krem Archives - Albeu.com

Si të kujdeseni për duart tuaja gjatë ditëve të ftohta të dimrit?

E B — Mon, 13 Feb 2023 09:59:36 +0000

Në dimër, erë, dëborë, shi dhe të ftohtë të gjitha ndikojnë negativisht në lëkurë.

Por ndërsa pjesët e tjera të lëkurës sonë janë kryesisht të mbuluara, duart janë pothuajse gjithmonë të zbuluara. Andaj, gjatë dimrit, duhet të tregoheni veçanërisht të kujdesshëm nëse dëshironi të keni duar të bukura.

Këtu janë rregullat për kujdesin e duarve që duhet të ndiqni gjatë dimrit:

Krem dore dhe krem faktori SPF

Humbja e lagështirës së lëkurës është problemi më i madh pasi edhe larja e zakonshme e duarve e than lëkurën me 25%.

Dielli kontribuon në plakjen e lëkurës dhe shpesh është arsyeja që duart tuaja shpesh duken shumë më të vjetra nga sa jeni në të vërtetë.

Maskë dore

Mund të blini një maskë dore ose ta bëni në shtëpi, dhe është e rëndësishme ta përdorni të paktën një herë në javë.

Nëse e bëni atë në shtëpi, përdorni kremra të trashë bazuar në dyllin e mjaltës dhe nuk do të gaboni.

Dorëzat

Duart duhet t’i ekspozohen ajrit të ftohtë të dimrit sa më pak të jetë e mundur, kështu që dorezat janë të nevojshme për mbrojtje.

The post Si të kujdeseni për duart tuaja gjatë ditëve të ftohta të dimrit? appeared first on Albeu.com.

5 sekrete që do i bëjnë duart tuaja 10 vjet më të reja

E B — Thu, 05 Jan 2023 12:23:22 +0000

Gjendja e duarve tuaja zakonisht tregon edhe moshën tuaj, nëse lëkura ka humbur elasticitetin. Por nuk është aspak e vështirë të kujdeseni për to, që ti keni në gjendje të mirë. Sot ju sjellim disa këshilla dhe rregulla shumë funksionale për t’i mbajtur duart tuaja të pastra dhe të bukura. -Lani duart mirë -Vishini dorashka [...]

Kremi shumë funksional që përgatitet për 5 minuta në shtëpi, ja si ta bëni

E S — Mon, 11 Jul 2022 20:34:22 +0000

Nëse ndonjëherë keni frikë të përdorni kremrat antibakterialë nga kimikatet që ata mund të kenë në përbërjen e tyre, atëherë mund të bëni në kushte shtëpie një të tillë. Mund ta përdorni për arsye të ndryshme si skuqje të lëkurës, zbultjen e lëkurës së këmbëve apo edhe si një pomadë.

Receta:

• 4 lugë dyll nga bletët
• 1/2 filxhan vaj kokosi
• tas i vogël metalik
• tenxhere të vogël
• peshqir duarsh
• 15 pika çaji nga vaji i pemës së çajit
• 10 pika vaj livando
• trazues
• enë qelqi të tejdukshme

Për të përzjerë këta ingredientë do t’ju duhet një tenxhere me ujë do ta vendosni në një burim nxehtësie dhe enën tjetër brënda ujit të nxehtë. Ky është çelësi i këtij proçesi sepse në këtë mënyrë elementët do të përziehen duke u ngrohur pa humbur vetitë e tyre.

Si fillim shkrini dyllin e bletës sëbashku me vajin e kokosit në banjo marian duke u siguruar që të mos nxehen së tepërmi, për të ruajtur kështu vetitë antimikrobiale dhe antibakteriale.

Largojeni nga banjo mari dhe e vendosni mbi një sipërfaqe që e duron nxehtësinë.

Hidhni ngadalë çajin dhe livandon. Do të krijojë një aromë shumë të këndshme përveçse do të shtojë vetitë antiseptike dhe shëruese të këtyre dy elementëve.

Përziejini sërish dhe lëreni të ftohet para se ta kaloni këtë masë në një enë makeup-i të pastruar që nuk ju duhet më. Përdoreni për rastet e përmendura më sipër, por edhe për raste ënjtjesh apo nxirjesh dhe plagësh. Eshtë gati!/albeu.com

The post Kremi shumë funksional që përgatitet për 5 minuta në shtëpi, ja si ta bëni appeared first on Albeu.com.

Çfarë janë “gungat” e bardha në lëkurën e fytyrës tuaj dhe si të shpëtoni prej tyre

E B — Sat, 21 May 2022 16:20:18 +0000

40%-50% e foshnjave të porsalindura kanë gunga të vogla të bardha në fytyrat e tyre. Ndonjëherë këto puçrra na qëndrojnë deri në moshën madhore. Lajmi i mirë është se është krejtësisht normale të kesh puçrra të tilla.

Alebu.com më poshtë po ju jep një shpjegim të shpejtë dhe, me shpresë, do t’ju lehtësojë njëherë e përgjithmonë shqetësimet tuaja.

Çfarë janë këto “gunga”

Gungat kanë një emër zyrtar, milia (njolla qumështi). Ato janë të mbushura me keratin që bllokohet pikërisht nën lëkurën tuaj. Si rregull, gunga të bardha shfaqen në qepalla, faqe dhe ballë. Shumë besojnë se milia është një formë e akneve, megjithatë, është larg nga e vërteta, pasi aknet zakonisht shkaktohen nga hormonet.

Pse shfaqen?

Edhe pse askush nuk e di vërtet se çfarë e shkakton milia, ka ende disa shpjegime të mundshme. Lëkura juaj mund të jetë dëmtuar. Efektet e acarimit, ekspozimit në diell, djegieve ose produkteve të rënda të kujdesit të lëkurës mund të çojnë në milia. Një arsye tjetër e mundshme është grumbullimi i lëkurës së vdekur, e cila bllokohet në pore. Më në fund, përgjigjja më e thjeshtë për këtë janë gjenet tuaja. Ju thjesht mund të jeni të predispozuar gjenetikisht.

Çfarë duhet bërë me ta?

Ju nuk duhet të bëni asgjë në lidhje me gungat sepse ato janë plotësisht të padëmshme. Megjithatë, nëse jeni të shqetësuar për aspektin estetik, ka disa zgjidhje që mund t’ju ndihmojnë.

Lexoni më poshtë:

Hidratoni dhe mbroni lëkurën tuaj

Investimi në një krem të mirë kundër diellit dhe hidratues është një ide e mirë. Këto produkte do t’ju ndihmojnë të siguroheni që lëkura juaj të jetë e mbrojtur, e butë dhe fleksibël. Mos harroni të aplikoni krem kundër diellit edhe në dimër ose kur jeni ulur pranë dritareve.

Eksfolioni

Është thelbësore të mos e teproni. Përdorni pastrime të buta në mënyrë që të mos dëmtoni lëkurën tuaj dhe të mos shkaktoni edhe më shumë gunga. Hiqni qelizat e vdekura me kujdes në shtëpi ose bëni trajtime profesionale të fytyrës.

Provoni produkte me retinol

Besohet se retinoli është një përbërës që zhduk milia-n. Kremrat me retinol zbulojnë një shtresë të lëmuar të lëkurës dhe parandalojnë akumulimin. Mbani në mend se disa produkte që përmbajnë retinol mund të jenë të ashpra për lëkurën, kështu që zgjidhni ato më të buta.

Përdorni acid salicilik

Ky acid rekomandohet shpesh si një mënyrë për të luftuar aknet, dhe mund të funksionojë edhe për milia-n. Çështja është të holloni shtresat e lëkurës. Në këtë mënyrë, ju mund të jeni në gjendje të lironi kistin milia. Aplikoni acid salicilik menjëherë para gjumit./albeu.com

The post Çfarë janë “gungat” e bardha në lëkurën e fytyrës tuaj dhe si të shpëtoni prej tyre appeared first on Albeu.com.

Kollë, ftohje, bllokim hundësh? Përgatisni vetë këtë krem për masazhimin e kraharorit që zhbllokon rrugët e frymëmarrjes

A M — Fri, 18 Feb 2022 07:48:03 +0000

Kollë, ftohje, bllokim hundësh, inflamacion i bronkeve. Fëmijët sidomos janë shumë të ekspozuar ndaj këtyre bezdisjeve, sidomos gjatë sezonit të dimrit. Në farmaci ka shumë produkte për lyerje me të cilin u masazhohet kraharori fëmijëve, por nëse nuk keni besim tek përbërësit e tyre, ja si përgatitet vetë një i tillë:

Përbërësit:

2 lugë gjelle dyllë bletësh i grimcuar

3 lugë gjelle vaj ulliri

9 pika vaj esencial kanfora

5 pika vaj esencial eukalipti

Tenxhere me ujë për banjëmari

Tas qelqi

Kavanoz qelqi

Në banjëmari shkrini dyllin e bletëve në zjarr shumë të ulët. Shtoni nga pak vajin e ullirit. Më pas në një kavanoz qelqi në ngjyrë të errët, përziejini bashkë duke shtuar edhe vajin esencial të kanforës për të fluidifikuar bronket dhe atë të eukaliptit i cili stimulon aparatin respirator.

Ky krem përdoret duke marrë një lugë për ta masazhuar në gjoks për 5-10 minuta. Vajrat esenciale zhbllokojnë bronket dhe nga ana tjetër lejojnë fyrmëmarrjen e lehtë me një veprim balsamik për kollën dhe ftohjen.

The post Kollë, ftohje, bllokim hundësh? Përgatisni vetë këtë krem për masazhimin e kraharorit që zhbllokon rrugët e frymëmarrjes appeared first on Albeu.com.

Duart tregojnë moshën tuaj, maska me 3 përbërës të thjeshtë për të larguar njollat e plakjes

A M — Tue, 28 Dec 2021 10:16:12 +0000

Një trup i tonifikuar, lëkurë e pastruar e fytyrës, flokë gjithnjë me shkëlqim e bëjnë të vështirë përcaktimin e moshës së një personi, megjithatë ekziston një pjesë e trupit që, më shumë se çdo tjetër, tenton të zbulojë moshën tonë të vërtetë.

Dhe ato janë duart.

Në zonat e ekspozuara më shumë në diell dhe gjithashtu te duart pikat e moshës janë më të zakonshme dhe më poshtë do të gjeni një pastrim praktik për t’i larguar ato.

Ky pastrim me siguri mund të ndihmojë në heqjen efektive të shtresës së lartë të qelizave të vdekura të epidermës, e cila “mbart” ndryshimet pigmentale.

Përbërësit:

1 / 2 filxhan oriz kaf
1 lugë gjelle shurup panje
1 lugë gjelle lëng limoni

Udhëzime: Grini orizin kaf në pluhur dhe përzieni së bashku përbërësit e mësipërm. Aplikoni përzierjen në duart e thata; masazhon pjesën e pasme të secilit me një lëvizje rrethore hde ushtroni pak forcë për një ose dy minuta.
Pastrojeni dhe më pas aplikoni kremin tuaj duarve. Përdoreni këtë pastrim rregullisht (më shumë se 1 herë në javë).

The post Duart tregojnë moshën tuaj, maska me 3 përbërës të thjeshtë për të larguar njollat e plakjes appeared first on Albeu.com.

E vetmja gjë që nuk duhet të bësh asnjëherë kur përdor kremin e syve

A M — Sat, 10 Jul 2021 07:57:59 +0000

Kremi i syve është një hap i rëndësishëm për rutinën e bukurisë çdo ditë. Kjo, për shkak se lëkura nën sy është lëkura më e hollë e enët e gjakut aty janë më të dukshme. Kjo është edhe arsyeja pse kjo zonë delikate e fytyrës ka nevojë për trajtime specifike dhe krem të veçantë në vend të një hidratanti të thjeshtë. Por këtu ka diçka që nuk duhet ta bësh asnjëherë kur aplikon kremin e syve.

Përhapja e kremit në të gjithë zonën rreth e rrotull syve provokon rrudha. Ashtu siç nuk duhet ta aplikosh kremin në të gjithë fytyrën, po ashtu nuk duhet ta përdorësh edhe për sytë.

Këshilla që japin dermatologët është aplikimi i kremit me gishtin e unazës, në mënyrë që të prekësh vetëm pjesën poshtë syve dhe lëkurën delikate të tyre.

Fillo nga pjesa e brendshme dhe lëviz gishtin ngadalë në të gjithë zonën poshtë syrit.

Duke vepruar në këtë mënyrë, do të ndihmosh veten për ta ruajtur sa më të freskët dhe pa rrudha lëkurën rrotull syve.

The post E vetmja gjë që nuk duhet të bësh asnjëherë kur përdor kremin e syve appeared first on Albeu.com.

Magjia e vitaminës K, pse duhet ta përfshini në rutinën tuaj të bukurisë?

E B — Thu, 27 May 2021 18:09:19 +0000

Vitamina A, C dhe E janë ndër më të llojeve të zakonshme të vitaminave që përdoren për kujdesin e lëkurës. Sidoqoftë, ka edhe vitamina të tjera, jo aq të njohura, që përdorimi i tyre lokal ka përfitime të jashtëzakonshme për lëkurën tuaj, siç është vitamina K.

Vitamina K, pra, është një vitaminë e tretshme në yndyrë që gjendet në ushqim dhe sintetizohet në zorrën e trashë. Rregullon kalciumin dhe mpiksjen e gjakut, si dhe shëndetin e kockave. Megjithëse është ende e nevojshme të bëni disa hulumtime mbi përfitimet e saj nga lëkura, ka disa gjëra që vitamina K mund të bëjë për lëkurën tuaj, sipas koko.neës.

Përfitimet e Vitaminës K për lëkurën tuaj:

Nxit shërimin e plagëve.
Rrit tkurrjen e plagëve dhe ndihmon në formimin e kolagjenit dhe enëve të gjakut.
Ka veti të caktuara antioksiduese.
Ndihmon në zvogëlimin e rrathëve nën sy.

Shumica e produkteve të vitaminës K përdoren për të ndriçuar zonën nën sy, kjo është për shkak të efekteve të saj në procesin e mpiksjes së gjakut.

Sidoqoftë, shumë produkte që kanë treguar rezultate të mira janë kombinuar me vitamina C dhe E, retinol ose kafeinë.

A ka ndonjë efekt anësor?

Nëse nuk jeni alergjik ndaj vitaminës K, përdorimi i saj është i sigurt për të gjitha llojet e lëkurës. Pra, nëse doni ta provoni, mund ta bëni pa frikë.

Si ta përdorni atë?

Mund ta përdorni dy herë në ditë në formën e kremit poshtë syve. Për të përmirësuar rezultatet tuaja, kërkoni një formulë që përmban kafeinë, arnica ose retinol, ubstanca që do të rrisin depërtimin e vitaminës K në lëkurën tuaj./albeu.com

The post Magjia e vitaminës K, pse duhet ta përfshini në rutinën tuaj të bukurisë? appeared first on Albeu.com.