Berisha: Pa asnjë dyshim është më e mira e kësaj shoqërie. Është më e mira në familje, në shoqëri, është më e njerëzishmja në të gjitha aspektet. Në testin e inteligjencës ka 10 vite që pikët e grave dhe vajzave dalin më të larta se të burrave.

Nga ana tjetër ish-kryeministri thotë se është e nevojshme një forcim më tepër i ligjit për parandaluar keqtrajtimin e grave dhe vajzave.

Berisha: Duhet një rreptësi e madhe ligjore ndaj praktikave të trashëguara të keqtrajtimit të vajzave dhe grave. Në interesin më absolut të familjes, shoqërisë është shembja e murit mijëvjeçar të patriarkisë. Mur që është gjeneratori më kryesor i dhunimit dhe të drejtave njerëzore sot në tokë dhe që operon në të gjitha shoqëritë, diku më shumë dhe diku më pak. Politika duhet të jetë e angazhuar me të gjitha format nga familja dhe barazia në familje në barazinë e plotë në të gjitha aspektet e tjera shoqërore.

The post Çfarë është një grua për Sali Berishën? Në testin e inteligjencës janë ma lart se burrat appeared first on Albeu.com.

Pas marrëveshjes që bëri me partitë aleate të PD-së, Berisha tashmë po bisedon me Kujtim Gjuzin, Nard Ndokën, Sali Shehun, Ekrem Spahinë, Adriatik Alimadhin, Kujtim Gjuzin dhe Kostaq Papën.

Kujtojmë se ditën e sotme edhe Gazment Bardhi, i mandatuari i grupit të Alibeajt për negociatat me Berishën, deklaroi se opozita duhet të dalë më një emër të vetëm në zgjedhje./albeu.com/

The post Pas marrëveshjes me aleatët, Berisha mbledh në seli krerët e partive jashtë-parlamentare appeared first on Albeu.com.

Që në nisje të fjalës së tij, Berisha theksoi se një nga problemet që po vuan sot Shqipëria është braktisja e vendit.

“Ju përshëndes të gjithë ju, të gjithë demokratet dhe demokratët e Shijakut. U shpreh mirënjohjen më të thellë për mbështetjen tuaj më të çmuar, mbështetjen e Shijakut, burrave dhe grave, djem e vajza të kësaj zone, zonë e mirënjohur për virtytet mençurinë dhe atdhetarinë e saj. Zgjedhja që në tërësi ka bërë Shijaku në këto dekada, ka qenë në përputhje me shpirtin e lirë të qytetarëve, banorëve të vet, atdhetarisë së tyre dhe përpjekjes për një Shqipëri të zhvilluar, demokratike dhe të integruar në BE.

Sot Shijaku dhe mbarë Shqipëria, përjetojnë një periudhë krize të vërtetë, të thellë, e cila shprehet me një braktisje të pashembullt të vendit, Shijakut dhe Shqipërisë nga qytetarët e vendit. Kjo braktisje në të vërtetë është shumë më e dhimbshme, e hidhur, se sa ajo që ndodhi në vitin 1991. Është shumë më e dhimbshme dhe e hidhur, sepse në vitin 1991, ne jemi dëshmitarë, ne vërtetë fituam lirinë, por ishim nën tiraninë e tmerrshme të mjerimit.

Qytetarët shqiptarë në vitin 1991, ishin qytetarët e tretë më të varfër të planetit. Vinin pas qytetarëve të Ugandës dhe Angolës. Kështu që ai largim masiv nga Shqipëria i vitit 1991, lidhet me dhimbjet e mëdha që krijonte tirania e mjerimit, pavarësisht se liria u fitua, nga diktatura dolëm, por ajo që vazhdoi ishte mjerimi i thellë në të cilën na kishte zhytur diktatura. Sot jo, sot është një regjim. Për 30 vite Shijaku ndryshoi shumë, Shqipëria ndryshoi shumë. Nga viti 2007-2014, banorët e Shijakut, Shqipërisë, u rritën nga viti në vit dhe kjo është statistikë e vërtetë. Nga viti 2014 deri në vitin 2021, nga Shijaku, Durrësi, Tirana dhe mbarë Shqipëria u larguan 26% e popullatës, më shumë se 744 mijë qytetarë, veç në BE, pa llogaritur këtu ata që ikën në Kanada, SHBA apo vende jashtë hapësirës evropiane.”, tha Berisha.

The post “Po përjetojmë periudhë krize”, Berisha: Në 7 vite është larguar 26% e popullsisë nga Shqipëria appeared first on Albeu.com.

Gjatë takimit Berisha tha se rritja e çmimit të energjisë po shkatërron bizneset shqiptare.

Kreu i PD-së ka shtuar se qeveria ka blerë energji çdo dy ditë dhe nuk ka bërë asnjë tender.

“Nafta është bërë një ‘shpatë demokleu’ në qafën e shqiptarëve. Energjia po keqpërdoret, jo vetëm në një skemë të papërmbajtur vjedhjeje, nafta dhe energjia elektrike. Nuk ka logjikë në botë që të pranojë që në Shqipëri nafta të shitet me 3-fishin e çmimit të bursës, ndërkohë më përpara është shitur me dyfishin e çmimit. Sot ajo shitet 3 pikë sa herë më shumë.

Nuk ka logjikë ekonomike që të pretendohet se, do të ndërpresim energjinë, në vitet më të lagëta të vendit, që 99.9% të energjisë elektrike e ka nga uji. Të vendit që ka prodhuar falë burimeve të reja, 9 terravat nga 7 që konsumon në total. Rritja e çmimit për bizneset, shkatërrimtare. Dalja në treg e sektorit energjetik shqiptar është kryekëput e bazuar në vjedhje. Shqiptarët duhet ta dinë se kjo qeveri, me dokumente, ka blerë energji me 250 euro megavatin, në një kohë kur në bursë shitej me 80-82 euro. Duhet ta dinë se blejnë energji me 520 euro, kur në bursë shitet me 410 euro. Blejnë energji çdo 2 ditë dhe nuk bëjnë një tender dhe një kryeministër që terrorizon qytetarët dhe u thotë se, por nuk u gjet energji në”, tha Berisha./albeu.com

The post Në Shqipëri nafta 3 herë më shtrenjtë se në bursë, Berisha: Qeveria blen energji çdo dy ditë appeared first on Albeu.com.