“Në fakt, që në fillim, ishte avancimi i infrastrukturës ushtarake të NATO-s dhe depërtimi i kësaj infrastrukture ushtarake në Ukrainë që mund të përmendet ndoshta si një nga shkaqet themelore të situatës së konfliktit që lindi”, tha ai.

“Prandaj, ne kemi një qëndrim negativ për këto diskutime”.

Të gjitha palët u pajtuan se garancitë e sigurisë për Ukrainën duhet të jenë pjesë e një marrëveshje të paqes, por kanë dallime thelbësore se çfarë forme duhet të marrin këto garanci.

Rusia thotë se duhet të jetë një nga garantuesit e sigurisë së Ukrainës dhe dëshiron të ringjallë një propozim që palët e kanë diskutuar më 2022, në javët e para të luftës. Kievi e refuzon një gjë të tillë, duke thënë se do t’i jepte Moskës veto ndaj çdo mbështetje të jashtme ushtarake për Ukrainën.

Peskov tha se garancitë e sigurisë ishin “ndër temat më të rëndësishme”, por Rusia nuk beson se është e dobishme që këto tema të diskutohen publikisht. Ai tha se samiti që u mbajt këtë muaj mes presidentit amerikan, Donald Trump, dhe atij rus, Vladimir Putin, ishte “shumë përmbajtësor, konstruktiv dhe i dobishëm”.

Trump ka thënë se SHBA-ja nuk do të dislokojë trupa në Ukrainë si pjesë e ndonjë garancie sigurie në të ardhmen. Por, ai e ka lënë të hapur mundësinë për përfshirje të tjera ushtarake amerikane, përfshirë mbështetje ajrore dhe të inteligjencës.

Peskov tha se negociatorët rusë dhe ukrainas për paqen ishin në kontakt, por se ai nuk mund të jepte një datë për kur ata do të takoheshin sërish. Dy delegacionet zhvilluan për herë të fundit bisedime ballë për ballë në Stamboll më 23 korrik, në një takim që zgjati vetëm 40 minuta./ REL

The post Kremlinit nuk i pëlqejnë propozimet evropiane për garanci të sigurisë për Ukrainën, Peskov: Kemi një qëndrim negativ për këto diskutime! appeared first on Albeu.com.

Armëpushimi i propozuar nga Rusia do të ndodhte nga 8 deri më 10 maj, kur Rusia shënon 80-vjetorin e fitores kundër Gjermanisë naziste në Luftën e Dytë Botërore.

Zelensky vuri në dyshim nevojën për të pritur deri atëherë për një armëpushim, duke thënë se kjo ishte një lëvizje “vetëm për t’i siguruar Putinit heshtje për paradën e tij”.

“Ne vlerësojmë jetët njerëzore, jo paradat”, tha Zelensky në adresimin e tij të përnatshëm, duke propozuar një armëpushim “të menjëhershëm, të plotë dhe të pakushtëzuar” për 30 ditë.

Një propozim nga Shtetet e Bashkuara të Amerikës për një armëpushim të pakushtëzuar, me të cilin Ukraina ishte pajtuar, gjithashtu mbetet opsion, përsëriti Zelensky.

“Rusia e di saktësisht se çfarë duhet të bëjë dhe si të përgjigjet: të ndalojë sinqerisht sulmet”, tha ai.

Ministri i Jashtëm i Ukrainës tha më herët se njoftimi i Kremlinit më 28 prill ishte i pasinqertë dhe se armëpushimi duhej të fillonte menjëherë.

Përgjigja e Rusisë më 29 prill, megjithatë, ishte refuzimi i armëpushimit më të gjatë “të menjëhershëm”, me zëdhënësin e Kremlinit, Dmitry Peskov, që tha se disa çështje duhej të zgjidheshin më parë.

“Pa përgjigje për këto pyetje, është e vështirë të hyhet në një armëpushim afatgjatë”, tha ai.

Putin ka deklaruar më parë, gjatë negociatave mbi propozimin amerikan, se plani duhet të përmbante klauzola që ia ndalojnë Ukrainës ta përdorë pauzën për t’u riorganizuar dhe për t’u armatosur, si dhe ndalimin e furnizimeve me armë nga Perëndimi për Kievin. Ai nuk ofroi asnjë kompromis nga ana e Rusisë në këmbim.

Kjo është hera e dytë këtë muaj që Kremlini bën thirrje për ndalim të luftimeve. Një propozim për pushimet e Pashkëve në fillim të këtij muaji u injorua gjerësisht, ndërsa Rusia dhe Ukraina vazhduan ta godasin njëra-tjetrën.

Ashtu si çdo vit gjatë presidencës së tij, Putin do të drejtojë një paradë ushtarake në Sheshin e Kuq më 9 maj, për Ditën e Fitores, duke festuar rolin sovjetik në mposhtjen e Gjermanisë. Në vitet e fundit, ai ka shfrytëzuar këtë rast për të lavdëruar historinë sovjetike dhe ruse, ndërsa kritikon Perëndimin.

Festa ndodh ndërsa pushtimi rus i Ukrainës – tashmë lufta më e madhe tokësore në Evropë që nga Lufta e Dytë Botërore – po vazhdon pa ndërprerje në vitin e saj të katërt. Humbjet e Rusisë, në të vrarë ose të plagosur, tani besohet të jenë më të mëdha se të gjitha humbjet që ka pësuar në të gjitha konfliktet që ka luftuar që nga viti 1945.

Ministria ruse e Mbrojtjes tha se njësitë e saj të mbrojtjes ajrore shkatërruan 51 dronë ukrainas brenda më pak se tre orësh në mbrëmjen e 28 prillit. Një deklaratë e ministrisë e postuar në Telegram tha se njësitë e saj kishin shkatërruar 40 dronë mbi rajonin perëndimor të Kurskut. Dronë të tjerë u shkatërruan mbi rajonin qendror Oryol dhe Belgorod në jug, si dhe mbi Gadishullin e Krimesë dhe Detin e Zi.

Përpjekjet për të arritur një armëpushim dypalësh ose një marrëveshje më të gjerë paqeje u përshpejtuan pasi presidenti amerikan, Donald Trump, mori detyrën në janar, duke premtuar se do ta përfundonte luftën brenda 24 orëve.

Paraardhësi i tij, Joe Biden, refuzoi të angazhohej në bisedime të thella me Moskën për aq kohë sa pushtimi vazhdon.

Megjithëse Trump ka hapur bisedime të drejtpërdrejta me Moskën, zyrtarët rusë kanë kërkuar të zgjerojnë negociatat për të përfshirë jo vetëm konfliktin në Ukrainë, por edhe marrëdhëniet më të gjera dypalëshe midis Uashingtonit dhe Moskës.

Rusia dhe Ukraina ranë dakord për një armëpushim të kufizuar në mars, por të dy palët kanë vazhduar të sulmojnë njëra-tjetrën. Në fushëbetejë, forcat ruse kanë shfrytëzuar përparësinë, si në numër njerëzish ashtu edhe në armatim, për të lodhur trupat e Ukrainës.

Gjatë fundjavës, në margjinat e funeralit të Papa Françeskut në Vatikan, Trump pati takimin e tij të parë ballë për ballë me Zelenskyn që nga shkurti, kur bisedimet në Zyrën Ovale dështuan mes tensioneve.

Trump tha se takimi kishte shkuar mirë, por shtoi se mendonte se Zelensky ishte i gatshëm të dorëzonte Gadishullin e Krimesë të Ukrainës te Rusia si një kompromis – diçka që udhëheqësi ukrainas ka deklaruar prej kohësh se nuk do ta bënte kurrë.

Më vonë, Trump i bëri thirrje Putinit të “ndalojë të shtënat” dhe të pranojë një marrëveshje paqeje.

Zëdhënësja e Shtëpisë së Bardhë, Karoline Leavitt, e përforcoi këtë deklaratë më 28 prill.

“Trump dëshiron të shohë një armëpushim të përhershëm. Unë e kuptoj se Vladimir Putin, këtë mëngjes, ofroi një armëpushim të përkohshëm”, tha ajo. “Presidenti ka bërë të qartë se dëshiron të shohë një armëpushim të përhershëm për të ndalur vrasjet, për të ndalur gjakderdhjen.”

Ekspertët thonë se Putini po e zvarrit procesin e negociatave sepse forcat e tij kanë epërsi në fushëbetejë dhe një armëpushim në vijën aktuale të kontaktit do ta linte atë pa arritur një nga qëllimet e tij kryesore: pushtimin e plotë të katër rajoneve ukrainase që Moska pretendon se ka aneksuar: Donjckun, Luhanskun, Zaporizhjan dhe Hersonin.

Ata shtojnë se dorëzimi i territorit Rusisë do të ishte politikisht dhe kushtetuesisht i pamundur për Zelenskyn. Qytetarët dhe ligjvënësit ukrainas duket se janë fuqishëm kundër kësaj ideje.

Rusia dëshiron që çfarëdo marrëveshje paqeje ta njohë kontrollin e saj mbi pothuajse 20 për qind të Ukrainës, përfshirë Krimenë. Ajo gjithashtu kërkon që Ukraina të çarmatoset dhe të mbahet jashtë NATO-s. Moska ka refuzuar gjithashtu kërkesën e Kievit për një forcë paqeruajtëse perëndimore që do të monitoronte çfarëdo marrëveshje armëpushimi./REL

The post Kremlini refuzon ofertën e Zelenskyt për armëpushim 30-ditor appeared first on Albeu.com.

Putin urdhëroi të hënën një rritje të përmasave të ushtrisë së rregullt ruse me 180,000 trupa për të sjellë trupat e shërbimit aktiv në 1.5 milion, në një masë që do ta bënte Rusinë të dytën më të madhe në botë pas asaj të Kinës.
 Kjo është për shkak të numrit të kërcënimeve ndaj vendit përgjatë perimetrit të kufirit tonë ,” tha zëdhënësi i Kremlinit Dmitry Peskov.

Lëvizja, hera e tretë që Putini zgjeron radhët e ushtrisë që kur dërgoi trupat e tij në Ukrainë në shkurt të vitit 2022, vjen ndërsa forcat ruse ngadalë shtyjnë në lindje të Ukrainës në pjesë të vijës së frontit masiv prej 1000 km dhe  përpiqen të dëbojnë forcat ukrainase nga Kursku i Rusisë.

Andrei Kartapolov, kryetar i Komitetit të Mbrojtjes të Dumës së Shtetit, dhoma e ulët e parlamentit rus, tha të hënën se një pjesë e arsyetimit për zgjerimin ishte krijimi i strukturave dhe njësive të reja ushtarake për të përmirësuar sigurinë në Rusinë veriperëndimore pas pranimit të fqinje me Finlandën në aleancën ushtarake të NATO-s.

Rusia ka ngritur gjithashtu shqetësime për atë që e quan militarizimi në rritje i Japonisë me mbështetjen e SHBA-së dhe planet e mundshme për të vendosur raketa amerikane atje.

The post Kremlini: Do krijojmë ushtrinë e dytë më të madhe në botë, shkak kërcënimet nga Perëndimi appeared first on Albeu.com.

Po të martën, ushtarë për të cilët zyrtarët e Kievit thonë se janë vullnetarë rusë që luftojnë për Ukrainën, njoftuan se kishin kaluar kufirin e Rusisë, një gjë që e kanë bërë disa herë që kur filloi lufta.

Rusia tha se i kishte zmbrapsur përpjekjet për inkursione, por pretendimet e asnjërës palë nuk kanë mundur të verifikohen.

Një dron ukrainas goditi dhe i vuri flakën një rafinerie nafte në rajonin e Nizhny Novgorodit, sipas guvernatorit rajonal Gleb Nikitin. Ky rajon ndodhet rreth 775 kilometra larg kufirit me Ukrainën.

Në një sulm tjetër në thellësi të Rusisë, një dron u rrëzua në rajonin e Moskës, tha kryebashkiaku i Moskës Sergei Sobyanin. Megjithëse ai ra larg qendrës së qytetit, droni ishte pranë Aeroportit Zhukovsky, një nga katër aeroportet ndërkombëtare të Moskës.

Një tjetër dron goditi një depo nafte në Oryol, 116 kilometra larg Ukrainës.

Sulmet duken të jenë dëshmi e sofistikimit në rritje të teknologjisë ukrainase të dronëve dhe rritjes së guximit për ta çuar frontin e luftës në Rusi.

Presidenti ukrainas Volodymyr Zelenskyy tha vitin e kaluar se vendi i tij ka zhvilluar një mjet luftarak me rreze veprimi prej 700 kilometrash, mesa duket duke iu referuar dronëve.

Ukraina gjithashtu ka dërguar gjithnjë e më shumë dronë detarë në Detin e Zi, ku pretendon se ka fundosur anije luftarake ruse./VOA

The post Ukraina godet objektiva në thellësi të Rusisë appeared first on Albeu.com.

Sipas raportimeve të mediave të huaja, në kishën ku po kryhet ceremonia mortore, por edhe në segmentet drejt varrezave ku do të prehet në Moskë, ka një prani tepër të madhe të forcave të policisë.

Ndërkohë, gazetarët kanë kërkuar të marrin një reagim nga zëdhënësi i Kremlinit, i cili ka deklaruar se në fakt nuk kanë asgjë për të komentuar për Alexei Navalny, teksa përsëriti mesazhin për qytetarët se nëse do të kenë protesta për të, secili që merr pjesë do të përballet me përgjegjësitë ligjore.

“Kremlini nuk ka asgjë për t’i thënë familjes së Navalny në ditën e funeralit të tij”, deklaroi Dmitry Peskov.

The post Moska “blindohet” për përcjelljen e Navalnyt drejt banesës së fundit, Kremlini mesazh për qytetarët appeared first on Albeu.com.

“Shpresoj që [samiti] do të zhvillohet këtë pranverë. Nuk duhet të humbim këtë inciativë diplomatike”, ka thënë Zelensky, duke shtuar se pret që rezultatet t’i prezantohen më pas Moskës.

Mirëpo zëdhënësi i Kremlinit, Dmitry Peskov e ka quajtur më 26 shkurt këtë si “të çuditshme”.

“Aq sa e kemi kuptuar, çështja në agjendë është e çuditshme, e ashtuquajtura platforma e Gjenevës – një konferencë për të diskutuar planin e Zelenskyt për paqe”.

“Ne e kemi thënë vazhdimisht që ky është aranzhim i çuditshëm, sepse disa plane për paqe janë duke u diskutuar pa pjesëmarrje të Rusisë, dhe kjo gjë në fakt nuk është serioze, është qesharake”, ka thënë Peskov në konferencë për media.

Ndërkohë, rreth 20 liderë perëndimorë dhe zyrtarë të lartë do të diskutojnë në Paris për të riformuar vendosmërinë e Evropës për të përkrahur Ukrainën, teksa lufta ka hyrë në vitin e tretë.

“Ne duam t’i dërgojmë [presidentit rus Vladimir] Putin mesazh shumë të qartë, që ai nuk do të fitojë në Ukrainë”, ka thënë një këshilltar i presidentit francez, Emmanuel Macron para gazetarëve.

Forcat e dërmuara ukrainase janë duke u përballur me vështirësi, për shkak të mungesës së armëve të rënda dhe municioneve, teksa ndihma tejet e nevojshme amerikane është ende e bllokuar në Kongresin amerikan, meqë disa republikanë kundërshtojnë të japin dritën jeshile për pakon në vlerë të 61 miliardë dollarëve, me arsyetimin se duhen masa më të ashpra për migrimin në SHBA.

Lufta në Ukrainë ka nisur më 24 shkurt të vitit 2022.

Presidenti Putin e quan luftën “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.

The post Kremlini ka hedhur poshtë mundësinë e bisedimeve për paqe, pa praninë e Rusisë appeared first on Albeu.com.

“Pesëmbëdhjetë janë plagosur, në mesin e tyre një fëmijë”, tha Dmytro Lunin, guvernatori i rajonit qendror, Poltava, i cili përfshin edhe Kremençukun.

“Një person është vrarë”, shtoi ai.

Më herët gjatë ditës së premte, Lunin tha se Rusia e sulmoi me raketa infrastrukturën civile në qytetin qendror ukrainas.

“Një raketë u rrëzua nga forcat e mbrojtjes ajrore. Të gjitha shërbimet relevante po punojnë në vendin e ngjarjes”, tha ai.

Në fillim të kësaj jave, trupat ruse e goditën një rafineri nafte në Kremençuk.

Kryeministri i Ukrainës, Denys Shmygal, tha të premten se Rusia e ka rinisur fushatën sistemike të sulmeve ajrore ndaj infrastrukturës së energjisë së Ukrainës, por shtoi se mbrojtja ajrore e Ukrainës është e përgatitur më mirë këtë vit sesa vitin e kaluar.

Gjatë vitit të kaluar, forcat ruse kryen sulme të vazhdueshme ndaj rrjetit të energjisë së Ukrainës, duke i lënë miliona njerëz pa rrymë, ngrohje dhe ujë për kohë të gjatë./rel

The post Një i vrarë dhe 15 të plagosur nga sulmet ruse në Kremençuk appeared first on Albeu.com.

“Natyrisht, versione të ndryshme po shqyrtohen, duke përfshirë versionin, ju e dini se për çfarë po flasim, le të themi, një mizori e qëllimshme”, u tha gazetarëve zëdhënësi i Kremlinit Dmitry Peskov kur u pyet për hetimin, sipas Reuters.

I pyetur nëse Organizata Ndërkombëtare e Aviacionit Civil do të hetonte përplasjen, Peskov tha se rrethanat e bënë atë ndryshe, por paralajmëroi se hetuesit nuk kishin arritur ende në konkluzione zyrtare për atë që ndodhi saktësisht.

“Le të presim rezultatet e hetimit tonë rus”, tha Peskov.

Avioni privat Embraer në të cilin Prigozhin po udhëtonte për në Shën Petersburg nga Moska u rrëzua në veri të Moskës, duke vrarë të 10 personat në bord më 23 gusht, duke përfshirë dy figura të tjera kryesore të Wagner, katër nga truprojat e Prigozhin dhe një ekuipazh prej tre personash.

The post Kremlini e pranon: Avioni i Prigozhin mund të jetë rrëzuar qëllimisht appeared first on Albeu.com.

“Grupi Wagner do të pushojë së ekzistuari”, njoftoi të hënën nënkryetari i Dumës ruse, Viktor Sobolev, një nga bashkëpunëtorët e ngushtë të Vladimir Putinit, duke u dërguar një ultimatum luftëtarëve të grupit.

“Luftëtarët do të jenë në gjendje të ndjekin një jetë civile ose të nënshkruajnë një kontratë me Ministrinë e Mbrojtjes. Ky është një formacion i armatosur i paligjshëm. Nuk duhet të ketë njerëz të armatosur që nuk janë nënshtetas të shtetit. Kjo përfundimisht çoi në një kryengritje. Ne ishin në prag të luftës civile”, tha Sobolev, duke iu referuar përpjekjes për grusht shteti të 24 qershorit nën Yevgeny Prigozhin.

Sobolev sqaroi gjithashtu se vetëm ata luftëtarë të Wagner që nuk morën pjesë në kryengritjen e qershorit mund të nënshkruajnë një kontratë me Ministrinë e Mbrojtjes.

Zëdhënësi i Putinit Dmitry Peskov tha të premten se Grupi Wagner nuk ka status zyrtar ligjor.

Wagner ekziston “si një grup që dha një kontribut të madh” në operacionin ushtarak rus në Ukrainë, tha Peskov, duke vlerësuar “heroizmin” e luftëtarëve të tij.

Duke u përpjekur të parandalonte vazhdimin e një rebelimi të mundshëm për të mos përsëritur skenën e kryengritjes së qershorit, Putin u bëri thirrje luftëtarëve të Wagnerit, si dhe ushtarëve që lëviznin individualisht në luftë, që të betoheshin për besnikëri ndaj regjimit rus.

Thirrja e Putinit u drejtohet atyre që janë aktivë në fushën e betejës në Ukrainë, në një kohë kur mbështetja ushtarake perëndimore për Kievin është rritur dhe Putini, i goditur nga rezistenca e opozitës, po tenton një tubim të fuqishëm që nuk lë vend për largim.

Putin, në veçanti, nënshkroi një dekret të premten, dy ditë pas rrëzimit të avionit të avionit privat në të cilin ndodhej Prigozhin.

Megjithatë, luftëtarët e Wagner janë ende duke i mbajtur letrat afër. Askush nuk e di nëse do të vazhdojnë operacionet ushtarake në Ukrainë, Bjellorusi apo Afrikë, stacioni i fundit i shefit të Wagner nga ku ai transmetoi mesazhin para se të vritej.

Megjithatë, grupi i Wagner, Rusich i ekstremit të djathtë, njoftoi të shtunën se po ndalon operacionet ushtarake në Ukrainë.

The post Kremlini i vendos ultimatum grupit “Wagner”: Nuk mund të ekzistojnë akoma appeared first on Albeu.com.

Por nëse ai nuk ka vdekur, atëherë çfarë kuptimi ka media shtetërore ruse që raporton pretendime të tilla?

Analisti ushtarak Sean Bell thotë se kjo mund të jetë një dredhi për ta lënë shefin e Wagner-it të jetojë i qetë në mërgim.

“Ne prisnim rreth tre muaj që pluhuri të qetësohej përpara se Putini të merrej me problemin që është Prigozhin, por në fakt është dy muaj më vonë”, thotë ai.

“Kjo mund të ketë qenë një histori e projektuar që Prigozhin të largohet qetësisht dhe të jetojë në mërgim diku, nën një parukë dhe me një shkallë privatësie. Realiteti i ashpër është se shkrimi ka qenë në mur që kur Prigozhin nisi sulmin e tij ndaj Moskës disa muaj më parë”, shpegon analisti.

“Është e qartë se ishte një gabim gjykimi… dhe duket se ditët e tij ishin shënuar që nga ajo kohë. Nuk është çudi që ka pasur një largim publik për të”, shtoi ai.

The post Skenar për të shpëtuar apo vepër e Kremlinit? Pse nuk është ende e qartë nëse Prigozhin ka vdekur appeared first on Albeu.com.