Një tragjedi e rëndë ka goditur një kantier ndërtimi në kryeqytet, ku rrëzimi i një vinçi ka marrë jetën e një personi dhe ka lënë një tjetër të plagosur.

Ngjarja e rëndë ka ndodhur ditën e sotme në rrugën “A” në Prishtinë, gjatë zhvillimit të punimeve. Makina e rëndë është rrëzuar papritmas, duke zënë poshtë punëtorët që ndodheshin pranë.

Zëdhënësi i Policisë së rajonit të Prishtinës, Enis Pllana, në një komunikim për “Bota sot” dha detajet e para zyrtare. Ai bëri me dije se dy persona pësuan dëmtime trupore dhe u transportuan me urgjencë në spital.

“Për sa i përket këtij incidenti, konfirmojmë se dy qytetarë janë lënduar dhe janë nisur menjëherë për ndihmë mjekësore. Fatkeqësisht, plagët e njërit prej tyre rezultuan vdekjeprurëse dhe mjekët në Qendrën Klinike Universitare të Kosovës konstatuan humbjen e jetës”, u shpreh Pllana.

Ai shtoi se forcat e policisë kanë mbërritur pa vonesë në vendin e aksidentit dhe kanë kryer të gjitha procedurat paraprake. Një hetim i plotë tashmë ka filluar, nën drejtimin e Prokurorit të Shtetit, për të sqaruar dinamikën dhe shkaqet e kësaj ngjarjeje tragjike.

The post Një i vdekur dhe një i plagosur pas shembjes së kranit në një kantier në Prishtinë appeared first on Albeu.com.

Sot, në rrugën “A” të Prishtinës, një vinç është shembur gjatë punimeve në një kantier, duke shkaktuar plagosjen e tre punëtorëve.

Menjëherë pas ngjarjes, ekipet e urgjencës kanë mbërritur në vendin e aksidentit për t’u dhënë ndihmën e parë të lënduarve.

Po ashtu, forcat e Policisë së Kosovës kanë dalë në terren dhe tashmë kanë filluar hetimet për të sqaruar rrethanat e kësaj ngjarjeje.

Deri tani, ende nuk janë bërë të ditura detaje mbi gjendjen shëndetësore të punëtorëve të plagosur, si dhe shkaqet që sollën shembjen e vinçit.

The post Prishtinë, shembet vinçi në një kantier ndërtimi; dyshohet për të plagosur appeared first on Albeu.com.