I ftuar për të folur për këtë çështje ishte kreu i LZHK-së Dashamir Shehi.

I pyetur nga moderatorja Xhokaxhi se si u ndie pasi emri i tij si kandidat për president u propozua nga kreu i PAA, Agron Duka, Shehi tha se sa herë ka zgjedhje për president emri i tij lakohet, por nuk do të jetë ai.

Sipas tij Presidenti i Republikës do të jetë një person politik i zgjedhur nga e majta.

Pjesë nga biseda:

Xhokaxhi: Zoti Shehi si u ndiet kur Agron Duka propozoi emrin tuaj për President të Republikës?

Shehi: Emrin tim e  kanë thënë përherë.

Xhokaxhi: Si ka mundësi që sa herë ka zgjedhje për president, lakohet emri juaj?

Shehi: Unë jam një personazh komod, këtyre që kanë pushtetin nuk ju vjen mirë. Unë e falënderoj zotin Duka, por zgjedhja e presidentit është një proces politik. Që nga viti 2008-të Presidenti i Shqipërisë është një njeri partie, deri dje ishin dy të PD-së, ndërsa herën e fundit ishte i PS-së dhe LSI-së. Unë them që kjo që ndodhi në 2008-n e zhveshi presidentit.

Xhokaxhi: Por nuk është zgjedhje e parëndësishme?

Shehi: Kjo është një gjë në dorë të Ramës. Ai njeriun e vet do vejë, por ta marrë seriozisht mos e bëj një lloj tallavaje, pasi do zhvlerësojë personazhin që do vëjë në krye.

Xhokaxhi: Duhen negociatat me opozitën?

Shehi: Edhe opozita duhet të tregojë seriozitetin e vet, duhet të kishte nxjerrë disa personazhe për të thënë se edhe ne i kemi ca burra, edhe pse do e zgjedhë Rama. Por edhe për tu thënë ndërkombëtarëve që ne po fillojmë një linjë institucionale. Por shumë gjëra varen nga PS, sepse nëse ata do e degjenerojnë procesin, opozita nuk duhet të merret fare./abcnews.al

The post Kandidat për President? Shehi flet pas propozimit të Dukës appeared first on Albeu.com.

Shehi tha se kjo është një nismë e nxituar. Sipas tij deputetët duhet ta shohin me më shumë qetësi, pasi lufta nuk është me SHBA-të por me kryeministrin Edi Rama.

Sipas Shehit, opozita duhet të merret me problemet e veta të brendshme dhe jo të sulmojë ambasadorët e akredituar në Tiranë.

Komentet Shehi i bëri teksa ishte i ftuar në “Radari Informativ” në Abc, Shehi ka komentuar nismën e një grupi deputetësh të opozitës, të cilët po mbledhin firmat për një peticion kundër ambasadores Yuri Kim, të cilën do ta dërgojnë në DASH.

Pjesë nga biseda:

Pyetje: Në 24 orët e fundit po organizohet një peticion kundër ambasadores së SHBA në Shqipëri?

Shehi: Unë them se është një iniciativë pa shumë të ardhme. Unë nuk do ju bashkohesha.

Pyetje: Pse?

Shehi: Unë gjykoj se nuk është normale në një vend si Shqipëria të organizosh peticione për një vend që është miku më i madh i Shqipërisë. A është më e mirë kjo ambasadorja, a ishte ai që ishte përpara, apo ajo që do vijë kjo ha diskutim. Tani ka njerëz që e bëjnë mirë ambasadorin e disa të tjerë jo. Ka pas njerëz në Shqipëri, ambasadorë që nuk kanë qenë të pëlqyeshëm. Kjo nuk është tema që ne duhet të merremi si opozitarë.

Pyetje: Berisha ishte ai që e akuzoi Ambasadoren?

Shehi: Berisha e ka këtë konflikt me Amerikën se e ka shpall non-grata dje ka të drejtën e vet. Por opozita shqiptare nuk duhet të jetë entuziaste me këtë rrugë, ne e kemi betejën me Ramën. Ne duhet të zgjidhim këtë situatën tonë të brendshme, ne po kthehemi si në kohë të Enver Hoxhës. Unë e kuptoj që ambasadorja mund të mos jetë personazhi më i dashur, por kjo është. Kjo është një tezë pa vlerë. Do i thoja kolegëve të mi opozitarë ta shohin pak me qetësi, të shohim çikë dhe ke vetja, ne nuk paskemi faj fare, ata matanë na e kanë fajin. Ku kemi gabuar ne, ku si kemi pëlqyer SHBA-ve./albeu.com/

The post Peticioni kundër Kim, Shehi: Unë nuk bashkohem, është nismë e nxituar appeared first on Albeu.com.