëshmoi se është vetëm një bisht i i diskretituar i qeverisë.

SPAK po përdoret në mënyrë antiligjore, anikushtetuese për gjah ndaj opozitës dhe shënon kapjen dhe dështimin e plotë të reformës sorosiane të drejtësisë në Shqipëri./albeu.com

The post Zgjedhja e kreut të SPAK, PD: Procesi u njollos që në nisje, përplasja Kim-Rama tregoi se drejtësia është e kapur appeared first on Albeu.com.

Kim ka sqaruar marrëdhëniet diplomatike mes dy vendeve dhe ka theksuar se lidhja mes mes SHBA dhe Shqipërisë që kapërcen çdo qeveri, udhëheqës apo person.

“100 Vjet Bashkë: Në nder të 100-vjetorit të marrëdhënieve diplomatike mes Shqipërisë dhe Shteteve të Bashkuara, ambasada e SHBA në Tiranë organizoi mbrëmjen e djeshme shfaqjen e premierës së një dokumentari të veçantë që përkujton historinë e marrëdhënies. Midis të ftuarve ishin zyrtarë aktualë dhe ish-zyrtarë, politikanë, akademikë, sipërmarrës, përfaqësues fetarë, ushtarakë, media, shoqëri civile dhe të rinj. “Shpresoj të bindeni edhe më shumë se lidhja mes vendeve tona është e veçantë, e fortë dhe do të zgjasë. Është një lidhje që kapërcen çdo qeveri, udhëheqës apo person. Është një lidhje mes dy popujve me besimin e përbashkët në liri, demokraci, prosperitet dhe drejtësi. Është një lidhje që nuk mund të thyhet.” – thotë në dokumentar ambasadorja Yuri Kim. Dokumentari i 100-vjetorit është një prodhim i përbashkët i TV Klan dhe ambasadës së SHBA. Dokumentari i plotë do të transmetohet së shpejti në TV Klan, ndaj na ndiqni në vijim për më shumë detaje”, thuhet në mesazh.

Kujtojmë se procesi i zgjedhjes kreut të SPAK ka sjellë një krisje të marrëdhënieve mes ambasadores amerikane dhe qeverisë.

Duket se Ambasada ka marrë sinjale të qarta për përpjekje për të ndërhyrë në procesin e përzgjedhjes së drejtuesit të ri të Prokurorisë së Posaçme, ndryshe nuk shpjegohet këmbëngulja publike dhe e vazhdueshme ndaj kësaj çështje. Fillimisht ambasadorja Kim e ngriti shqetësimin sapo KLP miratoi tre kandidatët Adnan Xholi, Altin Dumani dhe Edvin Kondili.

Ndërsa dy ditë më parë, duke folur në një aktivitet të Këshillit të Lartë Gjyqësor deklaroi se emërimet në institucionet e Drejtësisë nuk duhet të shënojnë një kthim në të shkuarën.

Në mesin e këtyre pikëpamjeve të saj, ministria e Jashtme shqiptare, në mënyrë të papritur dhe në shkelje të praktikave diplomatike, nxori një njoftim se kishin nisur procedurat e zëvendësimit të ambasadores Kim, e ardhur në Shqipëri në janar të vitit 2020.

Por Kim deklaroi, qartazi si përgjigje ndaj ministrisë së Jashtme, se “do të qëndroj dhe ca më gjatë” se mandati që si rregull zgjat 3 vjet.

Kurse kryeministri Rama i pyetur nëse ka një krisje marrëdhënieje me ambasadoren u shpreh se ngjitja e tyre është më e fortë se kurrë./albeu.com

The post Mesazh për mazhorancën? Yuri Kim: Lidhja SHBA-Shqipëri kapërcen çdo qeveri e udhëheqës appeared first on Albeu.com.

Është pikërisht qeveria që kërkon të mbajë me pluhur këto dosje duke kërkuar që të zgjedhë në krye të SPAK-ut një emër të sajin, ndërsa amerikanët mbështesin prokurorin Altin Dumani me shpresën se ai do t’i japë një frymë tjetër këtij institucioni duke iu përgjigjur edhe pritshmërive të shqiptarëve.

Ata që qëlluan “fishekun” të parët ishte qeveria duke thënë publikisht se Yuri Kim po ikën dhe se ka filluar procedura për zëvendësimin e saj.

Kjo ngjalli reagimin e amerikanëve, ndërsa ambasadorja Kim prej tre ditësh reagon publikisht në lidhje me Reformën në Drejtësi dhe nevojën e Shqipërisë për të luftuar korrupsionin, gjë e cila në fakt është një përgjigje ndaj tentativave të qeverisë për të kapur edhe kokën e SPAK-ut.

Në këtë kontekst, Kim doli sot në një konferencë të posaçme për shtyp duke dhënë tre mesazhe të forta.

Mesazhi nr.1: Jam këtu, nuk iki

Ndërkohë që qeveria rreket t’i kujtojë anëtarëve të KLP-së se Kim po ikën dhe duhet të votojnë emrin e maxhorancës për në krye të SPAK, Yuri Kim e thotë hapur: Nuk iki, jam këtu edhe për një kohë të gjatë!

Ky mesazh shkon për anëtarët e KLP-së që të mos shantazhohen nga qeveria, por edhe ndaj Ramës dhe të vetëve që “të mos kruhen shumë”.

Mesazhi nr.2: Nuk heshtim

Ambasadorja e pranon se ka patur shumë rezistencë për implementimin e Reformës në Drejtësi duke theksuar se shpesh pala shqiptare ka dashur që ajo të heshtë, ndërsa konfirmon se Shqipëria është aleate e besuar e SHBA-ve. Në këtë mënyrë, ambasadorja vë në pah interesat e vendit dhe aleancës mbi ato të maxhorancës për të kapur kreun e SPAK duke e cilësuar korrupsionin një rrezik kombëtar.

Mesazhi nr.3: Enver Hoxha rrotullohet në varr

Edhe pse me shumë delikatese, ambasadorja Kim i kujtoi maxhorancës lidhjet me komunizmin dhe qasjen autoritare të kësaj maxhorance, e cila pasi kapi biznesin, median dhe çdo qelizë të shoqërisë shqiptare, tani do të kapë përfundimisht edhe drejtësinë.

Pas “silurëve” të Yuri Kim, mbetet për t’u parë se cili do të jetë reagimi i maxhorancës tani. /albeu.com

The post Lufta për kreun e SPAK, tre “silurët” e Yuri Kim ndaj qeverisë appeared first on Albeu.com.

“Grupet kriminale kanë ndryshuar aktivitetin kohët e fundit. Kanë shtrirë aktivitetin në vendet ku prodhohet droga, ku tregtohet madje edhe në Dubai. Gjithashtu grupet kriminale janë vërë shumë të egra. Flas për vrasjet e ndodhura kohët e fundit”, ka thënë drejtuesi i SPAK.

Më tej, Kraja u shpreh se nuk ka asnjë shtet, nuk lufton i vetëm aktivitetin e grupeve kriminale, prandaj sipas tij është krijuar dhe Struktura e Posaçme Kundër Korrupsionit dhe Krimit të Organizuar./albeu.com

The post Kreu i SPAK: Grupet kriminale janë bërë shumë të egra, kanë shtrirë aktivitetin deri në Dubai appeared first on Albeu.com.

Më 29 tetor Prokurori Adnan Xholi ka depozituar kërkesën dhe ka shprehur interesin për drejtues të Prokurorisë së Posaçme kundër Korrupsionit dhe Krimit të Organizuar.

Me Kondililin shkon në dy numri i kandidatëve që kërkojnë të zëvendësojnë drejtuesin aktual të SPAK, Arben Kraja, mandati i të cilit përfundon në dhjetor të këtij viti.

The post EMRI/ Gara për kreun e SPAK, depozitohet kandidatura e dytë appeared first on Albeu.com.

Në një intervistë për “Ora e Betit” në RTV Ora, Meta tha se personat në fjalë mund të qëndrojnë në hetim për 100 vite dhe në këtë kohë mund të bëhen qindra afera të tjera.

Sipas tij njerëzit që kanë pushtet nuk kanë frikë nga drejtësia e re sepse e ndjejnë që e kanë atë nën kontroll.
“Ato mund të qëndrojnë në hetim për 100 vite dhe për 100 vite këtu bëhen me qindra afera të tjera. Ne kemi nevojë për një drejtësi të shpejtë. 26 vende ka humbur Shqipëria në 6 vite. Kjo do të thotë që njerëzit që ka në pushtet nuk kanë frikë nga drejtësia e re sepse e ndjejnë që e kanë atë në kontroll”, deklaroi Meta.

The post “Po hetohen ministra dhe deputetë”, Meta pas deklaratës së Krajës: Puna e tyre mund të shkojë dhe 100 vite, nevojitet drejtësi e shpejtë appeared first on Albeu.com.

Gjatë një interviste për RTSH, Kraja u tregua i rezervuar, duke përmendur “sekretin hetimor”, megjithëse theksoi se po kryhen të gjitha hetimet për të kuptuar se çfarë ka ndodhur.

“Çështja ndaj ish- presidentit është hapur, si një kallëzim i gazetarëve dhe i një ish- deputeti. Po hetohet dhe po kryhen të gjitha veprimet e nevojshme për të sqaruar çfarë ka ndodhur. Unë jam një nga prokurorët e çështjes. Nuk mund të flas për gjëra konkrete, pasi çështjet janë në hetim. Ne po kryejnë të gjitha veprimet për të kuptuar çfarë ka  ndodhur”, pohoi Kraja.

I pyetur nëse kanë marrë përgjigje nga bankat, Kraja tha: Shkojnë kërkesa dhe vijnë përgjigje, pa diskutim.

Po letërporosi nga SHBA? “Nuk dua të futem në detaje konkrete. Përgjigjet nuk kanë ardhur ende. Do t’i bëjmë të gjitha veprimet e mundshme, përfshirë edhe marrjen e provave jashtë vendit”, tha ai.

The post Ilir Meta nën hetim nga SPAK, flet Arben Kraja: Po kryejmë të gjitha veprimet e duhura appeared first on Albeu.com.

Kraja theksoi se i mirëpret sulmet që bëhen me idenë e mirë.

“Ne kryejmë veprime, mbledhim akte. Një herë na shan krahu tjetër. Nuk merrem me deklarata politike, e kemi të ndaluar të komentojmë me ligj. I jap të drejtë kujtdo që sulmon SPAK me idenë e mirë”, tha Kraja në një intervistë për emisionin “Pa Censurë” në RTSH.

Kryeministri Rama tha; “SPAK po kap cironka me dinamit por s’po kap peshkaqenë”.

S’komentoj asnjë deklaratë politike.

Si nuk ka asnjë peshkaqen?

Pse duhet ti paragjykojmë ata? Kemi ish-ministra, dhe deputetë, të arrestuar. Nëse do ketë prova, do ketë të arrestuar dhe ministra.

Çështja e incenetartorëve është çështjes komplekse. Kemi 3 çështje penale për secilin inceneratorët. Janë të përfshirë disa institucione me praktika pune. Është veprimtari e gjerë që kërkon kohën e duhur për tu hetuar. Duhet të hetosh të gjitha detajet, qoftë për problemet. Ne kemi ecur mirë, janë bërë publike disa herë njoftime për konkluzionet që kemi. Vijojmë hetimet.

Çështja do të mbyllet me dy të arrestuar apo më shumë?

Këtë se di, po vazhdojmë me intensitet të lartë për të vijuar gjithçka. S’jap detaje se pse është ky brenda dhe ai jashtë. Nuk mund të mos jetë e vërtetë ajo që ka konstatuar deri tani prokurorët

Sa duhet të presim që të kryhet çështja?

Deri sa të mbyllen hetimet. Një vit e gjysmë ka që hetohet./albeu.com/

The post “Gjuajnë cironka me dinamit dhe jo peshkaqenë”, Arben Kraja i përgjigjet Edi Ramës appeared first on Albeu.com.