Përmes një postimi në platformat sociale, Bardhi vë në dyshim vërtetësinë e pohimeve të Ramës se qytetarët e huaj mbeten jashtë kësaj iniciative. Sipas tij, mjafton një verifikim i thjeshtë në portalin qeveritar e-Albania për të parë se ofrohet qartësisht opsioni i aplikimit si “shtetas i huaj”, çka bie ndesh me versionin e kryeministrit.

Në reagimin e tij, demokrati ka ndarë një material filmik ku ndër të tjera shfaqet një bashkëbisedim me ChatGPT-n. Ai e akuzon Ramën se po e përdor inteligjencën artificiale si një vegël për të mbështetur propagandën dhe për të shitur një ligj që i shërben klientelizmit.

Bardhi thekson se as vajza e Ramës, Diella, nuk i beson më të atit, duke shtuar se mjafton një klikim i thjeshtë në platformën zyrtare ose një pyetje e sinqertë drejtuar AI, pa i sugjeruar përgjigjen, që propagandës së kryeministrit t’i bjerë e gjithë maska. Deklarata e tij mbyllet me thirrjen e njohur: “Rama, jep dorëheqjen!”, duke nënvizuar se asnjë lloj inteligjence artificiale nuk e shpëton dot më nga kjo kërkesë.

The post Gazment Bardhi akuzon Ramën për gënjeshtër mbi “Paketën e Maleve”: E-Albania e demaskon, as vajza e tij nuk i beson më appeared first on Albeu.com.