Ky vendim i KPA-së erdhi pas konkluzioneve përfundimtare të datës 12 janar 2006. Kjo pasi, drejtuesi i SPAK deklaroi se pas provave të reja të paraqitura nga prokurori Gjini, shkaqet e ankimit ishin shëruar.

Në kuadër të kësaj ai kërkoi lënien në fuqi të vendimit të KPK-së. Në lidhje me këtë, KPA arsyeton në vendim se tërheqja nga ankimi, bën që çështja nën shqyrtim të mos ketë më objekt.

“Trupi gjykues i Kolegjit të Posaçëm të Apelimit, i përbërë nga Natasha Mulaj kryesuese, Mimoza Tasi relatore, Albana Shtylla, Rezarta Schuetz, Sokol Çomo anëtarë, bazuar në nenin 4, pika 6 të ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, dhe në nenet 451, shkronja “b” e 463 të Kodit të Procedurës Civile, me shumicë votash, vendosi pushimin e shqyrtimit të çështjes që i përket subjektit të rivlerësimit Enklid Gjini”, thuhet në njoftimin e KPA-së.

The post SPAK tërhiqet nga ankimi, KPA konfirmon në detyrë prokurorin Enklid Gjini appeared first on Albeu.com.

Vendimi u mor në mënyrë unanime nga trupi gjykues i KPA-së i përbërë nga Natasha Mulaj kryesuese, Rezarta Schuetz relatore, Ina Rama, Mimoza Tasi, Sokol Çomo anëtarë.

KPA ndryshoi vendimin e datës 22 shkurt të vitit 2024 të KPK-së e cila konfirmonte në detyrë prokurorin Çopa. Ky vendim është përfundimtar dhe ka efekt të menjëhershëm.

Komisionerja Publike kërkoi në KPA shkarkimin e prokurorit Gëzim Çopa për deklarim të pamjaftueshëm të pasurisë dhe për cenimin e besimit të publikut te drejtësia.

The post KPA shkarkon nga detyra prokurorin e Durrësit, Gëzim Çopa appeared first on Albeu.com.

Mirela Zavalani, u konfirmua në detyrë më 15 qershor nga KPK, pas një seance dëgjimore ku u evidentuan më së shumti gjetjet për pasurinë e vjehrrit të saj.

Po ashtu, u trajtua edhe e ardhura e përfituar nga dhënia me qira kunatit, të një objekti në pronësi të bashkëshortit dhe babait të tij, deklaruar si një ndër burimet për një apartament në Tiranë.

Bashkëshorti i subjektit ka pasqyruar në deklaratën e vetingut pasurinë supermarket, tregtim pjesë këmbimi + servis auto + godinë banimi, me sipërfaqe totale 634 m2, me vendndodhje Patos, Fier, në bashkëpronësi me babanë e tij, me pjesë takuese 50% secili.

Si burim krijimi janë deklaruar të ardhurat nga puna e prindërve dhe nga shitja e një apartamenti të mëparshëm.

Komisioni konstatoi kontradikta mes dy deklaratave të prindërve të bashkëshortit lidhur me këtë pasuri, por konkludoi se kjo situatë nuk sillte ndonjë pasojë, pasi mbeteshin në një nivel deklarativ.

Ndërsa pamjaftueshmëria financiare e konstatuar për vitet 2004-2006 në shumën rreth 1.3 milionë u çmua si fakt i pamjaftueshëm për penalizim.

Vendimi i KPK u gjet i pabazuar nga Komisionerja Irena Nino, e cila kërkoi verifikimin e përfundimeve të arritura në shkallën e parë të vetingut, si dhe që të vendoset në mënyrë alternative, lënia në fuqi e konfirmimit, ose ndryshimi dhe shkarkimi i subjektit.

Shkarkimin nga detyra të Zavalanit, e ka kërkuar Prokuroria e Posaçme Antikorrupsion për mosdeklarim të mjaftueshëm të pasurisë si dhe cenim të integritetit.

The post KPA shkarkon nga detyra prokuroren e Tiranës Mirela Zavalani appeared first on Albeu.com.

Sipas kryesueses të trupit gjykues të KPA, Natasha Mulaj, është çmuar i drejtë pretendimi i Komisionerit Publik dhe drejtuesit të Prokurorisë së Posaçme, SPAK, se prokurori Llaho nuk rezulton i besueshëm në kriterin e pasurisë, pasi është në kushtet e deklarimit kontradiktor, të paskatë e të pamjafueshëm, duke i çuar institucionet e rivlerësimit në pamundësi për të verifikuar se cilat deklarime të subjektit pasqyrojnë të vërtetën faktike lidhur me burimin e pasurisë së tij.

Shkaqet lidhur me figurën u vlerësuan prej KPA-së se, nuk kanë lidhje të drejtpërdrejtë me këtë kriter, por lidhen me nevojën e kontrolit dhe veprimtarisë së subjektit në funksionin e prokurorit.

Sipas Kolegjit, ato përbëjnë indicie të rëndësishme, se integriteti i subjektit është cënuar.

Në verifikimin e çështjeve profesionale u konkludua se subjekti ka dështuar të ndërmarrë hetime logjike, të mbledhë gjithë provat dhe në mënyrë efektive.

Mulaj konstatoi se subjekti ka treguar mangësi në efikasitetin hetimor për ndërmarrjen e veprimeve hetimore logjike dhe ka tejzgjatur hetimet, ku në një rast deri në katër vjet.

Shkaqet lidhur me etikën për shkak të konstatimit të një situate të mundshme të konfliktit të interest, u vlerësua se ishin të parëndësishme për zgjidhjen e çështjes.

Kledian Llaho, u konfirmua më 22 dhjetor 2022 me shumicë votash, pasi KPK i konsideroi bindëse shpjegimet dhe provat e dorëzuara prej tij në kundërshtim të barrës së provës për balancën negative në kriterin e pasurisë, si dhe për konstatimet për figurën dhe profesionalizmin.

Vendimmarrja u ankimua nga Komisioneri Publik, Florian Ballhysa, i cili e cilësoi vlerësimin e shumicës të pabazuar në aktet e dosjes.

Ballhysa kërkoi që çështja t`i nënshtrohej shqyrtimit në Kolegj dhe në përfundim të vendosej shkarkimi i Llahos për cënimin e besimit të publikut te drejtësia.

Më 31 janar 2024, KLP i dha Llahos një “vërejtje publike”, ndërsa më 10 prill vendosi uljen e pagës së tij me 20% për tre muaj dhe shkarkimin nga detyra e kryetarit të prokurorisë.

Ndërkohë, prej 14 janarit Llaho është pezulluar nga detyra me vendim të Gjykatës së Posaçme, pasi dyshohet se ka kryer veprime me natyrë korruptive.

Vendimmarrja e Kolegjit për shkarkimin e Llahos nga detyra është përfundimtare dhe ka efekt të menjëhershëm./BIRN

The post KPA shkarkon nga detyra prokurorin Kledian Llaho appeared first on Albeu.com.

Gjatë procesit në KPK, Kasajt, i cili u hetua fillimisht vetëm për kriterin e pasurisë dhe më pas për dy kriteret e tjera, iu vunë në dukje disa transaksione të komplikuara dhe mungesë burimesh për të mbuluar pasurinë.

Komisioni, që i kishte kaluar prokurorit barrë prove për deklarim të rremë dhe mungesë burimesh financiare, pati analizuar se përfshirja e prokurorit në këto transaksione kishin sjellë “cënim të besimit të publikut te drejtësia”.

Emror Kasaj, e ka nisur karrierën në sistemin e drejtësisë në vitin 2000, si oficer i Policisë Gjyqësore.

Prej vitit 2015, ai ushtronte funksionin e prokurorit në Prokurorinë e Rrethit Gjirokastër.

Trupi gjykues i Kolegjit të Posaçëm të Apelimit, i përbërë nga Rezarta Schuetz kryesuese, Albana Shtylla relatore, Ina Rama, Natasha Mulaj, Sokol Çomo anëtarë, vendosi dje unanimisht lënien në fuqi të vendimit nr. 529, datë 09.05.2022 të KPK-së.

Vendimi:

Trupi gjykues i Kolegjit të Posaçëm të Apelimit, i përbërë nga Rezarta Schuetz kryesuese, Albana Shtylla relatore, Ina Rama, Natasha Mulaj, Sokol Çomo anëtarë, shpalli vendimin për çështjen nr. 31/2022, datë 13.07.2022, që i përket ankimit të subjektit të rivlerësimit Emror Kasaj kundër vendimit të Komisionit të Pavarur të Kualifikimit nr. 529, datë 09.05.2022.

Në përfundim të gjykimit në dhomë këshillimi, trupi gjykues, bazuar në nenin 66, pika 1, shkronja “a” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:

Lënien në fuqi të vendimit nr. 529, datë 09.05.2022 të Komisionit të Pavarur të Kualifikimit, që i përket subjektit të rivlerësimit Emror Kasaj.

Ky vendim është përfundimtar dhe ka efekt të menjëhershëm.

U shpall në Tiranë, më datë 23.04.2025.

The post Vettingu/ Prokurori i Gjirokastrës, Emror Kasaj del nga sistemi i drejtësisë appeared first on Albeu.com.

Komisioni i Posaçëm i Apelimit i përbërë nga Sokol Çomo kryesues, Ina Rama relatore, Albana Shtylla, Natasha Mulaj, Rezarta Schuetz anëtarë, ka lënë në fuqi vendimin e Komisionit të Pavarur të Kualifikimit marrë në 12 korrik 2021 për shkarkimin nga detyra të Albert Spiros.

Albert Spiro u shkarkua pasi kishte probleme me pasurinë.

‘Trupi gjykues i Kolegjit të Posaçëm të Apelimit, i përbërë nga Sokol Çomo kryesues, Ina Rama relatore, Albana Shtylla, Natasha Mulaj, Rezarta Schuetz anëtarë, shpalli vendimin për çështjen nr. 67/2021, datë 09.11.2021, që i përket ankimit të subjektit të rivlerësimit Albert Spiro kundër vendimit të Komisionit të Pavarur të Kualifikimit nr. 419, datë 12.07.2021.

Në përfundim të gjykimit në dhomë këshillimi, trupi gjykues, bazuar në nenin 66, pika 1, germa “a” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:

Lënien në fuqi të vendimit nr. 419, datë 12.07.2021 të Komisionit të Pavarur të Kualifikimit, që i përket subjektit të rivlerësimit Albert Spiro. Ky vendim është përfundimtar dhe ka efekt të menjëhershëm. U shpall në Tiranë, më datë 05.06.2024.’- njofton KPA.

Gjatë seancës dëgjimore të zhvilluar të mërkurën më 7 korrik 2021, Spiro u përball me barrë prove në kriterin e pasurisë, ndërsa iu kërkuan shpjegime edhe mbi çështje të lidhura me profesionalizmin.

Ai u pyet nga trupi gjykues mbi shitjen e një apartamenti dhe blerjen e dy të tjerëve, ndërsa Komisioni vuri në dukje mungesë burimesh që lidheshin me një hua; si dhe u evindentuan dy kontrata kontradiktore shitjeje dhe mosdeklarimi i pakësimeve në gjendjen cash në vite – gjetje të cilat u kundërshtuan nga subjekti.

Albert Spiro e ka filluar karrierën në sistemin e drejtësisë në vitin 2000 si gjyqtar në Gjykatën e Tepelenës. Prej vitit 2006, ai e ushtroi funksionin në Gjykatën e Rrethit Gjyqësor Vlorë.

The post Vettingu/ KPA shkarkon nga detyra gjyqtarin e Vlorës, Albert Spiro appeared first on Albeu.com.

Komisioni i Pavarur i Kualifikimit, KPK shpalli para 3 vitesh vendimin për shkarkimin nga detyra të gjyqtarit të Gjykatës së Apelit Administrativ, Bari Shyti.

Procesi i rivlerësimit për gjyqtarin Shyti u krye aso kohe nga trupi gjykues i kryesuar nga Genta Tafa (Bungo), me relatore Firdes Shulin dhe anëtare Suela Zhegun.

Gjyqtari Shyti u prit me protestë teksa po hynte në seancën dëgjimore të martën, më 23 mars 2021 kur disa qytetarë e akuzonin për korrupsion dhe kërkonin shkarkimin e tij.

Pas shpalljes së vendimit, ai i kërkoi trupit gjykues të merrte masa për garantimin e sigurisë së tij në ambientet e ish-Pallatit të Kongreseve ku zhvillohen seancat dëgjimore të Komisionit, duke kujtuar se herën e kaluar kishte patur një “incident”.

Kryesuesja Genta Tafa (Bungo) i shpjegoi se masat e sigurisë garantohen nga Garda e Republikës dhe se duhej ta parashtronte kërkesën pranë këtij autoriteti. Gjatë seancës dëgjimore u konstatua se Shyti rezultonte me bilanc negativ për pasurinë në vlerën totale 8.6 milionë lekë.

Gjithashtu, ndaj tij kishte raport negativ për figurën nga Drejtoria e Sigurimit të Informacionit të Klasifikuar, DSIK, si dhe u identifikuan disa gjetje për profesionalizmin.

Bari Shyti e ka nisur karrierën në sistemin e drejtësisë në vitin 1993 dhe ka punuar si gjyqtar në Gjykatat e Bulqizës dhe atë të Dibrës.

Në vitin 2013, ai u dekretua si gjyqtar në Gjykatën Administrative të Durrësit dhe prej vitit 2016 e ushtron funksionin në Gjykatën Apelit Administrativ.

The post KPA-ja lë në fuqi vendonim e KPK-ës: Gjyqtari Bari Shyti shkarkohet nga detyra appeared first on Albeu.com.

Më parë Ndreca ishte shkarkuar gjatë procesit të Vettingut prej Komisionit të Pavarur të Kualifikimit.

Shkarkimi i tij nga KPK u kyre më 18 janar të vitit 2021, por më pas Ndreca e apeloi këtë vendim në KPA. Ndreca ishte gjyqtari i dosjes së famshme 339, ku ka firmosur arrestimin e grupit të Avdylajve në Shijak.

Pas firmosjes së arrestimeve, Ndreca ishte marrë në mbrojtje të posaçme nga policia.

The post KPK e shkarkoi, KPA rikthen në detyrë gjyqtarin Bib Ndreca appeared first on Albeu.com.

Ky është rasti i parë që një subject i shkarkuar rikthehet në detyrë.

Vendimi vjen pasi Gjykata e Strasburgut udhëzoi që vendimi për Sevdarin të rivlerësohet.

Kërkesa e Sevdarit për rishikim në Kolegj erdhi pasi Gjykata Evropiane e të Drejtave të Njeriut, GJEDNJ gjeti shkelje të nenit 8 të Konventës në rastin e shkarkimit të saj nga Kolegji i Posaçëm i Apelimit.

Gjykata vuri në dukje se vendimi i shkarkimit ishte “disproporcional”.

The post KPA vendos rikthimin në detyrë të prokurores Antoneta Sevdari appeared first on Albeu.com.

Vendimi u mor pas shqyrtimit të vendimit nr. 730/2024, të Komisionit të Pavarur të Kualifikimit, në zbatim të Rekomandimit të ONM-së, konstaton se vendimi për konfirmimin në detyrë të subjektit të rivlerësimit, Valentin Preçi, është i cenueshëm në tërësinë e tij dhe përmban shkaqe të mjaftueshme ligjore për t’u paraqitur për shqyrtim, nëpërmjet ankimit, juridiksionit kontrollues dhe rivlerësues të Kolegjit.

Komisioneri Publik, në zbatim të Rekomandimit të ONM-së, bazuar në aktet e administruara në dosje të Komisionit, si dhe bazuar në legjislacionin e zbatueshëm dhe jurisprudencën e Kolegjit, vlerëson se subjekti i rivlerësimit: ka kryer deklarim të pasaktë dhe të pamjaftueshëm të pasurisë; dhe ka mungesë të burimeve financiare të ligjshme për të justifikuar plotësisht krijimin e pasurive të luajtshme dhe të paluajtshme, si dhe kryerjen e shpenzimeve ndër vite’ thuhet ne ankimimin e Komisionerit Publik.

The post Komisioneri Publik ankimon në KPA: Të shkarkohet prokurori i Tiranës Valentin Preçi appeared first on Albeu.com.