E kemi fjalën pikërisht për këngëtarin Kozma Dushin, i cili në të përditshmen e tij, zgjedh transportin publik.

Paparaci ka mundur të shkrepë disa foto, ku shihet artisti, i cili tërësisht i çliruar nga komplekset, ka zgjedhur të udhëtojë si çdo njeri i thjeshtë.

Një pamje kjo, që duhet thënë nuk ndodh shpesh ta hasim në radhën e artistëve, që kryesisht kanë automjetet e tyre.

Por, Kozmai ka folur për pasurinë që artistët e kalibrit të atij kanë, duke u shprehur se nuk ka qenë kurrë i pasur dhe madje për të është e pamundur realizimi i një klipi.

“Është shumë e vështirë për një këngëtar si unë apo Liljana të realizojnë një videoklip sot. Biznesmenë apo njerëz të tjerë, nuk japin para. Ndërkohë që për ndonjë nga ata që quhen këngëtarë sot paguajnë deri në 20.000 euro për një natë. Sot është shumë e vështirë për ne të gjesh 5.000 euro për një videoklip. Ka biznesmenë të mirë, por është shumë e vështirë të takohesh me ta. Kur i thua një biznesmeni që kushton 3.000 euro një videoklip, thotë merri 50.000 lekë të vjetra”, është shprehur i revoltuar me këtë realitet Dushi.

E duket se realiteti i tij është ky, ku punët e përditshme zgjedhë ti mbarojë me autobus.

The post Këngëtari i njohur shqiptar pa komplekse, shfaqet duke udhëtuar me autobus (FOTO) appeared first on Albeu.com.

Dëshira për të kënduar Kozmait i lindi që në moshë të vogël. Ai, duke ecur me shokët në rrugët e kalldrëmta të Mangalemit, shpesh ia merrte këngës. Kjo dëshirë i lindte edhe në gjumë. Këtë e kishte vënë re e ëma, Andromaqi, e cila ngrihej dhe e mbulonte, kur e shihte të zbulohej. Në fillim u shqetësua, por më vonë e kuptoi se i biri ishte shumë i dhënë pas këngës.

Më 1964, kur ishte 10 vjeç, mësuesi i muzikës zbuloi te Kozmai talentin e tij. I krijoi mundësi që të aktivizohej me fëmijët në Shtëpinë e Pionierit. Ky ishte hapi i parë i tij drejt këngës.

Kozmai këtu u lidh akoma më shumë me këngën. Këndoi me raste festash dhe në festivalet e fëmijëve. Për herë të parë në skenë del me këngën e Luan Sadushit, “Çekiçi dhe dalta”. Përfundoi shkollën e mesme “Kristo Isak”. Më pas, nga vitet 1970-1973, u aktivizua në estradën e Beratit. Pas këtyre viteve, shkoi ushtar. Gjatë kohës së shërbimit ushtarak, u aktivizua me grupet artistike si këngëtar.

Më 1980 konkurroi për kanto dhe u pranua në Akademinë e Arteve të Bukura, në Tiranë.

Pas mbarimit të studimeve në Akademinë e Arteve të Bukura, më 1985, emërohet në Estradën e Shtetit. Këtu për të filloi një jetë e re artistike. Tani i duhej të bënte më shumë punë, pasi ndodhej midis këngëtarëve shumë të njohur dhe me shumë përvojë, si: Luan Zhegu, Ema Qazimi, Liliana Kondakçi, Irma Libohova, etj. Ai gjeti midis tyre ngrohtësi dhe fitoi dashurinë e tyre. Ndërkohë, ai kishte bërë emër si këngëtar që nga festivali i 14-të.Kozmai është pjesëmarrës i më shumë se 30 Festivaleve të Këngës në RTSH. Sukseset e arritura në këto festivale ia njeh për meritë dirigjentit të madh, Artistit të Merituar, Ferdinand Deda, si dhe kompozitorëve Alfons Balliçi, Agim Prodani, Flamur Shehu, Kujtim Laro, Luan Zhegu, Aleksandër Peçi dhe autorëve të teksteve të bukura, hartuar nga Jorgo Papingji, Alfred Duka, etj.

Në Estradën e Shtetit punoi më se 20 vjet. Ai nuk harron dirigjentin Alqi Kareco. Gjithmonë ndjente dhe ndjen kënaqësi kur këndon përpara publikut. Për veprimtarinë e gjatë artistike gjithë artdashësit anembanë vendit dhe në veçanti ata beratas, e kanë vlerësuar dhe e vlerësojnë me shumë mirënjohje.

The post Kozma Dushi feston ditëlindjen, sa vjeç mbush sot këngëtari i mirënjohur (FOTO LAJM) appeared first on Albeu.com.

Këtë herë në kurthin e “Piranjave” ka rënë këngëtari legjendar Kozma Dushi, i cili përveç zërit melodioz mbart mbi vete dhe mallkimin e famshëm, atë të vendit të dytë në festivale.

Këtë herë agjentët e “Piranjave” shpikën një histori aspak të zakontë, pasi një burë në moshë i cili ndodhet në çastet e fundit të jetës shpreh dëshirën të takojë Kozma Dushin, i njohur ndryshe si Komi.

Pasi djali i të sëmurit e telefonin dhe i sqaron situatën, Komi, nuk heziton aspak të takojë fansin e tij në “shtratin e vdekjes”.

Sapo takohen pacienti i lë amanetin e tij të fundit Komit, duke i kërkuar që ditën që do të vdesë këngëtari i njohur t’i këndojë këngën “Eja o shoku ynë”, dhe sapo lë amanetin “ndërron” jetë.

Këngëtari Kozma Dushi aq i dashur për publikun shfaq dhe anën e tij njerëzore por dhe besnikërinë ndaj fansit, duke shkuar në banesë dhe të këndojë këngën mbi arkmort, duke bërë mrekullinë dhe rikthen në jetë të vdekurin. /Abcnews.al/

Shihni videon dhe qeshni me lot:

The post KAMERA E FSHEHTË/ “Eja o shoku ynë…”, Nuk do të ndaloni së qeshuri, Kozma Dushi ngre të “vdekurin” nga arkivoli appeared first on Albeu.com.

“Unë përherë të marë kam parë pjesë në dhjetor të vitit 1976 në festivalin e 15-të dhe mbas një viti erdhi miku që kam në krahë, një artist shumë i mirë me një zë shumë të bukur, erdhi në festivalin e 16-të. Ne nuk njiheshim, sepse këndonim vetëm në qytetet tona ku ishim dhe aty në festival në dhjetor të 1977 jam njohur me Pëllumb Elmazin. Ne rrinim sëbashku në një dhomë hoteli, aty u njohëm dhe aty filloi edhe rruga e këngës në festivalin e këngës dhe morën pjesë në festivalin e përvitshëm të këngës. Aty vinim çdo ditë në mëngjes, në drekë, në darkë, bënim rrugën bashkë nga hotel Arbëria drejt radios dhe na u puqën mendimet, dhe miqësia jonë nuk është shkëputur asnjëherë. Pëllumbi ka ikur në Amerikë po me telefona flasim shpesh. Pëllumbi gjithmonë kur vinte , do ndante kohë edhe për mua, do vinte të më takonte. Në ato vite bëhej art, kishte rregull , muzika, disiplinë, provat ishin shumë të ngjeshura” u shpreh Kozma Dushi.

Këngëtari Pëllumb Elmazi kujton me nostalgji kohën e festivaleve ku bashkë me këngëtarë të tjerë krijonin muzikë të mirë e shumë ndryshë nga ajo që i serviret publikut sot.

“Kozmai e përmendi kjo miqësi ka filluar shumë herët, thuaj 45-50 vjet përpara dhe jo vetëm kaq, ka vazhduar deri më sot dhe do vazhdoj se ne tani akoma më shumë e kërkojmë këtë miqësi, sidomos në këtë moshë, sidomos nga malli i atyre viteve. Emocionet janë të jashtëzakonshme sepse po të kujtosh tani ngjitjen dhe zbritjen e atyre shkallëve dy tre herë në ditë me atë shoqëri të mrekullueshme me këngëtarë të mrekullueshëm si Tonin Tërshana, Liljana Kondakçi, Ema qazimi është një mrekulli që sot përsëri i shikojmë këta këngëtarë që vazhdojnë të jenë në skenë dhe ne e ruajmë miqësinë. Dëshira e këngëtarëve në atë kohë ishte që të ishin më të lirshëm seç lejohej sepse atëherë kishte disa rregulla që duhet ti zbatohej. Atëherë kishte disa rregulla nga ana paraqitjes. Sigurisht edhe këngët zgjidheshin nga një komision” tregon me nota nostalgjie ai.

The post 46 vite miqësi, dy këngëtarët e mirënjohur shqiptarë rrëfehen me nostalgji appeared first on Albeu.com.

Në ceremoninë e tij mortore ishin të ftuar mjaft figura të artit dhë të kulturës, ku spikatën komentet e Luan Zhegut dhe Kozma Dushit për të.

Ata folën për relatat miqësore që kishin me të, por gjithashtu edhe për artin e tij, i cili sipas tyre do të qëndrojë në piedestal, pasi ishte si dritë mes errësirës së komunizmit.

Dy nga këngëtarët e mirënjohur, Kozman Dushi dhe Luan Zhegu, treguan për kamerën e “News 24”, historitë që kanë pasur me Merdanin dhe shijet e tij në këngë.

Luan Zhegu, tha se këngëtari do të jetë një yll i pa shuar për muzikën shqiptare. Si dhe rrëfeu momentet e para të takimit me të pas daljes nga burgu.

“Përshtypjet për Sherif Merdanin kanë qenë me emocion. Sapo doli nga burgu takimin e parë e kemi pasur bashkë. Unë nuk e njoha, sepse ishte me një kapele. Por duke e parë te sytë dhe zëri i thashë Sherifi? Po më tha. U përqafuam dhe lotuam të dy. Emocioni tjetër ka qenë kur unë i kompozova këngën, “Se kënduan Let it Be” kënga pati jehonë të madhe.

Sherifi kur këndonte lotonte. Ajo ishte tamam jeta e Sherifit. Nuk e di, nuk e besoj akoma që Sherifi nuk është këtu. Ai ka ndërruar banesë. Ai ka shkuar në vend tjetër, e prapë do të ndriçojë dhe do të jetë dritën e tij, një yll i pashuar në muzikën shqiptare, i tillë do të mbetet. Gjej rastin të ngushëlloj gruan, djalin, të afërmit dhe farefisin e tij”, tha Luan Zhegu.

Këngëtari tjetër, Kozma Dushi ka treguar shijet muzikore të Sherif Merdanit. Sipas tij, Sherifi nuk dëshironte të këndonte me regjistrim dhe gjithmonë preferonte të këndonte live, ndërsa shtoi se ishte i shqetësuar për ecurinë që ka marrë muzika shqiptare.

“Sherifi bëri për vete rininë me këngët e tij të bukura. Takoheshim shpesh, se ishim në një lagje. Dy muajt e fundit s’e kam parë. Ai ishte intelektual, artist. Kishte zë të ëmbël, brilant dhe ishte i dashur me shokët. I lutem Zotit të prehet në paqe. Do ta kem në zemër për gjithë jetën. Unë me Sherifin kam biseduar shpesh. Festivali i 11, por dhe të gjitha kur ka marrë pjesë ai ishin këngë perla. Sherifi në vitet që erdhi demokracia filluan festivale që këndohej play back.

Ai nuk i dëshironte këto, e gjithmonë bënte kritika për këngët. Sherifi i donte këngët me ritëm, me poezi. Ajo kohë ka bërë një super gabim të madh. Ai vetëm këndonte, shpirtin kishte. Edhe në Librazhd ku e takova unë, i dha atmosferë atij qyteti. Të gjithë e donin. Ajo që ka ndodhur me Sherif Merdanin s’duhet të ndodhte kurrë. Ai nuk e meritonte. Brezi i tij këndon akoma. Mesazhi i tij është që këngët janë të bukura, artistët janë të lirë, muzika të bëhej live, muzika të mos bëhej rrëmujë. Ai nuk i donte tallavatë e këto të tjerat. Sherif Merdani solli një mënyrë të re të të kënduarit”, tha Kozma Dushi.

Ata folën për relatat miqësore që kishin me të, por gjithashtu edhe për artin e tij, i cili sipas tyre do të qëndrojë në piedestal, pasi ishte si dritë mes errësirës së komunizmit.

Luan Zhegu, tha se këngëtari do të jetë një yll i pa shuar për muzikën shqiptare. Si dhe rrëfeu momentet e para të takimit me të pas daljes nga burgu.

“Përshtypjet për Sherif Merdanin kanë qenë me emocion. Sapo doli nga burgu takimin e parë e kemi pasur bashkë. Unë nuk e njoha, sepse ishte me një kapele. Por duke e parë te sytë dhe zëri i thashë Sherifi? Po më tha. U përqafuam dhe lotuam të dy. Emocioni tjetër ka qenë kur unë i kompozova këngën, “Se kënduan Let it Be” kënga pati jehonë të madhe.

Sherifi kur këndonte lotonte. Ajo ishte tamam jeta e Sherifit. Nuk e di, nuk e besoj akoma që Sherifi nuk është këtu. Ai ka ndërruar banesë. Ai ka shkuar në vend tjetër, e prapë do të ndriçojë dhe do të jetë dritën e tij, një yll i pashuar në muzikën shqiptare, i tillë do të mbetet. Gjej rastin të ngushëlloj gruan, djalin, të afërmit dhe farefisin e tij”, tha Luan Zhegu.

Këngëtari tjetër, Kozma Dushi ka treguar shijet muzikore të Sherif Merdanit. Sipas tij, Sherifi nuk dëshironte të këndonte me regjistrim dhe gjithmonë preferonte të këndonte live, ndërsa shtoi se ishte i shqetësuar për ecurinë që ka marrë muzika shqiptare.

“Sherifi bëri për vete rininë me këngët e tij të bukura. Takoheshim shpesh, se ishim në një lagje. Dy muajt e fundit s’e kam parë. Ai ishte intelektual, artist. Kishte zë të ëmbël, brilant dhe ishte i dashur me shokët. I lutem Zotit të prehet në paqe. Do ta kem në zemër për gjithë jetën. Unë me Sherifin kam biseduar shpesh. Festivali i 11, por dhe të gjitha kur ka marrë pjesë ai ishin këngë perla. Sherifi në vitet që erdhi demokracia filluan festivale që këndohej play back.

Ai nuk i dëshironte këto, e gjithmonë bënte kritika për këngët. Sherifi i donte këngët me ritëm, me poezi. Ajo kohë ka bërë një super gabim të madh. Ai vetëm këndonte, shpirtin kishte. Edhe në Librazhd ku e takova unë, i dha atmosferë atij qyteti. Të gjithë e donin. Ajo që ka ndodhur me Sherif Merdanin s’duhet të ndodhte kurrë. Ai nuk e meritonte. Brezi i tij këndon akoma. Mesazhi i tij është që këngët janë të bukura, artistët janë të lirë, muzika të bëhej live, muzika të mos bëhej rrëmujë. Ai nuk i donte tallavatë e këto të tjerat. Sherif Merdani solli një mënyrë të re të të kënduarit”, tha Kozma Dushi./albeu.com

The post Ceremonia mortore e Sherif Merdanit, Kozma Dushi: Do ta kem në zemër për gjithë jetën! (FOTO LAJM) appeared first on Albeu.com.

Në një intervistë për News24 nga koncerti ku u interpretuan këngë të para ‘90-ës e pas ‘90-ës duke reflektuar edhe raportin tonë të vështirë me të shkuarën, Dushi flet për kohë të arta, edhe pse shumë kolegë të tijët u arrestuan e internuan.

“Nuk ishin kohë të veshtira. Ishin kohë të arta. Artistët mbaheshin në pëllëmbë të dorës, ju hapeshin dyert,”- thotë Dushi.

Kur gazetarja Fatmira Nikolli e vë përballë faktit që ju mbylleshin dyert e burgut Dushi shton: Nëse ti bëje gabime, çdo shtet ka ligje. Mos bëj gabime. Pse të bësh gabime?

Pse nuk u futa unë ne burg? Pse nuk u fut Tonin Tershana? Pse nuk u fut Vaçe Zela, Luan Zhegu? Më vjen keq. Nuk gjykohet kështu.

The post Habit me deklaratën Kozma Dushi: Diktatura? Kohë të arta, në burg futeshin ata që bënin gabime! appeared first on Albeu.com.